Ngondu wa Kumpala 27–Ngondu Muibidi 2: Mudimu Wanyi Newuya Kumpala

Dilongesha ne Bipungidi 3–5

Mu bidimu bienda bikesa bia kumpala bu muambi wa Mukalenga, Joseph Smith kavua mumanya bintu bia bungi pa mudimu wa dikema uvuaye mubikidibua bua kuenza. Kadi tshintu tshimua tshidi dimanya dienda dia bangabanga dimulongesha tshidi kuenza kua mudimu wa Nzambi ne disu buludi ku butumbi bua Nzambi (Dilongesha ne Bipungidi 4:1, 5). Tshilejilu, pavua Mukalenga umubela bua kuenza tshintu tshivuaye kayi mutuishibua musua bua kuenza, uvua ujinga bua kulonda mubelu wa Mukalenga. Ne nansha muvuaye ne mabuluila a bungi, ne … bukola bua kuenza midimu mikola yonsu, pavuaye umvua ne tshivuaye musua kuenza tshivua ne mushinga tshipita disua dia Nzambi, udi ne bua kupona (Dilongesha ne Bipungidi 3:4). Kadi Joseph wakalonga tshintu tshikuabu amu tshia mushinga pa dienza mudimu wa Nzambi: Nzambi udi ne lusa, ne pavua Joseph ukudimuna mutshima bulelela, uvua anu musungudibua (kanungu 10). Mudimu wa Nzambi udi, kupita bionsu, mudimu wa lupandu. Ne mudimu ewu kawena mua kupangishibua (kanungu 1).

Ngenyi bua Kulonga ku Nzubu ne ku Ekelezia

Dilongesha ne Bipungidi 3:1–16

Ndi mua kueyemena Nzambi.

Ku mbangilu kua mudimu wa Joseph Smith, bivua bikola bua kupeta balunda bimpa—nangananga balunda bu Martin Harris, muntu munemekibua, ne mutanta uvua muenza milambu minena bua kukuatshisha mudimu wa Joseph. Nanku pavua Martin mumulomba dianyisha bua kuleja mabeji a kumpala 116 mafunda ku bianza a dikudimuna dia Mukanda wa Molomo kudi mukaji wenda, Joseph bu muntu wakasua ku munemeka ku dilomba dienda, nansha muvua Mukalenga mumudimuisha ku tshiotshi. Bia dikema, mabeji akajimina pavuawu mikala mu bulami bua Martin, ne Joseph ne Martin bavua banyokibua kudi Mukalenga bikola (tangila Saints, 1:51–53).

Pawudi ubala Dilongesha ne Bipungidi 3:1–15, nana meji pa tshidi Mukalenga musua bua ulonga ku dimanya diabu. Tshilejilu, tshinyi tshiudi mulonga pa:

• Mudimu wa Nzambi? (tangila kanungu 1–3, 16).

• Bipeta bia kutshina muntu pa mutu pa kueyemena Nzambi? (tangila kanungu 4–8).

• Mabenesha adi alua ku dishala ne lulamatu? (tangila kanungu 8).

• Mushindu udi Mukalenga ulongolola ne ukankamika Joseph? (tangila kanungu 9–16).

Mu mukenji wenda “Which Way Do You Face?,” Mukulu Lynn G. Robbins udi ufila bilejilu bia bungi bia bantu bavua batshina Nzambi ne bantu bavua bitaba dienzeja dia bakuabu (Liahona, Ngondu wa Dikumi ne Umua 2014, 9–11). Ela meji bua dibala bilejilu ebi mu mifundu idiyi ulejila. Tshinyi tshiwudi ulonga ku milubu eyi? Mamanya kayi audi mupeta pauvua mueyemena Mukalenga diba diuvua kumpala kua dienzeja bua kuenza tshintu tshishilanga? Binganyi bivua bipeta bia bienzedi bieba?

Tangila kabidi Dale G. Renlund, “A Framework for Personal Revelation,” Liahona, Ngondu wa Dikumi ne Umua 2022, 16–19; “The Contributions of Martin Harris,” in Revelations in Context (2016), 1–9; Topics and Questions, “Seeking Truth and Avoiding Deception [Dikeba Bulelela ne Diepuka Difuishibua Bundu],” Gospel Library; “How Gentle God’s Commands,” Hymns, no. 125.

Dilongesha ne Bipungidi 4

Ndi mua kusadila Nzambi ne mutshima wanyi onsu, bukola buanyi bonsu, ne meji anyi onsu, ne makanda anyi onsu.

Tshitupa 4 tshidi nangananga bua bena bukenji ba ku diba dionsu. Nansha naku, bidi bisankisha bua kufunda ne dibuluila edi divua difidibua kudi Joseph Smith Mukulumpa, uvua kayi mubikidibua bua bukenji kadi muikala ne dijinga dia kusadila Nzambi (kanungu 3).

Mushindu umua wa kubala tshitupa etshi udi bua kuwufuanyikija ne diumvuija dia mudimu bua muntu kampanda udi musua kuambuluisha mu mudimu wa Mukalenga. Tshinyi tshidi Mukalenga ukeba? Mafutu kayi adiye ufila?

Tshinyi tshiudi ulonga pa disadila Mukalenga ku dibuluila edi?

Mulombodi Mukulu Russell M. Nelson wakabikila bua disangisha dia Isalele “ bualu bunena, kipatshila kanena, ne mudimu munena pa buloba” (“Hope of Israel” [worldwide youth devotional, Ngondu Muisambombu 3, 2018], Tshisangi tshia Lumu Luimpa). Tshinyi tshiudi mupeta mu muyuki ewu tshidi tshikusaka bua kudibuinka mu mudimu wenda?

Ewu yonsu udi ne dijinga bua kusadila Nzambi mubikidibua ku mudimu.

Dilongesha ne Bipungidi 5

Kupisthila ku Nyuma wa Tshijila, ndi mua kupeta bujadiki bua Mukanda wa Molomo.

Mu Ngondu Muisatu wa 1829, Lucy mukaji wa Martin Harris, wakafunda tshilumbu ku tumiladi ne Joseph Smith uvua udinga bantu ku didingisha bua kukudimuna bitata bia ngolo (tangila Saints, 1:56–58). Nanku Martin wakalomba Joseph bijadikilu bia bungi bivua bileja ne bitata bia ngolo bivua bia bushuwa. Dilongesha ne Bipungidi 5 didi dibuluila mu diandamuna ku dilomba dia Martin. Tshinyi tshiudi ulonga ku tshitupa etshi pa bidi bilonda:

• Tshinyi tshidi Mukalenga wamba ne tshivua mua kuenzeka bu bitata bia ngolo bilejibua kudi ba pa buloba bua kubimona (tangila Dilongesha ne Bipungidi 5:7). Buatshinyi udi wela meji ne bidi nanku?

• Mudimu wa bajadiki mu mudimu wa Mukalenga (tangila tunungu 11–15; tangila kabidi 2 Kolinto 13:1).

• Mushindu wa kupeta bujadiki bua Mukanda wa Molomo bueba nkayeba (tangila tunungu 16, 24; tangila kabidi Moloni 10:3–5).

Dilongesha ne Bipungidi 5:1–10

Yezu Kilisto wakatupesha dîyi dienda kupitshila ku Joseph Smith.

Tshinyi tshidi Dilongesha ne Bipungidi 5:1–10 ukulongesha pa mudimu wa Joseph Smith mu tshikondu tshietu—ne mu moyo weba? (Tangila kabidi 2 Nefi 3:6–24.)

Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga.

Ngenyi bua Kulongesha Bana

Dilongesha ne Bipungidi 3:5–10; 5:21–22

Ndi mua kusungula buimpa padi bakuabu bateta bua kungenzeja bubi.

• Bua kubanga diyukilangana pa dilonga bua kueyemena Tatu wa mu Diûlu, nudi ne bua kutangilula muyuki wa mabeji mafunda ku bianza avua majimina (tangila Miyuki ya mu Dilongesha ne Bipungidi, 18–21). Pashisha nudi mua kuteka mu dinaya ne bana beba mu malu adibu batetshibua bua kuenza tshintu kampanda tshidibu bamanya ne katshiena tshimpa to. Miaku anyi biambilu kayi mu Dilongesha ne Bipungidi 3:5–8; 5:21–22 bidi mua kubambuluisha mu malu â?

  Martin Harris Helps Joseph: Learning to trust the Lord

Dilongesha ne Bipungidi 4

Mukalenga udi umbikila bua kumuambuluisha mu mudimu wenda.

• Kanungu konsu mu Dilongesha ne Bipungidi 4 kadi ne malelela a mushinga adi mua kuambuluisha bana beba bua kulonga pa disadila Nzambi. Eyi idi ngenyi kampanda bua kubambuluisha bua kujandula malelela â:

  • Nudi mua kubala pamua Dilongesha ne Bipungidi 4:1 ne kulejangana bimfuanyi bidi bileja mudimu wa “dikema” mu matuku a ndekelu wa Nzambi (bu bena bukenji, ntempelo, Mukanda wa Molomo).

  • Bana beba badi mua kuela meji ku bienzedi anyi kuzola bimfuanyi bidi bileja tshiambilu kumusadila ne mutshima wenu mujima, ne bukola buenu bonsu, ne meji ne makanda enu onsu (Dilongesha ne Bipungidi 4:2).

  • Nudi mua kutangila pamua biamu bidibu benza nabi mudimu mu budimi. Mushindu kayi udi biamu ebi bituambuluisha? Pashisha bana beba badi mua kupeta bintu mu Dilongesha ne Bipungidi 4:5–6 bidi bu biamu bua dienza mudimu wa Nzambi.

  • Bana ba bakulumpa badi mua kukeba Dilongesha ne Bipungidi 4 nkayabu ne kuenza mulongu wa bintu bidibu balonga pa tshidi tshiumvuija kusadila Nzambi.

  • Nudi mua kuimba pamua musambu pa mudimu wa bukenji, bu mudi “I Want to Be a Missionary Now” (Children’s Songbook, 168).

Ndi mua kuambuluisha mu mudimu wa Nzambi mu disadila bakuabu.

Akaja bibilu ebi bua bikumbana bua kuakidila bantu badi ne bulema. Makaja makesa a bibilu adi mua kukutuisha ne muntu yonsu mmupeta mushindu wa kulonga. Tshilejilu, padi tshibilu tshijinga kuleja tshimfuanyi, udi mua kuimba musambu bua kubueja bantu badi ne disama dia lumonu.

Dilongesha ne Bipungidi 5:1–7, 11, 16, 23–24

Ndi mua kuikala mujadiki wa ne Mukanda wa Molomo udi mulelela.

• Bua kulongesha bana beba pa bajadiki, udi mua kubalomba bua bafuanyikija ne mulunda mmubambila ne uvua mumona kambishi kendela ku mikolu ya mpala. badi mua kutshitaba anyi? Kadi mukuabu mulunda yeya muamba tshintu tshia momumua? Akula tshidi “mujadiki” ne buatshinyi bajadiki badi ne mushinga. Pashisha udi mua kuambuluisha bana beba bua kukeba mu Dilongesha ne Bipungidi 5:1–3, 7, 11 bua mandamuna ku nkonku bu eyi:

  • Tshinyi tshivua Martin Harris musua kumanya?

  • Joseph Smith uvua mua kuleja nganyi bitata bia ngolo?

  • Buatshinyi dimona dia bitata kadiuvua mua kuitabijija muntu ne Mukanda wa Molomo udi mulelela?

  • Tshinyi tshitudi mua kuenza bua kuikala bajadiki ba Mukanda wa Molomo? (tangila Dilongesha ne Bipungid 5:16; Moloni 10:3–5).

Bua ngenyi ya bungi, tangila bualu bua ngondu ewu bua makazina a Mulunda.

Bujitu bua Dinyanga dia mabeji 116, kudi Kwani Povi Winder