Mubo nga Pagbansay 4

Unsaon sa Pag-usab sa Lisod o Sensitibo nga mga Hilisgotan gikan sa Mahangtoron nga Panglantaw

Pagpasabot

Ipakita ug basaha og kusog ang mosunod nga pamahayag:

Sa pagsusi sa doktrinal nga mga konsepto, mga pangutana, ug sosyal nga mga isyu inubanan sa mahangtorong panglantaw, atong ikonsiderar ang kinatibuk-ang kahulugan niini sa plano sa kaluwasan ug sa mga pagtulun-an sa Manluluwas. Tinguhaon nato ang tabang sa Espiritu Santo aron makita ang mga butang sama sa pagtan-aw niini sa Ginoo. Magtugot kini kanato sa pag-usab sa pangutana (aron makita sa laing paagi ang pangutana) ug matan-aw ang mga ideya base sa sumbanan sa kamatuoran nga gihimo sa Ginoo kay sa pagdawat sa ideya o mga pagbana-bana nga gihimo sa kalibotan [tan-awa sa 1 Mga Taga-Corinto 2:5, 9–11]. (Mahinungdanon nga Dokumento sa Doktrinal nga Kahanas [2022], 3)

Hatagi ang mga estudyante sa mosunod nga handout:

Mga Pangutana aron Makatabang sa Pag-usab sa Lisod o Sensitibo nga mga Hilisgotan gikan sa Mahangtoron nga Panglantaw

Pagtubag sa Akong mga Pangutana sa Ebanghelyo—Mubo nga Pagbansay 4: Unsaon sa Pag-usab sa Lisod o Sensitibo nga mga Hilisgotan gikan sa Mahangtoron nga Panglantaw

• Unsa ang pipila ka posibling sayop nga mga pagsabot o sayop nga mga pangagpas nga mahunahunaan sa imong higala mahitungod niining hilisgotan?

• Unsa ang atong nahibaloan mahitungod sa Langitnong Amahan sa Iyang Plano, ug sa mga pagtulon-an sa Manluluwas sama nga kini may kalabotan ngadto niini nga hilisgotan? Sa unsang paagi nga kining kahibalo makatabang kanato sa pag-usab sa atong panghunahuna gamit ang mahangtoron nga panglantaw?

© 2022 by Intellectual Reserve, Inc. All rights reserved.

Mga Pangutana aron Makatabang sa Pag-usab sa Lisod o Sensitibo nga mga Hilisgotan gikan sa Mahangtoron nga Panglantaw

handout sa magtutudlo

Modelo

Tabangi ang mga estudyante nga makita kon unsaon nila sa pagsugod sa pag-usab sa doktrinal nga mga konsepto, mga pangutana, ug sosyal nga mga isyu gikan sa usa ka mahangturon nga panglantaw.

Paggamit

Ipakita ang mosunod nga mga pangutana: Nganong ang Simbahan supak sa boluntaryo nga aborsiyon tungod sa personal o sosyal nga kasayon? Dili ba kini usa ka butang sa personal nga pagpili?

Dapita ang mga estudyante sa pagrebyo sa mga pangutana diha sa “Pagpasabot” nga seksiyon. Dayon hangyoa sila sa pagtinabangay uban sa usa ka kauban ug magpraktis sa pag-usab sa mga pangutana kabahin sa aborsiyon gikan sa usa ka mahangtoron nga panglantaw.

Awhaga ang mga estudyante sa paghatag og feedback sa usag usa kabahin sa ilang mga tubag. Kon aduna pay oras, pagpili og laing pangutana aron praktisan sa pag-usab.