Kirtland Tampeļ, jān Jon McNaughton

Jeptōm̧ba 27–Oktoba 3

Katak im Bujen Ko 109–110

“Ej Im̧ōm M̧wiin, juon Jikin Ekwōjarjar eo Am̧”

Jekjōn 109 im 110 rej kōmeļeļeik jet iaan iien ko rekwojarjar tata an Jepļaaktok eo. Kanooj lale n̄an kōtļo̧k bwe ro uwaan kūlaaj eo ren kwaļo̧k ta eo raar ļōmņak im kar en̄jake ilo aer kar ekkatak kōn iien kein.

Je En̄jake ko Rej Im̧we Eok

Kajjitōk bwe ren Kwaļo̧k

Irooj ekar kean̄ “bun̄bun̄ eo an m̧wiin [Kirtland Tampeļ] enaaj erakrakļo̧k n̄an āne ko rettoļo̧k” (Katak im Bujen Ko 110:10). Kwomaron̄ kajjitōk ippān ro uwaan kūlaaj eo n̄an kwaļo̧k juon men rekar loe ilo aer kar ekkatak me rej en̄jake aikuj in ajeded n̄an armej ro ipeļaakin laļ in.

Katakin Katak eo

Katak im Bujen Ko 109; 110:1–10

Irooj ekōņaan kōjeraam̧m̧an kōj ilo m̧weo Im̧ōn ekwojarjar.

• Katak jān jekjōn 109 ej juon iien em̧m̧an aiboojoj n̄an jipan̄ ro uwaan kūlaaj eo kōkajoorļo̧k ikdeelel eo aer n̄an kabun̄ jar ilo tampeļ. Kwomaron̄ je ioon boot eo nōm̧ba in jet eoon ko me ej kōnono kōn kōjeraam̧m̧an ko an tampeļ eoon 12–13, 22–23, 24–28, 29–32. Ro uwaan kūlaaj eo remaron̄ kāālet eoon ko n̄an riiti im kejokļo̧kjeņ kaki, kajjojo ak ilo kurup ko, innām ba ilo tukadu in n̄an kūlaaj eo kōjeraam̧m̧an eo eoon ko rej kōmeļeļeiki. Membōr ro me em̧ōj aer pād ilo tampeļ remaron̄ kwaļo̧k ekōjkan aer kar en̄jake kōjeraam̧m̧an kein ilo mour ko aer.

  Kwomaron̄ barāinwōt riiti ak al ippān doon “Jitob An Anij E Einwōt Kijeek” (Al Ko Al In Ajri, nō. 20), eo me kar al kake ilo aje eo an Kirtland Tampeļ. Ro uwaan kūlaaj eo remaron̄ kwaļo̧k kōjeraam̧m̧an ko an tampeļ me kar kōmeļeļeik ilo al eo im kwaļo̧k jabdewōt en̄jake ko reiookļo̧k wōt en̄jake ko ekar wōr ippāer, n̄e ejejjet.

• Bōk kōjeraam̧m̧an ko an tampeļ emakijkij an aikuji kaarmejete. Ta eo katak im Bujen Ko 109:5 ej katakin kōn kaarmejete ko Armej ro Rekwojarjar etto me rekar kōm̧m̧ani n̄an kalōk Kirtland Tampeļ? Bōlen juon emaron̄ kar pojaktok n̄an kōnono kōn kaarmejete kein (lale “A House for Our God,” Revelations in Context, 169–71). Ta kaarmejete ko jej kōm̧m̧ani n̄an bōk kōjeraam̧m̧an ko an tampeļ rainin? Bōlen ro uwaan kūlaaj eo renaaj m̧ōņōņō in kwaļo̧k en̄jake ko aer. Jet waanjon̄ak ko raan kein rej loi ilo pija in alooj “Sealed Together: The Manaus Temple Caravan” im “Temples Are a Beacon” (ChurchofJesusChrist.org).

• Katak kōn kōmeļeļe eo an Rilo̧mo̧o̧r eo ekar jerkakpeje ilo Katak im Bujen Ko 110:1–10 ej juon wāween em̧m̧an n̄an kalōk tōmak eo am̧ ilo Jisōs Kraist. Kwomaron̄ kajjitōk ippān ro uwaan kūlaaj eo n̄an keememej pija eo ilo eoon kein im ļōmņak kōn ta eo pija kein rej katakin kōj kōn Jisōs Kraist. Ta eo emaron̄ in “jerbal in kōm̧anm̧an in lukkuun gold” kar jutak kake? ak ainikien eo “ainikien eaar āinwōt ainikien ibweeb in dān ko reļļap”?

  

  Kajjojo jabōn ko an Kirtland Tampeļ ewōr boļpet ko n̄an ritōl ro an priesthood.

Katak im Bujen Ko 110:11–16

Kii ko an priesthood eo kar aikuji n̄an kōttōprak jerbal eo an Anij rej pād ilo Kabun̄ in rainin.

• N̄an jipan̄ ro uwaan kūlaaj eo meļeļe kōn kii ko an priesthood eo me Moses, Elias, im Ilaijah rekar leļo̧k n̄an Josep Smith im Oliver Cowdery ilo Kirtland Tampeļ, kwomaron̄ kajjitōk ippāer n̄an riiti im ekōnono kōn ennaan in ilo “Kein Jipan̄ ko Jet,” ippān kajjojo ak ilo kurup ko. Etke kii kein rekanooj aorōk ilo mour ko ad kiiō? Kwomaron̄ barāinwōt kajjitōk ippān ro uwaan kūlaaj eo n̄an kāālet juon iaan rikanaan ro me kar leļo̧k kii kein—Moses, Elias, im Elijah—im ekkatak kōn e jān Bible Dictionary eo ak Unin Tōl eo n̄an Jeje Ko Rekwōjarjar. Ta eo kōn mour ko an rikanaan rein ej katakin kōj kōn kii ko raar liļo̧k? Menin emaron̄ tōlļo̧k n̄an juon iien ekōnono kōn ta eo Irooj ej kōtmene kōj n̄an kōm̧m̧ane kiiō ke kii kein rej pād ioon laļ in.

Kein Jipan̄ ko Jet

Kii ko rej letok kajoor im mālim n̄an jerbal eo an Anij.

Elder Quentin L. Cook ekar kōmeļeļeik:

“Kirtland Tampeļ, jim̧or ia eo ej pād ie im jon̄an, ekar lukkuun dik. Bōtaab n̄e ej itok n̄an jon̄an aorōkin n̄an armej, ej ļōme mour-indeeo. Rikanaan ro etto rekar kōjepļaaktok kii ko n̄an kain̄i in lo̧mo̧o̧r ko ilo gospel eo an Jisōs Kraist. Menin ekar bōktok eļap lan̄lōn̄ n̄an membōr ro retiljek.

“Kii kein rej letok ‘kajoor ko jān ijo eutiej’ [Katak im Bujen Ko 38:38] n̄an eddo ko emōj litok n̄an kōj bwe en mōttanļo̧k kōttōpar eo an Kabun̄ in. Ilo raan in Ijtō eo eaibojooj ilo Kirtland Tampeļ, jilu kii ko rekar jepļaaktok:

“Kein Kajuon, Moses eaar waļo̧kto̧k im̧aamro, im wūjlepitok n̄an kōmro kii ko n̄an aintok Israel jān m̧ōttan ko emān ilo laļ in, eo me ej jerbal in mijenede.

“Kein Karuo, Elias eaar waļo̧k im wūjlepitok kii ko an tōrean bōk eddo in gospel eo an Ebream, eo ekitbuuj jepļaaktok eo an bujen eo an Ebream [lale Ebream 2:8–11]. Būreejtōn Russell M. Nelson ekar katakin bwe jibadbad eo an kii ko an bujen ej n̄an kōpooj membōr ro n̄an aelōn̄ in kiin̄ eo an Anij [lale “Covenants,” Ensign ak Liaona, Nob. 2011, 88]. …

“Kein Kajilu, Ilaija eaar waļo̧k im wūjlepitok kii ko an kajoor in liāp ilo epepen in, eo me ej jerbal in menmenbwij an baam̧le im kain̄i ko an tampeļ n̄an ro remour im ro remej” (“M̧aanjāppopo n̄an iioon Anij,” Ensign ak Liaona, Māe 2018, 114–15).

Kōkōm̧anm̧anļo̧k Ad Katakin

Karuwaineneiktok Jetōb eo n̄an katakin eo am̧. “Jibadbad eo eļap tata an aolep men ej juon rūkaki in gospel eo ej kōm̧m̧ane—aolep kajjitōk, aolep jeje ko rekwojarjar, aolep m̧akūtkūt—ej n̄an karuwaineneiktok Jetōb eo n̄an kalōk tōmak im n̄an kūr aolep n̄an itok n̄an Kraist. … Al ko rekwojarjar, jeje ko rekwojarjar, naan ko an rikanaan ro raan kein, kwaļo̧k iakwe im naan in kam̧ool, im iien kōļmenļo̧kjeņ ko relur maron̄ aolep karuwaineneiktok pād eo an Jetōb” (Teaching in the Savior’s Way, 10).