25. Gawain sa Templo at Family History sa Ward at Stake
“25. Gawain sa Templo at Family History sa Ward at Stake,” Pangkalahatang Hanbuk: Paglilingkod sa Ang Simbahan ni Jesucristo ng mga Banal sa mga Huling Araw (2020).
“25. Gawain sa Templo at Family History sa Ward at Stake,” Pangkalahatang Hanbuk.
Larawan
templo
25.
Gawain sa Templo at Family History sa Ward at Stake
25.0
Pambungad
Ang pagbubuklod ng mga pamilya sa walang-hanggan ay bahagi ng gawain ng kaligtasan at kadakilaan ng Diyos (tingnan sa 1.2). Ang gawain sa templo at family history ay ang paraan para mabuklod ang mga pamilya sa walang-hanggan (tingnan sa Mateo 16:19). Kabilang sa gawaing ito ang:
Regular na pagpunta sa bahay ng Panginoon, kung saan posible, upang sumamba sa Diyos at magsagawa ng mga ordenansa para sa ating mga ninuno (tingnan sa Lucas 24:52–53; Doktrina at mga Tipan 109:13–14).
Ang templo ang bahay ng Panginoon. Ang mga ordenansa at tipan sa templo ay nagpapala sa mga anak ng Ama sa Langit. Inaanyayahan ng Ama sa Langit ang lahat ng Kanyang anak na maging marapat sa at tanggapin ang mga ordenansa sa templo.
Ginagabayan ng kabanatang ito ang mga lider at miyembro ng Simbahan tungkol sa gawain sa templo at family history. Ang karagdagang impormasyon ay makukuha sa “Mga Templo” at “Family History” (Mga Paksa ng Ebanghelyo, topics.ChurchofJesusChrist.org).
25.1
Pakikibahagi ng mga Lider at Miyembro sa Gawain sa Templo at Family History
Ang mga miyembro ng Simbahan ay may pribilehiyo at responsibilidad na tumulong sa pagbubuklod ng kanilang mga pamilya sa walang-hanggan. Inihahanda nila ang kanilang mga sarili na gumawa ng mga tipan kapag tinanggap nila ang mga ordenansa sa templo, at sinisikap nilang tuparin ang mga tipang iyon. Tinutulungan din nila ang kanilang mga kapamilya na maunawaan, matanggap, at sikaping tuparin ang mga tipan sa templo. Ang mga magulang ang may pangunahing responsibilidad sa pagtulong sa kanilang mga anak na maranasan ang mga pagpapala ng paglilingkod sa templo at family history para sa mga yumaong kapamilya.
Hinihikayat ang mga miyembro ng Simbahan na kilalanin ang kanilang mga yumaong kamag-anak na hindi pa nakatanggap ng mga ordenansa sa templo. Pagkatapos ay isinasagawa ng mga miyembro ang mga ordenansa para sa mga kamag-anak na iyon (tingnan sa Doktrina at mga Tipan 128:18). Sa daigdig ng mga Espiritu, maaaring piliin ng mga indibiduwal na tanggapin o tanggihan ang mga ordenansang isinagawa para sa kanila.
Inaanyayahan din ng mga miyembro ang kanilang pamilya at mga kaibigan na alamin ang tungkol sa kanilang mga ninuno at tuklasin ang kanilang mga kuwento.
Sinusuportahan ng mga lider ng Simbahan ang mga miyembro sa mga sumusunod na paraan:
Itinuturo ang kahalagahan ng paggawa ng at pagsisikap na tuparin ang mga tipan sa templo.
Hinihikayat ang mga miyembro na alamin ang tungkol sa kanilang mga ninuno, tuklasin ang kanilang kuwento, at isagawa ang mga ordenansa sa templo para sa kanila.
Sinusuportahan ang mga magulang sa pagtulong sa kanilang mga anak na makibahagi sa gawain sa templo at family history.
Hinihikayat ang mga miyembrong tumanggap na ng endowment na magkaroon ng current temple recommend at sumamba sa templo nang madalas hangga’t maaari.
Hinihikayat ang mga kabataan, mga bagong miyembro, at iba pang mga adult na hindi pa nakatanggap ng endowment na magkaroon ng current temple recommend para sa mga proxy na binyag at kumpirmasyon at magpunta sa templo para mabinyagan at makumpirma para sa mga patay.
Tingnan ang kabanata 26 para sa impormasyon tungkol sa mga temple recommend.
25.1.1
Indibiduwal na Responsibilidad sa Pagdalo sa Templo
Ang mga miyembro ang magpapasiya para sa kanilang sarili kung kailan at kung gaano kadalas sila sasamba sa templo. Ang mga lider ay hindi nagtatatag ng mga quota o sistema ng pag-uulat para sa pagdalo sa templo.
25.1.2
Mga Ward at Stake Temple Trip
Ang bawat unit ng Simbahan ay bahagi ng isang temple district. Hindi hinihikayat na mag-organisa ang mga ward at stake ng pagbista sa mga templo sa labas ng kanilang itinalagang temple district.
Ang bawat miyembro o pamilya ay maaaring dumalo sa kahit anong templo na nais nila.
25.2
Pag-oorganisa ng Gawain sa Templo at Family History sa Ward
25.2.1
Bishopric
Nakikipagtulungan ang bishopric sa elders quorum presidency at Relief Society presidency na pamunuan ang gawain sa templo at family history sa ward. Regular na nagsasanggunian ang mga lider na ito.
Ang bishopric ay may sumusunod ding mga responsibilidad sa gawain sa templo at family history sa ward:
Hikayatin ang mga indibiduwal at pamilya na alamin ang doktrina at mga pagpapala ng gawain sa templo at family history.
Tiyaking regular na itinuturo sa simbahan ang doktrina at mga pagpapala ng gawain sa templo at family history.
Tiyakin na ang gawain sa templo at family history ay tinatalakay at binibigyang-pansin sa mga ward council meeting at ward youth council meeting.
Rebyuhin at aprubahan ang ward temple and family history plan (tingnan sa 25.2.6).
Pamahalaan ang pag-organisa ng mga temple preparation course (tingnan sa 25.2.8).
Magbigay ng mga temple recommend (tingnan sa kabanata 26).
Ang bishopric ay sumasangguni sa stake president upang matukoy kung tatawag ba ng isang ward temple and family history leader (tingnan ang 25.2.3 para sa karagdagang impormasyon).
25.2.2
Elders Quorum Presidency at Relief Society Presidency
Ang elders quorum presidency at Relief Society presidency ang namumuno sa pang-araw-araw na mga gawain sa templo at family history sa ward (tingnan sa 8.2.4 at 9.2.4). Pinamumunuan ng elders quorum presidency ang mga pagsisikap na ito para sa mga miyembro ng elders quorum. Pinamumunuan ng Relief Society presidency ang mga pagsisikap ng mga miyembro ng Relief Society. Sila ay nagtutulungan na pamunuan ang mga pagsisikap na ito kasama ang ward council, sa pakikipagtulungan sa bishop.
Ang mga lider na ito ay may sumusunod na mga responsibilidad:
Hilingin sa isang ward temple and family history consultant na tulungan ang mga miyembro ng ward na nakatanggap kamakailan ng mga tawag sa misyon na hanapin at ihanda ang mga pangalan ng kanilang mga yumaong ninuno para sa mga ordenansa sa templo.
Hikayatin ang mga indibiduwal at pamilya na alamin ang doktrina at mga pagpapala ng gawain sa templo at family history.
Tiyaking regular na itinuturo sa simbahan ang doktrina at mga pagpapala ng gawain sa templo at family history.
Tulungan ang mga miyembro na maghandang tumanggap ng mga ordenansa sa templo at gumawa ng mga tipan sa templo.
Hikayatin ang mga miyembro na sumamba sa templo nang madalas hangga’t maaari.
Hikayatin ang mga miyembro na alamin ang tungkol sa kanilang mga ninuno at isagawa ang mga ordenansa sa templo para sa kanila.
Tulungan ang ward council sa pagbuo at pagpapatupad ng ward temple and family history plan (tingnan sa 25.2.6).
Tiyakin na ang gawain sa templo at family history ay pinaplano at tinatalakay sa mga ward council meeting at mga ward temple and family history coordination meeting.
Pamunuan ang gawain ng ward temple and family history leader. Kung walang tinawag na ward temple and family history leader, isang miyembro ng elders quorum presidency ang gaganap sa tungkuling ito (tingnan sa 25.2.3).
Inaatasan ng elders quorum president at Relief Society president ang isa sa kanilang mga counselor na tumulong na pamunuan ang gawain sa templo at family history sa ward. Nagtutulungan ang dalawang miyembrong ito ng presidency. Dumadalo sila sa mga ward temple and family history coordination meeting (tingnan sa 25.2.7).
Sumasangguni ang bishopric sa stake president para matukoy kung tatawag sila o hindi ng ward temple and family history leader. Kung napagpasiyahan nila na tumawag ng ward temple and family history leader, sasangguni ang bishop sa elders quorum president at Relief Society president para matukoy kung sino ang tatawagin. Ang taong ito ay dapat mayhawak ng Melchizedek Priesthood. Kung walang tinawag na ward temple and family history leader, isang miyembro ng elders quorum presidency ang gaganap sa tungkuling ito.
Sinusuportahan ng ward temple and family history leader ang elders quorum presidency at Relief Society presidency sa kanilang mga responsibilidad sa gawain sa templo at family history. Responsibilidad din niya ang mga sumusunod:
Makipagtulungan sa mga lider ng mga organisasyon sa ward, kabilang na ang mga youth quorum presidency at youth class presidency, sa pag-organisa ng mga pagsisikap sa gawain sa templo at family history.
Pamunuan ang mga ward temple and family history coordination meeting (tingnan sa 25.2.7).
Dumalo sa mga ward council meeting kapag inanyayahan.
Tulungan ang ward council sa pagbuo at pagpapatupad ng ward temple and family history plan (tingnan sa 25.2.6).
Turuan ang mga ward temple and family history consultant. Tulungan silang iorganisa ang kanilang mga pagsisikap sa gawain sa templo at family history.
Makipagtulungan sa ward mission leader at mga missionary para tulungan ang mga nag-aaral ng ebanghelyo, mga bagong miyembro, at mga nagbabalik na miyembro na makibahagi sa gawain sa templo at family history.
Kung angkop, atasan ang mga ward temple and family history consultant na maglingkod sa FamilySearch center (tingnan sa 25.3.6).
25.2.4
Mga Ward Temple and Family History Consultant
Ang mga ward temple and family history consultant ay naglilingkod sa ilalim ng pamamahala ng ward temple and family history leader o ng miyembro ng elders quorum presidency na gumaganap sa tungkuling ito. Ang bishopric ang tumatawag sa mga miyembrong ito na maglingkod. Maaaring tawaging maglingkod ang mga adult at mga kabataan. Ang elders quorum president, Relief Society president, at Young Women president ay maaaring magmungkahi kung sino ang maaaring maglingkod.
Ang mga consultant ay may sumusunod na mga responsibilidad:
Tulungan ang mga miyembro na maranasan ang mga pagpapala ng pagtuklas sa kanilang mga ninuno at pagsasagawa ng mga ordenansa sa templo para sa kanila. Ang mga karanasang ito ay lalong mahalaga sa mga nag-aaral ng ebanghelyo, mga bago at nagbabalik na miyembro, at mga naghahandang tumanggap ng temple recommend para sa mga proxy na binyag at kumpirmasyon.
Tulungan ang mga miyembro na maghandang tumanggap ng mga ordenansa sa templo at gumawa ng mga tipan sa templo.
Makibahagi sa mga temple and family history coordination meeting (tingnan sa 25.2.7).
Maglingkod sa isang lokal na FamilySearch center kapag inatasan (tingnan sa 25.3.6).
25.2.5
Ward Council
Ang mga miyembro ng ward council ay mapanalanging gumagawa at nagpapatupad ng isang ward temple and family history plan. Para sa impormasyon tungkol sa planong ito, tingnan ang 25.2.6.
Maaaring anyayahan ng bishop ang ward temple and family history leader na dumalo sa mga ward council meeting.
25.2.6
Ward Temple and Family History Plan
Bawat ward ay dapat magkaroon ng isang simpleng temple and family history plan. Ang planong ito ay tutulong sa mga miyembro ng ward, kabilang na ang mga bata at kabataan, na makibahagi sa gawain sa templo at family history at maghandang sumamba sa templo nang madalas hangga’t maaari.
Tinutulungan ng elders quorum president at Relief Society president ang ward council na buuin ang plano. Tumutulong din ang ward temple and family history leader. Sa pagbuo ng plano:
Isinasaalang-alang nila ang kasalukuyang mga pangangailangan at resource.
Tinutukoy nila ang mga hakbang na gagawin sa buong taon.
Tutukuyin nila kung paano ipatutupad ang plano at magbibigay ng mga takdang-gawain ayon dito.
Nakalista sa ibaba ang mga halimbawa ng maaaring maging bahagi ng plano:
Isali sa gawain sa family history ang mga bago at nagbabalik na miyembro, mga kabataan, at mga bata.
Tulungan ang partikular na mga miyembro na maghandang tumanggap ng mga ordenansa sa templo.
Nirerebyu at inaaprubahan ng bishop ang planong ito. Pinangungunahan ng mga miyembro ng ward council ang pagpapatupad sa planong ito. Inirereport nila sa mga ward council meeting ang mga nagawa nila. Ina-update din nila ang plano kung kinakailangan.
25.2.7
Mga Ward Temple and Family History Coordination Meeting
Regular na nagdaraos ng mga maiikli at di-pormal na ward temple and family history coordination meeting. Kung may tinawag na ward temple and family history leader, siya ang nangangasiwa sa mga miting na ito. Kung walang tinawag na ward temple and family history leader, ang miyembro ng elders quorum presidency na gumaganap sa tungkuling ito ang siyang mangangasiwa sa miting.
Kabilang sa iba pang inaanyayahang dumalo ang:
Mga inatasang miyembro ng Relief Society presidency at elders quorum presidency.
Isang assistant sa priests quorum.
Isang miyembro ng presidency ng pinakamatandang Young Women class.
Mga temple and family history consultant.
Lahat ng dumadalo, kabilang ang mga kabataan, ay nagsasanggunian bilang magkakapantay na kalahok.
Ang layunin ng mga miting na ito ay para:
I-organisa at ayusin ang mga pagsisikap na ipatupad ang ward temple and family history plan (tingnan sa 25.2.6).
Planuhin kung paano tutulungan ang partikular na mga miyembro sa kanilang gawain sa templo at family history, kung humingi sila ng tulong.
Ang mga miting na ito ay maaaring idaos nang personal o online. Ang pakikipag-ugnayan ay maaari ding gawin sa iba pang paraan, tulad ng pagtawag sa telepono, text, at email.
25.2.8
Temple Preparation Course
Sa ilalim ng pamamahala ng bishop, maaaring mag-organisa ng isang temple preparation course para tulungan ang mga miyembro na maghandang gumawa at tumupad ng mga tipan kapag tinanggap nila ang mga ordenansa sa templo. Ang mga kursong ito ay idinaraos sa labas ng regular na mga miting sa araw ng Linggo sa oras na pwede ang mga miyembro. Maaaring idaos ang mga ito sa meetinghouse o sa isang tahanan.
Mapanalanging pinipili ng mga miyembro ng ward council ang mga miyembro na aanyayahang makilahok sa bawat kurso. Ang mga kursong ito ay maaaring lalong makatulong sa mga sumusunod na tao:
Mga bagong miyembro
Mga miyembrong naghahandang tumanggap ng sarili nilang endowment o mabuklod
Mga miyembrong nagbabalik sa pagiging aktibo sa Simbahan
Mga miyembrong tumanggap na ng endowment noon pero hindi napanibago ang kanilang mga temple recommend sa loob ng mahabang panahon
Ang bishopric ay tumatawag ng isa o mahigit pang mga temple preparation instructor. Ang mga aralin at mga tagubilin sa pag-oorganisa ng kursong ito ay matatagpuan sa Pinagkalooban Mula sa Kaitaasan: Seminar sa Paghahanda sa Pagpasok sa Templo Manwal ng Guro. Ang mga kalahok ay binibigyan ng mga kopya ng Paghahanda sa Pagpasok sa Banal na Templo. Para sa mga sanggunian sa personal na pag-aaral at aralin sa klase, tingnan sa temples.ChurchofJesusChrist.org.
25.3
Pag-oorganisa ng Gawain sa Templo at Family History sa Stake
Sinusuportahan ng mga lider ng stake ang mga lider at miyembro ng ward sa kanilang mga pagsisikap sa gawain sa templo at family history.
25.3.1
Stake Presidency
Taglay ng stake president ang mga susi para sa gawain ng kaligtasan at kadakilaan ng Diyos sa stake. Sila ng kanyang mga counselor ay may sumusunod na mga responsibilidad sa gawain sa templo at family history na bahagi ng gawaing iyon:
Tiyaking regular na itinuturo sa mga miting sa stake ang doktrina at mga pagpapala ng gawain sa templo at family history.
Tulungan ang mga miyembro na maghandang gumawa ng mga tipan kapag tinanggap nila ang mga ordenansa sa templo.
Hikayatin ang mga miyembro na alamin ang tungkol sa kanilang mga ninuno at isagawa ang mga ordenansa sa templo para sa kanila.
Hikayatin ang mga miyembro na sumamba sa templo nang madalas hangga’t maaari.
Magsagawa ng mga interbyu para sa temple recommend (tingnan sa kabanata 26).
Sa kanyang regular na pakikipagpulong sa bawat elders quorum president, tinatalakay ng isang miyembro ng stake presidency ang gawain sa templo at family history sa ward (tingnan sa 8.3.1). Ang mga counselor sa elders quorum presidency at ang high councilor na inatasan sa korum ay maaaring dumalo.
25.3.2
Stake Adult Leadership Committee
Kabilang sa stake adult leadership committee ang:
Stake presidency.
Stake Relief Society presidency.
Mga high councilor na inatasang makipagtulungan sa mga elders quorum.
Tinuturuan at sinusuportahan ng mga lider na ito ang mga elders quorum presidency at mga Relief Society presidency sa kanilang mga responsibilidad sa gawain sa templo at family history (tingnan sa 25.2.2). Ang pagtuturo na ito ay maaaring gawin bilang grupo o nang personal. Maaaring anyayahan ang mga ward temple and family history leader para maturuan din sila.
Para sa karagdagang impormasyon tungkol sa mga miting ng komiteng ito, tingnan ang 29.3.9.
25.3.3
Mga High Councilor
Maaaring atasan ng stake presidency ang mga high councilor na turuan at suportahan ang sumusunod na mga tao sa kanilang mga responsibilidad sa gawain sa templo at family history:
Mga elders quorum presidency
Mga ward temple and family history leader
Mga stake temple and family history consultant
Maaaring mag-atas ng isa o higit pang mga high councilor para pamunuan ang mga pagsisikap na ito. Gayunman, lahat ng mga high councilor ay mayroong ganitong mga responsibilidad para sa mga ward at korum na nakaatas sa kanila.
Maaaring tulungan ng mga high councilor ang mga ward temple and family history leader na turuan ang mga ward temple and family history consultant. Ang mga high councilor ay maaaring tulungan ng mga stake temple and family history consultant.
Maaaring atasan ng stake presidency ang isang high councilor para iorganisa ang mga pagsisikap ng stake sa indexing (tingnan sa 25.4.3). Siya o isa pang high councilor ay maaaring atasan na pamahalaan ang gawain sa mga FamilySearch center (tingnan sa 25.3.6).
25.3.4
Stake Relief Society Presidency
Sa ilalim ng pamamahala ng stake president, tinuturuan at sinusuportahan ng stake Relief Society presidency ang mga ward Relief Society presidency sa kanilang mga responsibilidad sa gawain sa templo at family history.
Sinusuportahan ng mga stake temple and family history consultant ang gawain sa templo at family history sa buong stake. Naglilingkod sila sa ilalim ng pamamahala ng stake presidency at ng isa o higit pang mga high councilor na naatasan sa gawain sa templo at family history.
Sinusuportahan ng mga consultant na ito ang mga high councilor at stake Relief Society presidency sa kanilang mga pagsisikap na turuan ang iba tungkol sa gawain sa templo at family history (tingnan sa 25.3.3 at 25.3.4). Maaari din silang bigyan ng sumusunod na mga responsibilidad:
Tumulong sa pagtuturo at pagsuporta sa mga miyembro sa ward na may calling na nauugnay sa templo at family history.
Tumulong sa pag-organisa ng mga pagsisikap ng stake sa indexing (25.4.3).
Maglingkod sa mga FamilySearch center (tingnan sa 25.3.6).
Kung may mga resource, maaaring mag-organisa ang stake ng isa o higit pang mga FamilySearch center. Ang layunin ng mga center na ito ay tulungan ang mga bumibisita rito na tuklasin ang, mangalap ng impormasyon tungkol sa, at pagkaisahin ang mga buhay at yumaong mga kapamilya. Bukas ang mga center na ito para gamitin ng lahat ng tao.
Inaatasan ng stake president ang isang stake temple and family history consultant na pamahalaan ang mga pagsisikap sa bawat FamilySearch center. Bawat center ay karaniwang binabantayan ng mga naka-assign na stake at ward temple and family history consultant. Ang mga FamilySearch center ay dapat bukas sa mga praktikal na oras.
Bilang eksepsyon, ang ilang malalaking FamilySearch center ay pinangangasiwaan ng mga Area Presidency.
25.3.7
Mga Area Temple and Family History Adviser
Ang mga Area Presidency ay maaaring tumawag ng mga area temple and family history adviser. Kung pahihintulutan ng kanilang sitwasyon, maaaring tumawag ng isang tao o isang mag-asawa para sa bawat coordinating council. Ang mga adviser ay karaniwang naglilingkod sa loob ng tatlo hanggang limang taon.
Maaaring atasan ng Area Presidency ang mga Area Seventy na iorganisa at pag-ugnayin ang gawain ng mga adviser na ito sa mga coordinating council. Ang gawain ng mga adviser ay dapat nakaayon sa mga bagay na pinagtutuunan ng area.
Ayon sa tagubilin ng Area Presidency at mga Area Seventy, tinutulungan ng mga adviser ang mga stake president na gampanan ang kanilang mga responsibilidad sa gawain sa templo at family history. Tinutulungan ng mga adviser ang mga stake president sa kanilang mga pagsisikap na turuan ang mga high councilor, stake Relief Society presidency, stake adult leadership committee, at stake temple and family history consultant tungkol sa kanilang mga responsibilidad.
Maaaring atasan ang mga adviser na tulungan ang mga stake presidency na ihanda ang mga miyembro para sa pagsamba sa mga bagong ibinalitang templo sa lugar. Maaaring kabilang sa iba pang mga responsibilidad ang pagtuturo sa mga lider ng stake tungkol sa mga alituntunin at mga ginagawa sa gawain sa templo at family history. Kabilang dito ang:
Paano iorganisa ang gawain sa templo at family history sa mga stake at ward (tingnan sa 25.3 at 25.2).
Paano susuportahan ang mga elders quorum presidency and Relief Society presidency sa kanilang mga responsibilidad (tingnan sa 25.2.2).
Paano mapagpapala ng gawain sa templo at family history ang mga bata at kabataan (tingnan sa 10.2.4, 11.2.4, at 12.2.4).
Paano magdaos ng mabisang ward temple and family history coordination meeting (tingnan sa 25.2.7).
Paano tutulungan ang mga lider ng ward na magplano at magtakda ng mga mithiin (tingnan sa 25.2.6).
Paano tutulungan ang mga miyembro na maghandang pumunta sa templo (tingnan sa 25.2.8).
Paano tutulungan ang mga miyembro sa kanilang unang beses na pagsasagawa ng mga proxy na binyag sa templo (tingnan sa 23.2).
Ang Aking Pamilya: Mga Kuwentong Nagbibigkis sa Atin
Ang buklet na Ang Aking Pamilya: Mga Kuwentong Nagbibigkis sa Atin ay tumutulong sa mga tao na tuklasin ang kanilang mga kamag-anak at ninuno at tipunin ang mga kuwento ng mga ito. Ito ay makatutulong din sa mga miyembro na magsimulang maghanda ng mga pangalan ng mga kapamilya para sa mga ordenansa sa templo.
Ang indexing ay ang proseso ng pagpasok ng mga nakasulat na rekord na pangkasaysayan sa isang searchable database sa FamilySearch.org. Ginagawang posible ng mga nag-iindex para sa ibang tao na mas madaling mahanap ang kanilang mga ninuno at magsagawa ng mga ordenansa sa templo para sa mga ito.
Lahat ay maaaring makibahagi sa indexing. Ito ay maaaring maging isang makabuluhang karanasan para sa mga sumusunod:
Mga kabataan
Mga young adult
Mga miyembrong walang kakayahang regular na dumalo sa mga pulong ng Simbahan
Mga bagong miyembro
Mga hindi miyembro ng Simbahan
Maaaring atasan ng stake presidency ang isang stake temple and family history consultant o isang high councilor na iorganisa ang gawaing ito.
Para sa karagdagang impormasyon, tingnan ang “Indexing Overview” sa FamilySearch.org.
25.5
Pagrekomenda at Pagtawag ng mga Temple Worker
25.5.1
Pagrekomenda ng mga Temple Worker
Ang mga posibleng maglingkod bilang mga temple worker ay tinutukoy sa sumusunod na paraan:
Mga miyembrong tinukoy ng bishop o ng isa pang lider ng ward
Mga miyembrong lumapit sa bishop at nagsabing nais nilang maglingkod
Mga miyembrong nirekomenda ng temple president, matron, o isa pang lider sa templo
Mga miyembrong naghahandang magmisyon o katatapos lang magmisyon (tingnan sa kabanata 24)
Ang mga pangalan ng mga posibleng maging temple worker ay isinusumite gamit ang Recommend Temple Worker tool. Ang tool na ito ay magagamit ng mga bishop, stake president, at temple presidency. Ang proseso ng pagsusumite ng mga pangalan ay nakabalangkas sa ibaba.
Kapag natukoy ng mga miyembro ng temple presidency ang isang taong posibleng maging temple worker, isusumite nila ang pangalan ng tao sa bishop nito gamit ang Recommend Temple Worker tool.
Kapag natukoy ng bishop ang isang taong posibleng maging temple worker o tumanggap siya ng rekomendasyon mula sa temple president, kakausapin niya ang miyembro tungkol sa pagkakataong maglingkod. Rerebyuhin niya ang mga kinakailangan para sa mga temple ordinance worker (tingnan sa 25.5.2) o temple volunteer (tingnan sa 25.5.3). Kung kapwa nadama ng bishop at ng miyembro na naaangkop ang pagkakataong maglingkod, kukumpletuhin at isusumite ng bishop ang rekomendasyon gamit ang Recommend Temple Worker tool. Dapat maunawaan ng miyembro na ang isinumiteng rekomendasyon ay hindi garantiya na siya ay tatawagin o aatasan na maglingkod bilang temple worker.
Pagkatapos, ang rekomendasyon ay rerebyuhin ng stake president para sa mga miyembrong nakatira sa isang stake. Para sa mga miyembrong nakatira sa isang district, rerebyuhin ito ng mission president. Kung aaprubahan ng stake o mission president ang rekomendasyon, isusumite niya ito sa temple president para marebyu gamit ang Recommend Temple Worker tool.
Ang mga miyembrong tinawag o inatasang maglingkod bilang mga temple worker ay karaniwang nangangakong maglingkod sa isang regular na iskedyul bawat linggo. Dapat iwasang magbigay ng mga lider ng karagdagang mga calling na hahadlang sa kakayahan ng mga miyembro na makapaglingkod sa templo.
Ang Recommend Temple Worker tool ay mayroon ding listahan para sa mga bishop at stake president na nagpapakita ng lahat ng miyembro ng kanilang ward o stake na kasalukuyang naglilingkod sa templo.
25.5.2
Mga Kwalipikasyon para Makapaglingkod bilang Temple Ordinance Worker
Ang mga temple ordinance worker ay tumutulong sa pagsasagawa ng mga ordenansa sa templo. Para mairekomenda na maglingkod bilang ordinance worker, dapat matugunan ng miyembro ang sumusunod na mga kwalipikasyon:
Nakatira sa loob ng temple district ng templo kung saan siya maglilingkod.
Tumanggap na ng endowment, tinutupad ang mga tipan sa templo, at mayroong current temple recommend.
Mayroong matatag na patotoo sa ipinanumbalik na ebanghelyo ni Jesucristo.
Kaya niyang pisikal na pangasiwaan ang mga ordenansa nang walang tulong mula sa iba.
Karapat-dapat sa paggalang sa Simbahan at sa komunidad.
May kakayahang maayos na makipagtulungan sa ibang tao.
Maaasahan at may mabuting kalusugan.
Walang anotasyon sa kanyang membership record sa kasalukuyan.
Bukod pa rito, sinisiguro ng bishop ang mga sumusunod:
Kung nagkaroon ng pormal na restriksyon sa pagkamiyembro ang isang tao, maaari lamang siyang irekomendang maging ordinance worker pagkatapos ng limang taon matapos alisin ang mga restriksyon. (Tingnan sa 32.11.3 at 32.16.1.)
Kung binawi ang pagkamiyembro ng isang taong hindi pa nakatanggap ng endowment, o kung ang tao ay nagbitiw sa pagkamiyembro, maaari lamang siyang irekomendang maging ordinance worker pagkatapos ng limang taon matapos muling tanggapin sa Simbahan. (Tingnan sa 32.11.4, 32.14.9, 32.16.1, at 32.16.2.)
Kung binawi ang pagkamiyembro ng isang taong nakatanggap ng endowment, o kung ang tao ay nagbitiw sa pagkamiyembro, maaari lamang siyang irekomendang maging ordinance worker pagkatapos ng limang taon matapos matanggap ang pagpapanumbalik ng mga pagpapala. (Tingnan sa 32.11.4, 32.14.9, at 32.17.2.)
Kung hindi pa nakakalipas ang limang taon mula nang maganap ang mga nakasaad sa itaas, ang miyembro ay karaniwang maaaring irekomenda na maging temple volunteer kung matutugunan niya ang mga kwalipikasyon para sa assignment na iyon.
25.5.3
Mga Kwalipikasyon para Makapaglingkod bilang Temple Volunteer
Ang mga temple volunteer ay tumutulong sa mga pang-administratibong gawain sa templo, tulad ng paglilingkod sa opisina o paglalaba. Para mairekomenda na maglingkod bilang temple volunteer, dapat matugunan ng miyembro ang sumusunod na mga kwalipikasyon:
Nakatira sa loob ng temple district ng templo kung saan siya maglilingkod.
Tumanggap na ng endowment, tinutupad ang mga tipan sa templo, at mayroong current temple recommend.
May kakayahang maayos na makipagtulungan sa ibang tao.
Maaasahan at may mabuting kalusugan.
Walang anotasyon sa kanyang membership record sa kasalukuyan.
Bilang eksepsyon sa mga kwalipikasyong ito, ang mga miyembro na nagboluntaryong maglingkod sa labas ng gusali ng templo ay hindi kailangang nakatanggap na ng endowment. Ang isang halimbawa ay isang miyembrong naglilingkod sa bakuran ng templo.
25.5.4
Pagtawag at Pag-set Apart ng mga Ordinance Worker
Matapos matanggap ng temple president ang rekomendasyon para sa isang taong maglilingkod bilang ordinance worker, ang taong ito ay iinterbyuhin ng isang miyembro ng temple presidency o ng isang taong inatasan niya. Ayon sa matatanggap niyang inspirasyon, ang nagsasagawa ng interbyu ay tatawaging maglingkod at ise-set apart ang mga taong may kakayahang maglingkod bilang mga ordinance worker.
25.5.5
Pag-atas sa mga Volunteer
Ang mga temple volunteer ay maaaring interbyuhin at atasang maglingkod ng isang miyembro ng temple presidency o ng isang taong inatasan niya. Ang mga volunteer ay inaatasan sa halip na tinatawag maglingkod. Hindi sila kailangang i-set apart.