ընտանիքը կարդում է սուրբ գրություններ

Դեկտեմբերի 28-ից հունվարի 3-ը

Վարդապետություն և Ուխտեր 1

«Ականջ դրեք, ո՜վ դուք, իմ եկեղեցո՛ւ ժողովուրդ»

Նախապատարաստվեք ուսուցանել՝ աղոթքով ուսումնասիրելով Վարդապետություն և Ուխտեր 1-ը: Ուսումնասիրելիս ուշադրություն դարձրեք երեխաների կարիքներին վերաբերող հուշումներին և փնտրեք սկզբունքներ, որոնք օգտակար կլինեն նրանց համար։ Ձեր ստացած տպավորությունները կօգնեն ձեզ ծրագրել օգտակար վարժություններ այդ սկզբունքերն ուսուցանելու համար:

Գրի առեք ձեր տպավորությունները

կիսվելու պատկերակ

Հրավիրեք կիսվել

Ցույց տվեք Վարդապետություն և Ուխտեր սուրբ գրությունը և խնդրեք երեխաներին կիսվել նրա մասին իրենց գիտելիքով: Ո՞վ է գրել այն: Ի՞նչ է այն պարունակում։ Ինչո՞ւ է այն կարևոր։ Օգնության համար կարող եք հղում կատարել «Բաժին 23. Վարդապետություն և Ուխտեր» (Վարդապետություն և Ուխտեր. Պատմություններ, 90–92): Ասեք, թե որքան շատ եք սիրում Վարդապետություն և Ուխտեր սուրբ գրությունը և որքան եք ցանկանում ուսումնասիրել այն այս տարի:

ուսուցման պատկերակ

Ուսուցանեք վարդապետությունը. Կրտսեր խմբի երեխաներ

Վարդապետություն և Ուխտեր 1․4

Իր մարգարեների միջոցով Տերը նախազգուշացնում է մեզ հոգևոր վտանգներից:

Տերը հայտարարում է, որ Իր ձայնը «նախազգուշացնող ձայն» է։ Ինչպե՞ս կարող եք ոգեշնչել երեխաներին լսել ու հնազանդվել Նրա նախազգուշացումներին:

Հնարավոր վարժություններ

• Թող երեխաները ցույց տան նախազգուշացնող նշանների նկարներ, ինչպիսիք են՝ վտանգները, վատ եղանակը կամ բանտը, և ասել, թե դրանք ինչպես են նախազգուշացնում մեզ վտանգից: Կամ պատմեք մի պատմություն այն ժամանակի մասին, երբ դուք հնազանդվել եք նախազգուշացմանը: Այս նախազգուշացումները համեմատեք այն նախազգուշացումների հետ, որոնք Տերը տալիս է մեզ Իր մարգարեների միջոցով: Վկայեք, որ Տերը նախազգուշացնում է մեզ, քանի որ Նա սիրում է մեզ և ցանկանում է, որ մենք ապահով լինենք (տես նաև այս շաբաթվա գործնական աշխատանքի էջը)։

• Կարդացեք Վարդապետություն և Ուխտեր 1․4-ը. «Եվ նախազգուշացնող ձայնը պիտի գնա բոլոր ժողովուրդներին»: Կիսվեք մարգարեի կողմից վերջերս ուսուցանված սկզբունքով, որ կարող է մեզ ապահով պահել։ Հնարավորության դեպքում, ցույց տվեք առնչվող նկարը։ Ուսուցանեք, թե դուք ինչպես եք հետևում մարգարեի խորհրդին:

Վարդապետություն և Ուխտեր 1.17, 29

Ջոզեֆ Սմիթն Աստծո մարգարեն է:

Երբ դուք երեխաների հետ ուսումնասիրում եք Վարդապետություն և Ուխտեր սուրբ գրությունը, օգնեք նրանց կառուցել իրենց վկայությունները Ջոզեֆ Սմիթի աստվածային կոչման մասին:

Հնարավոր վարժություններ

• (տես Եկ հետևիր ինձ. Անհատների և ընտանիքների համար տես նաև Ավետարանի նկարների գիրք, հ. 87): Խնդրեք երեխաներին կանգնել նկարի կողքին և կիսվել Ջեզեֆ Սմիթի մասին իրենց իմացածով։

• Թող երեխաները ցույց տան Փրկիչի նկարը և Ջոզեֆ Սմիթի նկարը։ Խոսեք նրանց հետ այն մասին, թե Փրկիչն ինչ է տվել մեզ Ջոզեֆ Սմիթի միջոցով, ինչպես օրինակ՝ պատվիրանները (տես հատված 17) և Մորմոնի Գիրքը (տես հատված 29): Ասեք երեխաներին, որ Վարդապետություն և Ուխտեր սուրբ գրությունից նրանք կսովորեն այն պատվիրանների մասին, որոնք Տերը տվել է Եկեղեցուն Ջոզեֆ Սմիթի միջոցով:

• Կիսվեք Ջոզեֆ Սմիթի մասին ձեր զգացմունքներով և վկայեք, որ Աստված «կանչեց [իր] ծառա Ջոզեֆ Սմիթ կրտսերին, և երկնքից խոսեց նրա հետ» (հատված 17):

Վարդապետություն և Ուխտեր 1․38

Մարգարեի խոսքերը Աստծո խոսքերն են

Ձեր ուսուցանած երեխաները գուցե լսել են Եկեղեցու Նախագահի ելույթը, բայց, հավանաբար, չեն հասկացել, որ նրա բառերը գալիս են Աստծուց: Օգնեք նրանց սովորել հասկանալ մարգարեի խոսքերը՝ որպես Աստծո խոսքեր:

Հնարավոր վարժություններ

• Խաղացեք մի պարզ խաղ. որևէ երեխայի հրահանգներ տվեք և խնդրեք նրան կրկնել այդ հրահանգները մյուս երեխաների համար: Օգնեք նրանց տեսնել, որ երեխայի հրահանգներին հետևելը նույնն է, ինչ ձեր հրահանգներին հետևելը և, որ մարգարեին հետևելը նույնն է, ինչ Տիրոջը հետևելը: Նրանց համար կարդացեք Վարդապետություն և Ուխտեր 1.38-ի վերջին տողը. «Լինի դա իմ իսկ ձայնով, թե իմ ծառաների ձայնով միևնույն է»:

• Միասին երգեք մարգարեների մասին որևէ երգ, օրինակ՝ «Հետևիր մարգարեին» (Children’s Songbook, 110)։ Կիսվեք ձեր վկայությամբ այն մասին, որ մարգարեն խոսում է Աստծո անունից:

• Ցուցադրեք ապրող մարգարեի որևէ նկար, ձայնագրություն կամ տեսանյութ: Բերեք ձեր վկայությունն այն մասին, որ մարգարեն մեզ ասում է, թե Աստված ինչ է ցանկանում, որ մենք իմանանք։ Խնդրեք մի քանի երեխաների կիսվել մարգարեի մասին իրենց վերաբերմունքով:

  գերագույն համաժողովի նիստ

  Մարգարեն ուսուցանում է մեզ, թե Աստված ինչ է ցանկանում, որ մենք իմանանք։

ուսուցման պատկերակ

Ուսուցանեք վարդապետությունը. Ավագ խմբի երեխաներ

Վարդապետություն և Ուխտեր 1.15–17, 29–30

Տերը գիտեր այն մարտահրավերները, որոնց մենք կբախվեինք, ուստի նա վերականգնեց ավետարանը Ջոզեֆ Սմիթի միջոցով:

Դուք կարող եք օգնել երեխաներին պատրաստվել ապագա մարտահրավերներին, ուսուցանելով նրանց, թե Վերականգնումն ինչպես է հոգևոր պաշտպանություն ապահովում:

Հնարավոր վարժություններ

• Օգնեք երեխաներին մտածել ներկայիս աշխարհի որոշ խնդիրների մասին: Վերանայեք Վարդապետություն և Ուխտեր 1.15-16 հատվածը նրանց հետ և օգնեք նրանց հայտնաբերել այն մի քանի խնդիրները, որոնց, ըստ Տիրոջ մարգարեության, մենք կբախվենք: Խնդրեք նրանց հատվածներ 17 և 29–30-ում բացահայտել, թե Տերն ինչ է արել, որպեսզի օգնի մեզ դիմակայել մեր ժամանակի մարտահրավերներին:

• Խնդրեք երեխաներին պատկերացնել, որ իրենք պատրաստվում են ուղևորության: Ի՞նչ կվերցնեին իրենց հետ: Նրանց ինչպե՞ս կօգներ այն փաստը, եթե նախօրոք իմանային, որ իրենց ուղևորության ժամանակ անձրև է գալու կամ իրենց ավտոմեքենայի անիվը վնասվելու է: Միասին կարդացեք հատված 17-ը և քննարկեք, թե, ըստ Տիրոջ, ինչ կպատահեր մեզ, և ինչպես է Նա պատրաստվել դրա համար: (Անհրաժեշտության դեպքում բացատրեք, որ «աղետը» դժբախտություն է կամ ահավոր մի բան։) Աստծո պատվիրաններն ինչպե՞ս են օգնում մեզ հաղթահարել մեր ժամանակի մարտահրավերները:

Վարդապետություն և Ուխտեր 1.30

Հիսուս Քրիստոսի Վերջին Օրերի Սրբերի Եկեղեցին Տիրոջ «ճշմարիտ և կենդանի եկեղեցին» է:

Դուք ինչպե՞ս կարող եք օգնել երեխաներին գնահատել «ճշմարիտ և կենդանի եկեղեցուն» պատկանելու մեծ օրհնությունները:

Հնարավոր վարժություններ

• Հրավիրեք երեխաներին թվարկել որոշ բաներ, որոնք կենդանի են և որոշ բաներ, որոնք կենդանի չեն (եթե հնարավոր է, բերեք նկարներ կամ օրինակներ): Ո՞րն է տարբերությունը կենդանի բաների և ոչ կենդանի բաների միջև: Միասին կարդացեք հատված 30-ը: Ի՞նչ է նշանակում, որ Եկեղեցին «ճշմարիտ» և «կենդանի է»:

• Ցույց տվեք որևէ նկար, ինչպես օրինակ Փրկիչի նկարը, և խնդրեք երեխաներին նկարագրել այն՝ միաժամանակ անջատելով սենյակի լույսերը։ Օգտագործեք այս վարժությունը, որպեսզի օգնեք երեխաներին տեսնել, որ շատ մարդկանց համար Փրկիչի ճշմարիտ Եկեղեցին «մթության» և «խավարի» մեջ է: Ինչպե՞ս կարող ենք օգնել ուրիշներին իմանալ Եկեղեցու մասին:

Վարդապետություն և Ուխտեր 1.37-38

Տիրոջ խոսքն ապրում է հավիտյան

Դուք կարող եք օգնել երեխաներին կառուցել իրենց հավատն առ Հիսուս Քրիստոսը՝ ուսուցանելով նրանց, որ Նրա խոսքը հաստատ է և վստահելի:

Հնարավոր վարժություններ

• Օգնեք երեխաներին համեմատել այն բաները, որոնք ժամանակավոր են, ինչպես՝ պղպջակը կամ ձյան փաթիլը, այն բաների հետ, որոնք անփոփոխ են, ինչպես՝ լեռը կամ արևը: Խնդրեք նրանց հատվածներ 37–38-ում գտնել որևէ բան, որն, ըստ Տիրոջ, անփոփոխ է: Ինչո՞ւ է օրհնություն հանդիսանում այն, որ մենք իմանանք, որ Աստծո խոսքը «չպիտի անցնի»:

• Օգնեք երեխաներին հասկանալ, որ «իմ ծառաների ձայնը» ընդգրկում է մեր առաքյալների ու մարգարեների ձայները: Օգնեք երեխաներին վերջին գերագույն համաժողովից գտնել «մարգարեություններ ու խոստումներ» Տիրոջ ծառաներից որևէ մեկի ելույթից: Վկայեք, որ այս խոսքերը ոգեշնչված են Տիրոջ կողմից և «բոլորը պիտի կատարվի»:

սովորելու պատկերակ

Խրախուսեք տնային ուսումնասիրությունը

Երեխաների հետ կրկնեք իրենց այսօրվա սովորած նյութը և հրավիրեք նրանց ընտրել որևէ բան, որի մասին, ըստ իրենց, բոլորը պետք է իմանան: Խրախուսեք նրանց դրանով կիսվել որևէ ընկերոջ կամ ընտանիքի անդամի հետ:

Բարելավել մեր ուսուցումը

Երեխաները սովորում են բազմաթիվ եղանակներով: «Բոլոր երեխաներն իրար նման չեն, և յուրաքանչյուր երեխա զարգանում է արագ տեմպերով: Երեխաներին ուսուցանելու ձեր ջանքերը ավելի արդյունավետ կլինեն, եթե օգտագործեք ուսուցման տարբեր եղանակներ, ինչպիսիք են՝ պատմությունները, տեսողական օժանդակ նյութերն ու երաժշտությունը (Ուսուցանել Փրկիչի ձևով, 25).

գործնական աշխատանքի էջ. մարգարեները նախազգուշացնում են մեզ հոգևոր վտանգների մասին