Սեմինարիա
1 Նեփի 13–14. «Զինված արդարությամբ և Աստծո զորությամբ»

«1 Նեփի 13–14. «Զինված արդարությամբ և Աստծո զորությամբ» Մորմոնի Գիրքը. Ուսուցչի ձեռնարկ (2024)

«1 Նեփի 13–14. «Զինված արդարությամբ և Աստծո զորությամբ» Մորմոնի Գիրքը. Ուսուցչի ձեռնարկ

1 Նեփի 13–14

«Զինված արդարությամբ և Աստծո զորությամբ»

Նկար
հաղորդություն

Երբ Նեփիին երևաց հավանական ուրացության և իր ժողովրդի կործանման տեսիլքը, նա տեսավ, որ մի մեծ ու պիղծ եկեղեցի աղավաղելու էր Աստվածաշնչյան ուսմունքները և պայքարելու էր Աստծո Սրբերի դեմ: Պատկերացրեք Նեփիի ուրախությունը, որ նաև տեսնելու էր ավետարանի վերականգնումը՝ օրհնելով բոլոր նրանց, ովքեր կապավինեին Փրկչի ուսմունքներին և ուխտերին: Այս դասի նպատակն է օգնել ձեզ հասկանալ ուխտերի կարևորությունը և մեծացնել ուխտեր կապելու և դրանք պահելու ձեր ցանկությունը:

Նշում. 1 Նեփի 13.20–42 հատվածներն ավելի մանրամասն ուսուցանվելու են հաջորդ դասին:

Աստծո ձեռքը պատմության մեջ

Պատկերացրեք, որ ձեզ երևում է վերջին 500 տարվա, այդ թվում՝ մեր ժամանակների ամենանշանակալից իրադարձությունների մի տեսիլք:

  • Ձեր կարծիքով ո՞ր իրադարձությունները կարող էիք տեսնել այդ տեսիլքում: Ինչո՞ւ:

Մարգարե Նեփիին երևաց տեսիլք, որն ընդգրկում էր այդ ժամանակաշրջանի նշանավոր իրադարձությունները: Ուշադրություն դարձրեք, թե ինչ է հայտարարել նախագահ Ռասսել Մ. Նելսոնը Նեփիի տեսիլքի մասին.

Նկար
Նախագահ Ռասսել Մ. Նելսոն

Մենք առաջին շարքերում ենք նստած, որպեսզի կենդանի վկայությունը տանք այն բանի, ինչ մարգարե Նեփին տեսել էր միայն տեսիլքում: …

Դո՛ւք, իմ եղբայրներ և քույրեր, այն տղամարդկանց, կանանց և երեխաների թվում եք, որոնց Նեփին տեսավ: Մտածե՛ք այդ մասին: (Ռասսել Մ. Նելսոն, «Լսեք Նրան», Ensign կամ Լիահոնա, մայիս 2020թ., 88)

1 Նեփի 13–14 գլուխներն ուսումնասիրելիս փնտրեք Աստծո զորության ապացույց մեր օրերին հանգեցնող իրադարձություններում, ինչպես նաև այն նշանակալից խոստումներում, որոնք Տերը պետք է կատարի մեր կյանքում:

Նկար
պատկերակ, գրառում

  1. Կատարեք հետևյալ վարժությունը.

Կարդացեք սուրբ գրության հատվածը և գտեք, թե նրանում նկարագրվածը ստորև թվարկված որ իրադարձությանն է համապատասխանում: Նշում. այդ հատվածներում օգտագործված հեթանոսներ բառը վերաբերում է այն մարդկանց, որոնք Հուդայի երկրից չեն կամ այնտեղ չեն ապրում:

  1. 1 Նեփի 13.12–13, 16–19

  1. Նեփիացիների հիշատակարանը (Մորմոնի Գիրք) և այլ սուրբ գրությունները հաստատում են հրեաների հիշատակարանի (Աստվածաշունչ) ճշմարտությունը և վերականգնում պարզ ու արժեքավոր ճշմարտությունները:

  1. 1 Նեփի 13.23–26

  1. Խոստացված երկրի հայտնաբերումը և գաղութացումը հեթանոսների կողմից:

  1. 1 Նեփի 13.35–36, 39–40

  1. Հրեաների հիշատակարանի (Աստվածաշունչ) աղավաղումը մեծ ու պիղծ եկեղեցու կողմից:

  1. 1 Նեփի 14.7–10

  1. Տեղի է ունենում զարմանալի գործ (Ավետարանի վերականգնումը): Հեթանոսները որոշում են ընդունել կամ մերժել դրա օրհնությունները:

  • Ըստ ձեզ՝ ի՞նչն է կարևոր այդ մարգարեություններում:

Նեփիի տեսիլքի համաձայն՝ «Աստծո Հոգին … ներգործեց» նրանց վրա, ովքեր ուղևորվել էին դեպի խոստացված երկիր (1 Նեփի 13.12–13): Նեփին նաև տեսավ, որ «Աստծո զորությունը» նրանց հետ էր (տես 1 Նեփի 13.16, 18–19):

  • Ի՞նչ եք սովորում Աստծո մասին այս հատվածներից:

  • Նրա մասին այս հասկացողությունն ինչպե՞ս կարող է օրհնել ձեզ հիմա:

Աստծո զորությունը մեր կյանքում

Նեփիին երևացին վերջին օրերը, և նա տեսավ Հիսուս Քրիստոսի Եկեղեցու Վերականգնումն ու դիմադրությունը, որին այն բախվելու էր: Նա նաև տեսավ Հիսուս Քրիստոսի ուխտը պահող հետևորդներին խոստացված օրհնությունները:

Կարդացեք 1 Նեփի 14.12–14 հատվածները և փնտրեք, թե ինչ իմացավ Նեփին Հիսուս Քրիստոսի Եկեղեցու՝ վերջին օրերի անդամների մասին:

  • Ձեզ համար ի՞նչով է տպավորիչ Հիսուս Քրիստոսի Եկեղեցու և նրա անդամների մասին Նեփիի նկարագրությունը մեր օրերում: Ինչո՞ւ:

  • Ի՞նչ սկզբունքներ կարող եք առանձնացնել հատված 14-ից:

Այդ հատվածներից կարող ենք սովորել հետևյալ սկզբունքը, որ եթե պահենք մեր ուխտերը, զինված կլինենք արդարությամբ և Աստծո զորությամբ:

  • Ի՞նչ ուխտեր եք կապել կամ կապելու Աստծո հետ:

  • Ի՞նչ եղանակներ կնշեք, որոնք օգնում են ձեզ կենտրոնանալ ձեր կապած ուխտերը պահելու վրա:

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է, թե ինչ է նշանակում լինել զինված արդարությամբ և Աստծո զորության մեծ փառքով.

Նկար
Երեց Դեյվիդ Ա. Բեդնար

«Զինված էին արդարությամբ և Աստծո զորության մեծ փառքով» արտահայտությունը [1 Նեփի 14.14] պարզապես գեղեցիկ գաղափար կամ սուրբ գրության գեղեցիկ խոսքի օրինակ չէ: Ավելի շուտ այս օրհնություններն ակներև են Տիրոջ վերջին օրերի անթիվ աշակերտների կյանքում: …

… Ես վկայում եմ, որ այսօր Տիրոջ ուխտյալ ժողովուրդն իսկապես զինված է արդարությամբ և Աստծո զորության մեծ փառքով։ Ես ականատես եմ եղել հավատքի, քաջության, ապագայի հանդեպ հեռանկարի, համառության և ուրախության, որոնք վեր են մահկանացու կարողություններից, և որոնք միայն Աստված կարող էր տալ: (Դեյվիդ Ա. Բեդնար, «Աստծո զորության մեծ փառքով», Լիահոնա, նոյեմբեր 2021, 29–30)

  • Ձեր տարիքի մարդկանց ի՞նչ հնարավոր օրինակներ կան, որոնք «զինված են արդարությամբ»:

  • Ե՞րբ եք զգացել այդ օրհնություններից մի քանիսը, «որ միայն Աստված կարող է տալ»:

Ուխտեր կապող և պահող մի երիտասարդ կնոջ օրինակ տեսնելու համար դիտեք «Կանգնենք սուրբ տեղերում» տեսանյութը (5:36), որը հասանելի է ChurchofJesusChrist.org կայքում:

Մի երիտասարդ կին տաճար ուղևորվելու ճանապարհին մտածում է ուխտի ճանապարհով գնալու օրհնությունների մասին:

Նկար
պատկերակ, գրառում

  1. Մտածեք ստորև ներկայացվող հարցերից առնվազն երկուսի շուրջ և պատասխանեք դրանց.

  • Ձեր ամենօրյա գործողություններից ի՞նչ եք պարզում այն մասին, թե որքան կարևոր են ձեր կապած ուխտերը:

  • Ինչո՞ւ է ձեզ անհրաժեշտ այն ուժը, որ գալիս է Երկնային Հոր հետ կապած ուխտերից:

  • Ինչպե՞ս կարող եք լիարժեք կերպով ձեր կյանք հրավիրել Երկնային Հոր հետ կապած և պատված ուխտերի օրհնությունները:

Ստուգարքի պատասխաններ. 1-բ, 2-գ, 3-ա, 4-դ