Abentekiti C

Ibukin te Moanrinan—Kaetieti ibukin Tain te Anene ao aia Kaongora Ataei n te Bootaki n Toa

Kuuna aika a tabu bon bwaai ni mwakuri aika a mwakaroiroi n buokaia ataei n reiakina taekan ana babaire ni kakukurei Tamara are i Karawa ao aan koaua ibukin ana euangkerio Iesu Kristo. Ngkai ataei a anenea taekan reirein te euangkerio, te Tamnei ae Raoiroi e na kaoti koauaia. Taekana ma te katangitang a na tiku n aia iango ao inanoia ataei i nanon maiuia ae bwanin.

Ukera ana ibuobuoki te Tamnei ngkai kam katauraoi n anga te reirei n te euangkerio rinanon te katangitang. Tibwaa ami kakoaua ibukin koaua ake kam anenei taekaia. Buokiia ataei n taraia bwa e kanga te katangitang n irekereke ma baike a reiakin ao n rinanona ni mweengaia ao n taian kiraati n te Moanrinan.

Kairiiri ibukin Karaoakin te Kaongora n te Bootaki n Toa

Ma n ana kairiiri te bitiobi, karaoakin te bootaki n toa n te kaongora irouia ataei e taneiai ni kakaraoaki n te kaaua ni kuata n te ririki. Ngkai te beretitentii n te Moanrinan ao te tia kairiiri n te katangitang, a mwakuri ma te kauntira n te bitiobiriki are e tararuaa te Moanrinan ni moana maroroakinan taian babaire ibukin aia kanoa.

E riai kanoan aia kanoa ni kariaia ataei bwa a na kanakoa aia kanoa are a tia n reiakinna ngaiia ma aia utu man ana Boki Moomon ni mweengaia ao n te Moanrinan, n raonaki ma anene n te Moanrinan ake a tia n aneneia i nanon te ririki. Ngkai ko bairea te kabwarabwara, iangoi kawai are a na kona ni buokiia kaain te taromauri ni katurui aia iango i aon te Tia Kamaiu ao Ana reirei.

A konaa n iangoi kawai Iunite ma karakon mwaitiia ataei ike kaain te utu a na kona ni waaki iai ma natiia. A kona kaain te bitiobiriki ni kaina te boowi n aia marooro ae uarereke.

Ngkana kam katauraoa karaoakin ami reirei, ururingi kainibaire akana i mwina:

• Karaoan te kataneiai e ria n aki anaa te tai man taian kiraati n te Moanrinan.

• A aki tau ni kabonganaaki n tain bootakin te toa tamnei, kunnikai ni kaotioti, ao bwaai ni katangitang.

Taraa Te Aeniboki ni Kabuta: Te Beku n Ana Ekaretia Iesu Kristo Ibukiia Aika Itiaki ni Boong aika Kaitira, 12.2.1.2, Gospel Library.

Kaetieti ibukin Tain te Anene

5 te miniti (Beretitentii n te moanrinan): Kaukuki n tataro, te kibu man koroboki aika tabu ke taekan te onimaki, ao teuana te taetae

20 te miniti (te tia kairiiri n te katangitang): tain te Anene

Te beretitentii n te Moanrin ao te tia kairiiri n te katangitang a na rinei anene ni katoa namwakaina ni kamatoai reirei ake a reiakin ataei i nanon aia kiraati ao ni mweengaia. A karinaki i nanon te kairi aei rinanin anene ake a kamatoai reirei aikai.

Ngkai kam reireiniia ataei te anene, kaoiia bwa a na tibwai baike a tia n reiakin n taian karaki ao aan taian reirei ake a reiakinaki n te anene. Kaoiia ataei bwa a na tibwauai aia iango ao aia namakin n taian koaua ake a kuneaki inanon taian anene.

Aia Boki n Anene Ataei bon te moan buoka ibukin te anene n te Moanrinan. Anene n taromauri man te boki n anene ao anene man te Rao a katauaki naba. Kabonganaan tabeua katangitang i nanon te Moanrinan a riai ni kariaiakaki iroun te Bitiobiriki (taraa Aeniboki ni Kabuta, 12.3.4).

Katangitang ibukin Tain te Anene

Tianuare

• “Follow the Prophet,” Aia Boki n Anene Ataei, 110–11

• “Search, Ponder, and Pray,” Aia Boki n Anene Ataei, 109

Beberuare

• “Dare to Do Right,” Aia Boki n Anene Ataei, 158

• “A Child’s Prayer,” Aia Boki n Anene Ataei, 12–13

Maati

• “Every Star Is Different,” Aia Boki n Anene Ataei, 142

• “When I Am Baptized,” Aia Boki n Anene Ataei, 103

Eberi

• “When He Comes Again,” Aia Boki n Anene Ataei, 82–83

• “Did Jesus Really Live Again?,” Aia Boki n Anene Ataei, 64

Meei

• “‘Give,’ Said the Little Stream,” Aia Boki n Anene Ataei, 236

• “Shine On,” Aia Boki n Anene Ataei, 144

Tuun

• “The Holy Ghost,” Aia Boki n Anene Ataei, 105

• “I Want to Be a Missionary Now,” Aia Boki n Anene Ataei, 168

Turai

• “Stand for the Right,” Aia Boki n Anene Ataei, 159

• “He Sent His Son,” Aia Boki n Anene Ataei, 34–35

Aokati

• “I’m Trying to Be like Jesus,” Aia Boki n Anene Ataei, 78–79

• “I Feel My Savior’s Love,” Aia Boki n Anene Ataei, 74–75

Tebetembwa

• “I Love to See the Temple,” Aia Boki n Anene Ataei, 95

• “To Think about Jesus,” Aia Boki n Anene Ataei, 71

Okitobwa

• “Family History—I Am Doing It,” Aia Boki n Anene Ataei, 94

• “The Church of Jesus Christ,” Aia Boki n Anene Ataei, 77

Nobembwa

• “Keep the Commandments,” Aia Boki n Anene Ataei, 146

• “To Be a Pioneer,” Aia Boki n Anene Ataei, 218–19

Ritembwa

• “I Am a Child of God,” Aia Boki n Anene Ataei, 2–3

• “O Little Town of Bethlehem,” Te Boki n Anene n Taromauri, nambwa. 208

Kabonganakin te Katangitang n Reiakina te Reirei

E baaireaki tain te anene ibukin buokaia ataei ibukin reiakinan koauan te euangkerio. Iango aika i mwina a kona ni kaungai nanomi ngkai kam iangoi kawai n anga reirei i aon reirein te euangkerio ake a kuneaki n anene n taromauri ao ni kunan te Moanrinan.

Wareki koroboki aika a tabu ake a irekereke ma ngaia. Ibukin angiin taian anene i nanon Aia Boki n Anene Ataei ao te boki n anene n taromauri, kiibu ake a irekereke ma koroboki aika tabu a koreaki. Buokiia ataei ni wareki tabeua mai buakon karaki aikai, ao maroroakinna bwa a kanga booki aika tabu n irekereke ma te anene. Kam kona naba ni karinani bwaai ni kakoaua ibukin booki aika tabu iaon te burakibooti ao kaoiia ataei bwa a na katoatoai bwaai ni kakoaua n tatabeua ma te anene ke kibun te anene.

Kanoai taian Bwangabwanga. Korea kibun te anene i aon te burakibooti ma tabeua taeka aika a kakaawaki ake a bua. Ngkanne tuangiia ataei bwa a na anenea te anene, kakauongo ibukin taian taeka ake a na kanoa te bwangabwanga. Ngkai a kanoa te bwangabwanga, maroroakin reirein te euangkerio ake kam reiakin man taeka akana a bua.

Kakoaua. Kaota ami koaua ae uarereke nakoia ataei i aon koauan te euangkerio ake a kuneaki n anenen te Moanrinan. Buokiia ataei bwa a na ataia bwa te anene bon teuana te kawai ae a kona ni kaota iai aia koaua ao n namakina te Tamnei.

Riiki bwa te tia kakoaua. Kaoiia ataei bwa a na kaibibiti n tei ao n tibwai baike a reiakin man te anene are a aneneia ke aron aia namakin ibukin koaua ake a reiakinaki man te anene. Titirakiniia aron aia namakin ngkai anenea te kuna, ao buokiia bwa a na kinaa ana waaki te Tamnei ae Raoiroi.

Kabonganai tamnei. Tuangiia ataei bwa a na buoki ngkami ni kakaea ke ni karaoi tamnei ake a iri ma taeka aika kakawaki ke kibun te anene. Kaoiia bwa a na tibwaia bwa tera rekereken taian tamnei ma te anene ao tera ae e reiakinaki man te anene. Te katooto, ngkana ko reirei i aon te kuna “When He Comes Again” (Aia Boki n Anene Ataei,, 82–83), ko kona ni katokai tamnei rinanon nako te ruu are e kaota kakaawakin te taeka man te anene (n aron anera, tinoo, ao itoi). Tuangiia ataei bwa a na ikoti taian tamnei ao n tabeki ieta n teia ae barongaaki ngkai kam bane n anene.

Tibwai bwaai ni kakairi ae e tei ibukin te reirei. Ko kona ni kabongana te bwai ae e kona n nooraki ae kaungaa maroroakinan te anene. Te katooto, n anenen te anene ae “‘Give,’ Said the Little Stream” (Aia Boki n Anene Ataei, 236), ko kona n kaotia nakoia ataei tamnein bwaai n aron te raanga n ran ae uarereke, uteute, te karau, ao te taian uee. E kona ni kairiiri aio nakon marooroakinana bwa e kanga mwakuri ni beku aika a karo ni konaa ni kakabwaia tabeman n aanga aika a kakawaki.

Kaoa te Tibwatibwa ni bwaai ake ko a tia n rinanona. Buokiia ataei n tomai reirei ake a reiakinaki n te anene ma baike a rinanona ma reirei aikai. N aron te katooto, i mwain te anene “I Love to See the Temple” (Aia Boki n Anene Ataei, 95), ko kona n tuangiia ataei bwa a na katei baia ngkana a tia n noora te tembora. Kaoiia, ngkai a anene, n iangoia bwa e kanga aia namakin ngkana a noora te tembora.

Titiraki. A mwaiti titiraki aika ko kona n titiraki ngkai ko anenei kuuna. Te katooto, ko kona n titirakiniia ataei bwa tera ae a reikainna man kibun nako te kuna. Ko kona naba n tuangiia bwa a na iangoi titiraki ake e kaekaaki n te kuna. Aei e na kona ni kaira te marooro ibukin koaua ake a reiakinaki n te anene.

Kabonganai baai ni mwakuri aika beebete. Kaoiia ataei bwa a na iangoa aron kammwakuran baai aika a beebete bwa e na buokiia n uringa taekan ao rongorongon te anene. Te katooto, ngkana ko anenea “Search, Ponder, and Pray” (Aia Boki n Anene Ataei, 109), ko kona ni kaoiia am ataei n kotea mataia n anenean taekan ukoran koroboki aika tabu, ni kotoi atuia n anenean taekan iangoan te bwai, ao n rukum baia n aia tai n anenea taekan te tataro.