ប្រើប្រាស់ព្រះគម្ពីរក្នុងការបង្រៀនរបស់អ្នក

ព្រះគម្ពីរមាននូវព្រះបន្ទូលរបស់ព្រះ ហើយអាចមានឥទ្ធិពលយ៉ាងខ្លាំងលើអ្នកដែលអានព្រះគម្ពីរទាំងនោះ ។ ការប្រើប្រាស់ព្រះគម្ពីរក្នុងការបង្រៀនរបស់យើង គឺជាវិធីដ៏មានប្រសិទ្ធភាពមួយដើម្បីជួយមនុស្សដទៃមករកព្រះយេស៊ូវគ្រីស្ទ ។

អ្នកដឹកនាំការពិភាក្សា ៖ សូមព្យាយាមនិយាយដោយសង្ខេបនៅក្នុងផ្នែក « កំណត់និយមន័យ » និង « បង្ហាញ » ដើម្បីសិស្សមានពេលច្រើនសម្រាប់ការអនុវត្ត ។

កំណត់និយមន័យ

អ្នកដឹកនាំការពិភាក្សា ៖ ដើម្បីណែនាំប្រធានបទសម្រាប់ការអនុវត្តជំនាញនេះ សូមអញ្ជើញសិស្សឲ្យស្វែងរកជំពូកទី ១០ នៃ ប្រកាសដំណឹងល្អរបស់យើង ( ឆ្នាំ២០២៣ ) ហើយស្វែងរកចំណងជើង « សូមប្រើព្រះគម្ពីរ » នៅទំព័រ ១៨២ ។ បន្ទាប់មក សូមចែកចាយសេចក្តីណែនាំដូចខាងក្រោម ៖

សូមអានកថាខណ្ឌដំបូង និងចំណុចក្នុងបញ្ជីនៅក្នុង « សូមប្រើព្រះគម្ពីរ » ( ប្រកាសដំណឹងល្អរបស់យើង ទំព័រ ១៨២ ) ។ សូមស្វែងរកហេតុផលដែលវាមានសារៈសំខាន់ក្នុងការប្រើប្រាស់ព្រះគម្ពីរ នៅពេលដែលយើងបង្រៀនដំណឹងល្អរបស់ព្រះយេស៊ូវគ្រីស្ទ ។

តើអ្នកបានរៀនអ្វីខ្លះ ?

អ្នកដឹកនាំការពិភាក្សា ៖ សូមពន្យល់ថា ជំហានខាងក្រោមអាចជួយយើងប្រើប្រាស់បទគម្ពីរប្រកបដោយប្រសិទ្ធភាពក្នុងការបង្រៀនរបស់យើង ។ សូមបង្ហាញជំហានទាំងនេះ ដើម្បីឲ្យសិស្សអាចយោងទៅលើជំហានទាំងនេះនៅក្នុងសកម្មភាពអនុវត្តទាំងមូល ។

ការណែនាំអំពីបទគម្ពីរមួយ ( រួមបញ្ចូលទាំងប្រវត្តិ និងខ្លឹមសារ ) ។
សូមអានវគ្គនោះ ( ជួយពន្យល់អត្ថន័យរបស់វា និងពន្យល់ពាក្យពិបាកៗ ) ។
អនុវត្តតាមបទគម្ពីរ ។

អ្នកដឹកនាំការពិភាក្សា ៖ ជំហានទាំងបីនីមួយៗត្រូវបានរាយជាចំណងជើងនៅក្នុងជំពូកទី ១០ នៃ ប្រកាសដំណឹងល្អរបស់យើង ( ទំព័រ ១៨៣ ) ។ សូមសិក្សាផ្នែកទាំងនេះនៃ ប្រកាសដំណឹងល្អរបស់យើង ជាមួយគ្នា ដើម្បីជួយសិស្សយល់ពីរបៀបដែលពួកគេអាចប្រើប្រាស់ព្រះគម្ពីរប្រកបដោយប្រសិទ្ធភាពក្នុងការបង្រៀនរបស់ពួកគេ ។ សូមផ្តោតលើរបៀបដែលការអនុវត្តតាមគោលការណ៍ទាំងនេះ នឹងជួយមនុស្សដែលពួកគេបង្រៀនឲ្យកាន់តែខិតជិតព្រះអង្គសង្គ្រោះ ។

ការបង្ហាញ

អ្នកដឹកនាំការពិភាក្សា ៖ សូមណែនាំប្រអប់ « ការសិក្សាផ្ទាល់ខ្លួន ឬជាដៃគូ » ដល់សិស្ស នៅទំព័រ ១៨៤ នៃ ប្រកាសដំណឹងល្អរបស់យើង ។ សូមជ្រើសរើសវគ្គបទគម្ពីរមួយក្នុងចំណោមវគ្គបទគម្ពីរទាំងឡាយចេញពីសកម្មភាព ហើយប្រើវាដើម្បីបង្ហាញពីជំហានដែលអ្នកបានរៀន ។

អនុវត្ត

អ្នកដឹកនាំការពិភាក្សា ៖ សូមចែកចាយការណែនាំខាងក្រោម ។ សូមទុកពេលវេលាឲ្យសមាជិកក្នុងថ្នាក់រៀបចំផ្ទាល់ខ្លួន ហើយបន្ទាប់មកអនុវត្តជាមួយដៃគូ ។

បំពេញសកម្មភាព « ការសិក្សាផ្ទាល់ខ្លួន ឬជាដៃគូ » ដែលមាននៅចុងបញ្ចប់នៃផ្នែក « សូមប្រើព្រះគម្ពីរ » នៃជំពូកទី ១០ ( ប្រកាសដំណឹងល្អរបស់យើង ទំព័រ ១៨៤ ) ។

អ្នកដឹកនាំការពិភាក្សា ៖ នៅពេលដែលសិស្សបានបញ្ចប់ សូមអញ្ជើញពួកគេឲ្យអនុវត្តការណែនាំបទគម្ពីរដែលពួកគេបានជ្រើសរើសជាមួយដៃគូ ។ បន្ទាប់ពីសមាជិកក្នុងថ្នាក់បានបញ្ចប់ការអនុវត្តហើយ អ្នកអាចចាត់បុគ្គលម្នាក់ឲ្យធ្វើការជាមួយដៃគូផ្សេងទៀត ហើយអញ្ជើញពួកគេឲ្យអនុវត្តម្តងទៀត ។

អនុវត្ត

អ្នកដឹកនាំការពិភាក្សា ៖ ចែកចាយការអញ្ជើញដូចខាងក្រោម ដើម្បីជួយសិស្សអនុវត្តជំនាញនេះ ៖

ក្នុងអំឡុងសប្តាហ៍ក្រោយ សូមស្វែងរកឱកាសដើម្បីធ្វើតាមជំហានដែលអ្នកបានរៀន សម្រាប់ការប្រើប្រាស់ព្រះគម្ពីរប្រកបដោយប្រសិទ្ធភាព ។ អ្នកអាចធ្វើដូច្នេះបាននៅក្នុងការសិក្សាព្រះគម្ពីរជាគ្រួសារ រាត្រីជួបជុំក្រុមគ្រួសារ ជាមួយមិត្តភក្តិ នៅក្នុងកម្មវិធីសាសនាចក្រ ឬជាផ្នែកមួយនៃកិច្ចខិតខំប្រឹងប្រែងរបស់អ្នកដើម្បីធ្វើការងារបម្រើដល់មនុស្សដទៃ ។