Tshisakidilu tshia A

Bua Baledi—Kulongolola Bana Beba bua Matuku a Moyo mu Njila wa Tshipungidi ne Nzambi

Bualu mukunanga, mukueyemena, ne mumanya buikadi bueba, Tatu wa mu Diûlu mukupesha tshipolu bua kuambuluisha bana beba bua babuela ne baya kumpala mu bipungidi bienda, njila wa moyo wa tshiendelela (tangila Dilongesha ne Bipungidi 68:25–28). Etshi tshidi tshiangata kubambuluisha bua kudilongolola bua kuenza ne kulama bipungidi bia tshijila, bu mudi ditambula ne bipungidi bienza mu ntempelo. Kupitshila ku bipungidi ebi, bana beba nebikala bakumbana bua kuikala balamata nkayabu ne disanka kudi Mupandishi, Yezu Kilisto.

Kudi njila ya bungi bua kulongolola bana beba bua kuikala kuabu mu njila wa tshipungidi, ne Tatu wa mu Diûlu neabambuluisha bua kujingulula mushindu muakana wa kumbambuluisha. Bu muwudi ukeba dipetela meji kudi Nzambi, lama mu meji ne dilonga dionsu kaditu anu difika mu dilongesha dilongolodibua. Kadi, Tshitupa tshidi tshienza dilonga mu dîku ne makanda tshidi tshipolu thia kulongesha ku tshilejilu kupitshila ku malu makesa, bipolu bikesa bia kulongesha—bidi bifika mu mushindu mupepala mu matuku a nsombelu. Bu mudi dilonda dia njila wa tshipungidi dikala kadiyi dishintuluka, dia matuku onsu a moyo, kadi didi kulonga pa njila wa tshipungidi. (Tangila “Home and Family,” Teaching in the Savior’s Way [2022], 30–31.)

Kuinshi kudi ngenyi ya bungi idi mua kulombola ku dipetela meji kudi Nzambi. Udi bua kupeta ngenyi mikuabu bua kulongesha bana ba bidimu bia tshilongedi tshia mbedi mu “Tshisakidilu tshia B: Bua Tshilongelu tshia Mbedi—Kulongolola Bana Beba bua Matuku a Moyo mu Njila wa Tshipungidi ne Nzambi.”

Ditambula ne Dijadikibua

Nefi wakalongesha ne “tshibuelelu [tshitudi] bua kubuelela” mu njila wa tshipungidi “tshidi dikudimuna dia mutshima ne ditambula dia mu mâyi” (2 Nefi 31:17). Kudienzeja kueba bua kuambuluisha bana beba bua kudilongolola bua ditambula ne dijadikibua kudi bua kubambuluisha kubanga kuenza ne kulama tuipatshila tua mushinga ne meji. Kudienzeja kueba eku kudi kubanga ne kulongesha pa ditabuija mu Yezu Kilisto ne kukudimuna mutshima. Bidi kabidi biangata kulongesha pa mushindu utudi tuenzulula bipungidi bietu bia ditambula mu kuangata biadidia bia tshijila lumingu lonsu.

Nefi wakalongesha ne “tshibuelelu [tshitudi] ne bua kubuelela” njila wa tshipungidi “tshidi dikudimuna dia mutshima ne ditambula dia mu mâyi” (2 Nefi 31:17).

Ebi bidi biambuluishi bidi mua kukuambuluisha: 2 Nefi 31; Nomba wa pabuenda wa Mulunda makazina pa ditambula; Biena bualu ne Nkonku, “Ditambula,” Tshisangi tshia Lumu Luimpa.

• Nansha pawuvua ne dimanya divua dikolesha ditabuija dieba mu Tatu wa mu Diûlu ne Yezu Kilisto, diabanyangana ne muaneba. Bambuluisha bua kumvua ne ditabuija didi tshintu tshidi mua kusasa ne kutungunuka kukola mu moyo. Bintu kayi bidi bana beba bua kuenza bua kutantshisha ditabuija diabu kukola mu Yezu Kilisto kumpala kua bobu kutambushibua?

• Padi muaneba wenza disungula dibi, akula ne disanka pa dipa dia kukudimuna mutshima. Ne pawudi wenza disungula dibi, abanya disanka didi dilua pawudi ukudimuna mutshima. Jadika ne bualu Yezu Kilisto wakakenga ne kufua bua mibi yetu, tudi mua kukudimuna mutshima dituku dionsu, kuikala babuikidibua, ne kupeta bukola bua kukudimuka. Padi muaneba ukeba dibuikidibua, mubuikidila ne dilekelela ne disanka.

• Ambila muaneba pa ditambula dieba. Leja bimfuanyi ne tangalaja bintu bia kala. Akula mushindu kayi uvua mumvua, mushindu udi kulama bipungidi bieba bia ditambula bikuambuluisha bua kufika kudimanya Yezu Kilisto biakana, ne mushindu kayi udi bipungidi bieba bitungunuka kukubenesha moyo weba. Kankamika muaneba bua kuela nkonku.

• Padiku ditambula mu dîku dieba anyi mu tshikongu, ndaku ne muaneba bua amona. Akulayi pamua pa tshiuvua wewa ne muaneba bamona ne bumvua. Biobi bikumbana, akulayi ne muntu udi muikala mutambuishibua ne ela nkonku bu mudi idi ilonda eyi: “mushindu kayi uwudi muangata dipangadika edi? Mushindu kayi uvua mudilongolola?”

• Pawamona muaneba wenza tshintu tshivuabu balaya bua kuenza, muela kalumbadi ka moyo mujima. Leja ne, kulama mapangadika kudi kutuambuluisha bua kudilongolola bua kulama bipungidi bitudi tuenza patudi tutambushibua. Tshinyi tshitudi tulaya Nzambi patudi tutambushibua? Tshinyi tshitshiyi mutulaya? (Tangila Mosiya 18:8–10, 13.)

• Akula pa mushindu wa kuikala mujadikibua ne kulua tshidimba tshia Ekelezia wa Yezu Kilisto wa Bansantu ba Matuku a Ndekelu bikubensha. Bu tshilejilu, mushindu kayi uvua musemena pabuipi ne Tatu wa mu Diûlu ne Yezu Kilisto pavua musadila bakuabu ne muvua bakuabu bakusadila? Ambuluisha muaneba bua ela meji pa mishindu ya kusadila ne kukolesha bakuabu bu tshidimba tshia Ekelezia. Bambuluisha kabidi bua kupeta dimanya didi difumina ku disanka dia kusadila.

• Pawudi wewa ne muaneba bapeta dimanya dia tshijila pamua (bu mudi ku ekelezia, panudi nubala mifundu, anyi pawudi usadila muntu) bambila pa ngumvuilu wa nyuma anyi muenenu uwudi mupeta. Bikila muaneba bua kuakula pa bidiye mumvua. Ikala mutuishibua pa mishindu mishilashilangana idi Nyuma wakula kudi bantu, biangata mishindu idiyi mukuakuila ngayeba. Ambuluisha muaneba bua kujingulula ne kuabanyangana neba bipolu pavuabu bapeta dimanya dia buenzeji bua Nyuma wa Tshijila.

• Tangilayi pamua bindidimbi bikesa bia videos mu nsangilu wa Tshisangi tshia Lumu Luimpa udi ne tshiena bualu “Hear Him!” Akulayi pamua pa mishindu mishilangana idi basadidi ba Mukalenga bapeta miyuki kudi mupandishi ne bayumvua. Bikila muaneba bua kuzola tshimfuanyi anyi kuenza video pa mushindu udiyi mumvua dîyi dia Mupandishi.

• Enza biadidia bia tshijila tshikuma tshia tshijila ne disanka mu dîku dieba. Abanyangana ne muaneba mushindu uwudi muimanyina pa Yezu Kilisto pawudi wangana biadidia bia tshijila. Ambuluisha muaneba bua kuenza dilongolola bua kuleja ne biadidia bia tshijila bidi bia tshijila kudibu. Bu tshilejilu, kumvua miaku ya masambila a biadidia bia tshijila kudi mua kutuvuluija pa bipungidi bietu bia ditambula.

• Biena bualu bia bungi bia makazina a Mulunda bidi ne tunungu tua ditabuija, miyuki, ne bibilu bua kuambuluihsa bana beba kudilongolola bua ditambula ne Dijadikibua. Lekela bana beba kusungula bimua bia kubala ne kutshiongomoka neba. (Tangila kabidi nsangilu wa “Preparing for Baptism”mu tshitupa tshia bana tshia tshisangi tshia Lumu Luimpa.)

Bukola bua Buakuidi, Bukokeshi, ne Nsapi

Buakuidi budi bukola ne bukokeshi bua Nzambi budiyi ubeneshila bana benda. Buakudi bua Nzambi budi pa buloba lelu mu Elekezia wa Yezu Kilisto wa Bansantu ba Matuku a Ndekelu. “Bidimba bionsu bia Ekelezia bidi bilama bipungidi biabu—bakaji, baluma, ne bana—bidi bibeneshibua ne bukola bua buakuidi bua Nzambi mu nzubu yabu bua kubakankamika ne mêku abu” (Mukanda Munena wa Maludiki: Disadila mu Ekelezia wa Yezu Kilisto wa Bansantu ba Matuku a Ndekelu, 3.6, Tshisangi tshia Lumu Luimpa). Bukola ebu budi bukuatshisha bidimba mu dienza mudimu wa lupandu ne dizanjikibua mu nsombelu wa nkaya ne wa mêku (tangilaMukanda Munena wa Maludiki, 2.2).

Padi baluma ne bakaji basadila mu mabikila abu mu Ekelezia, badi benza nungu ne Bukokeshi bua buakuidi, mu buludiki bua aba badi ne nsapi ya buakuidi. Bana bonsu ba Tatu wa mu Diûlu—baluma ne bakaji—nebikala babeneshibua padibu bafika ku diumvua biakana buakuidi.

Tudi tupeta milulu ku bukokeshi bua buakuidi. “Bidimba bikumbana biluma bidi bipeta bukokeshi bua buakuidi kupitshila ku didiambika ne dijidila mu milongu ya buakuidi” (Mukanda Munena wa Maludiki, 3.4). Aba badi mu milongu ya buakuidi badi mua kuikala banyishibua kudi muntu udi ne nsapi ya buakuidi bua kukumbaja mululu wa buakuidi.

Bua kulonga bia bungi pa buakuidi, tangila Russell M. Nelson, “Spiritual Treasures,” Liahona, Ngondu wa Dikumi ne Umua 2019, 76–79; Russell M. Nelson, “The Price of Priesthood Power,” Liahona, Ngondu Muitanu 2016, 66–69; “Priesthood Principles,” shapita 3 mu Mukanda Munena wa Maludiki.

• Enza milulu ya buakuidi tshitupa tshia mushinga mu moyo wa dîku dieba. Bu tshilejilu, ambuluisha muaneba bua kudilongolola mu nyuma bua biadidia bia tshijila lumingu lonsu. Kankamika muaneba bua kukeba mabenesha a buakuidi padiyi usama anyi ujinga busambi anyi buludiki. Enza tshibidilu bua kuleja mishindu idi Mukalenga ubenesha dîku dieba kupitshila ku bukola bua buakuidi.

• Muwudi ubala mifundu pamua, keba bipolu bua kuyukilangana mushindu udi Nzambi ubenesha bantu kupitshila ku bukola buenda. Leja mamanya eba nkayeba pavua Nzambi mukubenesha kupitshila ku buakuidi. Bilejilu bia mabenesha atudi tupeta kudi Nzambi kupitshila ku buakuidi, tangila Mukanda Munena wa Maludiki, 3.2, 3.5.

• Longesha muaneba ne panyima pa ditambula, badi mua kupeta bukola bua buakuidi mu kulama bipungidi bia ditambula. Muanununayi pamua mukenji wa Mulombodi mukulu Russell M. Nelson“Spiritual Treasures” (Liahona, Ngondu wa Dikumi ne Umua 2019, 76–79). Ambila muaneba mushindu udi milulu ya buakudi mituala bukola bua Nzambi mu moyo weba. Bua lista wa imua mishindu itudi babeneshiua kudi bukola bua buakuidi, tangila Mukanda Munena wa Maludiki, 3.5.

• Yukilayi pa lukonku “Musadidi wa Mukalenga mufuanangana ne nganyi?” Balayi pamua Dilongesha ne Bipungidi 121:36–42, ne keba mandamuna. Nansha bionsu binudi bajingulula muaneba (anyi muntu mukuabu) wenzela umua wa ku nshindamenu eyi anyi ngikadilu mu tunungu etu, tuleja.

• Pawudi wewa ne muaneba nuenzela nsapi bua kukanga tshibi anyi kutemesha mashinyi, angata tususa bua kuelakaja nsapi eyi kudi nsapi idi balombodi ba buakuidi nayi. (Bua ngumvuilu wa nsapi ya buakuidi, tangila Mukanda Munena wa Maludiki, 3.4.1). Tshinyi tshidi nsapi ya buakuidi “ikangula” anyi “itemesha” buetu? Tangila kabidi Gary E. Stevenson, “Where Are the Keys and Authority of the Priesthood?,” Liahona, Ngondu Muitanu 2016, 29–32; “Where Are the Keys?” (video), Tshisangi tshia Lumu Luimpa.

  Where Are the Keys?

• Pawudi mutekibua pa muaba bua dibikila, bikila muaneba bua kuikala koku, biobi bikumbana. Lekela muaneba akumona ukumbaja dibikila dieba. Udi kabidi bua kukeba mishindu mimpa idibu bua kukuambuluisha. Umvuija mushindu uwudi umvua bukola bua Mukalenga mu dibikila dieba.

Kuikala Mutambuishibua ne Mujadikibua bua Bankambua

Ntempelo idi tshitupa tshia dilongolola dia Tatu wa mu Diûlu bua bana benda. Mu nzubu wa Mukalenga, tudi tuenza bipungidi bia tshijila ne Tatu wa mu Diûlu patudi tuenza milulu ya tshijila, yonsu idi ifunkuna kudi Yezu Kilisto. Tatu wa mu Diûlu wakafila mushindu bua bana benda bonsu kuenza bipungidi ne kuikala mu milulu, kuela ne bantu badi kabayi bayipeta mu moyo ewu. Ku ntuandijilu wa tshidimu tshidi muana ukumbaja bidimu 12 bakadi bakola kakesa bua kuikala batambushibua ne bajadikibua mu ntempelo bua bankambua bafua (tangila kabidi 1 Kolinto 15:29).

• Ndaku misangu yonsu ku nzubu wa Mukalenga padi mishindu yeba ikuangishila. Akula kudi muaneba pa buatshinyi udi uya ne mushindu kayi udi ntempelo ukuambuluisha bua udiumvua pabuipi ne Tatu wa mu Diûlu ne Yezu Kilisto.

• Monununayi ne yukilayi pamua pa nkoku ya dianyisha dia kubuela mu ntempelo. Udi mua kuyipeta mu mabeji 36–37 a Bua Dikankamika dia Bansonga: Buludiki bua Kuenza Masungula (2022). Akula ne muaneba pa tshinyi tshidi tshifika mu muyuki wa dianyisha dia kubuela mu ntempelo. Umvuija buatshinyi kuikala ne dianyisha dia kubuela mu ntempelo kudi ne mushinga bueba.

• Balayi pamua Malaki 4:6 Akula pa mushindu udi mutshima weba mua kuikala mukudimuka kudi bankambua beba. Longa bia bungi pa bankambua beba mu dijandula dia malu a kala a dîku dieba pamua mu FamilySearch.org Keba bankambua badi dijinga ne kutambuishibua ne bajadikibua. Mutangidi wa tshikongu wa ntempelo ne malu a kala a dîku udi mua kukuambuluisha

• Monununayi pamua bimua bia ku biambuluishi mu nsangilu udi ne tshiena bualu tshia “ntempelo” mu tshitupa tshia bana mu tshisangi tshia Lumu Luimpa. (Tangila kabidi “Preparing Your Child for Temple Baptisms and Confirmations” mu ChurchofJesusChrist.org.)

Kupeta Dibenesha dia Nkambua Mukulu

Dibenesha dia Nkambua Mukulu didi mua kuikala mushimi wa buludiki, busambi, ne dipetela meji kudi Nzambi. Didi ne mibelu ya nkaya buetu ifumina kudi Tatu wa mu Diûlu ne ituambuluisha bua kumvua bumuntu buetu bua tshiendelela ne kipatshila. Ambuluisha muaneba bua kudilongolola bua kupeta dibenesha dia nkambua mukulu mu dibalongesha mushinga ne buikadi bua tshijila bua mabenesha a nkambua mukulu.

Bua kulonga bia bungi, tangila Biena Bualu ne Nkoku, “Dibenesha dia Nkambua Mukulu,” Tshisangi tshia Lumu Luimpa; Julie B. Beck, “You Have a Noble Birthright,” Liahona, Ngondu Muitanu 2006, 106–8.

• Abanyangana ne muaneba dimanya dieba dia kupeta dibenesha dia nkambua mukulu. Udi bua kutangaja bintu bu mudi mushindu uwudi mudilongolola bua kudipeta, mushindu udidi dikuambuluisha bua kusemena pabuipi ne Nzambi, ne mushindu udiyi mutungunuka ne kukuludika kupitshila ku dibenesha edi. Udi kabidi bua kubikila muaneba bua kuakula kudi bidimba bikuabu bia dîku bikadi bipeta mabenesha abu a nkambua mukulu.

• Monununa pamua mukenji wa Randall K. Bennett’s “Your Patriarchal Blessing—Inspired Direction from Heavenly Father” ne mukenji wa Mukulu Kazuhiko Yamashita “When to Receive Your Patriarchal Blessing” (Liahona, Ngondu Muitanu 2023, 42–43, 88–90). Tangalaja ne umua ne mukuabu binudi balonga ku mikenji eyi pa buatshinyi Tatu wa mu Diûlu mmujinga bua tupeta dibenesha dia nkambua mukulu. Bua kulonga pa mushindu wa kupeta dibenesha dia nkambua mukulu, tangila Mukanda Munena wa Maludiki, 18.17.

• Pawikala ne nkambua yeba ivua mipeta mabenesha â nkambua mukulu, bidi bua kuikala bifila meji a nyuma bua kubala amua aku owu ne muaneba. Bua kukeba mabenesha a nkambua ikadi mifua, buela mu ChurchofJesusChrist.org, tuta pa biamua ku ditumba dia kulu dia dia baluma, ne sungula Patriarchal Blessing.

• Panyima pa muaneba mupeta dibenesha dia nkambua mukulu, bikila bidimba bia dîku bieba bivua koku bua kuamba ngumvuilu yabu ne kuabanyangana ne muaneba.

Kupeta kua Diambika

Mukalenga mujinga kuambika, anyi kubenesha, bana benda bonsu ne bukola bua ku diûlu (Dilongesha ne Bipungidi 95:8). Tudi tuya ku ntempelo bua kupeta diambika dietu nkayetu musangu amu umua, kadi bipungidi bitudi tuenza ne Nzambi ne bukola bua nyuma budiyi utupesha bu tshitupa tshia diambika tshidi bua kutubenesha dituku dionsu mu nsombelu yetu.

• Leja tshimfuanyi tshia ntempelo mu nzubu mueba. Ambila muaneba pa ngumvuilu uvua mujingulula mu nzubu wa Mukalenga. Akula misangu ya bungi pa dinanga dieba bua Mukalenga ne nzubu wenda ne bipungidi biwudi muenza nenda momu. Keba bipolu bua kuya ku ntempelo ne muaneba bua kukumbaja ntambu ne majadiki a bankambua babu.

• Yandulayi pamua mu temples.ChurchofJesusChrist.org Balayi pamua kanungu bu “About the Temple Endowment” ne “Prepare for the House of the Lord.” Lekela muaneba ela nkoku idibu nayi pa ntempelo. Bua buludiki pa tshiwudi mua kuakula pambelu pa ntempelo, tangila mukenji wa Mukulu David A. Bednar “Prepared to Obtain Every Needful Thing” (Liahona, Ngondu Muitanu 2019, 101–4; tangila nanga-nanga tshitupa tshidi ne tshiena bualu “Home-Centered and Church-Supported Learning and Temple Preparation”).

• Muwudi wewa ne muaneba babuela anyi bajadika milulu mikuabu (bu mudi biadidia bia tshijila anyi dibenesha dia diondopa), angata tshipolu bua kuyukila pa bimanyinu bidi mu mululu. Tshinyi tshidi bimanyinu ebi bileja? Mushindu kayi udibi bijadika bua Yezu Kilisto? Etshi tshidi bua kuambuluisha muaneba bua kudilongolola bua kunana meji pa ngumvuilu wa bifuanyikijilu bia milulu ya ntempelo, bidi bijadika kabidi bua Yezu Kilisto

• Ambuluisha muaneba bua kumona mushindu udiyi ulama tshipungidi tshia ditambula tshiumvuija mu Mosiya 18:8–10, 13. Ambuluisha kabidi muaneba bua kumona mushindu udi Mukalenga ubabenesha. Ikaba dieyema kudi muaneba mu bukola buabu bua kulama bipungidi.

• Akula mu dibatokeshela ne misangu ya bungi pa mushindu udi bipungidi bieba bia mu ntempelo biludika masungula eba ne bikuambuluisha bua kukola bapuipi ne Yezu Kilisto. Udi mua kuenzela Mukanda Munena wa Maludiki, 27.2, bua kumonununa bipungidi bitudi benza mu ntempelo. Wewa mupeta diambika, ambila bana beba pa mushindu udi bilulu bia ntempelo bikuambuluisha bua kuvuluka bipungidi ne Yezu Kilisto (tangila “Sacred Temple Clothing” [video], Tshisangi tshia Lumu Luimpa).

Sacred Temple Clothing

Kusadila Bukenji

Mukulu David A. Bednar wakalongesha: “Tshintu tshidi tshitamba kuikala ne mushinga tshiwudi bua kuenza bua kudilongolola bua dibikila dia kusadila tshidi kulua muena bukenji kala kumpala kua wewa kuya mu bukenji. … Kipatshila kakena ka kuya mu bukenji; kadi, ka kulua muena bukenji ne kusadila mu nsommbelu wetu mujima ne mutshima onsu, bukola, meji, ne makanda. … Udi udilongolola bua matuku a moyo bua mudimu wa bena bukenji (“Becoming a Missionary,” Liahona, Ngondu wa Dikumi ne Umua 2005, 45–46). Mamanya a muaneba a kulua muena bukenji neababenesha tshiendelela, kabiyi anu bua tshikondu tshidiyi bua kusadila bu muena bukenji.

Bua kulonga bia bungi, tangila Russell M. Nelson, “Preaching the Gospel of Peace,” Liahona, Ngondu Muitanu 2022, 6–7; M. Russell Ballard, “Missionary Service Blessed My Life Forever,” Liahona, Ngondu Muitanu 2022, 8–10; “Missionary Preparation: Adjusting to Missionary Life,” Tshisangi tshia Lumu Luimpa.

• Mushindu wa kutangalaja lumu luimpa mu mishindu mipepela. Misangu yonsu ikala mumanyishibua bua bipolu bia kutangalaja ne bakuabu mguvuilu yeba pa Tatu wa mu Diûlu ne Mupandishi ne mabenesha awudi mupeta kupitshila ku lumu luimpa lupiguluja lua Mupandishi ne bu tshidimba tshia Ekelezia wenda. Bikila bakuabu bua kupeta dîku dieba mu Ekelezia- ne bibilu- bikuabu bia dîku.

• Keba bipolu bua dîku dieba kuyukila ne bena bukenji. Babikila bua kulongesha balunda beba, anyi kubapesha bua bobu kulongesha bantu mu nzubu weba. Konka bena bukenji pa mamanya adibu bapeta ne mushindu kayi udi disadila mu bukenji dikuambuluisha bua kusema pabuipi ne Yezu Kilisto. Konka kabidi bidibu benza (anyi bajinga kuenza) bua kudilongolola bua kuikala bena bukenji.

• Wewa musadila mu bukenji, akula mu butoka ne misangu ya bungi pa mamanya eba. Anyi bikila mulunda anyi bidimba bia dîku bivua bisadila mu bukenji bua kuakula pa abu. Udi kabidi bua kuakula pa mishindu iwuvua mutangalaja lumu luimpa ne bakuabu mu nsombelu weba. Ambuluisha muaneba bua kuela meji pa mishindu ya kutangalaja lumu luimpa.

• Pesha muaneba bipolu bua kulongesha dîku dieba nshindamenu ya lumu luimpa. Muaneba udi kabidi bua kutangalaja ditaba diabu ne bakuabu. Tshilejilu, nudi kabidi bua kuyukila pa lukonku bu mudi “mushindu kayi utudi bua kuleja Mukanda wa Molomo kudi muntu utukayi muanji kumumvua?” anyi “mushindu kayi utudi bua kumvuija dijinga dia Mupandishi kudi muntu udi kayi Muena Kilisto?”

• Ambuluisha bana beba bua kulua bakana mu kuakula ne bantu. Mishindu kayi mimpa ya kubanga diyukilangana? Kankamika muaneba bua kulonga mushindu wa kumvua bidi bakuabu bamba, kumvua tshidi mu mitshima yabu, ne kutangalaja malelela a lumu luimpa adi bua kubenesha nsombelu yabu.

• Keba bipolu bua muaneba kulonga pa ngikadilu ne matabuija makuabu. Bambuluisha bua kujingulula ne kunemeka nshindamenu mimpa ne milelela mu ditaba dia bakuabu.

Kupeta Mululu wa Disuika

Mu ntempelo, muluma ne mukaji badi mua kuikala basedibua bua tshiendelela. Etshi tshidi tshifika mu mululu mubikidibua ne “disuika.” Nansha mululu ewu ne mua kuikala bidimu bipita bungi bua muaneba mukaji anyi muluma, bintu bikesa, bipepela, bia mushinga binudi nuenza pamua mu bidimu ebi bidi mua kubambuluisha bua kudilongolola bua dibenesha edi dinena.

• Balayi pamua “Dîku: Dimanyisha kudi ba pa Buloba” (Tshisangi tshia Lumu Luimpa). Tshinyi tshidi dimanyisha edi dikulongesha pa disanka mu dîku pa mabaka adi maya kumpala? Ne muaneba, sungula tshintu tshimua tshia nshindamenu mifundibua mu dimanyisha bua kulonga. Udi mua kukeba mifundu idi ipetangana ne nshindamenu mu Buludiki bua mu Mifundu. Udi kabidi bua kupangadika kipatshila bua kuenzela nshindamenu eyi yonsu mu dîku dienu. Muwudi wenzela tuipatshila tueba, yukilayi pamua ba bipeta bia kuteka mu tshienzedi nshindamenu eyi mu moyo wa dîku.

• Ne bana beba, balayi mukenji wa Mulombodi Mukulu Dieter F. Uchtdorf “In Praise of Those Who Save” (Liahona, Ngondu Muitanu 2016, 77–80). Pawudi upeta tshitupa tshifunda “Tshiapu tshia bintu bia Kuimansha,” udi mua kukeba bintu mu nzubu weba bia kuimansha ne bintu bikuabu bidi kabiyi bia kuimanya. Akula pa muwudi wenzela bintu ebi mu mishindu mishilangana pawudi ujinga bua bishala bua ntanta mula. Tshinyi tshidi etshi tshileja pa mushindu utudi bua kuenzela malanda a dibaka ne dîku? Tshinyi tshikuabu tshitudi balonga mu muyuki wa Mulombodi Mukulu Uchtdorf pa mushindu udi Mupandishi mua kutuambuluisha bua kuibaka dibaka ne dîku bikola?

• Akula mu bulelela ne muaneba pa bintu biwudi wewa ne mukajeba nulonga pa kuikala ne Kilisto pankatshi pa dibaka dia tshiendelela ne mishindu inudi nuteta bua kudishidimuja. Pawikala wewa ne mukajeba nukadi basuikibua mu ntempelo, leja muaneba mu tshilejilu mushindu uwudi udienzeja bua kulama bipungidi bieba ne Mukalenga. Ambila muaneba mushindu uwudi udienzeja mua kuteka Tatu wa mu Diûlu ne Mupandishi pankatshi pa malanda eba ne mushindu kayi udibu bakuambuluisha (tangila kabidi Ulisses Soares, “In Partnership with the Lord,” Liahona, Ngondu wa Dikumi ne Umua 2022, 42–45).

• Padi mapangadika a dîku ajinga kuenjibua, enza bipangu bia dîku ne mayukilanganyi. Tuishibua ne muenenu ya bidimba bionsu bia dîku idi miumvukibua ne miangatshibua ne mushinga. Enzela mayukilanganyi bu tshipolu tshia kuenza diyukila dimpa ne dia disanka mu malanda a dîku, nansha bantu bonsu kabayi ne muenenu umua. (Tangila M. Russell Ballard, “Family Councils,” Liahona, Ngondu Muitanu 2016, 63–65.)

• Koku kufika dibenga kumvuangana anyi bilumbu mu dîku, leja ditukija ne lusa. Ambuluisha muaneba bua kumona mushindu kayi uwudi utuala bilumbu mu mishindu ya Kilisto idi mua kubambuluisha bua kudilongolola bua dibaka dimpa. Balayi pamua Dilongesha ne Bipungidi 121:41–42, ne akula pa mushindu udi nshindamenu mu tunungu etu mua kuikala yenzeka mu dibaka.