Lungenyi bua Tshibilu tshia Bansonga

Yezu Kilisto—Pankatshinkatshi pa Bulongolodi

Kipatshila

Sangisha dinaya didi dileja mudimu wa Mupandishi pankatshinkatshi pa bulongolodi bua lupandu bua Tatu wa mu Diûlu.

Bintu Bidi Bijingibua

• Tshimfuanyi tshimua anyi bia bungi, tshikosolola mu bitupa bua kunaya, ne Yezu Kilisto bu pankatshinkatshi pa tshipesa. Ebi bidi bimua bilejilu bia bimfuanyi bidi mua kuenjibua:

  • Tshilejilu tshia 1

    

  • Tshilejilu tshia 2

    

  • Tshilejilu tshia 3

    

  • Tshilejilu tshia 4

    

Maludiki

• Sokoka tupesa tua tshimfuanyi munda mua tshibambalu anyi nzubu. Fila bimanyinu bidi mua kulombola ku tshipesa ne ku tshikuabu. Bua diteta dikumbaja, udi mua kuakula pa bipumbishi anyi kulomba bansonga bua bandamuna ku lukonku, bandamuna ku kasumuinu, anyi kuteka muaku mu bulongama kumpala bua kupeta kapesa ka tshimfuanyi. Udi kabidi mua kulongolola tupesa tua bimfuanyi tua bungi bua ne tusumbu tua bansonga tumona mua kukuata mudimu pa tupesa tua bimfuanyi musangu umua.

Tuakula Pa Bualu Ebu

Panyima pa bansonga basangisha tupesa tua bimfuanyi, bambuluisha bua kuelekeja tshibilu etshi ku dimanya dietu dia mu tshifuaka.

• Imua ntatu, bimpumbishi, anyi nkonku kayi bitudi tuluangana nabi? Mushindu kayi udi dimanya dieba dia bulongolodi bua lupandu dikuambuluisha?

• Mushindu kayi udi dimanya pa bulongolodi bua lupandu diambuluisha pawudi ne mapangadika a mushinga a kuangata?

• Mushindu kayi udi bulongolodi bua lupandu, bu tupesa tua tshimfuanyi, mua kuikala katuyi tukumbana kakuyi Yezu Kilisto? Mushindu kayi utuamulama pankatshi pa mioyo yetu?

Nudi mua kuenzela kabidi tshibilu tshia tupesa tua bimfuanyi bu tshipolu tshia kuakula pa dipeta dibenesha dia nkambua mukulu. Nudi mua kuyukila pa mushindu udi dibenesha dia Nkambua Mukulu dituambuluisha mu bikondu bia “disangisha tupesa tua tshimfuanyi” mu mioyo yetu. Kankamika bansonga bua badilongolola bua kupeta dibenesha diabu dia Nkambua Mukulu ne badilonga misangu yonsu.

© 2027 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, January 2027. Tshiluba. 20794 760