“Oktoba 11–17. Katak im Bujen Ko 115–120: ‘Katok eo An Naaj Ekwōjarjarļo̧k n̄an Eō Jān Ļapļo̧k eo An,’” Itok, Ļoor Eō—N̄an Jabōt Jikuuļ: Katak im Bujen Ko 2021 (2020)
“Oktoba 11–17. Katak im Bujen Ko 115–120,” Itok, Ļōōr Eō—N̄an Jabōt Jikuuļ: 2021
Turōk Tata, jān Al Rounds
Oktoba 11–17
Katak im Bujen Ko 115–120
“Katok eo An Naaj Ekwōjarjarļo̧k n̄an Eō Jān Ļapļo̧k eo An”
Ilo am̧ m̧aanjappopo n̄an katakin, keememej bwe jibadbad eo am̧ eļap tata ej n̄an jipan̄ ro jet kalōk tōmak ilo Jisōs Kraist.
Je En̄jake ko Rej Im̧we Eok
Kajjitōk bwe ren Kwaļo̧k
M̧okta jān am̧ kōnono kōn pedped in katak ko jān jekjōn 115–20 me eļap meļeļeier n̄an eok, kajjitōk ippān ro uwaan kūlaaj eo n̄an kwaļo̧k ta eo ekar ļap meļeļein n̄an er. N̄an waanjon̄ak, kwomaron̄ kajjitōk ippān ro uwaan kūlaaj eo n̄an kam̧ōjļo̧k jentōj in: “Ij kam̧m̧oolol bwe ikar riiti jekjōn 115–20 kōnke …”
Katakin Katak eo
Kabun̄ eo an Jisōs Kraist im Armej ro Rekwojarjar ilo Raan Ko Āliktata ej juon jikin ko̧ne im likōpejn̄ak.
-
Ro uwaan kūlaaj eo remaron̄ etale ennaan eo an Būreejtōn Russell M. Nelson “Jim̧we in Etan Kabun̄ in” (Ensign ak Liaona, Nob. 2018, 87–90) n̄an meļeļe ko me rej jipan̄ er meļeļe eoon 4–6. Etke eaorōk n̄an kōjerbal jim̧we in etan Kabun̄ in?
-
Ālkin riiti ippān doon Katak im Bujen Ko 115:4–6, ro uwaan kūlaaj eo remaron̄ ekōnono kōn ekōjkan an Kabun̄ in im ro uwaan āinwōt juon meram ak juon jon̄ak. Kwomaron̄ kwaļo̧k juon pija in juon miade ilo juon ļan̄ im kajjitōk ippān ro uwaan kūlaaj eo ekōjkan an iookļo̧k ennaan eo ilo eoon 5–6 Ekōjkan ippān doon ilo “Zaion, im … stake ko an” kar lewaj n̄an eok “likōpejn̄ak jān lan̄ eo”? (eoon 6).
Jemaron̄ eromaakļo̧k āninwōt meram ko n̄an jipan̄ ro jet lo likōpejn̄ak eo ilo Kabun̄ in.
Katok ko ad rej ekwojarjar n̄an Irooj.
-
Kajjitōk ippān ro uwaan kūlaaj eo n̄an pijaikļo̧k ke er rej Newel K. Whitney ak lio pāleen, Elizabeth, me ekar wōr juon aer im̧ōn wia eo ekajoor ilo Kirtland bōtaab kar kajjitōk jān Irooj n̄an ilo̧k jān m̧weiuk ko m̧weier im em̧m̧akūt n̄an Missouri. Innām remaron̄ riiti eoon 1–11 im kwaļo̧k juon men Irooj ekar ba bwe naaj kar jipan̄ er kōm̧m̧ane katok in.
-
Kein katakin ko kōjerbal pija remaron̄ jipan̄ ro uwaan kūlaaj eo ļōmņak kōn “pilin̄” eo jet iien jej kōņaan ijello̧kin “men ko reddoļo̧k” (eoon 8). Ļōmņak in kwaļo̧k men ko āinwōt juon pilin̄ in dān im juon bato in aibōj ak juon chocolate chip ak juon chocolate bar. Bōlen ro uwaan kūlaaj eo remaron̄ ļōmņak kōn bar jet waanjon̄ak ko. Kwomaron̄ barāinwōt je pilin̄ im men ko reddoļo̧k ioon boot eo im kajjitōk ippān ro uwaan kūlaaj eo n̄an kōllaajraki waanjon̄ak ko an men ko jemaron̄ aikuji bwe “ren … kōtļo̧ki” ilo (eoon 5) n̄an maron̄ bōk “kanooj kouwa” an Anij (eoon 7).
-
Eļan̄n̄e ro uwaan kūlaaj eo ewōr jabdewōt aer en̄jake ko ke rej riiti naan ko an Irooj kōn Oliver Granger ilo eoon 12–15, kajjitōk ippāer n̄an kwaļo̧k. Etke katok ko ad remaron̄ in ļapļo̧k aer ekwojarjar n̄an Irooj jān ļapļo̧k eo ad?
Ilo ad kōļļā juon m̧ōttan jon̄oul, jej jipan̄ kalōk im “kokwōjarjar āneen Zaion.”
-
Pijaikļo̧k juon kajoor in jetōb me emaron̄ in itok jān an ro uwaan kūlaaj eo kwaļo̧k ippān doon kōjeraam̧man ko raar būki jān pokake kien juon m̧ōttan jon̄oul. Remaron̄ barāinwōt riiti Katak im Bujen Ko 119:6 im ekōnono kōn ekōjkan an kien in maron̄ “kokwōjarjar āneen Zaion” im kōm̧m̧an bwe ward ak branch eo ad en “juon āneen Zaion n̄an [kōj]” Remaron̄ barāinwōt riiti Malakai 3:8–12 n̄an kile kōjeraam̧m̧an kko Irooj ej kallim̧ur kaki kōn kōļļā juon m̧ōttan jon̄oul.
-
Eļan̄n̄e ro uwaan kūlaaj eo ewōr aer kajjitōk ko kōn ekōjkan an joun m̧ōttan jon̄oul eo jerbal, kwomaron̄ kajjitōk ippāer n̄an riiti jekjōn 120 im kōmeļeļe eo ilo “Kein Jipan̄ ko Jet.” (Elder David A. Bednar ej barāinwōt letok juon kōmeļeļe eo ejipan̄ ilo “Winto ko An Lan̄” [Ensign ak Liaona, Nob. 2013, 19–20].) Ekōjkan ad maron̄ jipan̄ ro jet kōļapļo̧k aer tōmak ilo kien juon m̧ōttan jon̄oul eo an Irooj?
Kein Jipan̄ ko Jet
Ko̧o̧njeļ eo kōn Kilen Kōjerbal Juon M̧ōttan Jon̄oul ko
Elder Robert D. Hales ekar ba:
“Āinwōt kar kwaļo̧ke jān Irooj, kōjerbal juon m̧ōttan jon̄oul eo ej kōmelet jān juon ko̧o̧njeļ kobaik in Būreejtōnji eo Kein Kajuon, Doulul eo an Jon̄oulruo Rijilōk ro, im Bisoprik eo Eutiej. Irooj ej lukkuun ba bwe jerbal eo an ko̧o̧njeļ eo ej n̄an tōl ‘jān ainikiō make n̄an er’ [Katak im Bujen Ko 120:1]. Ko̧o̧njeļ in ej ņa etan Ko̧o̧njeļ eo kōn Kilen Kōjerbal Juon M̧ōttan Jon̄oul ko.
“Ekabwūlōn̄lōn̄ n̄an kam̧oole an ko̧o̧njeļ in eo̧ron̄ ainikien Irooj. Kajjojo uwaan emeļeļe kōn im ej bōk kuņaer ilo aolep jokāālet ko an ko̧o̧njeļ eo. Ejjeļo̧k jokāālet ej kōm̧m̧an m̧ae iien eo ko̧o̧njel eo ej aolep errā. Aolep jāān in juon m̧ōttan jon̄oul eo rej jerbal n̄an jibadbad ko an Kabun̄ in, ekoba menin jipan̄—kōjparok rijeram̧ōl im riaikuj—tampeļ ko, im̧ōko im kōjparok im̧ōn kweilo̧k ko, jeļāļo̧kjeņ, laajrak in kein katakin—ilo kōkaduki, jerbal eo an Irooj. …
“… Ij kwaļo̧k naan in kam̧ool eo aō kōn Ko̧o̧njeļ eo kōn KIlen Kōjerbal Juon M̧ōttan Jon̄oul ko. Em̧ōj aō jerbal ilo ko̧o̧njeļ in ium̧win 17 iiō ko, āinwōt Bisop eo ej Tōl an Kabun̄ in im kiiō āinwōt juon uwaan Doulul eo an Jon̄oulruo Rijilōk ro. Ilo ejjeļo̧k kabbōjrak, jāān in juon m̧ōttan jon̄oul ko an Kabun̄ in rekar jerbal n̄an jibadbad ko An” (“Tithing: A Test of Faith with Eternal Blessings,” Ensign ak Liaona, Nob. 2002, 28).
Kōkōm̧anm̧anļo̧k Ad Katakin
Kajjitōk ippān rūkatak ro n̄an katakin doon. “Emaron̄ bōlen jetjet n̄an kajjitōk ippān rikkatak ro n̄an jipan̄ doon kappukot uwaak ko n̄an kajjitōk ko aer. N̄e im̧we jān Jetōb, kwomaron̄ kāālet n̄an kōm̧m̧ane menin jekdo̧o̧n n̄e kwōj en̄jake bwe kwojeļā uwaak eo” (Teaching in the Savior’s Way, 24).