2 Նեփի 1

Գտնել ավետարանի սկզբունքները

Լեքին և Սարիան իրենց ընտանիքին ուսուցանելիս

Պատկերացրեք, թե ինչ կզգայիք, եթե ձեր համակրած անձն իր կյանքի ավարտին մոտ լիներ և մի վերջին խորհուրդ կամ պատգամ տար ձեզ: Լեքին գիտեր, որ ինքը շուտով մահանալու է, ուստի նա խոսեց իր զավակների հետ, որպեսզի ոգեշնչի նրանց պահել Աստծո պատվիրանները: Նրա ուսուցանած ճշմարտությունները կարող են ոգեշնչման և առաջնորդության աղբյուր լինել ձեզ համար: Այս դասը կարող է օգնել ձեզ սովորել հայտնաբերել սկզբունքները, որոնք կիրառվելու դեպքում կարող են առաջնորդել ձեզ՝ ստանալու Աստծո օգությունը ձեր կյանքում:

Օգնեք ուսանողներին հայտնաբերել ավետարանի վարդապետությունն ու սկզբունքները Թեպետ երբեմն օգտակար է վարդապետությունը կամ սկզբունքն ուսանողներին ցույց տալը, սակայն նրանց ամենից հաճախ անհրաժեշտ է առաջնորդել և խրախուսել՝ վարդապետությունը և սկզբունքները ինքնուրույն հայտնաբերելու համար: Հետևողականորեն օգնեք ուսանողներին վարդապետությունն ու սկզբունքները ինքնուրույն հայտնաբերելու ունակություն ձեռք բերել:

Ուսանողի նախապատրաստում. ուսանողներին խրախուսեք կատարել սուրբ գրությունների ուսումնասիրության իրենց ամենօրյա առաջադրանքը: Նրանց առաջարկեք 2 Նեփի 1 գլխում փնտրել ճշմարիտ սկզբունքները և պատրաստել մի օրինակ՝ դասին ներկայացնելու համար:

Հնարավոր ուսումնական վարժություններ

Ինչ փնտրել

Ցուցադրեք ստորև ներկայացվող նկարը և ուսանողներին առաջարկեք կատարել համապատասխան վարժությունը։ Եթե կարծում եք, որ ձեր դասարանին ավելի կհամապատասխանի թաքնված պատկերով այլ վարժություն, ChurchofJesusChrist.org կայքում փնտրեք «թաքնված պատկերներ»:

Որպես այլընտրանք՝ կարող եք սենյակում թաքցնել տարբեր առարկաներ, ուսանողներին ասել ինչ փնտրել և դասարանին առաջարկել գտնել դրանք:

Ուսումնասիրեք ստորև ներկայացված նկարը և հաջորդ մեկ րոպեի ընթացքում փորձեք տեսնել, թե քանի թաքնված առարկա կարող եք գտնել:

Զվարճալի բաներ. Փորձի՛ր գտնել

• Ո՞ր առարկաները հեշտությամբ գտաք: Որո՞նք գտնելու համար ավելի շատ ջանք պահանջվեց:

• Ինչպե՞ս փոխվեց թաքնված առարկաները գտնելու ձեր ունակությունը, երբ չգիտեիք ինչ փնտրել:

Ուսանողներին առաջարկեք զույգերով կամ փոքր խմբերով պատասխանել ստորև ներկայացվող հարցին՝ նախքան պատասխաններով ամբողջ դասարանի հետ կիսվելը:

• Ինչո՞վ է այս վարժությունը նման սուրբ գրությունների ուսումնասիրությանը:

Սուրբ գրությունների հետ կապված ձեր փորձառությունը կընդլայնեք, եթե ուսումնասիրության ժամանակ փնտրեք սկզբունքները:

Տասներկու Առաքյալների Քվորումից երեց Դեյվիդ Ա. Բեդնարը բացատրել է, թե ինչ է սկզբունքը.

Երեց Դեյվիդ Ա. Բեդնար

Ավետարանի սկզբունքը վարդապետորեն հիմնավորված ուղեցույց է՝ ազատ կամքի արդար կիրառման համար։ Սկզբունքները սերում են ավետարանական ավելի խոր ճշմարտություններից և տալիս են ուղղորդում ու չափանիշներ, երբ մենք առաջ ենք մղվում ուխտի ճանապարհին (Դեյվիդ Ա. Բեդնար, «Իմ ավետարանի սկզբունքները», Լիահոնա, մայիս 2021թ., 123):

1 Նեփի գրքում ձեր կողմից նախկինում ուսումնասիրված սկզբունքների որոշ օրինակներ են. եթե պահենք մեր ուխտերը, զինված կլինենք արդարությամբ և Աստծո զորության մեծ փառքով (տես 1 Նեփի 14.14) և երբ մենք սուրբ գրությունները համադրում ենք մեզ հետ, մենք սովորում և օգուտ ենք քաղում դրանցից (տես 1 Նեփի 19.23):

• Ինչպե՞ս համառոտ կբացատրեք, թե ի՞նչ է սկզբունքը։

• Որո՞նք են այն մի քանի պատճառները, որոնց համար սկզբունքներ հայտնաբերելը կարող է օգտակար լինել մեր կյանքում:

Ուշադիր լսեք ուսանողների պատասխանները: Համոզվեք, որ նրանք հասկանում են, թե ինչ է սկզբունքը, և սկզբունքներն ինչպես կարող են ուղղորդել մեզ մեր կյանքում:

Ինչպես գտնել սկզբունքները

Ուսանողներին առաջարկեք կիսվել ստորև ներկայացվող հարցի վերաբերյալ իրենց պատասխաններով: 2 Նեփի 1 գլխի հատվածների օգնությամբ սկզբունքները գտնելու ուղիները բացատրելիս կամ մոդելավորելիս նրանք կարող են վերհիշել դասի համար իրենց պատրաստած նյութը:

• Ի՞նչ եք արել անցյալում, որն օգնել է ձեզ գտնել սկզբունքները սուրբ գրություններում:

• Ի՞նչն է դժվարություն եղել ձեզ համար, երբ փորձել եք գտնել սկզբունքները:

Սուրբ գրություններում սկզբունքները գտնելու արդյունավետ եղանակ է կարդալը և կարևոր բառեր, արտահայտություններ կամ գաղափարներ փնտրելը: Հետևյալ հարցերը կարող են օգնել դա անելու ընթացքում․

Ստորև ներկայացվող հարցերը և ցուցումները ցուցադրեք գրատախտակին և հանձնարարեք ուսանողներին արտագրել դրանք իրենց օրագրերում: Դրանք կարող են օգտակար հղումներ լինել սեմինարիայի ողջ ընթացքում և սուրբ գրությունների անհատական ուսումնասիրության համար:

• Ո՞ր բառերը կամ արտահայտություններն էին կրկնվում կամ կարևոր թվում:

• Այդ հատվածներում ի՞նչ նախազգուշացումներ կամ խոստումներ էին ներառված:

• Ո՞րն է հիմնական գաղափարը կամ կետը, որը հեղինակը փորձել էր փոխանցել:

• Սուրբ Հոգին ի՞նչն ընդգծեց ձեզ համար:

Այդ բառերով, արտահայտություններով կամ գաղափարներով շարադրեք մի ճշմարտություն, որը կարող է օգնել ձեզ ձեր կյանքում: Շարադրելուց հետո, տվեք ձեզ հետևյալ հարցերը.

• Արդյո՞ք այս սկզբունքը ճի՞շտ է բոլոր իրավիճակների, ժամանակների և մշակույթների համար: Եթե ոչ, ո՞ր համապատասխանեցումներն այն կդարձնեին ճիշտ:

• Արդյո՞ք այս սկզբունքն ինձ և այլոց ավելի կմոտեցնի Երկնային Հորը և Հիսուս Քրիստոսին:

2 Նեփի 1 գլուխը պարունակում է Լեքիի վերջին խորհուրդներից մի քանիսը, որոնք նա տվեց իր զավակներին նախքան մահանալը: Նա հիշեցրեց նրանց Աստծո բարության մասին և մի քանի սկզբունք ուսուցանեց, որոնք նա հույս ուներ, որ կառաջնորդեն իր զավակներին կյանքի ընթացքում:

Կարդացեք 2 Նեփի 1.1–4 հատվածները՝ փնտրելով ճիշտ սկզբունքներ: Կարող եք օգտագործել վերևում կետանշաններով ներկայացված հարցերը:

• Ի՞նչ գտաք:

Մի քանի ուսանողի առաջարկեք կիսվել: Նրանք կարող են զանազան սկզբունքներ հայտնաբերել: Շնորհակալություն հայտնեք նրանց գործադրած ջանքերի համար և ասացեք, որ դա արժեքավոր է թե՛ ձեր, թե՛ դասարանի մյուս անդամների համար:

Հետևյալը Լեքիի ուսուցանած սկզբունքի օրինակ է՝ մենք կարող ենք պաշտպանվել Տիրոջով՝ հետևելով Նրա նախազգուշացումներին (տես 2 Նեփի 1.3–4):

Ճշմարտությունը բացահայտելուց հետո օգտակար կլինի խորհել, թե այն ինչ է նշանակում, և ինչպես կարող է օգնել ձեզ ձեր կյանքում:

Ուսանողներին առաջարկեք կիսվել, թե ինչպես կարող են ավելի լավ հասկանալ կամ կիրառել իրենց գտած ճշմարտությունները: Անհրաժեշտության դեպքում ուղղեք հետևյալ հարցերից մի քանիսը կամ բոլորը:

Հետևյալ հարցերից մի քանիսը կարող են օգտակար լինել.

• Ինչպե՞ս է Տերը պաշտպանել ձեզ կամ ձեզ ծանոթ մարդկանց Իր նախազգուշացումներին հետևելու արդյունքում:

• Ի՞նչ են ուսուցանում ձեզ Նրա նախազգուշացումներն Իր մասին, և ի՞նչ է զգում Նա ձեր հանդեպ:

Խորհեք, թե Տերն ինչ ձևերով կարող է նախազգուշացնել ձեզ այսօր, և ինչպես կարող եք արձագանքել:

Զարգացրեք սկզբունքներ գտնելու ունակությունը

Զարգացրեք սուրբ գրություններում սկզբունքներ գտնելու ունակությունը՝ հետևելով այդ գործընթացներին ստորև ներկայացվող վարժություններում:

Կարդացեք իր զավակներին տված Լեքիի վերջին խորհրդի հետևյալ հատվածներից առնվազն երկուսը: Այդ հատվածները կարող եք դիտել նաև «Լեքին ուսուցանում է իր ընտանիքին» տեսանյութում 0:393:35, որը հասանելի է ChurchofJesusChrist.org կայքում: Ճիշտ սկզբունքները գտնելու համար օգտվեք «Ինչպես գտնել սկզբունքները» գործընթացից:

Ցուցադրեք կամ գրատախտակին գրեք հետևյալ հատվածները:

• 2 Նեփի 1.13–15, 23

• 2 Նեփի 1.16–20

• 2 Նեփի 1.24–29

2 Նեփի 1 հատվածից ընտրեք մի ճշմարտություն, որն ըստ ձեզ, ամենաօգտակարը կլիներ ձեզ համար և ձեր օրագրերում գրեք հետևյալը.

1. Ձեր գտած սկզբունքը և այն հատվածը կամ հատվածները, որոնք գտել եք այդ սկզբունքում

2. Բացատրություն, թե ըստ ձեզ, այդ սկզբունքն ինչ է նշանակում

3. Եղանակները, որոնցով ճշմարտությունը ձեր կարծիքով կարող է առաջանորդել ձեզ և կարևոր օրհնություններ բերել ձեր կյանք

4. Այդ սկզբունքից ի՞նչ եք իմանում Երկնային Հոր և Հիսուս Քրիստոսի մասին

Ուսանողներին առաջարկեք կիսվել իրենց պատասխաններով: Դա կարելի է անել, օրինակ այսպես. մի քանի ուսանող կարող են գրատախտակին գրել իրենց գտած սկզբունքները: Ապա մի ուսանողի առաջարկեք իր դասընկերների գրած բազմաթիվ սկզբունքներից ընտրել մեկը, որը նրան հետաքրքիր կամ իմաստալից կթվա: Այնուհետև, այդ սկզբունքը բացահայտած ուսանողը կարող է ներկայացնել իր պատասխանները վերևի հարցերին: Վարժությունը կարելի է կրկնել մի քանի անգամ: Ընդգծեք ուսանողների ներկայացրած հավերժական ճշմարտությունները և այն, թե այդ ճշմարտություններն իմացությունն ու կիրառումն ինչպես կարող է օգնել մեզ մեր կյանքում: Գովեք նրանց հաջող աշխատանքի համար: Կարող եք ներկայացնել նաև ձեր գտած որևէ սկզբունք:

Մտածեք, թե ինչ արեցիք 2 Նեփի 1 գլխի սկզբունքները գտնելու և հասկանալու համար:

• Ինչպե՞ս կարող է ձեզ օգնել սուրբ գրությունների ուսումնասիրության ժամանակ շարունակաբար սկզբունքներ փնտրելը:

• Ինչպես կարող է այն ազդել Հիսուս Քրիստոսի հետ ձեր հարաբերության և Նրան նմանվելու ձեր ցանկության վրա:

Վկայեք սուրբ գրություններում սկզբունքները գտնելու կարևորության մասին և ուսանողներին առաջարկեք սուրբ գրությունների ուսումնասիրության ընթացքում հաճախակի օգտագործել այսօր սովորած հմտությունները:

Բացատրական և պատմական տեղեկություններ

2 Նեփի 1.13, 23: Ի՞նչ են «շղթաները», որոնց անդրադառնում է Լեքին:

Դիտեք «Թոթափեք շղթաները, որոնցով դուք կապված եք» տեսանյութը 1:18-3:31 և «Բոլոր մարդիկ ամենուր» տեսանյութը 3:47-4:58՝ տեսնելու, թե Տասներկու Առաքյալների Քվորումից երեց Մերվին Ջ. Էշթոնը (1915–94) և Առաջին Նախագահությունից նախագահ Դալլին Հ. Օուքսն ինչպես են բացատրում այս հարցի պատասխանները:

2 Նեփի 1.9, 20: Ի՞նչ է նշանակում «բարգավաճել»:

«Բարգավաճել երկրում» և «կտրվել [Տիրոջ] ներկայությունից» արտահայտությունները ներկայացվում են որպես հակադրություն: Դա ցույց է տալիս, որ երկրում բարգավաճելը խստորեն կապված է Տիրոջ ներկայությունը մեզ հետ ունենալու հետ:

Առաջին նախագահությունից նախագահ Դիտեր Ֆ. Ուխդորֆը նկարագրում է այն բարգավաճումը, որը գալիս է մեր կողմից պատվիրանները պահելու արդյունքում.

Նախագահ Դիտեր Ֆ. Ուխդորֆ

Փրկչին հետևելը չի հեռացնի ձեր բոլոր փորձությունները: Սակայն, այն կհեռացնի խոչընդոտները, որոնք խանգարում են, որ դուք ստանաք այն օգնությունը, որ Երկնային Հայրը ցանկանում է տալ ձեզ։ Աստված ձեզ հետ կլինի։ Նա կուղղորդի ձեր քայլերը։ Նա կքայլի ձեզ հետ և մեծ կարիքի դեպքում իր ձեռքերի վրա կտանի ձեզ։ (Դիտեր Ֆ. Ուխդորֆ, «Տան կարոտը», Ensign կամ Լիահոնա, նոյեմբեր 2017թ., 22):

Օժանդակ ուսումնական վարժություններ

Իմանալ ավելին Քրիստոսի մասին համեմատությունների միջոցով

Եթե ուսանողների համար օգտակար կլինի սուրբ գրությունների ուսումնասիրության այն հմտությունը, որով Քրիստոսի մասին սովորում են ավելին համեմատությունների միջոցով, առաջարկեք նրանց 2 Նեփի 1 գլխում որոնել, թե ինչ եղանակներով էին Նեփին և Լեքին նման Փրկչին՝ ուրիշների հանդեպ ունեցած իրենց ցանկություններով, գործողություններով և ուսմունքներով: Օրինակ՝ ուսանողները կարող են նկատել, որ 2 Նեփի 1.16 հատվածում Լեքիի մտահոգությունները և սերը նման են Փրկչի մտահոգություններին և սիրուն, որտեղ նրա առաջնահերթ ցանկություններն ի նպաստ ուրիշների են: Նրանք կարող են նկատել, որ Նեփին նման է Քրիստոսին նրանով, որ փրկել է իր եղբայրներին (տես 2 Նեփի 1.24): Ուսանողներին առաջարկեք կիսվել, թե դա անելով ինչ են սովորել Փրկչի մասին, և դա հետևողականորեն անելով ինչպես է ուժեղացել Նրա հետ հարաբերությունն ու մեծացել Նրան նմանվելու ցանկությունը:

2 Նեփի 1.9, 20: «Որքան որ դուք կպահեք իմ պատվիրանները, դուք կբարգավաճեք երկրի վրա»

Եթե ուսանողներին օգտակար կլինի ուսումնասիրել այդ ճշմարտությունը, կարող եք կատարել հետևյալ վարժությունները.

Ցուցադրեք բարգավաճել բառը և ուսանողներին առաջարկեք կիսվել, թե ինչպես կսահմանեին այդ բառը, և ինչու է դա ցանկալի: Անհրաժեշտության դեպքում ներկայացրեք «Բացատրական և պատմական տեղեկություններ» բաժնի մեկնաբանություններն այն մասին, թե ինչ է նշանակում բարգավաճել: Նրանց առաջարկեք «բարգավաճել» բառը որոնել մասնավորապես 2 Նեփի 1 գլխում (հատվածներ 9, 20), ապա ընդհանուր Մորմոնի Գրքում (կամ նրանք կարող են օգտագործել «Բարգավաճել, բարգավաճում» բառերը եռահատորի ցանկում)՝ տեսնելու, թե Տերն ինչ է առաջարկում մեզ անել բարգավաճելու համար: Նրանց առաջարկեք պատմել, թե ինչու են կարծում, որ ուխտերին հնազանդվելը կտանի բարգավաճման: Նրանց խնդրեք ներկայացնել Փրկչի կյանքի օրինակներ, երբ Նա իր օրինակով ցույց էր տալիս այս ճշմարտությունը: Այս ճշմարտության կարևորությունը ցույց տալու համար նրանք կարող են կիսվել նաև սուրբ գրությունների այլ պատմություններով, իրենց կյանքի օրինակներով կամ ուրիշների կյանքի փորձառություններով: