Kit wa Biambuluishi bia Bansonga

Midimu ne Majitu

Bansongakaji

Muibaki wa Ditabuja (kubangishila ku tshidimu tshiwudi ukumbaja bidimu 12)

Muibaki wa ditabuja udi wambuluisha bua kuibaka bukalenga bua Nzambi kupitshila ku ditabuja dienda mu Kilisto, bujadiki buenda bua tshishiki, ne bienzedi bidi bijula ne bikankamika bakuabu (tangila Efeso 2:19–20; “Bu Bana Betu Bakaji mu Siyona,” Hymns, no. 309, kanungu1).

Kuikala Muibaki wa Ditabuja kudi kumvuija tshinyi?

Bu Muibaki wa Ditabuja, udi mubeneshibua ku milulu ya buakuidi. Nzambi udi ukubikila bua upeta bukola buenda, kupitshila ku milulu ya buakuidi ne milayi ya bipungidi, ne kumvua mushindu udi bukola bukuata mudimu mu wewa (tangila Dilongesha ne Bipungidi 25:8). Nana meji pa mushindu udi mululu wa biakudia bia tshijila, pamua ne milayi ya bipungidi bieba, bikuanyishila bua kusemena pabuipi ne dipa dia bukola bua Nzambi ne makanda a Mupandishi adi afila bukola bua kutshimuna. Pawudi wangata biakudia bia tshijila ne ulama mikeji ya Nzambi, bulunda bueba ne Nyuma ne banjelo nebutanta, bukupesha bukola bua kuendesha moyo weba mu buludiki bua bunzambi (tangila Dilongesha ne Bipungidi 107:20).

Mushindu kayi undi mua kuambuluisha mu mudimu wa Nzambi?

Bu Muibaku wa Ditabuja, udi:

1. Usadila bakuabu Udi uleja dinanga dia Yezu Kilisto mu difuka nyuma wa dikankamika ne dikalangana mu dîku, tshilongelu, anyi kalasa bieba. Udi mua kupeta dianyisha dia mu ntempelo ne kuya ku nzubu wa Mukalenga bua kuikala mutambuishibua ne mujadikibua bua bankambua beba. Bipolu bikuabu bia kusadila nebilua ku mabikila, midimu, anyu ku minunganyi ya nyuma bua kusemena pabuipi ne bantu badi bakunyunguluka.

2. Bikila bonsu bua balua kudi Kilisto. Udi mua kusadila bu muakididi ku tshisangilu tshia biakudia bia tshijila, wambuluisha bantu bua bapeta miaba ya kusomba ne kukandika mitoyi mu ntendelelu wa Dialumingu ne kalolu, kanemu, ne disanka. Longa mena a bantu ne ibaka ditabuja diabu pawudi ubambuluisha bua kudiumvua kuabu mu Ekelezia wa Kilisto. Leja mu miaku ne bienzedi ne nudi “benakuabu ne bansantu” ne bidimba “ba mu tshiota tshia Nzambi” (Efeso 2:19). Udi kabidi mua kuakula mu bisangilu, kutangalaja lumu luimpa, ne kufila buajadiki bua Kilisto.

Mushindu kayi udi buludiki bua FSY mua kuambuluisha?

Ngondu yonsu, udi ma kuitaba dibikila dipia-dipia ku buludiki bua FSY. Etshi netshikuambuluisha bua kutamba kulua mulondi wa lulamatu wa Yezu Kilisto ne kumusadila bia bungi ne lukunukunu bu Muibaki wa Ditabuja.

Mutumibua wa Ditekemena (kubangishila mu tshidimu tshiwudi ukumbaja bidimu 14)

Mutumibua wa Ditekemena udi utuala mukenji wa Kilisto wa ditekemena kudi badi mu tshinyongopelu, wakula bua ditalala, utangalaja dikankamika ne ujula mitshima kupitshila ku bukola bua Nyuma (tangilaMosiya 18:8–9; “Bu Bana Betu ba Bakaji mu Siyona,” Hymns, no. 209, kanungu 2).

Kuikala Mutumibua wa Ditekemena kudi kumvuija tshinyi?

Bu Mutumibua wa Ditekemena, udi mua kulonga mushindu udi lulamatu, dienda mu njila wa pupeluka, dikuata tshishiki ku bipungidi bieba bukola bua Nzambi bua kubuela mu moyo weba bia bungi mu bujima (tangila Dilongesha ne Bipungidi 25:2, 13). Etshi netshikupesha bukola bua kukumbaja kiptahsila keba ne kukumabaja malu mimpa adi mu wewa mu bujima. Pawudi wangata biakudia bia tshijila ne wangata dina dia Mupandishi pamutu peba, udi wenzulula bipungidi bieba bua kuimana bu mujadiki wenda “mu bikondu bionsu ne mu malu onsu ne mu miaba yonsu.” Etshi tshidi tshiangata kuandamuna mu mushindu uvua mua kuandamuna mu diambuilangana majitu umua ne mukuabu, kudila ne badi badila, kukankamika badi mu djijinga dia dikankamika (tangila Mosiya 18:8–9).

Mushindu kayi undi mua kuambuluisha mu mudimu wa Nzambi?

Bu Mutumibua wa Ditekemena, udi ne majitu onsu a Muibaki wa Ditabuja. Mu kukumbaja, udi:

1. Usadila bakuabu Udi wimana bu mujadiki wa Kilisto pawudi uleja lusa, wakula bua ditalala, ne ufila dikankamika. Bu Mutumibua wa Ditekemena, udi mua kuikala mupeshibua mudimu bu muanetu mukaji mukubi ne kufila bukubi bu bua Kilisto kudi bantu badibu bakupesha ne muntu yonsu uwudi umona muikala mu dijinga (tangilaMukanda Munena wa Maludiki, 21.2.2).

2. Bikila bonsu bua balua kudi Kilisto. Bu muanetu wa bakaji mukubi, udi wambuluisha bakuabu bua bakankamika ditabuja diabu mu Yezu Kilisto, bapeta milulu, benza ne balama bipungidi bia tshijila, ne batanta mu nyuma. Dinanga dieba dia Buena Kilisto, ne disadila bidi biambuluisha bawudi usadila bua bamanya ditekemena ne disanka mu Kilisto.

Mushindu kayi udi buludiki bua FSY mua kuambuluisha?

Ngondu yonsu, udi mua kuitaba dibikila dipia-dipia ku buludiki bua FSY. Mu bidimu bieba bu Mutumibua wa Ditekemena, udi kabidi mua kubangisha kubuela mu seminere ne mpungilu ya FSY. Ebi bionsu nebikuambuluisha bua kulua bia bungi mulondi wa lulamatu wa Yezu Kilisto ne kumusadila ne lukunukunu lua bungi bu Mutumibua wa Ditekemena.

Musangishi wa Bukenka (kubangisha mu tshidimu tshiwudi ukumbaja bidimu 16)

Musangishi wa Bukenka udi weyemena buludiki bua bunzambi ne ukoka bukola ku bipungidi padiyi ukeba, usangisha, ne uleja bukenka bua Kilisto (tangila Dilongesha ne Bipungidi 50:24; “Bu Bana Betu Bakaji mu Siyona,” Hymns, no. 309, kanungu 3).

Kuikala Musangishi wa Bukenka kudi kumvuija tshinyi?

Bu Musangishi wa Bukenka, udi ne dieyemena ku milulu ya buakuidi, misangisha ne milayi ya bipungidi, nebianyishila bukola bua bunzambi bua bulejibua mu moyo weba (tangila Dilongesha ne Bipungidi 84:20; 1 Nephi 14:14). Kupeta bukola ebu mu moyo weba nebikulomba bintu bia mumomua bivua Mukalenga muambila Emma Smith bua kuenza mu Dilongesha ne Bipungidi 25. Longa bionsu biwudi mua kulonga pa Yezu Kilisto. Ku mutu kua bionsu, longa pa mulambu wenda wa bupikudi, udi wanyishila mapa a dikudimuna mutshima ne ngâsa bua kubenesha moyo weba ne mioyo ya bakuabu. Kupitshila ku bukola buenda, Mukalenga neôndopa mutshima weba, adiundisha makanda eba, ne akukudimuna mu mukaji udiyi mumanya ne udi mua kulua.

Mushindu kayi undi mua kuambuluisha mu mudimu wa Nzambi?

Bu Musangishi wa Bukenka, udi ne majitu onsu a Muibaki wa Ditabuja ne Mutumibua wa Ditekemena. Mu kukumbaja, udi:

1. Usadila bakuabu Udi ukolesha bakuabu ku moyo, usadila mu dinanga, ne ulongesha lumu luimpa pawudi mulombodibua kudi Nyuma. Udi muya kumpala, ne udi mumanya njila. Udi mulongolola bua kulombola, kulongesha, ne kukolesha Bibaki ba Ditabuja ne Batumibua ba Ditekemena ku moyo, mu kubambuluisha padibu bitaba mabikila a FSY, balua bayidi ba moyo mujima ba Yezu Kilisto, ne basomba mu kulonda malu mabalaya bu bana ba bakaji ba tshipungidi ba Nzambi.

2. Bikala bonsu bua balua kudi Kilisto. Mukalenga mmusua bua “umvuija mifundu, ne ukankamika ekelezia, bilondeshila biakupesha Nyuma” (Dilongesha ne Bipungidi 25:7). Udi mua kuenza etshi kupitshila ku miaku kadi nansha bia bungi ku bukola kupitshila ku mushindu uwudi usomba (tangila 1 Timote 4:12).

Mudindu kayi udi buludiki bua FSY mua kuambuluisha?

Ngondu yonsu, udi utungunuka bua kuitaba mabikila ku buludiki bua FSY. Udi kabidi ukankamika ne ukolesha ku moyo bansongakaji ne mabikila abu ne majitu a tshijila. Mu bidimu abi, udi kabidi mua kubuela mu seminere ne mu mpungila ya FSY. Ebi bionsu nebikuambuluisha bua utamba kulua mulondi wa lulamatu wa Yezu Kilisto ne umusadila ne lukunukunu lua bungi bu Musangishi wa Bukenka.

Etshi tshidi tshikondu tshia tshijila, pawudi udilongolola bua kulua mukaji wa buenzedi buakana. Etshi tshidi tshiangata dipeta diambika dieba dia mu ntempelo, disadila bukenji pawikila mujinga, ne didilongolola bua dîku dia tshiendelela.

Kasumbu Kambuluishi (panyima pa bidimu 18)

Kasumbu Kambuluishi kadi kambuluisha bana ba Nzambi bua badilongolola bua bapingana ku mesu Kuenda. Bu bana bakaji ba baledi ba mu diûlu, bidimba bia mu Kasumbu Kambuluisha “bidi biumvuija mifundu,” “bikankamika ekelezia,” bijula mitshima, ne “bilamata ku bipungidi [bidibu] benza” (Dilongesha ne Bipungidi 25:7, 13).

Kuikala tshidimba tshia Kasumbu Kambuluishi kudi kumvuija tshinyi?

Muprofete Joseph Smith wakalongesha ne kipatshila ka Kasumbu kambuluishi kadi kusungila ne kumbusha dikenga. Wakambila bakaji ne Ekelezia wa Yezu Kilisto kavua mulongolola mu bujima tô ne tshikondu tshivua bana betu ba bakaji balongolodibua. Bu tshidimba tshia Kasumbu Kambuluishi, newukuata mudimu pamua ne bane betu ba bakaji bakuabu bua kukumbaja mudimu wa Nzambi, bu mudibi biludika kudi tshiambilu tshia Kasumbu Kambuluishi “Luse kaluena luhanga” (1 Kolinto 13:8). Udi usadila bakuabu, ukumbaja majitu a bipungidi, wibaka bobumua, ne ulonga ne uteka mu tshienzedi lumu luimpa lua Yezu Kilisto.

Mushindu kayi undi mua kuambuluisha mu mudimu wa Nzambi?

Bu muanetu mukaji wa mu Kasumbu Kambuluishi, udi wa mu tshisumbu tshivua Mukalenga mulongolola bua bakaji bakulumpa bonsu mu Ekelezia. Mu kukumbaja ku majitu awudi mulonga bu nsongakaji, udi:

1. Usadila bakuabu. Pawudi ubuela mu Kasumbu Kambuluishi, newikala wa mu tshimua tshia ku bisumbu binena bia disadila mu buloba. Bu mulondi wa Yezu Kilisto, ne bu tshitupa tshia buena muntu bua bakaji bua moyo mujima, udi ne bujitu bua kusemena pabuipi ne badi mu dijinga mu dinanga. Udi ukeba mishindu ya kusadila ne kukuba bakuabu mu tshikongu anyi nsangilu weba, kufila diambuluisha bu muvua Kilisto mua kufila. Emma Smith, Mulombodi Mukulu wa kumpala wa Kasumbu Kambuluishi, wakamba, “Netuya kuenza tshintu tshikemesha. … Tudi tutekemena mishindu ya pabuayi ne mabikila a dienzeja .”

2. Bikila bonsu bua balua kudi Kilisto. Bidimba bia Kasumbu Kambuluishi bidi bibikila bonsu bua bapeta mabenesha a lumu luimpa lua Yezu Kilisto (tangila Mosiya 18:9). Badi benza nunku mu ditangalaja lumu luimpa ne bakankamika bakuabu. Badi badisuila bua kutangalaja “kabiyi anu lumu luimpa lua Nzambi, kadi kabidi misuka [yabu] nkayabu, bualu [bakuabu badi] ne mushinga [kudibu]” (1 Tesalonika 2:8). Etshi tshidi tshiangata difila bionsu bibidi diambuluisha dia mu nyuma ne dia mu mubidi kudi bonsu badi pabuipi n’abu.

Bena Buakuidi bua Alona

Dikona (kubangishila mu tshidimu tshiwudi ukumbaja bidimu 12)

“Diakre … yonsu udi ne bua kuikala mujidibua bilondehila mapa ne mabikila bia Nzambi mu yeya… ku bukola bua Nyuma wa Tshijila” (Dilongesha ne Bipungidi 20:60).

Buakuidi bua Alona ntshinyi?

Buakuidi budi bukola ne bukokeshi bia Nzambi. Budi bupeshibua ku ditenteka dia bianza kudi bantu baluma bakumbana badi badisuila bua kuimanyina Yezu Kilisto ne kumusadila. Buakuidi kabuena bupetshibua anyi buenjibua bua majinga a nkaya to; budi bupeshibua bua ne umona mua kubenesha bakuabu ne kubambuluisha bua kulua kudi Yesu Kilisto. Buakuidi bua Alona budi ne nsapi ya disadila ya banjelo, lumu luimpa lua dikudimuna mutshima, ne ditambula bua dibuikidila dia mibi. Budi kabidi buenzeja “milulu ya pambelu” (tangila Dilongesha ne Bipungidi 13:1; 84:26–27; 107:20).

Mu tshidimu tshiwudi ukumbaja bidimu 12, udi mua kupeta Buakuidi bua Alona ne kuikala mujidibua dikona.

Tshinyi tshidi Nzambi musua bua ngenza bu diakre?

Bu diakre, udi:

1. Usadila bakuabu Udi wabanya biakudia bia tshijil bua kuambuluisha bantu bua bavuluka Yezu Kilisto ne benza bipungidi bua kumulonda. Udi mua kupeta dianyisha dia mu ntempelo ne kuya ku nzubu wa Mukalenga bua kuikala mutambuishibua ne mujadikibua bua bankambua beba. Bipolu bikuabu bia kusadila nebifuma kudi muepiskopo weba (tangila Dilongesha ne Bipungidi 107:68) anyi ku minunganyi ya nyuma bua kusemena pabuipi ne bantu badi bakunyunguluka.

2. Bikila bonsu bua balua kudi Kilisto. Mukalenga mmusua bua wewa “udimuisha, umvuija, ukankamika, ulongesha, ne ubikila bonsu bua balua kudi Kilisto” (Dilongesha ne Bipungidi 20:59). Udi mua kuenza etshi kupitshila ku miaku kadi nansha bia bungi kupitshila ku mushindu uwudi musomba (tangila 1 Timote 4:12). Udi kabidi mua kuakula mu bisangilu, kutangalaja lumu luimpa, ne kufila bujadiki.

Mushindu kayi udi buludiki bua FSY mua kuambuluisha?

Ngondu yonsu, udi mua kuitaba dibikila dipia-dipia ku buludiki bua FSY. Etshi netshikuambuluisha bua utammba kulua mulondi wa lulamatu wa Yezu Kilisto ne kumusadila bia bungi ne lukunukunu bu diakre.

Mulongeshi (kubangila ku tshidimu tshiwudi ukumbaja 14)

Mulongeshi udi ne bua “kutabelela ekelezia misangu yonsu, ne kuikala n’enda ne kumukankamika” (Dilongesha ne Bipungidi 20:53).

Buakuidi bua Alona Ntshinyi?

Buakuidi budi bukola ne bukokeshi bia Nzambi. Budi bupeshibua ku ditenteka dia bianza kudi bantu baluma bakumbana badi badisuila bua kuimanyina Yezu Kilisto ne kumusadila. Buakuidi kabuena bupetshibua anyi buenjibua bua majinga a nkaya to; budi bupeshibua bua umona mua kubenesha bakuabu ne kubambuluisha. Buakuidi bua Alona budi ne nsapi ya disadila ya banjelo, lumu luimpa lua dikudimuna mutshima, ne ditambula bua dibuikidila dia mibi. Budi kabidi buenzeja “milulu ya pambelu” (tangila Dilongesha ne Bipungidi 13:1; 84:26–27; 107:20).

Mu tshidimu tshiwudi ukumbja bidimu 14, udi mua kuikala mujidibua mulongeshi mu Buakuidi bua Alona.

Tshinyi tshidi Nzambi musua bua ngenza bu mulongeshi?

Bu mulongeshi, udi ne majitu onsu a diakre. Mu kukumbaja, udi:

1. Usadila bakuabu. Udi mua kuambuluisha bidimba bua bienza bipungidi bia tshijila ne Yezu Kilisto mu ku dilongolola diampa ne mâyi bia tshijila, bidi bileja mulambu wa bupikudi wa Mupandishi. Udi mua kuikala mutumibua bu muanetu muluma mukubi ne kufila ditabalela dia Buena Kilisto kudi bantu badibu bakupesha—ne kudi muntu yonsu mukuabu uwudi ujandula ne udi mu dijinga (tangila Dilongesha ne Bipungidi 20:53–55).

2. Ubikila onsu bua balua kudi Kilisto. Mukalenga mmusua bua wewa “udimuisha, umvuija, ukankamika, ulongesha, ne ubikila bonsu bua balua kudi Kilisto” (Dilongesha ne Bipungidi 20:59). Bu muanetu wa baluma mukubi, udi wambuluisha bakuabu bua bakolesha ditabuja diabu mu Yezu Kilisto, bapeta milulu, ne benza ne balama bipungidi bia tshijila, ne bakola mu nyuma.

Mushindu kayi udi buludiki bua FSY mua kuambuluisha?

Ngondu yonsu, udi ma kuitaba dibikila dipia-dipia ku buludiki bua FSY. mu bidimu bieba bu mulongeshi, udi kabidi mua kubangisha kubuela mu seminere ne mpungila ya FSY. Ebi bionsu nebikuambuluisha bua utamba kulua mulondi wa lulamatu wa Yezu Kilisto ne kyamba kumusadila ne lukunukunu bu mulongeshi.

Muakuidi (kubangishila mu tshidimu tshiwudi ukumbaja bidimu 16)

Muakuidi udi ne bua “kuyisha, kulongesha, kumvuija, kukankamika, … ne kukumbulu nzubu wa tshidimba tshionsu, ne kubakankamika bua basambila ne dîyi dikola ne mu musokoku ne bakumbaja midimu yonsu ya mu dîku ” (Dilongesha ne Bipungidi 20:46–47).

Buakuidi bua Alona Ntshinyi?

Buakuidi budi bukola ne bukokeshi bua Nzambi. Budi bupeshibua ku ditenteka dia bianza kudi bantu baluma bakumbana badi badisuila bua kuimanyina Yezu Kilisto ne kumusadila. Buakuidi kabuena bupetshibua anyi buenjibua bua majinga a nkaya to; budi bupeshibua bua ne umona mua kubenesha bakuabu ne kubambuluisha. Buakuidi bua Alona budi ne nsapi ya disadila ya banjelo, lumu luimpa lua dikudimuna mutshima, ne ditambula bua dibuikidila dia mibi. Budi kabidi buenzeja “milulu ya pambelu” (tangila Dilongesha ne Bipungidi 13:1; 84:26–27; 107:20).

Mu tshidimu tshiwudi ukumbaja bidimu 16, udi mua kujidibua muakuidi mu Buakuidi bua Alona.

Tshinyi tshidi Nzambi musua bua ngenza bu muakuidi?

Bu muakuidi, udi ne majitu onsu a diakre ne a mulongeshi. Mu kukumbaja, udi:

1. Usadila bakuabu Udi wambuluisha bidimba bia tshikongu bua kuenza bipungidi bia tshijila ne Yezu Kiliso ku dibenesha diampa ne mâyi bia tshijila, bidi bileja mulambu wa bupikudi wa Mupandishi. Udi mua kutambuisha—biangata ne mu ntempelo bua bankambua bakadi bafua. Udi mua kujidila bakuidi, balongeshi, ne ba diakre bakuabu. Mu kukumbaja, udi mua kulombola, kulongesha, ne kukankamika ba diakre ne balongeshi, mu kubambuluisha padibu bitaba mabikila a FSY.

2. Ubikila bakuabu bua balua kudi Kilisto. Mukalenga mmusua bua wewa “udimuisha, umvuija, ukankamika, ulongesha, ne ubikila bonsu bua balua kudi Kilisto” (Dilongesha ne Bipungidi 20:59). Bu muanetu wa baluma mukubi, udi wambuluisha bakuabu bua bakolesha ditabuja diabu mu Yezu Kilisto, bapeta milulu, ne benza ne balama bipungidi bia tshijila, ne bakola mu nyuma.

Mushindu kayi udi buludiki bua FSY mua kuambuluisha?

Ngondu yonsu, udi mua kuitaba dibikila dipia-dipia ku buludiki bua FSY. Udi kabidi ukankamika ne ukolesha ku moyo ba diakre ne balongeshi mu mabikila ne majitu a buakuidi biabu. Mu bidimu bieba bu muakuidi, udi kabidi mua kubuela mu seminree ne mpungila wa FSY. Ebi bionsu nebikuambuluisha bua utamba kulua mulondi wa lulamatu wa Yezu Kilisto ne kumusadila ne lukunukunu bu muakuidi.

Etshi tshidi tshikondu tshia tshijila, pawudi udilongolola bua kulua muntu wa buenzeji buakana. Etshi tshidi tshiangata kuikala mujidibua mukulu, kupeta diambika dieba dia mu ntempelo, ne kusadila bukenji, ne kudilongolola bua dîku dia tshiendelela.

Mukulu (panyima pa wewa mukumbaja bidimu 18)

Mukulu udi mudimu mu Buakidi bua Melekiseke, udi wangata “nsapi ya mabenesha a nyuma yonsu a ekelezia” (Dilongesha ne Bipungidi 107:18).

Buakuidi bua Melekisedeke Ntshinyi?

Buakuidi budi bukola ne bukokeshi bia Nzambi. Budi bupeshibua ku ditenteka dia bianza kudi bantu baluma bakumbana badi badisuila bua kuimanyina Yezu Kilisto ne kumusadila. Buakuidi kabuena bupetshibua anyi buenjibua bua majinga a nkaya to; budi bupeshibua bua ne umona mua kubenesha bakuabu ne kubambuluisha. Buakuidi bua Melekisedeke budi ne “nsapi ya mabenesha onsu a nyuma a ekelezia” (Dilongesha ne Bipungidi 107:18). Kupitshila ku milulu ya Buakuidi bua Melekisedeke, “bukola bua bunzambi budi bulejibua” mu mioyo ya bana ba Nzambi (Dilongesha ne Bipungidi 84:20).

Tshinyi tshidi Nzambi musua bua mukulu enza?

Pawudi mujidibua bu mukulu, newutungunuka ne kuikala ne majitu awuvua nawu bu muena Buakuidi bua Alona. Mu kukumbaja, udi:

1. Usadila bakuabu. Pawudi mukulu, newikala ne bukokeshi bua kufila dipa dia Nyuma wa Tshijila, kupesha bana mena ne mabenesha, ne kufila mabenesha a lundopu ne dikankamika (tangila Dilongesha ne Bipungidi 20:43, 70; 42:44; JYakobo 5:14). Bakulu “badi batabelela ekelezia” ku disadila mu bana betu ba baluma bakubi (Dilongesha ne Bipungidi 20:42). Badi balonda tshilejilu tshia Yezu Kilisto ku difila disadila dia dinanga kudi bantu badi mu dijinga.

2. Ubikila bakuabu bua balua kudi Kilisto. Bakulu badi ne bujitu bua pabuabu bua “kukobola lumu luimpa lua kashidi, ku Nyuma wa Nzambi wa moyo, ku bantu ne bantu, ne ku musoko ne musoko” (tangila Dilongesha ne Bipungidi 68:1–2). Udi ukumbaja bujitu ebu ku disadila bu missionnere ne ku ditangalaja lumu luimpa ne bakuabu mu moyo weba mujima.

Ndongamu wa Dituilangana dia Bulombodi Bukulu

Panuikala basua kuenzela tshileji etshi mu tshikondu tshionsu tshinudi nusangila, patula pa dibeji dipia-dipia ku dibeji dia munda mutupu ne funda mandamuna eba mu kakanda misangu yonso inudi nusangila bu bulombodi bukulu.

Dituku:

Diludika:

Disambila:

Dilondakaja

Yukilanganayi pa majitu momejela menza mu tshisangilu tshishala ne mu tshipangu tshia bansonga tshia mu tshikongu.

Ditebelela bua Bansonga

Mushindu kayi utudi mua kuambuluisha ne kusadila bidimba bia bokala buetu bia mu tshisumbu anyi mpuilu wetu? Mushindu kayi utudi tubabikila bua balua kudi Kilisto? Mushindu kayi utudi tufuka bobumua? (Tangila 3 Nefi 18:32.)

Bisangilu bia Dialumingu

Nganyi walongesha malongesha alulua? Mushindu kayi utuabikila Nyuma ne tulongesha bua Kilisto?

Dituku	Mulombodi Mukulumpa	Nsonga (Bansonga)

Bibilu (camp, mpungilu, disadila, ne bibilu bikuabu)

Dituku	Tshibilu (tangila tshilejilu tshia dilongolola pa dibeji T13)

Tangununa midimu miomekela

Disambila:

Midimu Mikuabu

Malombodi Makulu a Bansongakaji, Babedi ba Bansongaluma, ne Balombodi Bakuabu Bakulumpa

Mupandishi udi mua kukuambuluisha bua wikala tshilejilu tshiakana ne muludiki wa kueyemena. Pawudi udifila bua kumanya bansonga, pitshisha nabu diba, ne kubateleja, newibaka dieyemena nabu. Etshi netshikuambuluisha bua ubalongesha disanka dia dilama bipungidi ne kusemena pabuipi ne Tatu wa mu Diûlu ne Yezu Kilisto.

Bua kudilongolola bua matuku alualua, bansonga nebikala dijinga dia kujandula mapa abu a mu nyuma ne kulonga bua kuenza malu makola. Sambila buabu ne bua meji a nyuma bua kumvua ne kujikija majinga abu. Bakolesha ku moyo ne leja ne udi udifila ku majinga abu. Bambuluisha ku dibela nkonku ne kufila diambuluisha.

Udi ne tshipolu tshia kuludika bansonga padibu balonga bua kuikala bayidi ba moyo mujima ku ditabuja mu Yezu Kilisto, kuikala n’Enda, ne kulua bia bungi bu Yeya. Udi wambuluisha ku dikuabakuatshisha ne dibabela mu midimu ne majitu bibapesha. Bambuluisha bua balongolola miyuki ne bitupa bia malongesha. Jandula ne anyisha malu mimpa adibu benza, ne sekelela bipeta bimpa ne makumbaja biabu.

Pamuapa buenzeji bua mushinga bueba nebulua pawudi usadila bansonga mu mushindu wa Buena Kilisto ne ubambila mamanya ne bujadika bueba.

Akaja bu mudibi bijingibua bua kujikija majinga a pabuipi ne a nkaya. Tangila dibeji T6.

Bala Bienzedi 8:26–39. Tshinyi tshiwudi ulonga kudi Philip mu mudimu wenda bu muludiki mu Etshiopie?

Bisumbu bia Ba Bukola Bumua ne Malombodi Makulu a Mpuilu

Yezu Kilisto neakuambuluisha pawudi mubikidibua bua kusadila mu mianzu ya bulombodi. Pawudi utekibua pa muaba, udi upeta bukokeshi bufila buenda bua kukumbaja dibikila dieba.

Mu bukalenga bua Nzambi, mulombodi udi ewu udi usadila. Enza bua umanya ne unanga bidimba bia kalasa anyi mpuilu weba. Basadila bu muvua Mupandishi mua kubasadila. Basambidila. Ikala tshilejilu. Peta dieyemena diabu kupitshila ku miaku ne bienzedi bieba. Ikala ne lutulu ne tekemena buimpa, ikala mufidi wa ditalala, ne fila bujadiki bueba misangu yonsu. Ambuluisha muntu yonsu bua udiumvua muakidibua ne mujingibua.

Udi mua kuikala mubikidibua bua kubuela mu bisangilu bu mudi bisangilu bia malombodi makulu ne tshipangu tshia bansonga tshia tshikongu.

Newupeta tshipolu tshia kuambuluisha ne kulongolola bibilu ne bikumina. Udi mua kufila midimu ya kuenza kudi kalasa anyi bidimba bia mpuilu bua bambuluisha. Pawudi wenza, londakaja bua utuishibua ne bidi bienjibua, ne leja bidi bienjibua bimpa ne bidi bijinga kuakaja.

Ku bulombodi bua buepiskopo, malombodi makulu a kasumbu ka ba bukola bumua ka Bansongakaji kadi kadilongolola bua kuakidila bantu padibu balua ku tshisangilu tshia biakudia bia tshijila.

Ku bulombodi bua buepiskopo, malombodi makulu a mpuilu adi alombola bena Buakuidi bua Alona padibu benza mululu wa biakudia bia tshijila.

Mu kuenza mudimu pamua, malombodi makulu a mpuilu ne malombodi makulu a kasumbu ka ba bukola bumua ka Bansongakaji badi balombola mu mudimu wa Nzambi wa lupandu ne dizanjikibua, biangata diteka mu tshienzeji lumu luimpa, ditabalela badi mu dijinga, dibikila bakuabu bua bapeta lumu luimpa, ne disangisha pamua mêku bua tshiendelela. Badi bambuluisha aba badibu basadila bua balua bayidi ba moyo mujima ne bapeta disanka dinena mu diteka mu tshienzedi lumu luimpa lua Yezu Kilisto.

BalaAlama 17:2–14 ne Alama 19:13–29. Mushindu kayi uvua Bana ba Mosiya ne Abisha balua “[biamua bia mudimu] mu bianza bia Nzambi”?

Lombola mu Ekelezia wa Mupandishi

Buludiki bua Bulombodi Bukulu bua Bansonga

Mubikdibua kudi Nzambi

• Tshinyi tshiditshi tshiumvuija kundi kuikala mubikibua kudi Nzambi? (Tangila Luka 1:26–38; Mose 1:3–6.)

• Buatshinyi mema?

• Buatshinyi mpindiewu?

Ndi Nsadila Nganyi?

• Yaku ku application wa biamua bia Bidimba anyi konka kaleleki wa tshikongu bua lista wa kasumbu ka ba bukola bumua anyi mpuilu.

• Mushindu kayi ungamanya ne kunanga muntu yonsu mu kasumbu kanyi ka ba bukola buanyi anyi mpuilu wanyi?

• Mushindu kayi ungalonda tshilejilu tshia Mupandishi tshia disadila bantu ne kasumbu kayi kajima anyi mpuilu wanyi? (Tangila Moloni 6:4.)

Bisangilu Kayi Bindi Mbuela?

• Bisangilu bia Malombodi Makulu.

• Tshipangu tshia bansonga tshia tshikongu (bua balombodi bakulu ba kasumbu ka ba bukola bumua ne mpuilu).

• Bibilu ne bisangilu bia Ekelezia bia misangu yonsu.

Tangila Mukanda Munena wa Maludiki, 10.4.3, 10.4.4, 11.3.4.3, 11.3.4.4, 29.2.6, Gospel Library.

Mushindu Kayi Undi Ntshienza?

• Enzela ndongamu wa bisangilu (tangila “Ndondamu wa Bisangilu bia Malombodi Makulu”).

• Lombola bisangilu ne buela mu bipangu (tangila Mukanda Munena wa Maludiki, shapita 4, Tshisangi tshia Mikanda ya Lumu Luimpa).

• Midimu mifila.

• Londa kupitshila ku midimu.

• Ambuluisha bidimba bia kalasa ayi mpuilu bua bidiumvua biakidibua.

Baledi ne Dîku

Tatu wa mu Diûlu mmukupesha, mu muledi, tshipolu tshia kuambuluisha bana beba bua bakola mu ditabuja mu Yezu Kilisto ne bamulonda (tangila Dilongesha ne Bipungidi 68:25).

Dinanga dieba bua bana ne bua Mukalenga didi mua kufuka muaba wa bukubi, ne mushema mudi bana mua kukolela. Ikala mudibueja mu mioyo yabu, ne ikala mudisuila pawudi uteka mikalu, diba didibu batangila bindidimbi, ne umanya balunda babu.

“Diakalenga mu moyo wa dîku didi nangananga dikumbajibua padidi diashila pa malongesha a Yezu Kilisto” (“Dîku: Dimanyisha kudi ba pa Buloba,” Tshisangi tshia Mikanda ya Lumu Luimpa). Madienzeji eba bua kuteka mu tshienzedi malongesha a Mupandishi neâkuambuluisha bua kuibaka ngikadilu wa dîku miashila pa Kilisto.

Kuitaba: Konka pa mushindu udi muaneba wibaka ditabuja mu Kilisto, biangata ne mabikila a ku ngondu a FSY.

Kuikala: Kolesha muaneba ku moyo bua kubuela mu bibilu, camp, ne mpungilu.

Kulua: Ambuluisha muaneba bua akola mu nyuma. Yukilangana pa mamanya enda misangu yonsu.

Bala 2 Timote 1:5; 3:14–15; Joseph Smith—Mulubu 1:20, 50. Mushindu kayi uvua baledi ne ba kaku benza dishilangana?

Buepiskopo

Dikola dia bansonga mu tshikondu tshieba didi mu bianza bieba. Misangu ya bungi biobi bikumbana, fila majitu makuabu kudi mpuilu wa bakulu ne Kasumbu Kambuluishi bua ne umona mua kushindamena pa Dikalangana dimpa, dikola, ne ditanta dia bansonga.

Udi mua kufila bujitu bua bulongolodi ne midimu ya bulombodi kudi kaleleki, bafundi, babedi, mpuilu ne balombodi bakulu ba tusumbu tua ba bukola bumua, ne bena mianda ya pabuayi. Tuishibua ne aba badi bambuluisha badi ne midimu mibapesha miumvuija bimpa ne bukokeshi bua kuenza malu.

Angata tshikondu tshikumbana bua kuleja ditabalela. Ambuluisha bua kufuka dikalangana ku dibuela mu bibilu. Ikala ne disanka mu disadila bansonga. Enza bua bamona muwudi mubananga bia bungi ne munanga Nzambi.

Dituilangana ne Bansonga Muntu ku Muntu.

Bua buludiki pa dituilangana ne bansonga, tangila Mukanda Munena wa Maludiki, 31.3.1.

Pawudi utuilangana ne bansonga, bakonka pa madienzeja abu mu ditaba mabikila a FSY ne diteka mu tshienzedi nshindamenu ya lumu luimpa. Manya ditanta diabu, ne balekela bamba bidibu balonga padibu batshimuna mateta. Lomba bakuidi ne Basangishi pa Bukenka pa mamanya abu padibu bakankamika ne balongesha bakuabu.

Bua ngenyi mikuabu pa biena bualu ba kuyikilangana pawudi utuilanga ne bansonga, tangila Mukanda Munena wa Maludiki, 31.3.1.2.

Bala Joseph Smith—Mulubu 1:30–54; Alama 8:21–30; 15:18. Mushindu kayi uvua Moloni mukolesha ku moyo ne mukankamika Joseph Smith? Mushindu kayi uvua Alama mukolesha ku moyo ne mukankamika Amuleka?

© 2027 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, January 2027. Tshiluba. 20794 760

Biakumanya

1. Tangila Teachings of Presidents of the Church: Joseph Smith (2007), 451, 453.

2. Emma Smith, in Nauvoo Relief Society Minute Book, Ngondu Muisatu 17, 1842, 12, josephsmithpapers.org.