Punaoa Fou

O punaoa na maua talu ai nei e fesoasoani ai i tagata o le ekalesia ia ola i le talalelei, faamalolosia o latou aiga, ma faatautaia tiutetauave o le Ekalesia.

Tala o le Feagaiga Tuai

O lenei tusi ata ua faafouina nei ata ma tusitusiga o le a fesoasoani i aiga i a latou suesuega i le fale. O le tusi ua toe faafouina ua silia ma le 350 ata fou. O tala uma na muamua atu ua toe tusia, e iva tala ua faaopoopoina, ma ua faaliliuina le tusi i gagana e 63. O vitio ma faamatalaga faaotiō ua atiina ae i gagana e 10 mo tala taitasi. O Tala o le Feagaiga Tuai ma ona vitio o loo avatu faatasi ai o loo maua i le initoneti i le scripturesto.ries.ChurchofJesusChrist.org, i le Gospel Library ma polokalama o le Talalelei mo Tamaiti, ma luga o le YouTube. E mafai ona maua le lomiga lolomi e ala i le store.ChurchofJesusChrist.org po o faletusi autu.

O Musalemi ma le Au Paia o Aso e Gata Ai: Talitonuga, Tulaga Faatauaina, ma Tifiga o le Olaga

O lenei tamaitusi fou o loo folasia atu ai musalemi (soo o Isalama) ma le Au Paia o Aso e Gata Ai le tasi i le isi. Sa muai tuuina mai e Elders David A. Bednar ma Gerrit W. Gong o le Korama a Aposetolo e Toasefululua i le taimi o se konafesi i le Isalama i le Iunivesite o Polika Iaga ia Oketopa 2021. O loo maua le tamaitusi i le Gospel Library (i le ChurchofJesusChrist.org po o le polokalama feaveai) i le faa-Arapi, Igilisi, Farsi, Farani, Siamani, Rusia, Sipaniolo, ma le Take. I le Gospel Library, alu i Tusi ma Lesona ona tatala lea o Sootaga a Ekalesia Soofaatasi.

Avanoa o Sikolasipi

Ua ofoina atu nei e le BYU–Pathway Worldwide se avanoa faasikolasipi i tamaiti aoga uma, e faavae i luga o tulaga manaomia. E leai se tulaga manaomia o faatinoga faaleaoaoga e agavaa ai mo le sikolasipi. O tamaiti aoga lesitala o le PathwayConnect e tatau ona faamaeaina se vaega o faamatalaga.

Mauaina o le Malosi i le Alii: Maufetuunai Faalelagona

Ua maua nei lenei kosi o le ola tutoatasi i le Alepania, Saina, Siekisolovakia, Tenimaka, Take, Igilisi, Farani, Siamani, Hanikeri, Italia, Iapani, Korea, Potukale, Rusia, ma le Sipaniolo.

Taiala mo Valaauga

O taiala fou mo valaauga faaletaitai e fesoasoani i taitai o Tamaitai Talavou e faufautua i le autalavou. Ina ia maua taiala i le Gospel Library, alu i Tusitaulima ma Valaauga, sosoo ai ma Valaauga o Uarota po o Paranesi ona sosoo ai lea ma Tamaitai Talavou. E mafai ona maua nisi faamatalaga faaopoopo i le YoungWomen.ChurchofJesusChrist.org.

Faamatalaga e Faafesootai Ai

O Au Paia o Aso e Gata Ai sa auauna atu i se misiona talu mai le 2000 ua mafai nei ona faasoa atu a latou faamatalaga fesootai ma o latou taitai misiona sa i ai muamua e ala i se tusitaiala fou o le misiona i le polokalama o Meafaigaluega a Tagata o le Ekalesia. O le filifili e alu i totonu, e faataga ai e se na avea ma faifeautalai ia taitai misiona e vaai i lona igoa ma faamatalaga e faafesootai ai. Ona mafai lea e taitai misiona ona faaaoga lenei faamatalaga e fesootai ai ma faifeautalai, taitoatasi ma i se vaega.

Talalelei mo Tamaiti

O le alaata lea o le Youtube ua maua nei i le gagana Peretania, Potukale, ma le Sipaniolo. O le vaega fou o le Gospel Library ua ta‘ua o Tamaiti ua faatagaina ai tamaiti e auai i tala, vitio, ma gaoioiga fesootai.

Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai

O faafouga aupito lata mai ua maea nei i le gagana Peretania, faatasi ai ma isi gagana e mulimuli mai ai i le 2022.