Մորմոնի Գրքի Վարդապետության սերտման կրկնություն 1

Նշել և մտապահել

Ուսանողներ

Վարդապետության սերտման հիմնական նպատակն է օգնել ձեզ մտապահել վարդապետության սերտման սուրբ գրությունների հղումները և հիմնական արտահայտությունները: Այս դասի նպատակն է օգնել ձեզ գտնել, նշել և մտապահել Մորմոնի Գրքի վարդապետության սերտման սուրբ գրությունների առաջին 12 հատվածների հղումները և հիմնական արտահայտությունները:

Հնարավոր ուսումնական վարժություններ

Սուրբ գրությունների հղումները և սուրբ գրությունների հիմնական արտահայտությունները

• Ինչո՞ւ է կարևոր իմանալ վարդապետության սերտման հատվածների սուրբ գրությունների հղումները և հիմնական արտահայտությունները:

Որպեսզի կարողանաք սովորել վարդապետության սերտման սուրբ գրությունների առաջին 12 հատվածների հղումները և հիմնական արտահայտությունները, կարող եք ձեր օրագրում արտագրել ստորև ներկայացված աղյուսակը կամ ձեր բջջային հեռախոսում ներբեռնել վարդապետության սերտման հավելվածը և օգտվել հավելվածի վարժություններից, որոնք կօգնեն ձեզ հիշել սովորածը:

Վարդապետության սերտման առաջին 12 հատվածները և հիմնական արտահայտությունները

Մորմոնի Գիրք. Ուսուցչի ձեռնարկ (2024)

Սուրբ գրությունների հղումներ	Սուրբ գրության հիմնական արտահայտությունը
Սուրբ գրությունների հղումներ 1 Նեփի 3.7	Սուրբ գրության հիմնական արտահայտությունը «Ես կգնամ ու կանեմ այն բաները, որոնք Տերը պատվիրել է»:
Սուրբ գրությունների հղումներ 2 Նեփի 2.25	Սուրբ գրության հիմնական արտահայտությունը «Ադամն ընկավ, որպեսզի մարդիկ լինեն. և մարդիկ կան, որպեսզի ունենան ուրախություն»:
Սուրբ գրությունների հղումներ 2 Նեփի 2.27	Սուրբ գրության հիմնական արտահայտությունը «Նրանք ազատ են ընտրելու ազատություն և հավերժական կյանք … կամ … գերություն և մահ»:
Սուրբ գրությունների հղումներ 2 Նեփի 26.33	Սուրբ գրության հիմնական արտահայտությունը «Բոլորը նույնն են Աստծո համար»։
Սուրբ գրությունների հղումներ 2 Նեփի 28.30	Սուրբ գրության հիմնական արտահայտությունը Աստված «կտա մարդկանց զավակներին՝ տող առ տող, ցուցում առ ցուցում»:
Սուրբ գրությունների հղումներ 2 Նեփի 32.3	Սուրբ գրության հիմնական արտահայտությունը «Սնվեք Քրիստոսի խոսքերով. Քանզի ահա, Քրիստոսի խոսքերը կասեն ձեզ բոլոր բաները, որ դուք պետք է անեք»:
Սուրբ գրությունների հղումներ 2 Նեփի 32.8–9	Սուրբ գրության հիմնական արտահայտությունը «Դուք պետք է միշտ աղոթեք»:
Սուրբ գրությունների հղումներ Մոսիա 2.17	Սուրբ գրության հիմնական արտահայտությունը «Երբ դուք ձեր մերձավորների ծառայության մեջ եք, դուք սոսկ ձեր Աստծո ծառայության մեջ եք»:
Սուրբ գրությունների հղումներ Մոսիա 2.41	Սուրբ գրության հիմնական արտահայտությունը «Նրանք, ովքեր պահում են Աստծո պատվիրանները … օրհնված են բոլոր բաներում»։
Սուրբ գրությունների հղումներ Մոսիա 3.19	Սուրբ գրության հիմնական արտահայտությունը «[Հանեք] բնական մարդուն և [դարձեք] սուրբ, Տեր Քրիստոսի Քավությամբ»։
Սուրբ գրությունների հղումներ Մոսիա 4.9	Սուրբ գրության հիմնական արտահայտությունը «Հավատացեք Աստծուն, … հավատացեք, որ Նա ունի բոլոր իմաստությունը»։
Սուրբ գրությունների հղումներ Մոսիա 18.8-10	Սուրբ գրության հիմնական արտահայտությունը «Մկրտվեք Տիրոջ անունով՝ … որպես մի վկայություն … որ դուք մտել եք նրա հետ ուխտի մեջ»։

Կրկնեք և ձեր սուրբ գրությունների գրառումներում նշեք վարդապետության սերտման սուրբ գրությունների այս 12 հատվածներն ու դրանցում եղած հիմնական արտահայտությունները: Վարդապետության սերտման հատվածները կարող եք նշել այնպես, որ տարբերվեն ձեր մյուս նշումներից:

պատկերակ, գրառում

1. Վարդապետության սերտման հատվածներից ընտրեք առնվազն երկուսը և կատարեք հետևյալը.

• Որքան կարող եք, հիշեք և գրեք սուրբ գրությունների հղումները և հիմնական արտահայտությունները:

• Ներկայացրեք, թե այդ հատվածների ճշմարտությունն իմանալը ինչպես կարող է օրհնություն լինել ձեր կյանքում:

Հաջորդ մի քանի օրվա ընթացքում փորձեք մտապահել սուրբ գրությունների հղումները և հիմնական արտահայտությունները վարդապետության սերտման մի քանի հատվածների համար: Շարունակեք մտածել, թե այդ հատվածներն ինչպես կարող են օրհնել ձեր և ձեր ծանոթների կյանքը: