Mataupu 29
Ua Aoao Atu Alema E Uiga i le Faatuatua ma Afioga a le Atua
Na aoao atu e Alema tagata Sa Sorama e uiga i le faatuatua. Na ia faapea atu o i latou o loo manaomia ni faailoga ae latou te le i talitonu, e leai so latou faatuatua.
Na faapea mai Alema o le faatuatua o le talitonu lea i se mea ua moni e aunoa ma lou vaaia.
Na ia faamatala mai o le faatuatua e faatupulaia pe a fia faalogo se tagata ma talitonu i afioga a le Atua. O lena upu o le a totoina i le loto o le tagata, ma avea o se fatu ua amata ona ola.
A o aoaoina e le tagata nisi mea e uiga i le talalelei, o le a totogo lena fatu ma faaauau pea ona tuputupu a’e. O le a iloa e le tagata e lelei le fatu, ma o le a faatupulaia ai foi lona faatuatua ma lona malosi.
Na faapea mai Alema e pei ona fuaina mai e laau lelei ni fua lelei, e faapena le aumaia e le afioga a le Atua o faamanuiaga i tagata faatuatua.