Jacob 1–4

Kinatibuk-ang Pagpasabot

Sa wala pa mamatay si Nephi, iyang gihatag sa iyang manghod nga lalaki nga si Jacob ang responsibilidad sa pagpreserbar sa mga palid ug pagrekord diha niini kon unsa ang “labi nga bililhon” (Jacob 1:2). Ang mensahe ni Jacob mipunting sa uban ngadto ni Jesukristo, nagtabang kanila sa paglikay sa mga sangpotanan sa pagkawalay pagtuo ug sala. Siya nasayod pinaagi sa pagpadayag gikan sa Dios nga ang Nephite nga mga katawhan nanlimbasog sa daghang mga sala. Misangyaw siya og usa ka sermon diin iyang gihisgotan ang sala nga garbo ug mitudlo mahitungod sa balaod sa kaputli. Ang Iyang mga pagtulun-an makatabang nato sa pagbuntog sa sala sa atong kaugalingong mga kinabuhi ug pagduol ngadto sa Manluluwas.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Doktrinal nga Kahanas: 2 Nephi 32:8–9

Katuyoan sa leksiyon: Kini nga leksiyon makatabang sa mga estudyante sa pagsag-ulo sa pakisayran sa doktrinal nga kahanas ug sa mahinungdanon nga hugpong sa mga pulong sa kasulatan alang sa 2 Nephi 32:8–9, pagpasabot sa doktrina, ug paggamit sa mga baroganan sa pag-angkon og espirituhanong kahibalo ngadto sa tinud-anay nga mga senaryo.

• Pagpangandam sa estudyante: Ikonsiderar ang pagdapit sa mga estudyante sa pag-ila sa usa ka higayon sa ilang kinabuhi o sa kinabuhi sa usa ka tawo nga ilang nailhan sa dihang ang sinsero nga pag-ampo nakatabang kanila nga mas mapaduol sa Langitnong Amahan ug ni Jesukristo.

• Sugyot sa pagtudlo pinaagi sa videoconference: Ikonsiderar ang pagdapit sa mga estudyante sa pagtubag sa mga pangutana gamit ang chat feature. Makatugot kini sa mga estudyante sa pag-andam sa ilang mga tubag sa dili pa kini isumiter, ug makadasig usab kini sa mga estudyante kinsa dili kasagaran motanyag og mga tubag sa paghatag sa ilang input.

Jacob 1

Katuyoan sa leksiyon: Kini nga leksiyon makatabang sa mga estudyante sa pagdiskobre og mga paagi sa pagtabang sa uban sa pagduol ngadto kang Jesukristo.

• Pagpangandam sa estudyante: Dapita ang mga estudyante sa paghunahuna og mga higayon nga makaistorya sila sa uban mahitungod ni Jesukristo. Dasiga sila sa pag-ampo alang sa usa ka kahigayonan ug sa pagbaton og kaisog sa paglihok nianang higayona.

• Mga bidyo: “Tibuok Kalibotan nga Sibya sa Pagpaambit sa Ebanghelyo” (54:06; tan-awa gikan sa time code 0:00 hangtod sa 1:35); “Mga Istorya sa Miyembro: Kabatan-onan ug mga Young Adult” (5:08)

• Sugyot sa pagtudlo pinaagi sa videoconference: Ikonsiderar ang pagbahin sa mga estudyante ngadto sa mga breakout room aron hisgotan ang mga paagi sa pagtabang sa uban sa pagduol ngadto kang Kristo sa lain-laing mga sitwasyon.

Jacob 2:1–21

Katuyoan sa leksiyon: Kini nga leksiyon makatabang sa mga estudyante nga mahimong mas mahisama ni Jesukristo pinaagi sa pag-ila ug pagbatok sa sala sa garbo.

• Pagpangandam sa estudyante: Dapita ang mga estudyante nga motambong nga andam sa pagpaambit og mga ehemplo kon sa unsang paagi nila nakita nga ang garbo gipakita sa kalibotan karon.

• Content nga ipakita: Ang mga senaryo sa sinugdanan sa leksiyon, ang mga kinutlo gikan ni Presidente Ezra Taft Benson ug Elder Dieter F. Uchtdorf, ug ang panapos nga imbitasyon.

• Sugyot sa pagtudlo pinaagi sa videoconference: Mahimo nimong bahinon ang mga estudyante ngadto sa mga breakout room aron magtuon sa Jacob 2:17–21 ug hisgotan ang nalambigit nga mga pangutana. Ikonsiderar ang pagpadala og mga mensahe sa tanang mga breakout room aron pahinumdoman sila sa mga pangutana.

Jacob 2:22–35

Katuyoan sa leksiyon: Kini nga leksiyon makatabang sa mga estudyante nga mahimuot sa kaputli sama nga ang Ginoo mao usab.

• Pagpangandam sa estudyante: Mahimo nimong dapiton ang mga estudyante sa pagpangutana sa ilang mga ginikanan o sa usa ka lider sa Simbahan mahitungod sa mga panalangin nga moabot gikan sa pagsunod sa balaod sa kaputli. Mahimo usab nimong kontakon ang mga ginikanan aron sa pagpahibalo kanila nga ang mga estudyante magkat-on mahitungod sa balaod sa kaputli aron ang mga ginikanan makapadayon sa diskusyon diha sa panimalay kon gusto nila.

• Content nga ipakita: Graphic nga magtandi sa mga sumbanan sa Ginoo ngadto sa sumbanan sa kalibotan

• Mga bidyo: “Lig-ong Mobarog sa Balaan nga mga Dapit” (16:07; tan-awa gikan sa time code 3:22 hangtod sa 4:50); “Si Jacob Nagtudlo mahitungod sa Kaputli” (4:53; tan-awa gikan sa time code 0:20 hangtod sa 1:51)

• Mga materyal alang sa mga estudyante: Usa ka kopya sa Alang sa Kalig-on sa mga Kabatan-onan (booklet, 2011) alang sa matag estudyante

Jacob 4

Katuyoan sa leksiyon: Kini nga leksiyon makatabang sa mga estudyante sa paglig-on sa ilang hugot nga pagtuo kang Jesukristo pinaagi sa pag-ila, pagrekord, ug pagpamalandong sa mga baroganan ug mga kamatuoran nga gitudlo ni Jacob.

• Pagpangandam sa estudyante: Ikonsiderar ang pagdapit sa mga estudyante sa pagbasa sa Jacob 4:7–14 ug sa pagpangandam sa pagpaambit og usa ka baroganan o kamatuoran nga ilang nakita nga ilang gibati nga gikinahanglan kaayo sa kalibotan karon.

• Mga materyal alang sa mga estudyante: Usa ka butang gawas sa usa ka bolpen o lapis nga magamit sa mga estudyante sa pagmarka o pagkulit og usa ka parapo ngadto sa usa ka piraso sa aluminum foil o papel

• Content nga ipakita: Ang mga bullet point sa kataposan sa leksiyon nga makatabang sa mga estudyante sa pagpamalandong sa kamatuoran nga ilang nailhan

• Sugyot sa pagtudlo pinaagi sa videoconference: Ikonsiderar ang pagdapit og pipila ka mga estudyante sa paggamit sa chat feature aron ipaambit ang baroganan o kamatuoran nga ilang nakit-an sa Jacob 4:7–14. Dayon ang ubang mga estudyante mahimong mopaambit og mga pangutana alang sa klase aron sa pagpamalandong mahitungod sa baroganan o kamatuoran.