Musulu wa Susquehanna pabuipi ne Harmony, Pennsylvanie

Ngondu Muibidi 17–23: Pa Nuenu Basadidi Nanyi

Dilongesha ne Bipungidi 12–17; Joseph Smith—Mulubu 1:66–75

Bantu ba bungi ba pa buloba kabatu banji kumvua bakula bua Harmony, Pennsylvanie. Mukalenga udi usungula misangu mivula miaba mipuekela bua malu a bikuma binena mu bukalenga buenda. Mu tshitupa tshia buloba tshia ditu pabuipi ne Harmony mu 15 a Ngondu Muitanu, 1829, Yone Mutambuishi wakamuenekela Joseph Smith ne Oliver Cowdery. Wakatenteka bianza bienda pa mitu yabu ne kubapeshaye Buakuidi bua Alona, mu dibabikila ne Basadidi nanyi (Dilongesha ne Bipungidi 13: 1).

Yone Mutambuishi uvua musadidi uvua mueyemena Nzambi wakatambuisha Mupandishi ne wakalongolola njila wa dilua dienda (tangila Matayo 3:1–6, 13–17). Kudi bansongaluma babidi ba bidimu makumi abidi, tshivua tshikala didipuekesha, mpukampuka bia dikema, bua kubikidibua ne basadidi ne Yone. Mu tshikondu atshi, Joseph ne Oliver kabavua bamanyika nangananga, momumua kabidi ne Harmony. Kadi disadila mu mudimu wa Nzambi, divua dilonda mushindu kayi utudi tusadila, kabiyi bua udi umona. Nansha nanku nkumbajilu weba udi mua kumueneka mukesa anyi kayi umueka, udi peba musadidi mu mudimu munena ne wa dikema wa Mukalenga (Dilongesha ne Bipungidi 14:1).

Ngenyi bua Dilonga ku Nzubu ne ku Ekelezia

Dilongesha ne Bipungidi 12; 14

Ndi mua kubuela mu mudimu munena ne wa dikema wa Nzambi.

Joseph Knight ne David Whitmer bonsu buabu babidi bavua basua kumanya mushindu udibu mua kuambuluisha mu mudimu wa Nzambi. Pawudi ubala diandamuna dia Mukalenga kudibu (Dilongesha ne Bipungidi 12; 14), ela meji tshiditshi tshiumvuija kuwudi bua kutuala ne kushikika mudimu wa Siona (12:6; tangila kabidi 14:6). Nshindamenu ne ngikadilu ya buena Kilisto kayi iyudi upeta mu tshitupa etshi idi mua kukuambuluisha bua kutshienza?

Tangila kabidi “The Knight and Whitmer Families,” mu Revelations in Context, 20–24.

Dilongesha ne Bipungidi 13

Yezu Kilisto wakatuma Yone Mutambuishi bua kupingajilula Buakuidi bua Alona.

Yone Mutambuishi wakabikila Joseph Smith ne Oliver Cowdery bu “basadidi nenda.” Bueba wewa, kuikala muinenda musadidi ne Yone Mutambuishi tshidi tshiumvuija tshinyi? (tangila Matayo 3:13–17; Luka 1:13–17; 3:2–20).

Pawudi ubala pa tshivua Yone Mutambuishi wamba pa Buakuidi bua Alona mu tshitupa 13, nana meji pa mushindu udi nsapi ya buakuidi ebu yambuluisha dikumbaja dia bukenji bua Yone bua kulongolola njila wa Mukalenga. Tshilejilu:

• “Disadila dia banjelu” ntshinyi? (tangila 2 Nefi 32:2–3; Moloni 7:29–32; Guide to the Scriptures, “Angels,” Gospel Library).

• “Lumu Luimpa lua dikudimuna mutshima” ntshinyi? (tangila Dilongesha ne Bipungidi 84:26–27; Dale G. Renlund, “The Priesthood and the Savior’s Atoning Power,” Liahona, Nov. 2017, 64–67).

Mushindu kayi udi milulu ya Buakuidi bua Alona (bu mudi ditambula ne biakudia bia tshijila) ikuambuluisha bua kulongolola njila bua kupeta Mukalenga mu moyo weba?

Nsapi ya buakuidi ntshinyi?

Mukulu Dale G. Renlund ne mukaji wenda, Ruth, mbafila diumvuija edi pa nsapi ya buakuidi:

“Muaku nsapi ya buakuidi udi wenzela mu mishindu ibidi mishilangana. Wakumpala udi utuma ku bunema busunguluka anyi dianyishibua bipesha aba bonsu badi bapeta Buakuidi bua Alona anyi bua Melekisedeke. … Tshilejilu, badi ne buakuidi bua Alona badi bapeta nsapi ya disadila dia banjelu ne nsapi ya lumu luimpa lua dilongololanayi ya dikudimuna mutshima ne ya ditambula ku dinyishibua bua dilekedibua dia mibi (tangila Dilongesha ne Bipungidi 13:1; 84:26–27). Badi ne Buakuidi bua Melekisedeke badi bapeta nsapi ya disadila mu bukalenga, nsapi ya dimanya dia Nzambi, ne nsapi ya mabenesha onsu a nyuma a Ekelezia (tangila Dilongesha ne Bipungidi 84:19; 107:18). …

“Mushindu muibidi udi muaku nsapi ya buakuidi wenzela udi utuma ku bulombodi. Balombodi ba buakuidi badi bapeta nsapi ya buakuidi ya nsakadilu, bunema bua kuimanyina ndongoluelu wa Ekelezia anyi mpuilu. Mu muenenu ewu, nsapi ya buakuidi idi bukôkeshi ne bukola bua kuludika, ne kulombola ne kuimanyina mu Ekelezia” (The Melchizedek Priesthood: Understanding the Doctrine, Living the Principles [2018], 26).

Joseph Smith udi utambuisha Oliver Cowdery, kudi Del Parson

Joseph Smith—Mulubu 1:66–75

Milulu idi impesha dianyisha ku bukola bua Nzambi.

Ukadi mudinkonka tshivua mua kuikala ne Joseph Smith ne Oliver Cowdery diba dia bikuma binena bia Dipinguluja? Pawudi ubala Joseph Smith—Mulubu 1:66–75, biangata ne miaku ya ku ndekelu ya kanungu 71, udi mua kumvua kakesa ka tshivuabu bumvua. Ntshinyi tshidi tshikukemesha pa miaku eyi? Funda, bisunguluka, mabenesha adibu bapeta bualu mbapeta buakuidi ne mbatambuishibua. Mabenesha kayi adi Mupandishi mukupesha kupitshila ku milulu ya buakuidi?

Bua kulonga bia bungi, ela meji bua kuzola tshimfuanyi ne tshiena bualu tshia Milulu ne Mabenesha. Nanku udi mua kukeba mifundu bu mudi eyi bua kutela milulu ne mabenesha adi afuma kudiyi: Yone 14:26; Bienzedi 2:38; Dilongesha ne Bipungidi 84:19–22; 131:1–4; Joseph Smith—Mulubu 1:73–74. Babenesha kayi makuabu awudi mua kukumbaja mu mulongu? Mushindu kayi udi milulu iwudi mupeta mikutuadila bukola bua Mupandishi mu moyo weba?

Tangila kabidi David A. Bednar, “With the Power of God in Great Glory,” Liahona, Nov. 2021, 28–30; Saints, 1:65–68; “God of Power, God of Right,” Hymns, no. 20; Topics and Questions, “Covenants and Ordinances,” Gospel Library.

Dilongesha ne Bipungidi 15–16

Dituala dia anyima kudi Kilisto tshidi ne mushinga mupita.

Ukadi mudikonka, bu John ne Peter Whitmer ne, ntshinyi “tshidi mua kuikala ne mushinga mupita” mu moyo weba? (Dilongesha ne Bipungidi 15:4; 16:4). Pawudi ubala Dilongesha ne Bipungidi 15–16, nana meji pa buatshinyi dituala dia anyima kudi Kilisto didi ne mushinga mupita. Tshiudi wenza ntshinyi bua “kutuala anyima” kudi Kilisto?

Tangila kabidi Saints, 1:68–71.

Dilongesha ne Bipungidi 17

Mukalenga udi wangata bajadiki bua kushindamija muaku wenda.

Mujadiki nganyi? Buatshinyi Mukalenga udi wangata bajadiki mu mudimu wenda? (tangila 2 Kolinto 13:1). Nana meji pa nkonku eyi pa udi ubala miaku ya Nzambi kudi bajadiki basatu mu Dilongesha ne Bipungidi 17. (Tangila kabidi “Bujadiki bua Bajadiki Basatu” mu Mukanda wa Molomo.) Mushindu kayi udi bajadiki bambuluisha pa kutuala “tuipatshila tuakana” tua Nzambi? (kanungu 4).

Tshinyi tshiudi mua kufidila bujadiki?

Tangila kabidi Saints, 1:73–75; “A Day for the Eternities [Dituku dia Biendelela]” (video), Tshisangi Tshia Lumu Luimpa.

A Day for the Eternities

Bua ngenyi ya bungi, tangila nomba ya ngondu ewu bua Liahona ne makazina a Bua Dikankamika dia Bansonga.

Ngenyi bua Kulongesha Bana

Dilongesha ne Bipungidi 13; Joseph Smith—Mulubu 1:68–74

Yone Mutambuishi uvua mupingajilula Buakuidi bua Alona.

• Tshindindimbi tshia tshiena bualu etshi tshidi mua kuambuluisha bana beba bua kumona dipinguluja dia Buakuidi bua Alona (tangila kabidi “Chapter 6: Joseph and Oliver Are Given the Priesthood,” mu Miyuki ya mu Dilongesha ne Bipungidi, 26–27, video udi petangana mu Tshisangi Tshia Lumu Luimpa). Badi mua kusanka bua kuzola tshimfuanyi tshia tshikuma tshishindamena pa biwudi mubala nabu mu Joseph Smith—Mulubu 1:68–74?

  Angels Restore the Priesthood: Power to do God's work

• Udi mua kuleja kabidi tshimfuanyi tshia Yone Mutambuishi panudi nubala nabu pamua Matayo 3:13–17; Joseph Smith—Mulubu 1:68–70. Buatshinyi bivua ne mushinga bua Mukalenga atuma Yone Mutambuishi bua kufila bukôkeshi bua buakuidi bua kutambuisha kudi Joseph Smith?

Longolola bana beba mu njila wa bipungidi ne Nzambi mu matuku abu a moyo. Bua ngenyi ya bungi bua kuambuluisha bana benu bua kulonga pa bukola bua buakuidi, bukôkeshi, ne nsapi, tangila tshisakidilu A anyi tshisakidilu B.

Tshimfuanyi tshia ditambushibua dia Yezu, kudi Dan Burr

Dilongesha ne Bipungidi 13

Tatu wa mu Diûlu udi umbenesha kupitshila ku Buakuidi bua Alona.

• Bua kujula diyukilangana pa nsapi idi mifundibua mu Dilongesha ne Bipungidi 13, wewa ne bana beba nudi mua kukenketa tshisumbu tshia nsapi ne kuakula pa tshidi nsapi mua kutuanyishila bua kuenza. Udi mua kubambuluisha bua kupeta muaku nsapi mu tshitupa 13. Miaku kayi mikuabu anyi biambilu mu Dilongesha ne Bipungidi 13 bidi bileja mabenesha a Buakuidi bua Alona? Bana beba badi mua kumona kabidi mishindu idi Tatu wa mu Diûlu mutubenesha kupitshila ku buakuidi mu video wa “Blessings of the Priesthood [Mabenesha a buakuidi]” (Gospel Library [Tshisangi tshia Lumu luimpa]).

Blessings of the Priesthood

Dilongesha ne Bipungidi 15:4–6; 16:4–6

Diambuluisha bakuabu bua kulua kudi Yezu Kilisto tshidi “tshia mushinga mupita.”

• John ne Peter Whitmer bavua basua kumanya ne ntshinyi tshidi ne mushinga mupita kudibu (tangila Dilongesha ne Bipungidi 15:4; 16:4). Nansha wewa ne bana beba nudi mua kuakula pa bintu bidi ne mushinga wa bungi kunudi. Pawudi ubala Dilongesha ne Bipungidi 15:6 anyi 16:6, lomba bana beba bua bela tshianza mulu padibu bumvua tshidi Mukalenga wamba ne tshidi “tshia mushinga mupita.”

• “Kutuala anyima kudi [Yezu Kilisto]” tshidi tshiumvuija tshinyi? Ambuluisha bana beba bua benza mulongu wa ngenyi, bu mudi kuikala mulunda wa bakuabu, kuabanyangana mifundu ne mulunda, anyi disambila bua munga udi mu dijinga. Bana beba badi mua kumona bimfuanyi bia bintu ebi mu makazina a Ekelezia anyi Gospel Art Book. Anyi badi mua kuzola biabu bimfuanyi. Babikila bua basungula tshimua tshia ku bintu bia ku mulongu wa bienzabu. Badi mua kuimba kabidi pamua mulongu muinayi wa “I Feel My Savior’s Love= Ndi Ngumvua Dinanga dia Mukalenga” (mu Mukanda wa Misambu ya Bana, 74–75).

Dilongesha ne Bipungidi 17

Ndi mua kuikala mujadiki bua Mukanda wa Molomo.

• “Shapita 7: Bajadiki Bamona Bitata bia Ngolo” (mu Milubu ya Dilongesha ne Bipungidi, 31–33, anyi video udi upetangana mu Tshisangi tshia Lumu luimpa) udi mua kuambuluisha bana beba bua kulonga pa bajadiki basatu. Payima pa dibala Dilongesha ne Bipungidi 17:5–6, londela bana beba mushindu kayi uwudi mumanya ne Mukanda wa Molomo udi mulelela. Mushindu kayi utudi mua kuikala bajadiki ba Mukanda wa Molomo?

  Witnessess See the Book of Mormon Plates: Bearing testimony to the world

Bua ngenyi ya bungi, tangila bualu bua ngondu ewu bua makazina a Mulunda.

Pa Nuenu Basadidi Nanyi, kudi Linda Curley Christensen