« ចំណេះចំណានខាងគោលលទ្ធិ ៖ ម៉ូសាយ ២:១៧—‹ នៅក្នុងការបម្រើដល់ព្រះរបស់អ្នកតែប៉ុណ្ណោះ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ចំណេះចំណានខាងគោលលទ្ធិ ៖ ម៉ូសាយ ២:១៧ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ចំណេះចំណានខាងគោលលទ្ធិ ៖ ម៉ូសាយ ២:១៧
« នៅក្នុងការបម្រើដល់ព្រះរបស់អ្នកតែប៉ុណ្ណោះ »
នៅក្នុងមេរៀន « ម៉ូសាយ ២:១–១៨ » អ្នកបានរៀនថា « កាលណាអ្នករាល់គ្នានៅក្នុងការបម្រើដល់មនុស្សទូទៅ នោះអ្នករាល់គ្នាគ្រាន់តែនៅក្នុងការបម្រើដល់ព្រះរបស់អ្នកតែប៉ុណ្ណោះ » ( ម៉ូសាយ ២:១៧ ) ។ មេរៀននេះអាចជួយអ្នកទន្ទេញវគ្គចំណេះចំណានខាងគោលលទ្ធិ និងឃ្លាបទគម្ពីរគន្លឹះសម្រាប់ ម៉ូសាយ ២:១៧ ពន្យល់ពីគោលលទ្ធិ និងរៀនអនុវត្តគោលការណ៍នៃការទទួលបានចំណេះដឹងខាងវិញ្ញាណទៅនឹងស្ថានភាពជាក់ស្តែង ។
ពន្យល់ និងទន្ទេញ
សូមអាន ម៉ូសាយ ២:១៧ និងវគ្គចំណេះចំណានខាងគោលលទ្ធិនៃព្រះគម្ពីរសញ្ញាថ្មី ម៉ាថាយ ២២:៣៦–៣៩ ដោយស្វែងរកភាពស្រដៀងគ្នា ។
-
តើអ្នកឃើញភាពស្រដៀងគ្នាអ្វីខ្លះរវាង ម៉ាថាយ ២២:៣៦–៣៩ និង ម៉ូសាយ ២:១៧ ?
-
តើអ្នកនឹងពន្យល់អំពីគោលលទ្ធិនៃការបម្រើដោយរបៀបណាដោយប្រើវគ្គបទគម្ពីរទាំងនេះ ?
សូមចំណាយពេលពីរបីនាទីដើម្បីទន្ទេញសេចក្តីយោង និងឃ្លាបទគម្ពីរគន្លឹះសម្រាប់ ម៉ូសាយ ២:១៧ ។ សូមសរសេរសេចក្តីយោង និងឃ្លាបទគម្ពីរគន្លឹះនោះនៅលើក្រដាសមួយសន្លឹកថា ៖ « ‹ កាលណាអ្នករាល់គ្នានៅក្នុងការបម្រើដល់មនុស្សទូទៅ នោះអ្នករាល់គ្នាគ្រាន់តែនៅក្នុងការបម្រើដល់ព្រះរបស់អ្នកតែប៉ុណ្ណោះ › ( ម៉ូសាយ ២:១៧ ) » ។ សូមចំណាយពេលពីរបីនាទីដើម្បីសូត្រឡើងវិញនូវឃ្លាបទគម្ពីរគន្លឹះ និងសេចក្តីយោងនោះឲ្យបានច្រើនដងតាមដែលអ្នកអាចធ្វើបាន ។
សូមយកក្រដាសទៅជាមួយអ្នកពេញមួយថ្ងៃ ។ ពេញមួយថ្ងៃនៅពេលអ្នកមានអារម្មណ៍គិតពីក្រដាសនោះ ឬចងចាំថាវានៅទីនោះ សូមព្យាយាមសូត្រឡើងវិញនូវឃ្លាបទគម្ពីរគន្លឹះ និងសេចក្តីយោងនោះនៅក្នុងចិត្តរបស់អ្នក ។ មុនពេលអ្នកចូលដំណេក សូមព្យាយាមសូត្រឡើងវិញចេញពីការចងចាំ ។
រៀនអនុវត្ត
សូមអានគោលការណ៍នៃការទទួលបានចំណេះដឹងខាងវិញ្ញាណនៅក្នុង ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ។ សូមជ្រើសរើសប្រយោគមួយពីផ្នែកនីមួយៗដែលអ្នកយល់ថាមានន័យជាពិសេស ។ សូមពិចារណាគូសចំណាំប្រយោគទាំងនេះ ។ សូមចាំប្រយោគទាំងនេះ នៅពេលអ្នកធ្វើលំហាត់ខាងក្រោម ។
ជាទូទៅ ការបម្រើគឺជាបទពិសោធន៍វិជ្ជមានសម្រាប់អ្នកទាំងឡាយដែលចូលរួម និងអ្នកដែលត្រូវបានបម្រើ ។ ទោះយ៉ាងណាក៏ដោយ ដោយជាផ្នែកមួយនៃការបម្រើ ក៏អាចមានឧបសគ្គផងដែរ ។ សូមពិចារណាពីឱកាសនៃការបម្រើថ្មីៗដែលអ្នកមាន ។ តើមានឧបសគ្គអ្វីខ្លះដែលបានកើតឡើងជាមួយនឹងការបម្រើនោះ ? តើមានហេតុផលអ្វីខ្លះដែលមនុស្សជ្រើសរើសមិនបម្រើ ?
សូមសរសេរស្ថានភាពផ្ទាល់ខ្លួនរបស់អ្នកដែលពិពណ៌នាអំពីឧបសគ្គជាមួយនឹងការបម្រើ ។ នេះជាឧទាហរណ៍មួយ ៖ សូហ្វីយ៉ា ត្រូវបានថ្នាក់ដឹកនាំសាសនាចក្ររបស់នាងសុំឲ្យធ្វើពិធីខួបកំណើតឲ្យក្មេងស្រីដែលមិនសូវសកម្មម្នាក់ក្នុងថ្នាក់យុវនារីរបស់នាង ។ ពេលក្មេងស្រីនោះមកដល់មាត់ទ្វារបន្ទប់ នាងមិនសូវរាក់ទាក់នឹងសូហ្វីយ៉ាទេ ។ ដោយមានអារម្មណ៍ឈឺចាប់ សូហ្វីយ៉ា ដើរចេញដោយសោកស្ដាយដែលនាងបានធ្វើការបម្រើនោះ ។
ធ្វើសកម្មភាពដោយសេចក្ដីជំនឿ
-
សូមឆ្លើយសំណួរខាងក្រោមនេះ ៖
-
តើការបម្រើសូម្បីតែមានការលំបាកនានាគឺជាសកម្មភាពនៃសេចក្តីជំនឿយ៉ាងដូចម្តេច ?
-
តើគោលលទ្ធិដែលបានបង្រៀននៅក្នុង ម៉ូសាយ ២:១៧ អាចជួយបុគ្គលនៅក្នុងស្ថានភាពនេះ ឲ្យធ្វើសកម្មភាពដោយសេចក្តីជំនឿដោយរបៀបណា ?
-
ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បជានិច្ច
-
សូមឆ្លើយសំណួរខាងក្រោមនេះ ៖
-
តើមានអ្វីផ្លាស់ប្តូរនៅពេលអ្នកមើលឃើញស្ថានភាពនេះជាមួយនឹងទស្សនវិស័យដ៏អស់កល្បជានិច្ច ?
-
តើគោលលទ្ធិដែលបានបង្រៀននៅក្នុង ម៉ូសាយ ២:១៧ អាចជួយមនុស្សម្នាក់នេះឲ្យមើលឃើញអ្វីៗតាមទស្សនវិស័យដ៏អស់កល្បជានិច្ចដោយរបៀបណា ?
-
តើអ្នកគិតថា ព្រះអង្គសង្គ្រោះនឹងប្រព្រឹត្តយ៉ាងណាក្នុងស្ថានភាពនេះ ?
-
ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព
សូមស្វែងរកបទគម្ពីរបន្ថែម ឬសេចក្ដីថ្លែងការណ៍ពីសន្និសីទទូទៅដែលអ្នកអាចចែកចាយដើម្បីជួយបុគ្គលម្នាក់បម្រើដោយឥរិយាបថស្ម័គ្រចិត្ត ។ ដើម្បីធ្វើដូច្នេះ សូមសាកល្បងស្វែងរក « ការបម្រើ » នៅក្នុងកម្មវិធីបណ្ណាល័យដំណឹងល្អ ហើយបន្ទាប់មកមើលព្រះគម្ពីរ ឬសុន្ទរកថាពីសន្និសីទដែលផុសឡើង ។ អ្នកក៏អាចរកមើល « ការបម្រើ » នៅក្នុង Topical Guide ឬសេចក្តីណែនាំដល់បទគម្ពីរទាំងឡាយផងដែរ ។
-
សូមសរសេរខគម្ពីរ ឬសម្រង់សម្តីដែលអ្នកបានរកឃើញ ហើយពិពណ៌នាអំពីរបៀបដែលវាអាចជួយបុគ្គលម្នាក់នៅក្នុងស្ថានភាពនោះ ។