Abentekiti B

Ibukin te Moanrinan—Katauraoakiia Ataei ibukin Maiuia n Ana Kawai ni Berita ae Tabu te Atua

N namwakaina ake nimaua iai Tabati, a kaungaaki taan reirei n te Moanrinan bwa a na onea mwiin are e baireaki n Nakomai, Iriirai are kanoan te kanimaua n Tabati ma teuana te waaki ni kamatebwai ke e mwaiti riki man waaki n reirei aikai.

Tuua ao Otenanti n ana Euangkerio Iesu Kristo

E reireiniira arora Ana reirei Kristo n okira te Atua.

Ngke e kaoti Iesu Kristo i Amerika, E reireiniia Ana reirei. E taku bwa ti kona n rin n Abanuean te Atua ngkana iai ara onimaki, ti rairi nanora, ti bwabetitoaki, ti karekea te Tamnei ae Raoiroi, ao ti teimatoa ni uaa te toki (taraa 3 Nibwaai 11:31–40; taraa naba Reirei ao Berita aika Tabu 20:29). Waaki ni kakukurei aika i nano e kona ni buokiko n reireiniia ataei bwa tuua ao otenanti aikai a kona n ibuobuoki ni kaaniira ma te tia Kamaiu i nanon maiura.

N reiakina riki ae bati i aon ana reirei Kristo, taraa 2 Nibwaai 31.

Waaki ni Kakukurei aika a Kona ni Karaoaki

• Anganiia ataei tamnei aika a tei ibukin te onimaki iroun Iesu Kristo, te rairannano, te bwabetito, ao te kamatoa (taraa Gospel Art Book, nambwa. 1, 111, 103, ao 105). Warekia ke taekinna ma ataei te kaaua n onimaki, ao tuangiia bwa a na tabekirake aia tamnei ngkana e taekinaki te tua ke te otenanti anne. Buokiia ataei ni kaotaia bwa a kanga tuua ma otenanti aikai n buokiira n riki n ai aron Tamaia are i Karawa ao Iesu Kristo.

  

• Ko na kanga ni buokiia ataei ni kaotaia bwa te onimaki, te rairanano, te bwabetito, ao te kamatoa bon tiaki bwaai aika riki n tii teuana te tai ma a bon karika naba rikiraken tamneira rinanon maiura? Te katooto, ko kona n kaota nakoia tamnein te koraa ke te ati ao te aroka ae bubura (ke korei tamneia i aon te burakibooti). Buokiia n iangoi bwaai ake a buoka rikiraken te ati aio ao n riki bwa te aroka ae bubura, n aron te ran, te tano ke te bon, ao te riringa. Buokiia bwa a na ataia ae titebo bwaai aikai ma bwaai ae ti karaoi bwa ti aonga n kaaniaki iai ma te Atua i nanon maiura—karikirakean ara onimaki iroun Iesu Kristo, rairannano ni katoabong, maiuakinan ara berita ngke ti bwabetitoaki, ao kanakin te toa, ao kakauongo nakon te Tamnei ae Raoiroi.

• Tibwaia ma ataei karakinan te firecracker ke rebwetaua man te ai man ana rongorongo Elder Dale G. Renlund “How Can Repenting Help Me Feel Happy?” (Te Rao, Ritembwa. 2017, 12–13, or Riaona, Ritembwa. 2017, 70–71; noora naba te witeo “Repentance: A Joyful Choice” [Gospel Library]). N taai tabetai i nanon tain te karaki, kaoia ataei bwa a na iangoia bwa aekara ana namakin Elder Renlund. Bukin tera ti namakina te kimwareirei ngkana ti raira nanora? Tibwaia ma ataei te kimwareirei ao te tangira ae ko namakinna ngke ko butiia Tamam are i Karawa bwa e na kabwarai am bure.

Repentance: A Joyful Choice

Bwabetito

E katea te banna ni katoto Iesu Kristo ngke E bwabetitoaki.

E ngae ngke e maiu n itiaki man te bure Iesu, E bon bwabetitoaki ni katea te banna ni katooto ae kororaoi ibukin te ongeaba nakon Tamara are i Karawa (taraa 2 Nibwaai 31:6–10).

N reiakina riki taekan te bwabetito, taraa Reirei ao Berita aika Tabu 20:37; Topics and Questions, “Baptism,” Gospel Library.

Waaki ni Kakukurei aika a Kona ni Karaoaki

• Kaota tamnein bwabetitoan te Tia Kamaiu ke bwabetitoan temanna te aomata (ke taraa Gospel Art Book, nambwa. 35 ao numbwa. 103 ke nambwa. 104). Tuangiia ataei bwa a na tibwaia bwa tera ae kaokoro ao n titebo imarenan tamnei aika uoua aikai. Uaia ni wareka Mataio 3:13–17 ke “Mwakoro 10: E Bwabetitoaki Iesu” i nanon te Karaki n te Nu Tetemanti, 26–29 (ke mataku n te witeo n te Gospel Library). Anga te tai nakoia ataei bwa a na kotei bwaai n te tamnei ake a atongaki n te wareware ke te witeo. Tuangiia ataei taekan am tangira ibukin te Tia Kamaiu ao nanom ni kan Iriiria.

  Chapter 10: Jesus Is Baptized

  

• Ongora nakon ke anenea te anene ae taekan te bwabetito, n aron “When Jesus Christ Was Baptized” (Aia Boki n Anene Ataei,, 102). Tera ae ti reiakinna i aon te bwabetito man te anene aei? Wareka 2 Nibwaai 31: 9–10, ao kaoiia ataei bwa a na ongora bwa bukin tera ngke e bwabetitoaki Iesu Kristo. Kaoiia bwa a na korei tamneia n te bong are a bwabetitoaki iai.

I kona n rineia bwa N na karaoa au berita ae tabu ma te Atua ao n bwabetitoaki.

Katauraoam nakon te bwabetito nanona bwa e riaon riki te katauraoi ibukin te bwai ae e na riki. Nanona bon te katauraoi ibukin karaoan te berita ae tabu ao manga kawakinan te berita ae tabu anne i nanon maium ni kabanea. Karaua iangoia i nanom bwa kona kanga n buokiia ataei bwa a na oota n te berita ae tabu ae a na karaoia ma Tamaia are i Karawa ngkana a bwabetitoaki, ao n ikotaki ma berita ake E karaoi nakoia ao berita ake a karaoia Nakoina.

Waaki ni Kakukurei aika a Kona ni Karaoaki

• Kabwarabwara bwa te berita ae tabu bon te berita are i marenan temanna ao Tamara are i Karawa. Ngkai ti kabanea ara konaa n kawakin ara berita nakon te Atua, e berita te Atua bwa e na kakabwaiaira. Koroia i aon te burakibooti Au Berita nakon te Atua ao Ana Berita te Atua Nakoiu. Uaia n wareka Motiaea 18:10, 13 ao Reirei ma Berita aika Tabu 20:37, ao buokiia ataei n koroi berita ake a kona n kunei i aan atuu n reirei ake a tau ni mena i aana (taraa naba Dallin H. Oaks, “Your Baptism Covenant,” Rao, Beberuare 2021, 2–3). Tibwaia bwa e kanga Tamara are i Karawa n kakabwaiako ngkai ko keiaki n kawakin am berita ngke ko bwabetitoaki.

• Kaotii tamnei bwaai ake e karaoi Iesu Kristo i nanon Ana tai ni mwakuri nakoia ataei, (ibukin tabeua katooto, taraa Gospel Art Book, nambwa. 33–49). Tuangiia ataei bwa a na kabwarabwara bwa tera ae e karaoia Iesu n tamnei akanne. Wareka Motiaea 18:8–10, 13, ao kaoiia ataei bwa a na kakauongo nakon bwaai ake a beritani bwa a na karaoi ngkana a bwabetitoaki (taraa naba “The Baptism Covenant,” Te Rao, Beberuare 2019, 7, ke Riaona, Beberuare. 2019, F3). A na kanga berita aikai n buoka aron ara mwakuri ni katoa bong? Kaoiia ataei bwa a na bon korei tamneia ngke a buoka temanna n aron are e karaoia Iesu.

  

Ngkana ti bwabetioaki, ti karaoi berita nakon te Atua ao E karaoi berita nakoira.

Te Kamatoa

Ngkana I kamatoaaki, I a riki bwa te membwa n Ana Ekaretia Iesu Kristo ibukia Aika Itiaki ni Boong Aika Kaitira.

Te riki bwa te membwa n Ana Ekaretia Iesu Kristo ibukiia Aika Itiaki ni Boong aika Kaitira e uota te kakabwaia ae bati, n ikotaki ma taai aika kakaawaki bwa a na riki bwa taan n ibuobuoki ni karaoan ana mwakuri te Atua aika kakaonimaki.

N reiakina riki taekan te kamatoa ao ana bwai n tituaraoi ae te Tamnei ae Raoiroi, taraa Gary E. Stevenson, “How Does the Holy Ghost Help You?,” Riaona, Meei 2017, 117–20; Topics and Questions, “Holy Ghost,” Gospel Library.

Waaki ni Kakukurei aika a Kona ni Karaoaki

• Kaoa temanna ae e a tibwa tia ni bwabetitoaki ao n kamatoaaki nakon te kiraati bwa e na tibwaia bwa tera arona ngke e kamatoaaki. Tuanga te aomata anne bwa e na marooroa bwa tera nanona nakoin teuanne ke neienne n riki bwa kaain Ana Ekaretia Iesu Kristo ibukiia Aika Itiaki ni Boong aika Kaitira. Buokiia ataei bwa a na iangoi kawai ake a na kona n kawakinii iai aia berita aika tabu ngke a bwabetitoaki ao n riki bwa membwa n te Ekaretia (n aron karaoan te mwakuri n ibuobuoki nakoia tabeman, kaoaia tabeman bwa a na reiakina taekan Iesu, karaoan te tataro n tain te bootaki, ao a mwaiti riki). Tibwaia bwa a kanga karaoan bwaai aikai n buokiko n namakina te kukurei ni kaainakin ana Ekaretia Kristo.

• Kaota tamneia aomata ake a mena n Ranin Moomon (taraa Gospel Art Book, nambwa. 76), ao tuangiia ataei bwa ana kabwarabwara te bwai ae a kona n nooria n te tamnei. Karakina rongorongon Aramwa ao ana aomata ake a bwabetitoaki ikekei (taraa Motiaea 18:1–17; “Mwakoro 15: Alma Teaches and Baptizes,” Karakin Ana Boki Moomon, 43–44, ke tamneina n te witeo n te Gospel Library). Manga taraa Motiaea 18:8–9 ao kaoiia ataei bwa a na katei kaina bwa e na buokiia n uringii bwaai are a kukurei nanoia aomata ni karaoi ngkai membwa ngaiia n ana Ekaretia Kristo. Te katooto, ti na kanga ni buokiia tabeman “n waaki nakon karaoan berita aika a tabu ma te atua”? (Russell M. Nelson, “Hope of Israel” [worldwide youth devotional, June 3, 2018], Gospel Library). Tibwaa te tai ae ko a tia n kakoauaa bwa a ibuobuoki n kawai aikai membwa n te Ekaretia.

  

  Alma at the Waters of Mormon

Ngkana I a tia ni kamatoaki, I karekea te Tamnei ae Raoiroi.

Ngkana ti bwabetitoaki ao n kamatoaaki, E berita Tamara are i Karawa bwa “e na memena Tamneina [iroura] n taainako” (Reirei ao Berita aika Tabu 20:77). Te bwaintangira mai iroun te Atua ae moan te tamaroa aio e aranaki bwa ana bwai n tituaraoi te Tamnei ae Raoiroi.

Waaki ni Kakukurei aika a Kona ni Karaoaki

• Wareka Reirei ao Berita aika Tabu 33:15, ao tuangiia ataei bwa a na kakauongo nakon te bwaintangira ae onoti are ti anganaki iroun Tamara are i Karawa ngkana ti bwabetitoaki ao n kamatoaaki. Bwa aonga n reiakina riki ae bati bwa e na kanga ni buokiia te bwai n tituaraoi ae te Tamnei ae Raoiroi, bootaki n rinanon Ioane 14:26; I-Karatia 5:22–23; 2 Nibwaai 32:5; 3 Nibwaai 27:20. Ko kona naba n rinanon te rongorongo ae “The Holy Ghost Is …” (Te Rao, Tuun 2019, 24–25, ke Riaona, Tuun 2019, F12–F13).

• I mwaain te kiraati, butiia aia karo ataei bwa ana tibwaia bwa a kanga ni kakabwaiaaki bukina ngkai iai irouia ana bwaintituaraoi te Tamnei ae Raoiroi. E kanga ni buokiia? A kanga n ongo Bwanaana?

• Bootaki n anenea te kuna ae taekan te Tamnei ae Raoiroi, n aron “The Holy Ghost” (Aia Boki n Anene Ataei, 105). Buokiia ataei bwa ana oota n te bwai ae a reiakinna man te anene aio bwa e na kanga n buokiira te Tamnei ae Raoiroi.

E kona n taetae nakoiu Te Tamnei ae Raoiroi n aanga aika bati.

Ataei ake a kona n kinaa bwanaan te Tamnei a na tauraoi ni karekei kaotioti i bon ibukiia are e na kona n kairiia rinanon maiuia. Buokia bwa a na mataata bwa a mwaiti kawai ae konaa n taetae iai nakoira te Tamnei ae Raoiroi.

Waaki ni Kakukurei aika a Kona ni Karaoaki

• Buokiia ataei bwa ana iangoi kawai are a na kona n reitaki iai ma raraoia ae e raroanako aia tabo ni maeka, n aron korean te reta, kanakoan am imeeri, ke te taetae iaon te tareboon. Reireiniia ae Tamara are i Karawa e kona n taetae nakoira n aanga aika a bati rinanon te Tamnei are Raoiroi. Kabonganaa ana rongorongo Beretitenti Dallin H. Oaks “How Does Heavenly Father Speak to Us?” ni buokiia ataei n ataia ae aanga ake e kona n taetae iai te Tamnei ae Raoiroi bon te taetae nakon ara iango ao nanora (Te Rao, Maati. 2020, 2–3, ke Riaona, Maati. 2020, F2–F3).

• Tibwa te bwai ae ko a tia n rinanona ngke e reitaki nakoim te Tamnei ae Raoiroi, tao n am iango ake a roko n am kaantaninga ke rinanon te namakin i nanom (taraa Reirei ao Berita aika Tabu 6:22–23; 8:2–3; taraa naba Henry B. Eyring, “Open Your Heart to the Holy Ghost,” Te Rao, Aokati. 2019, 2–3, ke Riaona, Aokati. 2019, F2–F3). Kaota am koaua nakoia ataei bwa te Tamnei ae Raoiroi e kona n buokiia ni kawai n aron naba aikanne.

• Buokia ataei ni kinai taam ngkana a namakina te Tamnei—te katooto, ngkana a anenea te anene i bukin te Tia Kamaiu ke ngkana a karaoa te bwai ae tamaroa ibukiia tabeman aomata. Buokiia ni kinaa namakin n tamnei are e karokoa te Tamnei ae Raoiroi, riki Ana wirikiriki aree na karaoaki nanona. Tera n am iango ngkai te Tamnei ae Raoiroi e anganiira namakin akanne? Buokiia ataei n iangoi baika ti riai n karaoi bwa ti aonga n ongo ana taetae te Tamnei ae Raoiroi nakoira. Marooroakina te bwai ae ko karaoia n ongo nakon te Tamnei n te aro ae e itiaki.

Te Toa

Ngkana I ana te toa, I uringa ana anganano n Ana mwakuri ni kamaiu te Tia Kamaiu ao ni kabouii au berita.

E anganiira te toa te Tia Kamaiu bwa ti aonga n uringa ana anganano n Ana mwakuri ni kamaiu te Tia Kamaiu ibukira ao kabouii ara berita.

N reiakina ae bati, taraa Mataio 26:26–30; 3 Nibwaai 18:1–12; Reirei ao Berita aika Tabu 20:77, 79.

Waaki ni Kakukurei aika a Kona ni Karaoaki

• Kaoiia ataei bwa ana karana “Jesus Introduced the Sacrament to the Nephites” i nanon Scripture Stories Coloring Book: Ana Boki Moomon (2019), 26. Tuangiia bwa ana taekina te bwai ae a iangoia aomata ake i nanon te tamnei. Warekii nakoia ataei kanoan 3 Nibwaai 18:1–12 or “Mwakkoro 45: Jesus Christ Teaches about the Sacrament and Prayer,” n Karakin Ana Boki Moomon, 126–27 (ke matakuakina te witeo i aon anne n te Gospel Library). Tera ae ti kona ni karaoia bwa ti na uringa Iesu Kristo n tain te toa?

  Jesus Shares the Sacrament

• Tuangiia ataei bwa ana tuangko tabeua bwaai aika a na riai n ururing bwa ana karaoia, n aron kabaean aia kau ke tebokan baia i mwain ae a amwarake. Bukin tera e kakawaki uringakin bwaai aikai? Wareka Moronaai 4: 3 nakoia ataei, ao kaoiia bwa ana kakauongo nakon baike ti beritan bwa tina ururingnga n tainako ngkana ti anaa te toa. Bukin tera e kakawaki bwa ti na ururinga Iesu Kristo? Buokiia ataei ni kaotaia bwa e kanga te kariki ma te ran ake n te toa n buokiira n uringnga bwa tera ae e a tia n karaoia i bukira Iesu (taraa Moronaai 4:3; 5:2).

• Koroia i aon te burakibooti “I berita bwa n na …” Wareki tataron te toa nakoia ataei (taraa Reirei ao Berita aika Tabu 20:77, 79). Ngkana a ongo te berita ae ti karaoia nakon te Atua, tooki teutana ao buokiia n kabwanina te tiententi i aon te burakibooti ma te berita are a ongo. Buokiia ni kaotaia bwa ngkana ti anaa te toa, ti bon karaoi naba berita ake ti karaoi ngke ti bwabetitooaki.

• Tera ae nanonaki ni katoka i aom aran Iesu Kristo? Bwa ko aonga ni buokiia ataei ni kaekaa te titiraki aio, tibwaa te katooto i aon te bwai teuana ae ti katokai arara i aona. Bukin tera ti korei arara i aon bwaai aikai? Bukin tera ngkai e tangiria Iesu Kristo ni kan katokaa Arana i aora? Iangoia bwa kona tibwaa te kabwarabwara mai iroun Beretitenti Russell M. Nelson: “Katokaan aran te Tia Kamaiu i aora bon katanoataan ao te kakoaua nakoia tabeman—n ara mwakuri ao n ara taetae—bwa Iesu bon te Kristo” (“Aran te Ekaretia ae e Eti,” Riaona, Nobembwa 2018, 88).

Mwaakan te Nakoanibonga, Kariaia ao Kiing

E kakabwaiaia Natina te Atua rinanon mwaakan te nakoanibonga.

Natin te Atua ni kabane—aine ao mwaane, aika kairake ao a kara—a karekea mwaakan te Atua ngkai a kawakinii aia berita ake a tia ni karaoia ma Ngaia. Ti karaoi berita aika a tabu aikai ngkana ti karekei otenanti n te nakoanibonga n aron te bwabetito (taraa Aeniboki ni Kabuta: Beeku i nanon Ana Ekaretia Iesu Kristo ibukiia Aika Itiaki ni Boong aika Kaitira, 3.5, 3.6, Gospel Library). N reiakina ae bati, taraa Russell M. Nelson, “Spiritual Treasures,” Riaona, Nobembwa. 2019, 76–79; “Priesthood Principles,” chapter 3 n te Aeniboki ni Kabuta.

Waaki ni Kakukurei aika a Kona ni Karaoaki

• Buokiia ataei bwa ana kinai kakabwaia ake a karekei ibukin te nakoanibonga. N anganakiia tabeua iango, ko kona ni kaota te witeo ae “Blessings of the Priesthood” (Gospel Library). Iangoia ni koroi ni karinanii kakabwaia aikai i aon te burakibooti. Bukin tera ngkai a kakawaki kakabwaia aikai nakoira? Kakoaua bwa kakabwaia aikai a roko nakoira ibukin Iesu Kristo ao mwaakan Ana nakoanibonga.

  Blessings of the Priesthood

• Buokiia ataei ni kunei tamnei ake a kamataata aron te Atua ni kabonganaa Mwakana n kakabwaiaira. Te katooto, a kona ni kunea tamnein te aonaaba are E karaoia ibukira, tekatooto ngke e kamaiua te aoraki, ao otenanti aika a tabu are E a tia ni katauraoia ibukira (taraa Gospel Art Book, nambwa. 3, 46, 104, 105, 107, 120). Tibwauaia bwa bukin tera ngkai ko kakaitau ibukin te nakoanibonga ao te naan kakabwaia ake e uotii. Buokiia ataei bwa a na iangoi bwaai ake a rinanona ngke a kakabwaiaaki ni mwaakan ana nakoanibonga te Atua.

  

• Teuana mai ibuakon anga ike ti karekei iai kakabwaia man mwaakan te Atua i nanon maiura bon rinanon otenanti man te nakoanibonga (taraa Reirei ao Berita aika Tabu 84:20). Bwa ko aonga ni buokiia ataei bwa ana reiakina te koaua aio, ko konaa ni koroi ni karinanii kiibu aikai i aon te burakibooti: 3 Nibwaai 11:21–26, 33 (bwabetito); Moronaai 2 (kamatoa); Moronaai 4–5 (te toa). A kona ataei n tatabemaniia nako n rinea teuana mai ibuakon kibu n taeka aikai ao n kanikinaea te otenanti are e kabwarabwaraa. Kaoiia ataei bwa a na tibwaia bwa a kanga n tia ni kakabwaiaki man karekean otenanti man te nakoanibonga.

• Buokiia ataei bwa ana oota ae a na karekea te mwaaka mai iroun te Atua ngkai a bwabetitoaki ao n kawakinii aia berita aika tabu n te bwabetito. Titirakiniia ataei bwa e na kanga ni buokiia te mwaaka.

E bon kairaki ana mwakuri te Atua man kiingin te nakoanibonga ao ni kamwakuraki man te kariaiakaki n te nakoanibonga.

N te tai are e kamatoaaki iai temanna ibukin te wewete ke katabeaki ni buoka ana mwakuri te Atua, e kona neienne ke teuane ni kaota e kona ni kaota kamwakuran anganakina te kariaiakaki n te nakoanibonga. I rarikin anne, a konaa ni katabuaki nakon aobitin te nakoanibonga mwaane aika kaain te Ekaretia aika a tau. Kabonganaan ni kabane kariaiakaki n te nakoanibonga n te Ekaretia e kairaki irouia naake a taui kiingin te nakoanibonga, n aron te beretienti n te titeiki, te bitiobi, ao beretitenti n te kooram. Kiing n te Nakoanibonga bon te kariaiakaki ni kaira kabonganaan te nakoanibonga ni karaoan ana mwakuri te Atua.

Waaki ni Kakukurei aika a Kona ni Karaoaki

• Warekia ma ataei Mareko 3:14–15, ao kaotia nakoia te tamnei n te bwaai are e riki ao n kabwarabwaraaki naba ikekei (n aron Gospel Art Book, nambwa. 38). Tuangiia ataei ngkana arona bwa a tia n noora temanna ae e katabuaki ibukin te nakoa ke n katabuaki nakon te aobiti n nakoanibonga (ke bon tuangiia ibukin taneiai ake ko a tia n karekei). E kanga n titeboo anne nakon are e karaoia te Tia Kamaiu ao Ana Abotoro? Buokiia ataei ni koroi i aon te burakibooti wewete ke aobitin te nakoanibonga ake a kona n anganaki membwa n te Ekaretia, n aron te tia reirei ke te tia kairiiri n te bootaki. Irarikin aobiti ke wewete n tatabeua nako, ko kona n koreia bwa tera ae kona ni karaoia te aomata ma te wewete anne ke te kariaiakaki n te aobiti. Tuangiia ataei bwa e kanga te kamatoaaki iroun temanna i aan ana kairiiri kiing n te nakoanibonga n tia ni buokiko n karaoa am beku.

  

• Buokiia ataei bwa ana iangoa te bwai teuana ae ko na kainanoa iai te kiing ibukina, n aron te kaa ke te mataroa. Tera ae e na riki ngkana arona bwa akea iroum te kiing? Ikotaki wareka Reirei ao Berita aika Tabu 65:2, ao tibwa am koaua ibukin kakawakin karekean kiingin te nakoanibonga. Ko konaa naba n mataku n te witeo “Where Are the Keys?” (Gospel Library) ao kakaea bwa tera ae e reiakiniira Unimwaane Gary E. Stevenson ibukin kiingin te nakoanibonga.

  Where Are the Keys?

Te Tembora ao te Babaire ni Kakukurei

Te tembora bon Ana auti te Uea.

Tembora bon mwakoron ana babaire Tamara are i Karawa ibukiia Natina. I nanon tembora, ti karaoi berita aika tabu ma Ngaia, ti entaute ma te mwaaka n nakoanibonga, ti karekei kaotioti, karaoi otenanti ibukiia ara bakatibu ake a tia ni mate, ao n kabaeaki ma ara utu n aki toki. Aikai ni kabane ake a kona n koro nanona ibukin Iesu Kristo ao Ana mwakuri n anganano.

Ko na kanga n buokiia ataei ake ko reireiniia n ataa mimitongin Ana auti te Uea ao n katauraoiia bwa ana tau ni karaoi otenanti n te tembora? Bairea rinanonakin koroboki aikai: Reirei ao Berita aika Tabu 97:15–17; Russell M. Nelson, “Taeka n Kainiin,” Riaona, Nobembwa. 2019, 120–22; “Why Latter-day Saints Build Temples,” temples.ChurchofJesusChrist.org.

Tembora bon mwakoron ana babaire Tamara are i Karawa ibukiia Natina.

Waaki ni Kakukurei aika a Kona ni Karaoaki

• Kaota teuana tamnein te tembora ke e raka riki. Tuangiia ataei bwa tera ae e karika te tembora bwa te tabo ae e onoti. Kamataata ae i aon tembora ni kabane e koreaki ae kangai: “E tabu iroun te Uea—Ana Auti te Uea.” Tuangiia ataei bwa tera nanon “E Tabu iroun te Uea. Bukin tera ngkai e aranaki te tembora bwa Ana auti te Uea? Tera ae ti reireinaki n aei ibukin te Tembora? Ngkana iai mai buakoia ataei ae a tia n rin n te tembora, a kona n tibwaia bwa tera aia namakin ngke a mena ikekei. Ngkana ko a tia n rin n te tembora, tibwauaia bwa ko kanga n namakina tamnein te Uea ikekei, ao maroroakinna bwa bukin tera ngkai te tembora bon te tabo ae tabu nakoim.

• Bootaki n wareka Reirei ao Berita aika Tabu 97:15–17. Tuangia ataei bwa a na kakaea te bwai ae kantaningaia te Uea irouia ake a rin n Ana auti ae tabu. Bukin tera ti riai n tau bwa ti aonga n rin n Ana auti? I nanon tain te marooro, maroroakinna nakoia ataei taekan te beeba ni kariaiakaki n rin n te tembora, n ikotaki ma aron karekean teuana. Ko kona n kaoa temanna kaain te bitiobiriki bwa e na tibwaia ma ataei bwa tera aron te intawiu ibukin karekean te beeba n kariaiakaki n rin n te tembora ao tera titiraki aika a titirakinaki.

I nanon te tembora, ti karaoi berita aika a tabu ma te Atua.

E reirei Beretitenti Russell M. Nelson, “E kaoira Iesu Kristo bwa ti na toua kawain te berita n okira mweengaia ara Karo ake i Karawa ao ni mena irarikiia naake ti tangiriia” (“Nakomai, Iriirai,” Riaona, Meei 2019, 91). Buokia ataei bwa ana oota bwa kawain te berita ae tabu bon te bwabetito, kamatoaaki, ao te entaumente n te tembora ao te kabaeaki.

Waaki ni Kakukurei aika a Kona ni Karaoaki

• Tuangiia ataei bwa ana buokiko n rinanon riki te berita ae tabu are ti karaoia ma te Atua ngkana ti bwabetitoaki ao bwa tina kabooua ngkana ti anaa te toa (taraa Motiaea 18:10; Reirei ao Berita aika Tabu 20:77, 79). Kaota tamnein te tembora, ao kabwarabwaraa bwa a mwaiti riki ana kakabwaia Tamara are i Karawa are E kan anganiira i nanon te tembora.

• Korea te mataroa are e kairiraa nakon te kawai. Tuangiia ataei bukin tera ngkai e ibuobuoki bwa e na iai te kawai ae e na touaki. Uaia n wareka 2 Nibwaai 31:17–20, ike Nibwaai e kabootaua te berita ae tabu nakon te mataroa ao e kaoira bwa ti na reitinako iaon te kawai imwiin te bwabetito. A mwaiti riki berita aika tabu ae a na karaoaki imwiin te bwabetito, n ikotaki ma berita aika tabu ake a karaoaki i nanon te tembora. Kabwarabwaraa ae Beretitenti Nelson e a tia n arana te kawai aio bwa “kawain te berita.”

N te tembora, ti kona ni bwabetitoaki ao ni kamatoaaki ibukiia ara bakatibu ake a tia ni mate.

Ana euangkerio Iesu Kristo e karikia bwa a na kona natin te Atua ni kabane n okiria ni maeka ma Ngaia, e ngae ngkana ko mate n aki ataa te euangkerio. I nanon te tembora, ti kona ni bwabetitoaki ao n kamatoaaki ibukiia membwa n ana Ekaretia Iesu Kristo ao n tei ibukiia.

Waaki ni Kakukurei aika a Kona ni Karaoaki

• Maroroakina te tai ike temanna e karaoa te bwai nakoim ae ko bon aki kona n karaoia ibukim. Kaoiia ataei bwa ana tibwai naba aia taneiai ae aekan anne. Kabwarabwaraa bwa ngkana ti nakon te tembora, ti kona n karekei otenanti aika tabu n ai aron te bwabetito ibukiia tabeman ake a tia ni mate. Ti kanga n riki n ai aron Iesu ngkana ti karaoi mwakuri i bukiia maate? Tera ae e a tia ni karaoia te Tia Kamaiu ibukira ae ti aki kona ni karaoia i bon ibukira?

• Kaoiia ataei tabeman ake a tia ni bwabetitoaki bwa a na tibwaa te bwai are a rinanona. Titirakiniia bwa aekara te rin i nanon te tembora. Kaungaiia bwa ana tibwaa te namakin ae e roko irouia ngke a karaoa te mwakuri ibukiia aia bakatibu.

• Korea tamnein te aroka iaon te burakibooti, n ikotaki ma wakaana ao mwaangana. Tuangiia ataei bwa ana iangoia bwa e kanga te utu ni kabotauaki bwa ai aron te aroka. Arana wakaana bwa Bakatibu, arana mwaangana bwa Kanoara, ao arana biroton te aroka bwa Ngkoe. Bootaki n wareka te kibuntaeka aio man Reirei ao Berita aika Tabu 128:18.: “Bwa ti aki kona ni kakororaoaki n akeaia [ara bakatibu]; ke ana aki kona ni kakororaoaki raoi ngkana aki kakororaoaki iroura.” Maroroakin titiraki n aron aikai: “Bukin tera ngkai ti kainnanoiia ara bakatibu? Bukin tera ngkai a kainanoira kanoara? A kanga n tia ni buokiira ara karo, tibura, ao ara bakatibu?” Kaoiia ataei bwa ana ukora ni kabanea Reirei ao Berita aika Tabu 128:18 ni kakaea te kibuntaeka ae e kabwarabwaraa bwa tina kanga n buokiia ara bakatibu.

• Iangoia ni mwakuri ma aia karo ataei n kunei aran te bakatibu are e kainnanoa te otenanti n te tembora (taraa FamilySearch.org).