Malongesha a Dialumingu dia FSY

Dialumingu Disatu

3. Longa bia bungi pa malanda eba ne Nzambi

Consider the Lilies {Ela meji bua LIlies} , kudi Eva Timothy

Nzambi Tatu udi Muntu wa ku Mutu utudi tuitabuja, utudi tukukuikala, ne utudi tusambila. Udi muenji wa bulongolodi bua lupandu. Udi mutumbishibua, muakana, ne wa tshiendelela. Udi Tatu wa nyuma yetu, ne mmutumanya. Tudi bonsu dîku dia Nzambi. Tuvua basomba ne baledi betu ba mu diûlu kumpala kua tuetu kulua pa buloba.

Eyi idi imua nkonku ne bibilu bia dilonga biwudi mua kuteta:

• Udi musua kumanya bia bungi pa Tatu wa mu Diûlu anyi?

  Nzambi udi tatu weba, ne udi muanenda. Mmukunanga mu bujima, ne Udi utabelela ntatu yeba, moyo weba, ne malu eba alualua. Tangila mifundu eyi, mu dikeba bintu bidi bilongesha pa Yeya: Matayo 5:48; 2 Kolinto 1:3–4; Ebelu 12:9; Mosiya 4:9; Dilongesha Bupingidu 130:22. Bishindamena pa biwudi mupeta, mushindu kayi uwudi mua kukumbaja biambilu ebi?

  Ndi mumanya ne Nzambi _______________. Bua bualu ebu, ndi mua (anyi ne) ________________________.

  Ndi mumanya ne Nzambi _______________. Bua bualu ebu, ndi mua (anyi ne) ________________________.

  Ndi mumanya ne Nzambi _______________. Bua bualu ebu, ndi mua (anyi ne) ________________________.

• Mushindu kayi udi dimanya ne udi muana wa Nzambi dikupesha makanda?

  Mose wakalonga mu tshimônyi tshia ku diûlu ne uvua muana wa Nzambi. Udi mua kubala dimanya dienda mu Mose 1:1–11. Dimanya edi dia kambuluisha Mose pavua Satana muteta bua kumudinga. Pawudi ubala tunungu 12–18, jandula mushindu uvua Mose mupeta makanda ku divuluka ne uvua muana wa Nzambi.

  Tshilejilu, bala Dilongesha ne Bipungidi 25:1–3 bua kumona tshivua Mukalenga muambila Emma Smith. Mushindu kayi udi dimanya ne udi muana wa Nzambi dikuambuluisha?

• Mushindu kayi udi divuluka ne muntu yonsu udi muana wa Nzambi dikuambuluisha bua umona bakuabu mushindu mukuabu?

  Ela meji bua bantu badi bakunyunguluka. Tudi bonsu bashilangana. Tudi bonsu muntu nkayenda. Pawudi uvuluka ne muntu yonsu udi muana wa Nzambi, mushindu kayi udi etshi tshilenga mushindu uwudi umvua pa yeya—ne mushindu uwudi usomba nenda? Bala 2 Nefi 26:33 ne jandula mushindu udi Nzambi nzambi usomba ne bana Benda.

Biambuluishi Bikuabu

• Buludiki ku Mifundu, “Tatu mu Diûlu”

• “Nzambu Udi Tatu wa mu Diûlu wa Dinanga,” Longesha Lumu Luimpa Luanyi, 33–34

• Biena Bualu ne Nkonku “Bana ba Nzambi,” “Nzambi Tatu” (Tshisangi tshia Mikanda ya Lumu Luimpa)

Kupu moyo pa dibikila ku buludiki bua FSY. Peta makanda mu Kilisto!

© 2027 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, January 2027. Tshiluba. 20794 760