Rebyo 25 sa Doktrinal nga Kahanas

Paggamit sa mga Tudling sa Doktrinal nga Kahanas

grupo sa mga batan-on nga nagdula sa gawas

Sa Simbahan, gidapit kita nga motubo sama sa gibuhat sa Manluluwas—sa espirituhanon, sosyal, pisikal, ug intelektwal nga paagi. Ang paghimo og mga tumong makatabang kanimo sa pag-uswag. Gihatag sa Langitnong Amahan ang mga kasulatan aron sa pagtabang kanimo nga mahimong mahisama ni Jesukristo niining mga paagiha. Kini nga leksiyon makahatag kanimo og kahigayonan sa pagpraktis sa paggamit sa mga tudling sa doktrinal nga kahanas sa imong mga tumong nga mahimong mahisama sa Manluluwas.

Tabangi ang mga estudyante nga mahimong aktibo nga mga sumasalmot. Alang sa ubang mga estudyante, ang pagpaningkamot sa pagkat-on gikan sa mga kasulatan mamahimong dili kaayo pamilyar ug medyo lisod. Hinuon, ang mga estudyante mahimong motubo sa ilang mga abilidad ug anam-anam nga makakuha og dugang nga responsibilidad alang sa ilang kaugalingon nga pagkat-on. Pangita og mga kahigayonan sa pagtabang sa mga estudyante nga mahimong mas aktibo sa tahas diha sa klase, ug dayega ang ilang mga paningkamot ug pag-uswag.

Pagpangandam sa estudyante: Ikonsiderar ang pagdapit sa mga estudyante sa pagpakigsulti sa ilang mga ginikanan o sa usa ka lider sa Simbahan mahitungod sa mga tumong nga ilang gitakda. Mahimo nilang hisgotan ang mga kalamposan ug mga hagit nga ilang nasinati.

Mga Posibleng Kalihokan sa Pagkat-on

Ang usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor o koordinitor sa area o rehiyon aron maseguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.

Motubo sama ni Jesukristo

Ikonsiderar ang pagpakita sa mga estudyante sa Personal nga Kalamboan: Giya nga Basahon sa Kabatan-onan ug hisgoti ang mga tumong nga ilang matakda. Mahimo usab nimong ipakita ang mosunod nga mga hulagway:

Logo sa programa sa Kabataan ug Kabatan-onan

Sa Lucas 2:52 atong mabasa nga si Jesukristo mitubo “sa kaalam ug sa gidak-on ug sa kahimuot kaniya sa Dios ug sa tawo.” Ang atong Langitnong Amahan nagtinguha nga kita motubo sama sa gibuhat sa Manluluwas niining tanang sama nga mga aspeto. Ang mga lider sa Simbahan mihangyo kanato sa paghimo og mga tumong aron sa pagtabang kanato nga molambo sa espirituhanon, sosyal, pisikal, ug intelektwal nga paagi.

Hunahunaa ang mga tumong nga imong gitakda o gusto nimong itakda.

• Unsa ang pipila ka mga kalamposan nga imong nasinati?

• Unsa ang pipila ka mga hagit nga imong giatubang samtang ikaw naningkamot sa pagkab-ot niini nga mga tumong?

Namulong mahitungod niini nga mga tumong, si Presidente Russell M. Nelson mitudlo:

Presidente Russell M. Nelson

Imbis hatagan kamo og daghang mga buluhaton, … nagdapit kami nga kamo makigtambag sa Ginoo kon unsaon ninyo pag-uswag sa balanseng paagi. Kini magantihon ug makalingaw, apan kini magkinahanglan og paningkamot sa inyong bahin. Kinahanglan nga magtinguha kamo og personal nga pagpadayag. Kinahanglan nga mopili kamo alang sa inyong kaugalingon kon unsaon kini sa pagbuhat. Usahay ang Espiritu modasig ninyo sa paghimo og mga butang nga lisod. Nagtuo ko nga dawaton ninyo ang hagit. Makahimo kamo sa lisod nga mga butang. (Russell M. Nelson, “Special Children and Youth Broadcast Featuring President M. Russell Ballard” [pasiuna sa bag-ong inisyatibo sa Kabataan ug Kabatan-onan, Sept. 29, 2019], broadcasts.ChurchofJesusChrist.org)

• Unsa ang imong hunahuna mahitungod sa tambag ni Presidente Nelson?

Samtang magtuon ka karon, mahimo nimong magamit ang mga tudling sa doktrinal nga kahanas sa imong mga tumong nga mahimong mas mahisama sa Manluluwas sa espirituhanon, sosyal, pisikal, o intelektwal nga paagi.

Ang mga tudling sa doktrinal nga kahanas makatabang

Mahimong hangyoon ang mga estudyante sa paglista og daghang mga tudling sa doktrinal nga kahanas gikan sa memorya kutob sa ilang mahimo o ipakigbahin ang mga nakaapekto sa ilang mga kinabuhi. Ilista ang mga tudling nga ilang gipakigbahin diha sa pisara.

Tabangi ang mga estudyante sa pagpangita sa mga tudling sa doktrinal nga kahanas gikan ni Alma ngadto ni Moroni diha sa Mahinungdanon nga Dokumento sa Doktrinal nga Kahanas (2023), o ipakita ang mosunod nga tsart.

Doktrinal nga Kahanas sa Basahon ni Mormon: Alma–Moroni

Manwal sa Magtutudlo sa Basahon ni Mormon (2024)

Pakisayran sa Kasulatan	Mahinungdanon nga Hugpong sa mga Pulong sa Kasulatan
Pakisayran sa Kasulatan Alma 7:11–13	Mahinungdanon nga Hugpong sa mga Pulong sa Kasulatan “Ug siya magpadayon, mag-antos sa mga sakit ug mga kasakit ug mga pagtintal sa matag matang.”
Pakisayran sa Kasulatan Alma 34:9–10	Mahinungdanon nga Hugpong sa mga Pulong sa Kasulatan “Kinahanglan gayod nga adunay pag-ula nga pagahimoon, … usa ka walay kinutoban ug walay kataposan nga sakripisyo.”
Pakisayran sa Kasulatan Alma 39:9	Mahinungdanon nga Hugpong sa mga Pulong sa Kasulatan “Ayaw na pagsunod sa mga tinguha nga daotan sa imong mga mata.”
Pakisayran sa Kasulatan Alma 41:10	Mahinungdanon nga Hugpong sa mga Pulong sa Kasulatan “Ang pagkadaotan dili mahitabo nga kalipay.”
Pakisayran sa Kasulatan Helaman 5:12	Mahinungdanon nga Hugpong sa mga Pulong sa Kasulatan “Diha sa lig-on nga sukaranan sa atong Manunubos … nga kamo kinahanglan gayod motukod sa inyong tukoranan.”
Pakisayran sa Kasulatan 3 -Nephi 11:10–11	Mahinungdanon nga Hugpong sa mga Pulong sa Kasulatan “Ako mituman sa kabubut-on sa Amahan sa tanan nga mga butang gikan sa sinugdanan.”
Pakisayran sa Kasulatan 3 Nephi 12:48	Mahinungdanon nga Hugpong sa mga Pulong sa Kasulatan “Pagmahingpit sama nga Ako ingon, o ang inyong Amahan kinsa anaa sa langit hingpit.”
Pakisayran sa Kasulatan 3 Nephi 27:20	Mahinungdanon nga Hugpong sa mga Pulong sa Kasulatan “Duol ngari kanako ug magpabunyag … aron kamo mahimo nga pagasantoson pinaagi sa pagdawat sa Espiritu Santo.”
Pakisayran sa Kasulatan Ether 12:6	Mahinungdanon nga Hugpong sa mga Pulong sa Kasulatan “Kamo dili makadawat og saksi hangtod human sa pagsulay sa inyong hugot nga pagtuo.”
Pakisayran sa Kasulatan Ether 12:27	Mahinungdanon nga Hugpong sa mga Pulong sa Kasulatan “Kon ang mga tawo moduol ngari kanako … niana Ako mohimo sa mahuyang nga mga butang nga mahimo nga malig-on ngadto kanila.”
Pakisayran sa Kasulatan Moroni 7:45–48	Mahinungdanon nga Hugpong sa mga Pulong sa Kasulatan “Ang gugma nga putli mao ang tiunay nga gugma ni Kristo.”
Pakisayran sa Kasulatan Moroni 10:4–5	Mahinungdanon nga Hugpong sa mga Pulong sa Kasulatan “Mangutana sa kinasingkasing, uban sa tinuod nga katuyoan nga may hugot nga pagtuo kang Kristo … [ug] pinaagi sa gahom sa Espiritu Santo kamo mahimo nga masayod sa kamatuoran sa tanan nga mga butang.”

© 2024 by Intellectual Reserve, Inc. All rights reserved.

Dapita ang mga estudyante sa pagpangita og mga tudling sa doktrinal nga kahanas nga makatabang nila sa pagkab-ot sa ilang mga tumong.

Hisgoti ang mga kasulatan nga nakaplagan sa mga estudyante ug sa unsang paagi kini makatabang. Ikonsiderar ang paggamit sa pipila sa mosunod nga mga pangutana.

Dili kinahanglan nga ipakigbahin sa mga estudyante ang personal nga mga detalye bahin sa ilang mga katuyoan. Dasiga sila sa pagpakigbahin og dugang mahitungod sa mga kasulatan ug mga baroganan ug dili kaayo mahitungod sa mga piho sa tumong.

• Unsa nga mga tudling sa doktrinal nga kahanas ang makatabang nimo sa pagkab-ot sa imong tumong? Sa unsang paagi?

• Hain nga mga tudling sa doktrinal nga kahanas ang makatabang kanimo nga motubo “sa kaalam ug sa gidak-on ug sa kahimuot kaniya sa Dios ug sa tawo” sama sa gibuhat sa Manluluwas?

• Sa unsang paagi ang usa o daghan pa nga mga tudling sa doktrinal nga kahanas makatabang nimo sa paggamit sa usa o daghan pa nga mga baroganan sa pag-angkon og espirituhanong kahibalo?

Ikonsiderar ang pagpakigbahin sa imong pagpamatuod sa mga paagi nga ang mga tudling sa doktrinal nga kahanas nakatabang diha sa imong kinabuhi.