ឧបសម្ព័ន្ធទី ២

មគ្គុទ្ទេសក៍សម្រាប់ការបង្កើតការអនុវត្តជំនាញទាំងឡាយបន្ថែម

នៅពេលអ្នកគិតអំពីសេចក្តីត្រូវការរបស់អ្នកទាំងឡាយនៅក្នុងថ្នាក់រៀនរបស់អ្នក អ្នកអាចនឹងកំណត់ជំនាញមួយដែលអ្នកមានអារម្មណ៍ថាសំខាន់ ប៉ុន្តែវាមិនបានលើកឡើងនៅក្នុងសម្ភារនៃវគ្គសិក្សាទាំងនេះទេ ។ មគ្គុទ្ទេសក៍នេះផ្តល់នូវគំរូមួយដែលអ្នកអាចប្រើ ដើម្បីបង្កើតការអនុវត្តជំនាញទាំងឡាយបន្ថែមសម្រាប់ថ្នាក់របស់អ្នក ។

សមាសធាតុសំខាន់ៗសម្រាប់ការអនុវត្តជំនាញទាំងឡាយ

មានធាតុផ្សំចំនួនបួននៅក្នុងគម្រោងការអនុវត្តជំនាញនីមួយៗ ៖ ( ១ ) កំណត់និយមន័យ ( ២ ) បង្ហាញ ( ៣ ) អនុវត្ត និង ( ៤) យកទៅប្រើប្រាស់ ។ គោលការណ៍ណែនាំខាងក្រោមនេះអាចជួយអ្នកបញ្ចូលសមាសធាតុសំខាន់ៗទាំងនេះទៅក្នុងការអនុវត្តជំនាញទាំងឡាយបន្ថែម ដែលអ្នកបង្កើតសម្រាប់ថ្នាក់របស់អ្នក ។

កំណត់និយមន័យ

ណែនាំជំនាញនេះទៅកាន់សិស្សក្នុងថ្នាក់របស់អ្នក ។ ដើម្បីធ្វើដូចនេះ អ្នកអាច ៖

អញ្ជើញសិស្សឲ្យអានអំពីជំនាញនេះដូចដែលបានពិពណ៌នានៅក្នុង ប្រកាសដំណឹងល្អរបស់យើង ឬ ការសម្របខ្លួនទៅនឹងជីវិតជាអ្នកផ្សព្វផ្សាយសាសនា ។
សូមសង្ខេបជំនាញនេះដោយពាក្យសំដីរបស់អ្នកផ្ទាល់ ។

សូមប្រាកដថាអ្នកមិនចំណាយពេលច្រើនពេកលើផ្នែកនៃការអនុវត្តជំនាញនេះ ។ ការណ៍នេះនឹងធានាថា សិស្សមានពេលវេលាគ្រប់គ្រាន់ដើម្បីអនុវត្ត ។

ការបង្ហាញ

បន្ទាប់ពីកំណត់ជំនាញហើយ សូមបង្ហាញសិស្សពីរបៀបប្រើជំនាញនេះ ។ ដើម្បីធ្វើដូចនេះ អ្នកអាច ៖

បង្ហាញជំនាញនេះនៅចំពោះមុខសិស្សក្នុងថ្នាក់ ។
អញ្ជើញសិស្សម្នាក់ឲ្យរៀបចំខ្លួនជាមុន ដើម្បីបង្ហាញជំនាញនេះទៅកាន់សិស្សក្នុងថ្នាក់ ។
ប្រើវីដេអូអំពីគំរូរបស់នរណាម្នាក់ដែលបង្ហាញជំនាញនេះ ។

អនុវត្ត

សូមទុកពេលឲ្យសិស្សដើម្បីអនុវត្តជំនាញនេះ ។ ពួកគេអាចអនុវត្តជំនាញនេះជាមួយដៃគូ ឬជាក្រុមតូចៗ ។ ប្រសិនបើអាចធ្វើបាន សូមអញ្ជើញពួកគេឲ្យអនុវត្តឲ្យបានច្រើនដង ។ ជារៀងរាល់ពេល អ្នកអាចអញ្ជើញពួកគេឲ្យអនុវត្តជាមួយដៃគូ ឬជាមួយក្រុមផ្សេងៗគ្នា ។

អនុវត្ត

សូមអញ្ជើញសិស្សឲ្យរៀបចំផែនការអំពីរបៀបដែលពួកគេនឹងអនុវត្តជំនាញនេះនៅខាងក្រៅថ្នាក់រៀន ។ សូមពិចារណាតាមដាននៅក្នុងមេរៀននាពេលអនាគត ។