5. Խելամիտ օգտագործեք ժամանակը Զեկուցեք.Հակիրճ կիսվեք խմբի հետ, թե ինչ օրհնություն եք ստացել անցյալ շաբաթ, հնազանդ լինելու շնորհիվ: Խորհեք.Ինչո՞ւ է ժամանակը Աստծո մեծագույն պարգևներից մեկը։ Դիտեք.“The Gift of Time,” որը հասանելի է srs.lds.org/videos կայքում։ (Տեսանյութը մատչելի չէ՞, Կարդացեք 15 էջը): Ժամանակի պարգևը Եթե չեք կարողանում դիտել տեսանյութը, ընտրեք դերերը և կարդացեք այս սցենարը: ՆկարԺամանակի պարգևը Կոֆի. Ողջույն, Քույր Բենկոսի։ Ինչպե՞ս եք։ Քույր Բենկոսի. Լա՞վ ես, Կոֆի։ Կոֆի. Օհ, Քույր Բենկոսի: Այնքան զբաղված եմ: Ես պետք է աշխատեմ, ծառայեմ և օգնեմ ընտանիքիս, հետո էլ իմ ֆուտբոլը։ Ես ժամանակ չունեմ: Քույր Բենկոսի. Կոֆի, ողջ ժամանակը քոնն է։ Կոֆի. Ի՞նչ։ Քույր Բենկոսի. Տղաս, Աստված տվել է մեզ մեծ պարգև՝ մեր ժամանակը։ Մենք պետք է ժամանակը ծախսենք նրա վրա, ինչը կարևոր է: Կոֆի. Բայց ինչպե՞ս, Քույր Բենկոսի։ Դուք միշտ այնքան շատ գործ եք անում։ Դուք հաջող ընտանիք և գործ ունեք։ Դուք ծառայում և օրհնում եք շատերին, օրինակ՝ ինձ։ Ես չգիտեմ, թե ինչպես եք դա անում։ Քույր Բենկոսի. Իսկապե՞ս ուզում ես իմանալ։ Եթե հանգիստ նստես և լսես, ես կասեմ քեզ իմ գաղտնիքը։ Ամեն առավոտ ես արթնանում եմ արևածագից առաջ։ Ես հագնվում եմ, լվացվում։ Ես կարդում եմ սուրբ գրքերը: Ապա ես կազմում եմ այդ օրվա գործերի ցուցակը։ Ես մտածում եմ, թե ում կարող եմ ծառայել: Ես աղոթում եմ Աստծո կամքն իմանալու համար: Եվ ես լսում եմ։ Երբեմն մտքիս են գալիս մարդկանց անուններ կամ դեմքեր։ Ես ավելացնում եմ դրանք իմ ցուցակին։ Կոֆի. Այդպե՞ս եք միշտ իմանում, թե ում պետք է ծառայեք։ Քույր Բենկոսի. Այո, Կոֆի։ Եվ ես աղոթում եմ ուժ և իմաստություն ունենալու համար։ Ես աղոթում եմ, որ Աստված «սրբագործի իմ աշխատանքը»: Այդպես է ասվում 2 Նեփի 32-ում։ Ես շնորհակալություն եմ հայտնում Նրան: Ես խոստանում եմ անել այն ամենը, ինչ կարող եմ: Ես խնդրում եմ, որ Նա անի այն մասը, որը ես չեմ կարող: Ապա նայում եմ ցուցակիս։ Ես գրում եմ 1 իմ ամենակարևոր գործերի դիմաց, 2՝ մյուսների։ Կոֆի. Ինչպե՞ս եք իմանում, որոնք են առաջնահերթ: Քույր Բենկոսի. Ես լսում եմ, երբ աղոթում եմ։ Ապա սկսում եմ աշխատել։ Ես նայում եմ համար 1-ին և աշխատում առաջինը դա անել, հետո 2-ը։ Երբեմն փոփոխություններ են կատարվում։ Սուրբ Հոգին ասում է ինձ այլ բան անել: Դա լավ է։ Ես շատ եմ աշխատում, բայց հոգիս խաղաղ է։ Ես գիտեմ, որ Աստված կօգնի ինձ: Այսպիսով, իմ ցուցակով և Հոգով ես անում եմ այն, ինչը կարևոր է, Կոֆի։ Կոֆի. Դա հեշտ է հնչում, բայց միևնույն ժամանակ` բարդ։ Քույր Բենկոսի. Դու իրավացի ես։ Երբ ես վերջապես պատրաստվում եմ քնելու, ես աղոթում եմ։ Ես զեկուցում եմ Երկնային Հորը: Ես պատմում եմ Նրան, թե ինչպես անցավ օրը: Ես հարցեր եմ տալիս։ Ես հարցնում եմ, թե ինչը ավելի լավ կարող եմ անել։ Ես լսում եմ։ Ես հաճախ եմ զգում Նրա սերը։ Ես գիտեմ, որ Նա օգնում է ավելի լավ անել այն, ինչ ես փորձում եմ անել։ Ապա ես խաղաղություն եմ զգում, Կոֆի, և քնում եմ։ Կոֆի. Դա լավ է, Բենկոսի մայրիկ։ Ես նույնպես ուզում եմ այդ խաղաղությունը զգալ: Ես ուզում եմ օգտագործել իմ ժամանակը: Ես ուզում եմ ավելի լավ աշխատել և ծառայել: Վերադարձ էջ 14: Քննարկեք.Դուք ի՞նչ սովորեցիք Քույր Բենկոսիից: Կարդացեք.Ալմա 34.32 և Նախագահ Բրիգամ Յանգի խոսքերի մեջբերումը (աջից)։ Պարտավորվեք.Պարտավորվեք շաբաթվա ընթացքում կատարել հետևյալ գործողությունները: Նշեք վանդակը, երբ ավարտեք յուրաքանչյուր պարտավորությունը։ Վարժվեք կատարել այդ քայլերը ամեն օր՝ ձեր ժամանակն ավելի իմաստուն օգտագործելու համար։ Զեկուցեք ամեն երեկո աղոթելով Երկնային Հորը: Ձեր ընտանիքի կամ ընկերների հետ կիսվեք, թե ինչ սովորեցիք այսօր ժամանակն իմաստուն օգտագործելու մասին։