អេភេសូរ ៦:១០

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

អេភេសូរ ៦:១០–២៤

« ចូរពាក់គ្រប់គ្រឿងសឹករបស់ព្រះ »

រូបភាព

យុវជនម្នាក់ស្លៀកពាក់ប្រដាប់អាវុធសម័យព្រះគម្ពីរសញ្ញាថ្មីដោយមានដាវ និងខែល ។

យើងស្ថិតនៅក្នុងសង្រ្គាមដើម្បីព្រលឹងមនុស្សជាតិ ។ ព្រះវរបិតាសួគ៌បានបំផុសគំនិតប៉ុលឲ្យបង្រៀនអំពីរបៀបដែលយើងអាចរួចផុតពីការវាយប្រហាររបស់សាតាំង ។ គោលបំណងនៃមេរៀននេះគឺដើម្បីជួយអ្នកឲ្យយល់ពីអ្វីដែលព្រះបានប្រទានឲ្យ ដើម្បីការពារអ្នកពីអំពើអាក្រក់នៃពិភពលោកនេះ វាយតម្លៃការរៀបចំខាងវិញ្ញាណបច្ចុប្បន្នរបស់អ្នក និងរៀបចំផែនការដើម្បីកែលម្អការការពារខាងវិញ្ញាណរបស់អ្នក ។

សាតាំងមានយុទ្ធសាស្រ្តបង្ខិតបង្ខំ

តើអ្នកគិតថាអ្វីជាភាពខុសគ្នាខ្លាំងបំផុតរវាងអ្វីដែលអ្នកកំពុងជួបប្រទះក្នុងវ័យជំទង់ និងអ្វីដែលឪពុកម្តាយរបស់អ្នកបានជួបកាលពួកគាត់មានអាយុស្របាលនឹងអ្នក ?

សូមអានសេចក្តីថ្លែងការណ៍ខាងក្រោមដោយ អែលឌើរ រ៉ូបឺត ឌី ហែល ( ឆ្នាំ ១៩៣២–២០១៧ ) ក្នុងកូរ៉ុមនៃពួកសាវកដប់ពីរនាក់ ហើយស្វែងរកភាពខុសគ្នាមួយដែលលោកបានលើកឡើង ៖

រូបភាព
រូបថតផ្លូវការពាក់កណ្តាលខ្លួនរបស់ អែលឌើរ រ៉ូបឺត ឌី ហែល ក្នុងកូរ៉ុមនៃពួកសាវកដប់ពីរនាក់ ឆ្នាំ ២០០៣

ឪពុក និងជីតារបស់អ្នកមិនដែលជួបការល្បួងដូចអ្នកជួបនាសព្វថ្ងៃនេះទេ ។ អ្នកកំពុងរស់នៅក្នុងសម័យចុងក្រោយ ។ ប្រសិនបើឪពុកអ្នកចង់មានបញ្ហា គាត់ត្រូវទៅរកវា ។ សព្វថ្ងៃនេះមិនដូច្នេះទេ ! សព្វថ្ងៃនេះការល្បួងស្វែងរកអ្នកវិញ ! សូមចាំថា ! សាតាំងចង់បានអ្នក ហើយ « អំពើបាបដេកនៅមាត់ទ្វារ » [ ម៉ូសេ ៥:២៣ ] ។ តើអ្នកអាចតទល់នឹងយុទ្ធសាស្រ្តឈ្លានពាននេះបានដោយរបៀបណា ?

( រ៉ូបឺត ឌី ហែល « Stand Strong in Holy Places » Liahona ខែ ឧសភា ឆ្នាំ ២០១៣ ទំព័រ ៤៨–៤៩ )

តើមានវិធីណាខ្លះដែលការល្បួងស្វែងរកយើងសព្វថ្ងៃនេះ ជាជាងដែលយើងត្រូវទៅស្វែងរកវា ?

សូមសញ្ជឹងគិតពីសំណួរខាងក្រោមនេះ ឬសរសេរចម្លើយរបស់អ្នកនៅក្នុងសៀវភៅកំណត់ហេតុការសិក្សារបស់អ្នក ៖

តើមានវិធីណាខ្លះដែលសាតាំងកំពុងព្យាយាមល្បួងអ្នកផ្ទាល់ ?
តើអ្នកកំពុងធ្វើអ្វីខ្លះដើម្បីស្វែងរកជំនួយពីព្រះអម្ចាស់ ដើម្បីទប់ទល់នឹងការល្បួងរបស់សាតាំង ? តើអ្វីខ្លះដែលអ្នកធ្វើបានល្អ ? តើអ្នកគួរធ្វើអ្វីដើម្បីកែលម្អ ?

នៅពេលអ្នកសិក្សាមេរៀននេះ សូមស្វែងរកការណែនាំពីព្រះវិញ្ញាណបរិសុទ្ធ ដើម្បីជួយអ្នកឲ្យដឹងពីរបៀបដែលអ្នកអាចស្វែងរក ហើយកាន់តែទទួលបានការការពាររបស់ព្រះអង្គសង្គ្រោះយ៉ាងពេញលេញក្នុងជីវិតអ្នកពីការវាយប្រហាររបស់សាតាំង ។

ការការពាររបស់ព្រះអម្ចាស់

សូមអាន អេភេសូរ ៦:១០–១៣ ដោយរកមើលនូវអ្វីដែលប៉ុលបាននិយាយថា ពួកបរិសុទ្ធនៅក្នុងជំនាន់របស់លោកកំពុងច្បាំងទាស់នឹង ។

តើអ្នកឃើញភាពស្រដៀងគ្នាអ្វីខ្លះរវាងអ្វីដែលពួកបរិសុទ្ធនៅក្រុងអេភេសូរកំពុងតទល់ក្នុងសម័យកាលរបស់ពួកគេ និងអ្វីដែលយើងតទល់ក្នុងពេលបច្ចុប្បន្ននេះ ?
ហេតុអ្វីព្រះវរបិតាសួគ៌ និងព្រះយេស៊ូវគ្រីស្ទសព្វព្រះទ័យឲ្យយើងត្រូវបានការពារពីអំពើអាក្រក់ ? តើបំណងប្រាថ្នានេះបង្រៀនយើងអ្វីខ្លះអំពីទ្រង់ទាំងទ្វេ ?
តើប៉ុលបានអញ្ជើញពួកអេភេសូរឲ្យធ្វើអ្វីដើម្បីអាចទប់ទល់នឹងអំពើអាក្រក់ទាំងនេះ ?

ចេញពី អេភេសូរ ៦:១០–១៣ យើងរៀនថា ប្រសិនបើយើងពាក់គ្រប់គ្រឿងសឹករបស់ព្រះ នោះយើងនឹងអាចទប់ទល់នឹងអំពើអាក្រក់បាន ។

គ្រឿងសឹករបស់ព្រះ គឺជាពាក្យប្រៀបធៀប ឬនិមិត្តសញ្ញានៃការការពារដែលព្រះវរបិតាសួគ៌ និងព្រះយេស៊ូវគ្រីស្ទប្រទានដល់យើង ។ នៅក្នុងសមរភូមិដែលយើងប្រឈមមុខ គ្រឿងសឹករបស់ព្រះត្រូវបានរចនាឡើងជាពិសេសសម្រាប់អ្នក និងសម្រាប់គ្រោះថ្នាក់នៅក្នុងជីវិតរបស់អ្នក ។ ដើម្បីជួយអ្នកឲ្យយល់ពីការការពារដ៏ទេវភាពនេះ អ្នកប្រហែលជាចង់ចម្លងរូបភាពខាងក្រោមដាក់នៅក្នុងសៀវភៅកំណត់ហេតុសិក្សារបស់អ្នក ឬបោះពុម្ពវាចេញមក ។ សូមកត់ត្រានៅលើដ្យាក្រាមនេះនូវការឆ្លើយតបរបស់អ្នកចំពោះសកម្មភាពខាងក្រោម ៖

រូបភាព

សំលៀកបំពាក់គ្រឿងសឹក និងខែលរបស់ទាហានបុរាណម្នាក់ដែលតំណាងឲ្យអាវុធនៃព្រះ ។ សូមឲ្យសិស្សក្នុងថ្នាក់ផ្ទៀងតាម ហើយរកមើលធាតុផ្សេងៗគ្នានៃសុបិននោះ ។ ដោយផ្អែកលើ គោលលទ្ធិ និងសេចក្ដីសញ្ញា ២៧:១៥-១៨ ។ « ១៥ ហេតុដូច្នោះហើយ ចូរលើកចិត្តឡើង ហើយអរសប្បាយ ហើយចូរក្រវាត់ចង្កេះ ហើយយកគ្រប់គ្រឿងសឹករបស់យើងមកពាក់ចុះ ដើម្បីឲ្យអ្នករាល់គ្នាអាចនឹងទប់ទល់ក្នុងថ្ងៃអាក្រក់បាន ដោយបានតតាំងសព្វគ្រប់ ដើម្បីឲ្យអ្នករាល់គ្នាអាចនឹងឈរមាំមួនបាន ។ ១៦ ដូច្នេះ ចូរឲ្យឈរមាំមួនចុះ ដោយក្រវាត់សេចក្ដីពិតនៅចង្កេះ ដោយពាក់សេចក្ដីសុចរិតទុកជាប្រដាប់បាំងដើមទ្រូង ហើយពាក់សេចក្ដីប្រុងប្រៀបរបស់ដំណឹងល្អនៃសេចក្ដីសុខសាន្តទុកជាស្បែកជើង ដែលយើងបានចាត់ពួកទេវតារបស់យើងឲ្យមកប្រគល់ដល់អ្នក ១៧ ដោយយកសេចក្ដីជំនឿទុកជាខែល ដែលអ្នករាល់គ្នានឹងអាចរំលត់អស់ទាំងព្រួញឆេះរបស់ពួកទុច្ចរិត ដោយសារខែលនោះបាន ១៨ ហើយចូរយកសេចក្ដីសង្គ្រោះទុកជាមួកសឹក និងដាវរបស់ព្រះវិញ្ញាណរបស់យើង ដែលយើងនឹងចាក់មកលើអ្នក និងព្រះបន្ទូលរបស់យើង ដែលយើងបើកសម្ដែងដល់អ្នក ហើយចូរមានចិត្តព្រមព្រៀងចំពោះអ្វីៗគ្រប់យ៉ាង ដែលអ្នករាល់គ្នាសូមពីយើង ហើយចូរមានចិត្តស្មោះត្រង់ រហូតដល់យើងត្រឡប់មកវិញចុះ នោះអ្នករាល់គ្នានឹងបានលើកឡើង ប្រយោជន៍ឲ្យអ្នករាល់គ្នាបាននៅកន្លែងដែលយើងនៅនោះដែរ ។ អាម៉ែន » ។

សូមអាន ChurchofJesusChrist.orgអេភេសូរ ៦:១៤–១៨ ដើម្បីស្វែងយល់ពីផ្នែកនីមួយៗនៃគ្រឿងសឹករបស់ព្រះ ឬមើល « The Armor of God » ( ២:០១ ) ដែលមាននៅលើគេហទំព័រ ។ សូមសរសេរពីអ្វីដែលគ្រឿងសឹកនីមួយៗតំណាងឲ្យនៅលើដ្យាក្រាមរបស់អ្នក ។ វាប្រហែលជាមានប្រយោជន៍ក្នុងការដឹងថា « ស្បែកជើង » ( អេភេសូរ ៦:១៥ ) សំដៅលើការពាក់ប្រដាប់ការពារជើង ។

ពង្រីកការយល់ដឹងរបស់អ្នកអំពីផ្នែកនៃគ្រឿងសឹករបស់ព្រះដោយធ្វើសកម្មភាពដូចខាងក្រោម ។

១. សូមឆ្លើយសំណួរខាងក្រោមពីគ្រឿងសឹករបស់ព្រះគ្រីស្ទយ៉ាងហោចណាស់មួយផ្នែក ។ ប្រសិនបើអ្នកត្រូវការជំនួយ នោះឧទាហរណ៍មួយត្រូវបានផ្ដល់ជូនខាងក្រោមសម្រាប់ « ក្រវាត់សេចក្តីពិតនៅចង្កេះ » ( អេភេសូរ ៦:១៤ ) ។ សូមជ្រើសយកផ្នែកមួយនៃគ្រឿងសឹកផ្សេងទៀតសម្រាប់សកម្មភាពនេះ ។

តើប៉ុលមានគោលគំនិតខាងវិញ្ញាណអ្វីពាក់ព័ន្ធនឹងផ្នែកនៃគ្រឿងសឹកនេះ ?
តើសេរីរាងណាមួយនៃរូបកាយដែលអាចបានការពារដោយគ្រឿងសឹក តំណាងឲ្យខាងវិញ្ញាណ ?
តើយើងពាក់គ្រឿងសឹករបស់ព្រះអម្ចាស់ដោយរបៀបណា ដើម្បីទទួលបានការការពាររបស់ទ្រង់ប្រឆាំងនឹងអំពើអាក្រក់ ?

សម្រាប់ « ក្រវាត់សេចក្តីពិតនៅចង្កេះ » ( អេភេសូរ ៦:១៤ ) ខាងក្រោមនេះអាចជាចម្លើយចំពោះសំណួរខាងលើ ៖ ( ១ ) សេចក្ដីពិត ( ២ ) វាតំណាងឲ្យព្រហ្មចារីភាព ឬភាពបរិសុទ្ធខាងសីលធម៌របស់យើង និង ( ៣ ) យើងអាចរៀនសេចក្ដីពិតអំពីព្រះវរបិតាសួគ៌ និងផែនការនៃសេចក្ដីសង្គ្រោះរបស់ទ្រង់ ដែលអាចជំរុញយើងឲ្យរក្សាភាពបរិសុទ្ធខាងសីលធម៌ ។

ការពាក់គ្រប់គ្រឿងសឹករបស់ព្រះអង្គសង្គ្រោះ

ប៉ុល និងព្រះអង្គសង្គ្រោះបានសង្កត់ធ្ងន់លើការពាក់គ្រប់គ្រឿងសឹករបស់ព្រះ ( សូមមើល អេភេសូរ ៦:១១, ១៣; គោលលទ្ធិ និងសេចក្តីសញ្ញា ២៧:១៥ ) ។

២. សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖

តើគ្រោះថ្នាក់អ្វីខ្លះដែលអ្នកមើលឃើញដោយការពាក់គ្រឿងសឹករបស់ព្រះអម្ចាស់តែមួយផ្នែកនោះ ? តើអ្នកគិតថា ហេតុអ្វីព្រះវរបិតាសួគ៌ និងព្រះយេស៊ូវគ្រីស្ទសព្វព្រះទ័យឲ្យយើងទទួលបានការការពារទាំងស្រុង ?
តើអ្នកនឹងធ្វើអ្វីជារៀងរាល់ថ្ងៃ ដើម្បីពាក់គ្រប់គ្រឿងសឹករបស់ព្រះឲ្យបានកាន់តែពេញលេញបន្ថែមទៀត ដើម្បីការពារពីសេចក្ដីល្បួងដែលអ្នកប្រឈមមុខ ?
តើការងាកទៅរកព្រះវរបិតាសួគ៌ និងព្រះយេស៊ូវគ្រីស្ទដើម្បីទទួលបានជំនួយក្នុងវិធីបែបនេះជាការបង្ហាញពីសេចក្តីស្រឡាញ់របស់អ្នក និងការទុកចិត្តលើទ្រង់ទាំងទ្វេដោយរបៀបណា ?

ជម្រើស ៖ តើចង់រៀនសូត្របន្ថែមទៀតទេ ?

តើផ្នែកសំខាន់នៃសេរីរាងកាយដែលត្រូវបានការពារដោយគ្រឿងសឹករបស់ព្រះអង្គសង្គ្រោះមានអ្វីខ្លះ ?

ប្រធាន ហារ៉ូល ប៊ី លី ( ឆ្នាំ ១៨៩៩–ឆ្នាំ ១៩៧៣ ) បានមានប្រសាសន៍ ៖

រូបភាព
រូបថតពាក់កណ្ដាលខ្លួនត្រឹមក្បាល និងស្មារបស់ ប្រធាន ហារ៉ូល ប៊ី លី ជាប្រធានសាសនាចក្រព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។

យើងមានបួនផ្នែកនៃរាងកាយដែលសាវក ប៉ុល បានមានប្រសាសន៍ថា [ គឺជា ] ផ្នែកដ៏ទន់ខ្សោយបំផុតចំពោះអំណាចនៃសេចក្ដីងងឹត ។ ចង្កេះជាតួយ៉ាងនៃគុណធម៌ ព្រហ្មចារីភាព ។ បេះដូងជាតួយ៉ាងនៃទង្វើរបស់យើង ។ ជើងរបស់យើងជាតួយ៉ាងនៃគោលដៅ ឬគោលបំណងរបស់យើងក្នុងជីវិត ហើយជាចុងក្រោយក្បាលរបស់យើងគឺជាគំនិតរបស់យើង ។

( ហារ៉ូល ប៊ី លី « Feet Shod with the Preparation of the Gospel of Peace » សុន្ទរកថាសាកលវិទ្យាល័យ ព្រិកហាំ យ៉ង់ ប្រចាំឆ្នាំ [ ថ្ងៃទី ៩ ខែ វិច្ឆិកា ឆ្នាំ ១៩៥៥ ] ទំព័រ ២ )

តើខ្ញុំអាចធ្វើអ្វីខ្លះដើម្បីពាក់គ្រប់គ្រឿងសឹករបស់ព្រះ ?

អែលឌើរ នែល អេ ម៉ាក់ស្វែល ( ឆ្នាំ ១៩២៦-២០០៤) ក្នុងកូរ៉មនៃពួកសាវកដប់ពីរនាក់ បានបង្រៀន ៖

រូបភាព
រូបថតផ្លូវការពាក់កណ្តាលខ្លួនចុងក្រោយរបស់ ប្រធាន នែល អេ ម៉ាក់ស្វែល ឆ្នាំ ១៩៩២ ។

ការសម្រាតចោល ភាពជាមនុស្សខាងសាច់ឈាមអាចធ្វើឲ្យយើងអាច ពាក់ គ្រប់គ្រឿងសឹករបស់ព្រះ ដែលកាលពីមុនវាពាក់ពុំត្រូវ ! ( សូមមើល អេភេសូរ ៦:១១, ១៣ ) ។

( នែល អេ ម៉ាក់ស្វែ « Plow in Hope » Ensign ខែ ឧសភា ឆ្នាំ ២០០១ ទំព័រ ៦០ )

ប្រធាន អិម រ័សុល បាឡឺដ ក្នុងកូរ៉ុមនៃពួកសាវកដប់ពីរនាក់បានបង្រៀន ៖

រូបភាព
រូបថតផ្លូវការពាក់កណ្តាលខ្លួនរបស់ ប្រធាន អិម រ័សុល បាឡឺដ ក្នុងកូរ៉ុមនៃពួកសាវកដប់ពីរនាក់ឆ្នាំ ២០០៤ ។

ខ្ញុំចូលចិត្តគិតអំពីគ្រឿងសឹកខាងវិញ្ញាណនេះ ដែលវាពុំដូចជាផ្នែកនៃការសូន្យលោហៈធាតុមួយដុំឡើង ដើម្បីពាក់ឲ្យត្រូវរូបកាយទេ ប៉ុន្តែវាដូចជាច្រវ៉ាក់ប្រទាក់គ្នាវិញ ។ ច្រវ៉ាក់ប្រទាក់គ្នាមានជាផ្នែកតូចៗជាច្រើនផែនតភ្ជាប់នឹងគ្នា ដើម្បីអនុញ្ញាតឲ្យអ្នកប្រើអាចបត់បែនបានកាន់តែងាយស្រួលដោយមិនបាត់បង់នូវការការពារ ។ ខ្ញុំនិយាយដូច្នោះ ដោយសារវាជាបទពិសោធន៍របស់ខ្ញុំ ថាគ្មានអ្វីតែមួយដ៏ធំ ហើយអស្ចារ្យដែលយើងអាចធ្វើ ដើម្បីការពារខ្លួនយើងខាងវិញ្ញាណបាននោះឡើយ ។ អានុភាពពិតខាងវិញ្ញាណ ស្ថិតនៅក្នុងទង្វើតូចៗជាច្រើន ត្បាញចូលគ្នានៅក្នុងក្រណាត់នៃរបាំងខាងវិញ្ញាណដែលការពារ និងគ្របបាំងពីអំពើអាក្រក់ទាំងពួង ។

( អិម រ័សុល បាឡឺដ « Be Strong in the Lord » Ensign ខែ កក្កដា ឆ្នាំ ២០០៤ ទំព័រ ៨ )

តើសម្លៀកបំពាក់បរិសុទ្ធនៃព្រះវិហារបរិសុទ្ធទាក់ទងនឹងគ្រឿងសឹករបស់ព្រះយ៉ាងណា ?

អែលឌើរ ខាឡុស អ៊ី អាសេ ( ឆ្នាំ ១៩២៦–១៩៩៩ ) ក្នុងពួកចិតសិបនាក់ បានពន្យល់ ៖

រូបភាព
រូបថតពាក់កណ្ដាលខ្លួនផ្លូវការរបស់ ខាឡូស អ៊ី អេសេ

ទោះយ៉ាងណាក៏ដោយ មានគ្រឿងសឹកមួយទៀត ដែលស័ក្តិសមឲ្យយើងពិចារណា ។ វាជាសម្លៀកបំពាក់ទ្រនាប់ពិសេសដែលគេស្គាល់ថាជាសម្លៀកបំពាក់បរិសុទ្ធនៃព្រះវិហារបរិសុទ្ធ ឬសម្លៀកបំពាក់នៃបព្វជិតភាពបរិសុទ្ធ ដែលពាក់ដោយសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដែលបានទទួលអំណោយទានពិសិដ្ឋនៃព្រះវិហារបរិសុទ្ធរបស់ពួកគេ ។ សម្លៀកបំពាក់នេះពាក់ទាំងយប់ទាំងថ្ងៃ ដែលបម្រើឲ្យគោលបំណងសំខាន់ៗបី ៖ វាគឺជាការរំឭកអំពីសេចក្ដីសញ្ញាដ៏ពិសិដ្ឋដែលបានធ្វើជាមួយនឹងព្រះអម្ចាស់ក្នុងដំណាក់ដ៏បរិសុទ្ធរបស់ទ្រង់ បិទបាំងការពាររាងកាយ និងជានិមិត្តរូបនៃភាពថ្លៃថ្នូរនៃការស្លៀកពាក់ និងការរស់នៅដែលគួរមានលក្ខណៈជាជីវិតរបស់អ្នកដើរតាមព្រះគ្រីស្ទដ៏រាបទាបទាំងអស់ ។

( ខាឡុស អ៊ី អាសេ « The Temple Garment: ‘An Outward Expression of an Inward Commitment » Ensign ខែ សីហា ឆ្នាំ ១៩៩៧ ទំព័រ ២០ )