Mataupu 8
O le Sopoiaina o le Vasa
Na faatonuina e le Alii Liae e ave atu lona aiga i le vaa na latou fausia. Na latou faatumuina le vaa i fua o laau suamalie, aano o manu fasi, ma meli faatasi ma fatu laau e toto i le nuu o le folafolaga.
O matagi malolosi na aveina atu le vaa i le nuu o le folafolaga.
Ua amata ona amioleaga Lamana, Lemuelu ma isi. Ina ua faatonuina i latou e Nifae e tuu ia uiga, na le fiafia i latou ma ua latou saisaia Nifae i ni maea.
Ona o lo latou amioleaga, na le toe gaoioi ai le Liahona. Ua latou leiloa po o fea e tautai i ai le vaa. O se matagi tele na toe lelea ai le vaa i tua mo aso e tolu.
Na fai atu Liae ia Lamana ma Lemuelu e tatala Nifae, ae la te le i faalogo. Na le fiafia tele Liae ma Sarai ma ua amata ona mama’i i laua.
Na fetagisi le toalua o Nifae ma lana fanau. Na latou aioi atu ia Lamana ma Lemuelu e tatala Nifae, ae na mumusu i laua.
Na faatetele le matagi i le aso lona fa. Ma sa toeitiiti goto le vaa.
Na iloa e Lamana ma Lemuelu ua auina mai e le Atua le matagi. Na fefefe i laua nei malelemo.
Na iu ina salamo Lamana ma Lemuelu ma tatala Nifae. E ui lava ina fulafula ona tapulima ma ua tiga tele ona o le maea, ae le i muimui lava o ia.
Na tago Nifae i le Liahona, ma ua toe galue. Na tatalo Nifae, ma ua taofia ai le matagi. Ua amata foi ona malu le sami.
Na faatautaia e Nifae le vaa, ma toe folau atu i le nuu o le folafolaga.