2 Նեփի 21–24

Հազարամյակը

առյուծ և գառ

Պատկերացրեք, թե ինչպիսին կլիներ կյանքը, եթե աշխարհում չարիք չլիներ: Մի օր աշխարհն այդպիսին կլինի: Դա տեղի կունենա Հիսուս Քրիստոսի հազարամյա թագավորության ժամանակ: Շատ մարգարեներ, այդ թվում՝ Նեփին և Եսայիան, մարգարեացել են Հազարամյակ կոչվող մոտավորապես հազարամյա խաղաղության մասին: Այս դասը կօգնի ձեզ հասկանալ և պատրաստվել Փրկչի հազարամյա թագավորությանը:

Ապագան

• Ապագայի ի՞նչ կարևոր իրադարձություններ կան, որոնց սպասում եք: Ինչո՞ւ:

• Ի՞նչ զգացողություններ եք ունենում, երբ մտածում եք այդ իրադարձությունների մասին:

• Ի՞նչ եք անում պատրաստվելու համար:

Հազարամյակը

Ապագայում նշանակալից իրադարձություններից մեկը Հազարամյակն է:

• Ի՞նչ գիտեք Հազարամյակի մասին: Ի՞նչ հարցեր ունեք դրա վերաբերյալ:

Կարող եք ձեր ունեցած հարցերը գրի առնել և տեղ թողնել՝ նշումներ կատարելու համար: Այսօր ուսումնասիրելիս պատասխաններ փնտրեք ձեր հարցերին:

Մարգարե Նեփին գրել է վերջին օրերի մասին և ներառել է վերջին օրերի մասին Եսայիայի շատ մարգարեություններ: Եսայիան մարգարեացել է Ասորեստանի և Բաբելոնի կործանման մասին՝ որպես կործանման տեսակ Երկրորդ Գալստյան ժամանակ (տես 2 Նեփի 20, 23): Նա նաև մարգարեացել է ավետարանի Վերականգնման մասին, որը նախորդելու էր Հիսուս Քրիստոսի թագավորության Հազարամյակին: Նրա մարգարեությունները հարուստ են խորհրդանշականությամբ և պատկերավորությամբ, որոնք խորություն են հաղորդում Հազարամյակի մասին մեր ընկալմանը:

Կարդացեք Նեփիի և Եսայիայի ստորև ներկայացվող մարգարեությունները և փնտրեք Հազարամյակի նկարագրությունները:

Կարող եք նկարել նկարագրություններից մի քանիսը:

• 1 Նեփի 22.24–26

• 2 Նեփի 21.6–9

• 2 Նեփի 22.1–6

• 2 Նեփի 24.3, 7

պատկերակ, գրառում

1. Պատասխանեք հետևյալ հարցերին.

   • Ըստ ձեզ՝ այդ նկարագրությունները ինչպե՞ս կփոխեն ձեր կյանքը Հազարամյակում:

   • Փրկչին նկարագրող ի՞նչ հատվածներ գտաք: Ի՞նչ են դրանք ուսուցանում ձեզ Նրա մասին:

Այս սուրբ գրություններից մեր սովորած ճշմարտություններից մեկն այն է, որ Հիսուս Քրիստոսը Հազարամյակի ընթացքում արդարությամբ և խաղաղությամբ թագավորելու է երկրի վրա:

Մտքում պատկերացրեք, թե ինչպիսին կլիներ կյանքը Հազարամյակում՝ Փրկչի արդար ու խաղաղ թագավորության օրոք: Մտածեք, թե Փրկչի խաղաղությունն ինչպես կարող էր օրհնել ձեր կյանքը:

Առաջին Նախագահությունից նախագահ Դալլին Հ. Օուքսը նկարագրել է Հազարամյակի մեկ այլ օրհնություն.

Նախագահ Դալլին Հ․ Օուքս

Մենակությունը, զավակ չունենալը, մահը և ամուսնալուծությունը խորտակում են իդեալները և հետաձգում են խոստացված օրհնությունները: … Տերը խոստացել է, որ հավերժության մեջ ոչ մի օրհնություն չի մերժվի իր պատվիրանները պահող, իրենց ուխտերին հավատարիմ և ճշմարտությանը ձգտող իր որդիների ու դուստրերի համար:

Մահկանացու կյանքի ամենակարևոր զրկանքներից շատերը կուղղվեն Հազարամյակում, որը մեր Հոր բոլոր արժանի զավակների երջանկության մեծ ծրագրի բոլոր անավարտ գործերի ավարտման ժամանակն է: Մենք գիտենք, որ դա ճիշտ կլինի տաճարային արարողությունների դեպքում: Ես հավատում եմ, որ դա ճիշտ կլինի նաև ընտանեկան հարաբերությունների և փորձառությունների դեպքում: (Նախագահ Դալլին Հ. Օուքս, «Երջանկության մեծ ծրագիրը», Ensign, նոյեմբեր, 1993թ., 75)

պատկերակ, գրառում

2. Պատասխանեք հետևյալ հարցերից երկուսին կամ մի քանիսին.

   • Այս հայտարարությունն ի՞նչ է ուսուցանում ձեզ Երկնային Հոր և Հիսուս Քրիստոսի մասին:

   • Հազարամյակի օրհնություններից ո՞րն եք ամենից շատ ցանկանում: Ինչո՞ւ:

   • Դասի ընթացքում ի՞նչ պատասխաններ եք գտել Հազարամյակի մասին ձեր հարցերին:

Ձեր հարցերին կօգնի պատասխանել Սուրբ գրքերի ուղեցույցի կամ Ավետարանական թեմաների «Հազարամյակ» բաժինը:

Նախապատրաստություն Հազարամյակին

Սոլթ Լեյքի տաճարը՝ կառուցման փուլում

2020 թվականին Սոլթ Լեյքի տաճարում սկսվեցին վերանորոգման աշխատանքներ: Տասներկու Առաքյալների Քվորումից երեց Գարի Ի. Սթիվենսոնը խոսեց այդ վերանորոգումների մասին: Գտեք, թե նա ինչպես է համեմատել այդ աշխատանքները մեր կյանքի հետ: Դիտեք «Լավ հիմք ընդդեմ գալիք ժամանակների» տեսանյութի 14:51-15:26 հատվածը, որը հասանելի է այստեղ՝ ChurchofJesusChrist.org, կամ կարդացեք ստորև բերված հայտարարությունը:

Երեց Գարի Ի. Սթիվենսոն

Եկեղեցու ղեկավարներն անկեղծ հույս ունեն, որ Սոլթ Լեյքի տաճարի կարևոր վերակառուցումները կնպաստեն Բրիգամ Յանգի ցանկությանը՝ տեսնելու «տաճարն այնպես կառուցված, որ կանգուն մնա հազարամյակի ընթացքում»։ Գալիք տարիների ընթացքում թող որ մենք թույլ տանք, որ Սոլթ Լեյքի տաճարում կատարվող բարեփոխումները ոգեշնչեն մեզ որպես անհատներ և ընտանիքներ, որ մենք նույնպես փոխաբերական իմաստով «այնպես կառուցվենք, որ կանգուն մնանք հազարամյակի ընթացքում»։ (Գարի Ի. Սթիվենսոն, «Լավ հիմք ընդդեմ գալիք ժամանակների», Ensign կամ Լիահոնա, մայիս 2020թ., 51–52):

• Ըստ ձեզ՝ ի՞նչ է նշանակում. «այնպես կառուցվենք, որ կանգուն մնանք հազարամյակի ընթացքում»:

պատկերակ, գրառում

3. Պատասխանեք հետևյալ հարցերին.

   • Երբ մտածում եք Փրկչի հազարամյա թագավորության մասին, ի՞նչ եք զգում:

   • Ի՞նչ կարող եք հիմա անել՝ Հազարամյակին նախապատրաստվելու համար:

   • Ի՞նչ մարտահրավերների կարող եք բախվել այդ նախապատրաստությունների ընթացքում:

Ընտրովի. Ցանկանո՞ւմ եք ավելին իմանալ

Արդյո՞ք Հազարամյակի ընթացքում միայն Հիսուս Քրիստոսի Վերջին Օրերի Սրբերի Եկեղեցու անդամներն են լինելու:

Նախագահ Ջոզեֆ Ֆիլդինգ Սմիթն (1878–1972) ուսուցանել է.

Նախագահ Ջոզեֆ Ֆիլդինգ Սմիթ

Եկեղեցու որոշ անդամներ սխալ պատկերացում ունեն և կարծում են, որ երբ հազարամյակը գա, բոլոր մարդիկ սրբվելու են երկրի երեսից, բացի Եկեղեցու արդար անդամներից: Այդպես չէ: Բոլոր դասերի և բոլոր հավատքների պատկանող միլիոնավոր մարդիկ կան,… որոնց այնուամենայնիվ թույլատրվելու է մնալ երկրի երեսին, սակայն նրանք կլինեն այն մարդիկ, որոնք ապրել են մաքուր կյանքով, որոնք զերծ են եղել ամբարշտությունից և ապականությունից: …

Այնուամենայնիվ վաղ, թե ուշ, Տիրոջ գիտելիքը ծածկելու է երկիրն այնպես, ինչպես ջրերն են ծածկում ծովը: Սակայն հազարամյակի գալուց հետո անհրաժեշտ է լինելու քարոզել ավետարանն այնքան, մինչև բոլոր մարդիկ կա՛մ դարձի գան, կա՛մ մահանան (Ջոզեֆ Ֆիլդինգ Սմիթ, Փրկության վարդապետություններ, 1:86–87):

«Ո՞վ է լինելու Երկրի վրա Հազարամյակի ժամանակ, և ի՞նչ են նրանք անելու» հոդվածը (New Era, June 2014, 41) կարող է օգնել պատասխանել Հազարամյակի մասին ձեր ունեցած այլ հարցերին:

Ինչպիսի՞ն կլինի կյանքը Հազարամյակում:

Նախագահ Բրիգամ Յանգը (1801-1877) ուսուցանել է.

Նախագահ Բրիգամ Յանգ

Հազարամյակը բաղկացած է. Աստծո Եկեղեցում և Թագավորությունում միավորված յուրաքանչյուր սրտից, Թագավորությունը մեծանում է՝ հաղթահարելով երկնային տնտեսությանն ընդդիմացող ամեն ինչ, իսկ սատանան կապված է և դրոշմված: Մնացած բոլոր բաները կլինեն այնպես, ինչպես հիմա են, մենք կուտենք, կխմենք և հագուստ կկրենք: …

Հազարամյակում, երբ Աստծո Թագավորությունը հաստատված լինի երկրի վրա զորությամբ, փառքով ու կատարելությամբ, իսկ ամբարշտության իշխանությունը, որ այսքան երկար գերակայել է, ճնշված լինի, Աստծո Սրբերը արտոնյալ կլինեն իրենց տաճարները կառուցելիս և դրանք մտնելիս՝ դառնալով, ինչպես կար, Աստծո տաճարների հիմնասյուները [տես Հայտնություն 3.12], և նրանք ժամերգություններ կկատարեն իրենց մեռյալների համար: Այնուհետև մենք կտեսնենք մեր ընկերներին, և, հավանաբար, նրանց, ում հետ մենք ծանոթացել ենք այստեղ:… Եվ մենք հայտնություններ կունենանք ու կիմանանք, որ մեր նախապապերը Հայր Ադամից ու Մայր Եվայից են սերել, և մենք կմտնենք Աստծո տաճարներն ու ծառայություն կմատուցենք նրանց: Հետո [երեխաները] կկապվեն [ծնողներին], մինչև հետադարձ շղթա ստեղծվի դեպի Ադամն այնպես, որ Քահանայության կատարյալ շղթա լինի Ադամից մինչև ավարտի տեսարանը:

Դա կլինի Վերջին Օրերի Սրբերի աշխատանքը Հազարամյակում (Եկեղեցու նախագահների ուսմունքներ. Բիրգամ Յանգ [2007], 333–4):

Արդյո՞ք Հիսուս Քրիստոսի Վերջին Օրերի Սրբերի Եկեղեցին գոյություն կունենա Հազարամյակում:

Նախագահ Ռասսել Մ. Նելսոնը հայտարարել է.

Նախագահ Ռասսել Մ. Նելսոն

Այս Եկեղեցին իր տեղից չի շարժվի, նույնիսկ՝ Հազարամյակի ընթացքում (Ռասսել Մ. Նելսոն, «Որքան ամուր է մեր հիմքը», Ensign կամ Լիահոնա, մայիս 2002թ., 76):

1 Նեփի 22.26: Սատանան ինչպե՞ս կարող է կորցնել զորությունը:

Նախագահ Սպենսեր Վ. Քիմբալը (1895–1985) ուսուցանել է.

Նախագահ Սպենսեր Վ. Քիմբալ

Երբ սատանան կապված է որևէ տան մեջ, երբ սատանան կապված է որևէ մեկի կյանքում, Հազարամյակն արդեն իսկ սկսվել է այդ տանը, այդ կյանքում (Սպենսեր Վ. Քիմբալի ուսմունքները, խմբ. Էդվարդ Լ. Քիմբալի կողմից [1982], 172):