Loaves and Fishes [Mampa ne Mishipa], kudi Rose Datoc Dall

Kit wa Biambuluishi bia Bansonga

Ikala

Luaku ne wikala, ne tuala mulunda

Mupandishi wakela lusumuinu pa muntu uvua mulongolola difesto ne mubikila muntu yonsu bua alua. Kadi balunda benda kabakitaba dibikila, nanku wakatuma basadidi benda mu njila bua kubikila bantu ba bungi.

Kakuvua muntu mua kushala pambelu nansha, nansha mupela nansha mufofu anyi bibombu.

• Utu welangana meji pa mushindu uvua musadidi mutuala muntu uvua mufofu ku difesto anyi?

• Kadi muntu uvua kayi mua kuenda?

Musadidi uvua ne bua kuikala muenza bia bungi kupita anu dibikila bantu aba. Mushindu onsu, wakabatuala ku disangila.

Uvua mua kuikala muludika bamua ba ku bobu. Pamuapa wakambula bamua. Pavua muntu yonsu musomba ku mesa, kutshivua anu tshibambalu bua bantu ba bungi. Muntu uvua mulongolola difesto wakambila musadidi bua aya ne abikila kabidi bantu ba bungi.

Wakatuma musadidi wenda ku mpenga kua tshimenga bua kupeta bantu bavua mua kutekemena dibikila bu edi. Uvua musua bua musadidi ambila muntu yonsu ne kuvua muaba buabu ku difesto dienda, ne kuvua muaba wa kusomba mubalongoluela. Udi mua kubala muyuki ewu mu Luka 14:15–24.

Udi mua kuikala mulunda wa buena awu!

Pa nanku, baprofete badi bajadika ne udi mupeshibua dipa dia pabuadi bua kusemena pabuipi ne bakuabu. Udi mupeshibua dipa dia pabuadi dia kusangisha. Udi umvua buatshinyi Mupandishi mmusua bua muntu yonsu alua. Tshidi dinanga.

Malu a pabuawu mmakuindila

Udi usangisha dîku dia Nzambi. Udi tshitupa tshia tshintu tshinena kupita anu wewa.

Udi mpidiewu wikalanga mu kalasa ka Bansongakaji anyi mpuilu wa Buakuidi bua Alona, nenuikala ne bua kuenza malu mashema pamua.

Tshitupa tshia dikalangana tshidi dituishibua ne muntu yonsu udi umvua muakidibua.

Nenuikala ne bipolu bia kuenza bibilu bia kunana meji, kubiteka mu tshienzedi, ne kubikila balunda ne bakuabu bua badisangisha kunudi.

Muntu yonsu udi ne bua kupeta tshipolu tshia kuikala tshitupa tshia difuka bikumina bia mushinga ne bia disanka.

Tshiwenza:

• Longolola mapatuka

• Manya bintu bipia-bipia

• Akidila mateta

• Ibaka malandu

• Sadila

Nganyi uwabikila?

Ku ntuadijiliu kua tshidimu tshionsu, bansonga badi babuela mu tshikumina tshia Brand New Year muwudi wakidila balunda badi bapia-bapia ku bulongolodi ne ulonga pa tshiena bualu tshia bansonga tshia ku tshidimu. Tangila dibeji T7 bua mamanyisha a bungi.

Compte ya mu Media Sociaux

Compte idi ilonda eyi neikuambuluisha bua wikala pa diba, utuilangana ne bayidi bakuabu bu wewa kupitshila mu buloba bujima, ne kumanya disanka kupitshila ku misambu ne meji a nyuma.

• @forstrengthofyouth

• @youngmenworldwide

• @youngwomenworldwide_

• youtube.com/c/strivetobe

• youtube.com/c/forthestrengthofyouth

• @churchofjesuschrist

Bayidi badi bikalangana

Mushindu kayi utudi tufuka dikalangana?

Tshitupa etshi tshidi mua kuikala tshiujibua bua kulongolola bibilu anyi kuenza tshipangu pamua ne mpuilu, kalasa, anyi bulombodi bukulu bua kasumbu ka ba bukola bueba.

• Sambilayi pamua bua kukeba buludiki ne dibuluila.

• Mulombodi wa bansonga udi ubangisha tshiena bualu.

• Jandula dijinga. Mushindu kayi utudi mua kuambuluisha?

• Sangisha ngenyi ya muntu yonsu. Teleja ne akula ne kanemu.

• Yukilayi pa mishindu miakana, ne umvuanganayi pa umua anyi ibidi.

• Enza bulongolodi ne diambuluisha dia balombodi.

• Fila bia kuenza, ne keba tshikondu bua kulondakaja.

• Mulombodi wa bansonga udi uleja disanka kudi bonsu.

• Peshanganayi ngenyi pamua.

Bukubi ku Bibilu bia Ekelezia

Didituala ku Bibilu bia Ekelezia

Dibeji dia Dianyisha ne Difila Londopu

Mulongolodi wa Tshibilu

Bulongolodi buetu bua bibilu, camp, ne mpungilu

• Dishindamena Dietu. Tshinyi tshidi Nzambi musua bua tshipitakana mu mioyo yetu bualu bua tshibilu etshi?

• Tshiena bualu tshietu. Pikala tshikumina tshietu tshijinga tshiena bualu, netshiluila ku mufundu, ku tshiena tshia bansonga tshia ku tshidimu, ku buludiki bua FSY, anyi ku tshiambuluishi tshikuabu tshia nyuma?

• Muaba

• Dituku

• Diambula Bantu

• Ngayi utuabikila. Etshi netshikala bua mpuilu anyi kalasa bietu? Tudi tudisangisa ne bansongakaji anyi bansongaluma bakuabu anyi? Ne bubidi anyi? Nganyi udi dijinga ne dibikila dia pabuadi?

• Bibilu ne disadila. Netulonga tshintu tshipia-tshipia anyi tuenza tshintu tshikola tshidi tshitukolela anyi? Tudi tufuka didisangisha dia disanka dia nanga bakuabu bua kulua anyi? Anyi wabeneshibua ku tshitudi tuenza nganyi?

• Bukubi buetu. Mushindu kayi utualama muntu yonsu mukubibua mu nyuma, mu ngumvuilu, ne mu mubidi? (tangilasafety.ChurchofJesusChrist.org).

  • Baledi mbamanyishibua bua malongolola etu anyi?

  • Kudi dijinga dia mikanda ya dianyinshila anyi? (tangila dibeji T12).

  • Kudi mabenga a biakudia anyi makumbana atudi ne bua kumanya anyi?

• Midimu ya kuenza. Mbanganyi baludika, kuenza masambila, kulongesha, ne kulombola tshibilu? Mushindu kayi udi bakuabu mua kuambuluisha?

• Mpetu yetu. Netuikala dijinga ne mpetu bungi munyi bua tshikumina etshi?

• Kutangununa tshikumina.

  • Tudi bakumbaja kipatshila ketu anyi? Buatshinyi anyi buatshinyi katuena bakumbaja?

  • Kasumbu ketu nkumvua Nyuma anyi? Diba kayi?

  • Tshinyi tshitudi balonga?

  • Mushindu kayi uvua ditabuja dietu mu Yezu Kilisto dikankamikibua?

  • Tudi bavudija dikalangana anyi? Mushindu kayi utuvua mua kudiakaja?

Kupua moyo bua kutangila ku makazina a Bua Dikankamika dia Bansonga bua ngenyi ya tshibilu ne disadila.

© 2027 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, January 2027. Tshiluba. 20794 760

Tshiakumanya

1. See Russell M. Nelson, “Witnesses, Aaronic Priesthood Quorums, and Young Women Classes,” Ensign or Liahona, Ngondu wa Dikumi ne Umua 2019, 39.