កិច្ចការ ១

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

កិច្ចការ ១

សេចក្ដីណែនាំអំពីគម្ពីរកិច្ចការ

រូបភាព

សាវកដប់មួយនាក់របស់ព្រះយេស៊ូវគ្រីស្ទ ( ទាំងអស់លើកលែងតែយូដាស អ៊ីស្ការីយ៉ុត ) បានជួបជុំគ្នានៅស្រុកកាលីឡេ ។ ទេវតាពីរអង្គ ( ស្លៀកពាក់ពណ៌ស ) កំពុងឈរជាមួយសាវក ហើយចង្អុលទៅស្ថានសួគ៌ ។ ពួកសាវកកំពុងសម្លឹងមើលទៅលើ ។ រូបគំនូរនេះបង្ហាញពីព្រះយេស៊ូវគ្រីស្ទដែលបានមានព្រះជន្មរស់ឡើងវិញយាងឡើងទៅកាន់ស្ថានសួគ៌ ។ ពុំមានរូបព្រះគ្រីស្ទនៅក្នុងរូបភាពនេះទេ ។ ( ម៉ាកុស ១៦:១៩–២០ ) ( លូកា ២៤:៥០–៥៣ ) ( កិច្ចការ ១:៩–១១ )

អស់រយៈពេល ៤០ ថ្ងៃ បន្ទាប់ពីការមានព្រះជន្មរស់ឡើងវិញរបស់ទ្រង់ ព្រះយេស៊ូវគ្រីស្ទបានធ្វើការងារបម្រើដល់ពួកសិស្សរបស់ទ្រង់ ។ ក្នុងអំឡុងពេលនេះ ទ្រង់បានរៀបចំពួកសាវករបស់ទ្រង់ ដើម្បីដឹកនាំសាសនាចក្ររបស់ទ្រង់បន្ទាប់ពីការយាងឡើងទៅកាន់ស្ថានសួគ៌របស់ទ្រង់វិញ ។ ដូចជាទ្រង់បានធ្វើពីបុរាណដែរ ព្រះយេស៊ូវគ្រីស្ទបន្តដឹកនាំសាសនាចក្ររបស់ទ្រង់តាមរយៈពួកសាវកដែលទ្រង់បានជ្រើសរើសនាសព្វថ្ងៃនេះ ។ មេរៀននេះអាចជួយអ្នកឲ្យមានអារម្មណ៍ថាវាសំខាន់ប៉ុនណាដែលព្រះយេស៊ូវគ្រីស្ទដឹកនាំសាសនាចក្ររបស់ទ្រង់តាមរយៈពួកសាវក និងពួកព្យាការី ។

ការយាងឡើងទៅកាន់ស្ថានសួគ៌វិញរបស់ព្រះគ្រីស្ទ

សូមស្រមៃថាមិត្តរបស់អ្នក ដែលមិនមែនជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ សួរអ្នកថា « តើអ្នកណាបានចាប់ផ្ដើមព្រះវិហារដែលអ្នកចូលរួម ហើយអ្នកណាដឹកនាំសាសនាចក្រនៅសព្វថ្ងៃនេះ ? »

តើអ្នកនឹងឆ្លើយតបយ៉ាងដូចម្ដេច ? ហេតុអ្វីទៅ ?

គម្ពីរកិច្ចការពិពណ៌នាអំពីបទពិសោធន៍របស់សាវកទាំងឡាយ បន្ទាប់ពីការយាងឡើងទៅកាន់ស្ថានសួគ៌វិញរបស់ព្រះយេស៊ូវគ្រីស្ទ ។ វាច្បាស់ជាកិច្ចការដ៏គួរឲ្យព្រួយបារម្ភមួយសម្រាប់ថ្នាក់ដឹកនាំសាសនាចក្រក្នុងការជំរុញសាសនាចក្ររបស់ព្រះអង្គសង្គ្រោះឲ្យរីកចម្រើនទៅមុខ នៅពេលដែលទ្រង់លែងគង់នៅដោយផ្ទាល់ជាមួយពួកគេទៀតហើយនោះ ។ ប៉ុន្តែសាវកទាំងឡាយមិនមែនខិតខំតែម្នាក់ឯងនោះទេ ។ បទពិសោធន៍របស់សាវកទាំងឡាយដែលបានកត់ត្រានៅក្នុងគម្ពីរកិច្ចការបង្ហាញពីសេចក្ដីពិតថា ព្រះយេស៊ូវគ្រីស្ទដឹកនាំសាសនាចក្ររបស់ទ្រង់តាមរយៈសាវក និងព្យាការីទាំងឡាយរបស់ទ្រង់ ។

សូមពិចារណាពីអារម្មណ៍ផ្ទាល់ខ្លួនរបស់អ្នកអំពីព្រះយេស៊ូវគ្រីស្ទដែលដឹកនាំសាសនាចក្ររបស់ទ្រង់ ។ នៅក្នុងសៀវភៅកំណត់ហេតុការសិក្សារបស់អ្នក សូមឆ្លើយដូចខាងក្រោមនេះ ៖

ហេតុអ្វីបានជាវាសំខាន់ដើម្បីដឹងថា ព្រះយេស៊ូវគ្រីស្ទដឹកនាំសាសនាចក្ររបស់ទ្រង់ ?
តើអ្នករំពឹងថានឹងឃើញអ្វីខ្លះក្នុងព្រះវិហារដែលដឹកនាំដោយព្រះយេស៊ូវគ្រីស្ទ ?
ដោយប្រើរង្វាស់ខាងក្រោមនេះ សូមកំណត់ថាតើអ្នកយល់ស្របនឹងសេចក្តីថ្លែងការណ៍នេះកម្រិតណា ៖ « ព្រះយេស៊ូវគ្រីស្ទដឹកនាំសាសនាចក្ររបស់ទ្រង់នៅថ្ងៃនេះ តាមរយៈពួកសាវក និងព្យាការី » ។ សូមពន្យល់ពីចម្លើយរបស់អ្នក ។

រូបភាព
ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា- ឆ្នាំ ២០២៣

នៅពេលអ្នកសិក្សាមេរៀននេះ សូមយកចិត្តទុកដាក់លើការបំផុសគំនិតនៃព្រះវិញ្ញាណ ដែលអាចជួយអ្នកឲ្យមានអារម្មណ៍ថា ព្រះយេស៊ូវគ្រីស្ទបានដឹកនាំសាសនាចក្ររបស់ទ្រង់ បន្ទាប់ពីទ្រង់បានយាងឡើងទៅកាន់ស្ថានសួគ៌ ហើយថាទ្រង់បន្តដឹកនាំសាសនាចក្ររបស់ទ្រង់នៅថ្ងៃនេះ ។

ព្រះយេស៊ូវគ្រីស្ទបន្តដឹកនាំសាសនាចក្ររបស់ទ្រង់ បន្ទាប់ពីការយាងឡើងទៅកាន់ស្ថានសួគ៌របស់ទ្រង់វិញ

១. សូមបំពេញឃ្លាខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖

សូមបង្កើតកំណត់ហេតុប្រចាំថ្ងៃមួយដែលមានចំណងជើងថា « គំរូនៃព្រះយេស៊ូវគ្រីស្ទដឹកនាំសាសនាចក្ររបស់ទ្រង់ » ។ ពេញមួយមេរៀននេះ សូមបន្ថែមឧទាហរណ៍ទៅក្នុងកំណត់ហេតុប្រចាំថ្ងៃរបស់អ្នក ហើយសញ្ជឹងគិតពីរបៀបដែលវាពង្រឹងទីបន្ទាល់របស់អ្នកអំពីព្រះយេស៊ូវគ្រីស្ទ និងសាសនាចក្ររបស់ទ្រង់ ។

សូមអានវគ្គបទគម្ពីរខាងក្រោមអំពី កិច្ចការ ១–៥ ដោយរកមើលពីរបៀបដែលព្រះយេស៊ូវគ្រីស្ទបានបន្តជួយដល់ពួកសាវករបស់ទ្រង់បន្ទាប់ពីការយាងឡើងទៅវិញរបស់ទ្រង់ ។ សូមគិតអំពីរបៀបដែលព្រឹត្តិការណ៍ទាំងនេះបង្ហាញថា ព្រះយេស៊ូវគ្រីស្ទកំពុងដឹកនាំសាសនាចក្ររបស់ទ្រង់ ។ សូមបន្ថែមការយល់ដឹងរបស់អ្នកទៅក្នុងកំណត់ហេតុប្រចាំថ្ងៃរបស់អ្នក ។

ខគម្ពីរដែលត្រូវសិក្សា	ព័ត៌មានលម្អិតដែលអ្នកត្រូវដឹងមុននឹងសិក្សាខគម្ពីរទាំងនេះ
ខគម្ពីរដែលត្រូវសិក្សា កិច្ចការ ១:២៣–២៦	ព័ត៌មានលម្អិតដែលអ្នកត្រូវដឹងមុននឹងសិក្សាខគម្ពីរទាំងនេះ ពួកសាវក និងអ្នកដើរតាមព្រះគ្រីស្ទផ្សេងទៀតបានប្រមូលផ្តុំគ្នា ដើម្បីពិភាក្សាថា តើអ្នកណានឹងជំនួស យូដាស អ៊ីស្ការីយ៉ុត ជាសាវកម្នាក់ក្នុងចំណោមសាវកដប់ពីរនាក់ ។
ខគម្ពីរដែលត្រូវសិក្សា កិច្ចការ ២:៣៧–៤៣	ព័ត៌មានលម្អិតដែលអ្នកត្រូវដឹងមុននឹងសិក្សាខគម្ពីរទាំងនេះ ខណៈដែលពួកសាវកត្រូវបានប្រមូលផ្តុំគ្នានៅក្រុងយេរូសាឡិមមិនយូរប៉ុន្មានបន្ទាប់ពីការយាងឡើងទៅកាន់ស្ថានសួគ៌របស់ព្រះគ្រីស្ទ ព្រះវិញ្ញាណបរិសុទ្ធបានយាងមកសណ្ឋិតលើពួកគេម្នាក់ៗតាមរបៀបដ៏មានឥទ្ធិពល ( សូមមើល កិច្ចការ ២:១–៨ ) ។ ដោយពោរពេញទៅដោយព្រះវិញ្ញាណ នោះពេត្រុសបានធ្វើទីបន្ទាល់អំពីព្រះយេស៊ូវគ្រីស្ទ ( សូមមើល កិច្ចការ ២:១៤–៣៦ ) ។ វគ្គបទគម្ពីរនេះពិពណ៌នាអំពីឥទ្ធិពលនៃការចាក់ស្រោចខាងវិញ្ញាណទៅលើបណ្តាជនជាច្រើន ដែលបានធ្វើជាសាក្សីអំពីវា ។
ខគម្ពីរដែលត្រូវសិក្សា កិច្ចការ ៣:១–៨; ៤:៨–១០	ព័ត៌មានលម្អិតដែលអ្នកត្រូវដឹងមុននឹងសិក្សាខគម្ពីរទាំងនេះ ពេត្រុស និងយ៉ូហានបានជួបបុរសពិការម្នាក់នៅព្រះវិហារបរិសុទ្ធក្នុងក្រុងយេរូសាឡិម ។
ខគម្ពីរដែលត្រូវសិក្សា កិច្ចការ ៥:១២–១៦	ព័ត៌មានលម្អិតដែលអ្នកត្រូវដឹងមុននឹងសិក្សាខគម្ពីរទាំងនេះ កាលពីមុនសាវកទាំងឡាយបានទទួលការព្រមានមកពីអ្នកដឹកនាំសាសន៍យូដាថា កុំឲ្យនិយាយអំពីព្រះយេស៊ូវគ្រីស្ទទៀតឡើយ ( សូមមើល កិច្ចការ ៤:១៣–១៨ ) ។
ខគម្ពីរដែលត្រូវសិក្សា កិច្ចការ ៥:១៧–២៥	ព័ត៌មានលម្អិតដែលអ្នកត្រូវដឹងមុននឹងសិក្សាខគម្ពីរទាំងនេះ ពេត្រុស និងយ៉ូហានត្រូវបានគេចាប់ដាក់គុក បន្ទាប់ពីបានបន្តថ្លែងទីបន្ទាល់អំពីព្រះយេស៊ូវគ្រីស្ទ ហើយបង្ហាញអព្ភូតហេតុក្នុងព្រះនាមទ្រង់ ។

តើអ្នកបានរៀនអ្វីខ្លះអំពីព្រះយេស៊ូវគ្រីស្ទពីខគម្ពីរទាំងនេះ ដែលជះឥទ្ធិពលដល់សេចក្តីជំនឿ និងការទុកចិត្តរបស់អ្នកលើទ្រង់ ?
តើព្រឹត្តិការណ៍ទាំងនេះបង្ហាញថា ព្រះអង្គសង្គ្រោះកំពុងដឹកនាំសាសនាចក្ររបស់ទ្រង់តាមរយៈសាវករបស់ទ្រង់យ៉ាងដូចម្ដេច ?

ព្រះយេស៊ូវគ្រីស្ទបន្តដឹកនាំសាសនាចក្ររបស់ទ្រង់សព្វថ្ងៃនេះ

រូបភាព

សមាជិកទាំងអស់នៃគណៈប្រធានទីមួយ និងកូរ៉ុមនៃពួកសាវកដប់ពីរនាក់កំពុងអង្គុយ ឬឈរជាមួយរូបសំណាករបស់ព្រះគ្រីស្ទ និងរូបសំណាកនៃពួកដប់ពីរនាក់ពីដើម នៅមជ្ឈមណ្ឌលអ្នកទស្សនាក្នុងទីក្រុងរ៉ូម ប្រទេសអ៊ីតាលី ។ ខាងមុខពីឆ្វេងទៅស្តាំ ៖ ឌៀថើរ អេស្វ អុជដូហ្វ, ជែហ្វ្រី អ័រ ហូឡិន, អិម. រ័សុល បាឡឺត, ដាល្លិន អេក អូក, រ័សុល អិម ណិលសុន, ហែនរី ប៊ី អាវរិង, ដេវីឌ អេ បែដណា, ឃ្វីនថិន អិល ឃុក, ឌី ថត គ្រីស្តូហ្វឺសិន, ហ្គែរី អ៊ី ស្ទីវ៉ែនសុន, រ៉ូណល អេ រ៉ាសបាន, នែល អិល អាន់ឌើរសិន, ឌែល ជី រេនឡាន់, ហ្គ្រែរីត ដ័បុលយូ ហ្គង, អូលីសេស សូរ៉េស

ប្រធាន រ័សុលអិម ណិលសុន បានបង្រៀនអំពីរបៀបដែលព្រះអង្គសង្គ្រោះបន្តដឹកនាំសាសនាចក្ររបស់ទ្រង់សព្វថ្ងៃនេះ ។

រូបភាព
រូបថតផ្លូវការពាក់កណ្តាលខ្លួនរបស់ប្រធាន រ័សុល អិម ណិលសុន ដែលបានថតនៅខែ មករា ឆ្នាំ ២០១៨

ក្នុងនាមយើងជាសមាជិកសាសនាចក្ររបស់ព្រះអម្ចាស់ យើងដឹងថា អង្គដែលគង់ជាសិរសានៃសាសនាចក្រនេះគឺ ៖ ព្រះយេស៊ូវគ្រីស្ទផ្ទាល់ ។ …

ដូច្នេះ តើឈ្មោះមួយមានតម្លៃយ៉ាងណា ? នៅពេលមានសំណួរដែលទាក់ទងនឹងឈ្មោះនៃសាសនាចក្ររបស់ព្រះអម្ចាស់ ចម្លើយគឺ « អ្វីៗគ្រប់យ៉ាង ! » ព្រះយេស៊ូវគ្រីស្ទបានដឹកនាំឲ្យហៅសាសនាចក្រនេះតាមព្រះនាមរបស់ទ្រង់ ដោយសារនេះគឺជាសាសនាចក្ររបស់ទ្រង់ ហើយវាពោរពេញដោយព្រះចេស្ដារបស់ទ្រង់ ។

ខ្ញុំដឹងថា ព្រះមានព្រះជន្មរស់ ។ ព្រះយេស៊ូវជាព្រះគ្រីស្ទ ។ ទ្រង់ដឹកនាំសាសនាចក្ររបស់ទ្រង់នៅសព្វថ្ងៃនេះ ។

( រ័សុល អិម ណិលសុន « The Correct Name of the Church » Liahona ខែ វិច្ឆិកា ឆ្នាំ ២០១៨ ទំព័រ ៨៨–៨៩ )

តើការដឹងថា ព្រះយេស៊ូវគ្រីស្ទដឹកនាំសាសនាចក្ររបស់ទ្រង់នៅសព្វថ្ងៃនេះអាចជះឥទ្ធិពលដល់ជីវិតរបស់អ្នកយ៉ាងដូចម្ដេច ?

តើគំរូអ្វីខ្លះពីជីវិតផ្ទាល់ខ្លួនរបស់អ្នក ឬពីប្រវត្តិសាសនាចក្រ ដែលជួយអ្នកឲ្យមើលឃើញថា ព្រះយេស៊ូវគ្រីស្ទបន្តដឹកនាំសាសនាចក្ររបស់ទ្រង់សព្វថ្ងៃនេះ ? ( សូមកុំភ្លេចបន្ថែមឧទាហរណ៍ទាំងនេះទៅក្នុងកំណត់ហេតុប្រចាំថ្ងៃរបស់អ្នក ) ។

ប្រសិនបើអ្នកត្រូវការមើលឧទាហរណ៍មួយចំនួនដើម្បីជួយអ្នកគិតរកចម្លើយចំពោះសំណួរនេះ សូមមើល « នេះគឺជាពេលវេលារបស់យើង ! » ចាប់ពីនាទីទី ៣:៣៤ ដល់នាទីទី ៥:១២ ឬ « បំព្រួមគ្រប់ទាំងអស់ក្នុងព្រះគ្រីស្ទ » ចាប់ពី នាទីទី ១០:០៩ ដល់នាទីទី ១៣:៥៨ ដែលមាននៅលើគេហទំព័រ ChurchofJesusChrist.org ។

តើគំរូនៃការដឹកនាំសាសនាចក្ររបស់ព្រះអង្គសង្រ្គោះទាំងនេះអាចជួយអ្នកឲ្យយល់អ្វីខ្លះអំពីព្រះទ័យរបស់ទ្រង់ចំពោះយើង ?

សញ្ជឹងគិត

សូមរំឭកបញ្ជីគំរូនៃព្រះអង្គសង្គ្រោះដែលដឹកនាំសាសនាចក្ររបស់ទ្រង់ ដែលអ្នកបានបង្កើតនៅថ្ងៃនេះ ។ សូមពិចារណាបន្ថែមលើការសរសេរបញ្ចូល នៅពេលអ្នកបន្តសិក្សាគម្ពីរកិច្ចការ ហើយមានបទពិសោធន៍បន្ថែមក្នុងការរៀនអំពីព្រះអង្គសង្គ្រោះ និងសាសនាចក្ររបស់ទ្រង់ ។ សូមពិចារណាបន្ថែមទីបន្ទាល់របស់អ្នកអំពីសេចក្តីពិតនេះទៅក្នុងកំណត់ហេតុប្រចាំថ្ងៃរបស់អ្នក ។

ជម្រើស ៖ តើចង់រៀនសូត្របន្ថែមទៀតដែរឬទេ ? 

តើនរណាបានសរសេរគម្ពីរកិច្ចការ ?

លូកាបានសរសេរគម្ពីរកិច្ចការនៃពួកសាវក « ភាគទី ២ ក្នុងឯកសារពីរភាគ ។ … ផ្នែកទីមួយត្រូវបានស្គាល់ថាជាដំណឹងល្អស្របតាមលូកា » ( សេចក្ដីណែនាំដល់បទគម្ពីរទាំងឡាយ » កិច្ចការរបស់ពួកសាវក » នៅលើគេហទំព័រ scriptures.ChurchofJesusChrist.orgសូមមើលផងដែរ លូកា ១:១–៤; កិច្ចការ ១:១ ) ។

តើគម្ពីរនេះនិយាយអំពីអ្វី ?

គម្ពីរកិច្ចការនៃពួកសាវកបង្កើតបានជាការសង្ខេបរវាងកំណត់ត្រាអំពីព្រះជន្មរបស់ព្រះយេស៊ូវគ្រីស្ទ និងការបង្រៀននៅក្នុងដំណឹងល្អទាំងបួន ព្រមទាំងការសរសេរ និងកិច្ចការនៃពួកសាវករបស់ទ្រង់ ។ គម្ពីរកិច្ចការបង្ហាញពីរបៀបដែលព្រះអង្គសង្គ្រោះបានបន្តដឹកនាំសាសនាចក្ររបស់ទ្រង់ តាមរយៈការបំផុសគំនិតនៃព្រះវិញ្ញាណបរិសុទ្ធ ដែលទ្រង់ប្រទានដល់អស់អ្នកដែលបានកាន់កូនសោទាំងឡាយនៃបព្វជិតភាព ។ ព្រះវិញ្ញាណបរិសុទ្ធបានបើកសម្តែងសេចក្តីពិតដល់ពួកសាវក ក្រោយមកពួកគេបានដឹកនាំ និងបង្រៀនសមាជិកសាសនាចក្រ ។ ពួកសាវកក៏បានធ្វើអព្ភូតហេតុនៅក្នុងព្រះនាមរបស់ព្រះយេស៊ូវគ្រីស្ទផងដែរ ។

អែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់បានពន្យល់ ៖

រូបភាព
អែលឌើរ ជែហ្វ្រី អ័រ ហូឡិន

នៅក្នុងខទីមួយ [ នៃគម្ពីរកិច្ចការ ] ការប្រកាសនោះគឺថា សាសនាចក្រនឹងបន្ដដឹកនាំដោយ ព្រះ ពុំមែនដឹកនាំដោយមនុស្សទេ ។ … ប្រាកដណាស់ ចំណងជើងពេញលេញនៃគម្ពីរកិច្ចការអាចនឹងសមរម្យ បើមានចំណងជើងដូចនេះថា « កិច្ចការរបស់ព្រះគ្រីស្ទដែលមានព្រះជន្មឡើងវិញកំពុងធ្វើការតាមរយៈព្រះវិញ្ញាណបរិសុទ្ធនៅក្នុងជីវិត និងការងារបម្រើនៃពួកសាវករបស់ទ្រង់ដែលបានតែងតាំង » ។…

« ការដឹកនាំរបស់សាសនាចក្រគឺនៅដដែល ។ ទីតាំងរបស់ព្រះអង្គសង្គ្រោះត្រូវបានកែប្រែ ប៉ុន្តែការដឹកនាំ និងភាពជាអ្នកដឹកនាំក្នុងសាសនាចក្រគឺដូចគ្នាទាំងស្រុង » ។

( « Therefore, What? » [ សុន្ទរកថាដែលបានថ្លែងនៅសន្និសីទប្រព័ន្ធអប់រំសាសនាចក្រស្តីពីព្រះគម្ពីរសញ្ញាថ្មី ថ្ងៃទី ៨ ខែ សីហា ឆ្នាំ ២០០០ ] ទំព័រ ៦ នៅលើគេហទំព័រ si.ChurchofJesusChrist.org )

តើសាវកមានន័យយ៉ាងណា ?

ដើម្បីស្វែងយល់បន្ថែមអំពីសាវក សូមមើលវីដេអូ « What Is an Apostle? » ( ៦:២៥ ) ដែលមាននៅលើគេហទំព័រ ChurchofJesusChrist.org ។

តើព្រះអម្ចាស់ដឹកនាំសាសនាចក្ររបស់ទ្រង់សព្វថ្ងៃនេះតាមរបៀបណា ?

អែលឌើរ ឃ្វីនថិន អិល ឃុក ក្នុងកូរ៉ុមនៃពួកសាវកដប់ពីរនាក់បានពន្យល់ ៖

រូបភាព
អែលឌើរ ឃ្វីនថិន អិល ឃុក

សូមបញ្ជាក់ថា ថ្នាក់ដឹកនាំសាសនាចក្ររៀបចម្បងដែលធ្វើជាអធិបតីលើគោលបំណងដែលបានតែងតាំងដ៏ទេវភាពនៃសាសនាចក្រគឺបានទទួលជំនួយដ៏ទេវភាព ។ ការណែនាំនេះកើតឡើងមកពីព្រះវិញ្ញាណ ហើយជួនកាលកើតឡើងដោយផ្ទាល់មកពីព្រះអង្គសង្គ្រោះ ។ ការណែនាំខាងវិញ្ញាណទាំងពីរប្រភេទនេះត្រូវបានប្រទានឲ្យ ។ ខ្ញុំមានអំណរគុណដែលបានទទួលជំនួយបែបនោះ ។ ប៉ុន្តែការណែនាំបានផ្ដល់ឲ្យនៅក្នុងសម័យរបស់ព្រះអម្ចាស់ មួយបន្ទាត់ម្ដងៗ មួយសិក្ខាបទម្ដងៗ [ សូមមើល នីហ្វៃទី២ ២៨:៣០; គោលលទ្ធិ និងសេចក្តីសញ្ញា ៩៨:១២; ១២៨:២១ ] នៅពេល « ព្រះអម្ចាស់ដ៏មានគ្រប់ព្រះចេស្ដាជ្រើសរើសបង្រៀនយើងដោយព្រះចេតនា » [ នែល អេ ម៉ាក់ស្វែល All These Things Shall Give Thee Experience ( ឆ្នាំ ២០០៧ ) ទំព័រ ៣១ ] ។ ការណែនាំសម្រាប់សាសនាចក្រទាំងមូលទទួលបានតាមរយៈព្យាការីរបស់ទ្រង់តែប៉ុណ្ណោះ ។

( ឃ្វីនថិន អិល ឃុក « Prepare to Meet God » Liahona ខែ ឧសភា ឆ្នាំ ២០១៨ ទំព័រ ១១៧ )

សូមមើល « Jesus Christ’s Church » ( ១:២៧ ) ឬ « We Need Living Prophets » ( ២:៤៤ ) ដែលមាននៅលើគេហទំព័រ ChurchofJesusChrist.orgដើម្បីមើលឧទាហរណ៍បន្ថែម ។

តើពួកសាវក និងពួកព្យាការីសម័យទំនើបត្រូវបានហៅយ៉ាងដូចម្ដេច ?

សូមមើល « វិវរណៈសម្រាប់សាសនាចក្រ វិវរណៈសម្រាប់ជីវិតរបស់យើង » ចាប់ពី នាទីទី ៩:៤១ ដល់នាទីទី ១១:៤៩ ឬ « ដួងចិត្តរបស់ព្យាការី » ចាប់ពីនាទីទី ៤:០៨ ដល់ ៦:៤០ ដែលមាននៅលើគេហទំព័រ ChurchofJesusChrist.orgដើម្បីមើលឧទាហរណ៍ ។