Kit wa Biambuluishi bia Bansonga

Kuitabuja

Buyidi budi bu mu Bilela

Kuena wa kumpala bua kubuela mu luenda elu lua disanka lua buyidi to. Bakuabu bakadi baya kumpala. Ela meji bua Petelo. Uvua wela meji ne uvua anu mulobi wa mishipa wa patupu. Udi mua kuikala muela peba meji nanku. Kadi Mukalenga wakamona tshintu tshikuabu—muyidi. Muyuki wa Petelo udi utuvuluija ne disungula bua kusomba bu muyidi wa Yezu Kilisto didi diwula ne malu a bungi:

• Tupamba tua Petelo tuvua tuwula tusua kupandika (tangila Luka 5:1–7).

• Wakenda pa mâyi (tangila Matayo 14:22–32).

• Kavua ne bowa mu ditangalaja dia bujadiki bua Yezu Kilisto (tangila Bienzedi 4:18–20).

Petelo wakenza malu avuaye kayi muela meji ne uvua mua kuenza, mu miaba ivuaye kayi muela meji ne uvua mua kuikala.

• Ela meji buatshinyi Petelo wakapatuka mu buatu? (Tangila Matayo 14:28–29.)

• Tshikondu kayi tshiwudi muitaba dibikila dia kudi Mukalenga, nansha bu diodi dikala dikola? Mushindu kayi uvuayi mukubenesha?

Kunyima kua tshikondu, Petelo wakajandula ne uvua ne mudimu munena wa kuenza.

Nansha wewa peba!

Pa nanku, baprofete badi bajadika ne udi mutumibua apa mpindiewu bualu “Nzambi udi dijinga ne bana baluma ne bakaji ba makanda ne dikima pa buloba pindiewu.” Kuena apa bua kupangila nansha. Udi apa “bua kutshimuna—ne kuambuluisha bakuabu bua batshimuna. Pawudi ulonda Yezu Kilisto, newikala ne makanda ne dikima bionsu biwudi nabi dijinga.”

Bayidi badi bitabuja

Pawikila musua bua kuvudija ditaba dieba mu Yezu Kilisto, bangisha pa kulonga kudiyi ne kuitaba mabikila mapepela a kumulonda. Ke tshidi tshiumvuija kuikala muyidi wenda.

Bibaki ba ditabuja, Batumibua ba Ditekemena, badiakre, ne balongeshi nebitaba dibikila dimua ku buludiki bua FSY ngondu yonsu.

Dialumingu dionsu dia kudjila newulonga shapita ku buludiki bua FSY ne kalasa keba ka mpuilu anyi Bansongakaji. Mu minita mikesa ya ndekelu ya dilongesha, newusungula dibikila dia kukuatshila mudimu ku nzubu munda mua ngondu. Udi mua kusungula dibikila ku buludiki bua FSY, anyi udi mua kufuka dimua dia ku eba nkayeba.

Mabikila eba adi mua kukuambuluisha ne:

• 

  Kukolesha malanda.

• 

  dikola dia mu nyuma.

• 

  Tulasa.

• 

  Bukola bua Mubudi ne Dikumbana.

• 

  Disadila Tshinsanga.

• 

  Mudimu wa muyuki wa dîku wa mu ntempelo.

• 

  Didilongolola bua bukenji.

• 

  Mabenesha makuabu.

Dibikila dieba didi ne bua kuikala dia tuseku ne dia mushinga kuwudi, divudija dinanga dieba bua Yezu Kilisto, ne dikuambuluisha bua kujandula kipatshila ne malu bia bunzambi bieba. Ikala mufuki—sungula tshintu kampanda tshiakuambuluisha bua utanta.

Ku ndekelu kua ngondu yonsu, yukila ne baledi beba anyi mulombodi pa mamanya adi akumbaja dibikila dieba. Funda dimanya dieba mu application wa Tshisangi tshia Mikanda ya Lumu Luimpa anyi mu journal, ne andika mushindu udi ditaba dibikila edi dikuambuluisha bua usomba bu muyidi wa moyo mujima wa Yezu Kilisto.

Basangishi ba Bukenka ne bakuidi nebalombola, balongesha, ne bakankamika bansonga bakuabu, bua batungunuka bua kuitaba mabikila, kusomba bu bayidi ba moyo mujima ba Yezu Kilisto, ne kudilongolola bua bipolu bilualua (tangila dibeji T24 anyi T28 bua mamanyisha a bungi).

Bimanyinu

Bimanyinu bia Buyidi

Christus wa Crystal

• Bifila kudi bansonga bonsu bu mudibu babuela mu ndongamu wa bansonga, ku tshikumina tshia Brand New Year.

• Tshuambuluisha bu tshivuluiji tshia disomba bu muyidi wa moyo mujima wa Yezu Kilisto.

Bimanyinu bia Dikumbaja

Medaillon bua Bansongakaji ne Fiol wa Manyi bua Bansongaluma

Udi upeta medaillon anyi Fiol wa Manyi pawudi ubangisha tshidimu tshieba tshia kumpala bu Musangishi wa Bukenka anyi muakuidi. Tshidi tshiumvuija ne:

• Udi utanta bu muyidi wa moyo mujima wa Kilisto ku dienza malu bilondeshela mabikila a ku buludiki bua FSY. Etshi tshidi tshienjibua mu tshikondu tshia diba mu musokoku ne muepiskopo wa pabuipi anyi mulombodi mukulu wa ditamba.

• Udi pabuipi bua kulombola, kulongesha, ne kukankamika bansongakaji anyi bena Buakuidi bua Alona bakuabu.

• Udi ubuela mu tshikondu tshia tshijila tshia didilongolola bua kulua mukaji anyi muluma wa buenzeji buakana. Etshi tshidi tshiangata didilongolola bua kuikala mujidibua bu mukulu (bua nsongaluma), didilongolola bua kupeta diambika mu ntempelo, disadila bukenji (pikalabu bajinga, bua bansongakaji, ne didilongolola bua dîku dia tshiendelela.

• Udi ne ditabuja mu Yezu Kilisto, udi munanga Nzambi ne muineba, ne udi usemena pabuipa ne bukola Kilisto pawudi wenza ne ulama bipungidi nenda.

• Udi mubala anyi muteleja Mukanda wa Molomo bu nsongakaji anyi muena Buakuidi bua Alona. Bulongolodi bua dilonga dia Mukanda wa Molomo mu application wa Tshisangi tshia Mikanda ya Lumu Luimpa budi mua kukuambuluisha bua kulonda ditanta dieba.

Muepiskopo weba nênza neba muyuki kumpala kua tshidimu tshieba tshia kumpala bu Musangishi wa Bukenka anyi muakuidi bua kutangununa ditanta dieba ne kukuela nkonku pa mamanya eba ne mabikila ku buludiki bua FSY. Neakubikila bua kulombola, kulongesha, ne kukankamika Bibaki ba Ditarbuja ne Batumibua ba Ditekemena anyi badikona ne balongeshi. Neakuambuluisha bua kubangisha kudilongolola bua tshidi tshilua kumpala. Bua bansongaluma: Muyuki ewu kawena wa momumua bu muyuki bua kuikala mujidibua bu muakuidi to, ne dikumbana bua dijidila kadiena dikuata ku dibuela mu ndongamu wa buludiki bua FSY to.

Medaillon anyi Fiol waManyi bidi bipeshibua kudi muepiskopo ku tshikumina tshia Brand New Year.

Enza Tshidi Tshienda Biakana.

Nshindamenu ya buludiki mifila apa idi ya kuakaja. Pawikila mupia-mupia ku Ekelezia anyi mubangisha kubuela mu ndongamu wa bansonga panyima pa mukumbaja bidimu 12, bangisha ndongamu muaba udi bakuabu ba bukola bueba bikala. Enza tshidi tshienda biaka bueba, dîku dieba, kalasa anyi mpuilu weba, ne tshikongu tshieba.

Enza tshipangu tshia mibelu ne dîku ne balombodi bua kuenza mashintulula, bu mudi mushindu ne misangu idi bibilu bienzeka ne mamanya. Kuena muenzejibua bua kuikala tshidimba tshia Ekelezia wa Yezu Kilisto wa Bansantu ba Matuku a Ndekelu bua kubuela nansha.

Basangishi ba Bukenka anyi bakuidi badi bakuata mudimu ne balombodi bakulumpa kua kulongolola bikumina biumvuija kuinshi eku. Dibeji dia dilongolola mu dibeji T12 didi mua kuambuluisha.

Tshikumina tshia Brand New Year

Ku ntuadijilu kua tshidimu tshionsu, bansonga badi babuela mu tshikumina tshia Brand New Year. Baledi badi babikidibua. Mu tshikumina etshi, udi wakidila balunda badi bapia-bapia ku ndongamu ne usekelela badi baya mu kasumbu ka bidimu bidi bilonda anyi mpuilu wa buakuidi.

Newulonga kabidi bia bungi pa tshiwudi ulua—biangata buikadianganyi bueba bua bunzambi, kipatshila, ne malu adi mu wewa.

Bansonga bapiabapia badi babuela mu ndongamu nebapeta tshimanyinu tshia buyidi—Lupingu lua Kilisto bu tshivuluiji tshia dilua muyidi wa moyo mujima wa Yezu Kilisto (tangila dibeji T6).

Muepiskopo udi uleja Basangishi ba Bukenka ne medailllon ku tshikumina etshi. Udi kabidi uleja bakuidi ne Fiol wa Manyi.

Disekelela dia Buyidi bua Moyo Mujima

Disekelela dia Buyidi bua Moyo Mujima didi dikusekelela! Ditu misangu yonsu mu ngondu isatu ya ndekelu wa tshidimu. Ku tshikumina etshi, udi unaya anyi utangalaja ne dîku, balombodi, anyi balunda:

• Mabikila awudi muitaba.

• Mamanya eba ku bibilu, camp, mpungilu, ne bikumina bikuabu.

• Tshiwudi muenza bua kukolesha ne kukankamika umua ne mukuabu.

Buyidi bua matuku onsu budi bu tshinyi?

Nanga ne Sadila bakuabu	Yezu wakamba ne dinanga dieba didi mushindu wamanya bantu ne udi muyidi Wenda (tangila Yone 13:35).
Sambila	Udi mua kuakula kudi Nzambi ne Neakuandamuna.
Longa mifundu, nangananga Mukanda wa Molomo	Mifundu neikuambuluisha bua ufika ku dimanya ne kunanga Yezu Kilisto ne kulonga mushindu wa kusomba bia bungi bu Yeya. Pawudi ubala Mukanda wa Molomo dituku dionsu, newenza masungula mimpa dituku dionsu.
Lama mikenji.	Nzambi udi ufila mikenji bua kukuludika, kukukuba, ne kukuambuuisha bua utanta.
Kudimuna Mutshima	Kudimuka kudi Kilisto bua bukola bua kutshimuna. Neakubuikidila ne akondopa ne akuambuluisha bua utamba kulua bu Yeya.
Longa	Tulasa netubenesha moyo weba ne tukupesha bukola bua kubenesha bakuabu.
Kukukuila ku ekelezia	Ku ekelezia newukolesha malanda eba a bipungidi ne Nzambi ne upeta dikalangana ne bayidi bakuabu.
Angata biakudia bia tshijila	Kuangata biakudi bia tshijila ne kulama tshipungidi tshieba nekukuanyishila bua kusemena pabuipi ne mabenesha a Nzambi ne kuikala ne Nyuma wenda misangu yonsu.
Fila tshiadikumi	Tshiadikumi tshidi tshiambuluisha bua kuibaka Bukanga bua Nzambi. Pawud ufila tshiadikumi ne dianyisha, Nzambi neakupumuina mabenesha, uvudija ditabuja dieba, ukuludika, ne wandamuna ku masambila eba.
Nemeka Diyi dia Lungenyi ne mukenji wa bunonoka	Ditumikila mikenji eyi nedikupesha bukola bunena ne dikukuba ne dîku dieba dilualua.
Jandula muyuki wa dîku dieba	Etshi netshiambuluisha bua kukukuba ku buenzeji buvula bua muluishi, ne netshikankamika dinanga dieba bua dîku dieba.
Enza milulu mu ntempelo, padiku mushindu	Pawudi wenza nunku, Nzambi udi ukuluatshika biluilu bia bukola buenda, uteka dina dienda pamutu peba, ukunyungulula ne butumbi Buenda, ne ukutumina banjelo benda bua kukukuba (tangila Dilongesha ne Bipungidi 109:22).

Mushindu wa kulongolola muyuki

• Tshiena bualu tshidi tshinyi? Mushindu kayi uditshi tshituangaja ku Yezu Kilisto? Mushindu kayi uwambuluisha bantu bua bananga, beyemena, ne bamulonda?

• Mifundu kayi iwenzela? Biambuluisha kayi bia lumu luimpa bikuabu bidi mua kuambuluisha, bu mudi mêyi a ku mpungilu munena?

• Dimanya dia nkaya anyi muyuki kayi bidi mua kuambuluisha bantu bua bumvua bulelela buwudi ulongesha?

• Mushindu kayi uwafila bujadiki bua Tatu wa mu Diûlu ne Yezu Kilisto ne bulelela buwudi ulongesha?

• Mushindu kayi uwabikila bakuabu bua kutumikila bulelela buwudi ulongesha? Mushindu kayi uwabambuluisha bua bamanya mabenesha malaya adi afuma ku bulelela ebu?

© 2027 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, January 2027. Tshiluba. 20794 760

Tshiakumanya

1. Russell M. Nelson, “Connect to Christ’s Power,” For the Strength of Youth, Ngondu Muisambombo 2024 (digital-only article), Tshisangi tshia Mikanda ya Lumu Luimpa.