តើអ្នកគិតពីអ្វី ?
ខ្ញុំមិនដែលបានធ្វើអ្វីដែលពិតជាអាក្រក់នោះទេ ។ តើខ្ញុំនៅតែត្រូវការការប្រែចិត្តទេ ?—អ្នកមិនច្បាស់លាស់នៅក្នុងទីក្រុងយូឌិន
ជូនចំពោះអ្នកមិនច្បាស់លាស់
មនុស្សគ្រប់គ្នាត្រូវការការប្រែចិត្ត ដោយសារគ្មាននរណាម្នាក់ល្អឥតខ្ចោះនោះទេ ! ការប្រែចិត្តអាចជាការសាមញ្ញដូចជាការអធិស្ឋានទៅព្រះវរបិតាសួគ៌អំពីថាតើអ្នកមានសុខទុក្ខយ៉ាងណានៅថ្ងៃនេះ ហើយទូលប្រាប់ទ្រង់ថាតើអ្នកចង់ធ្វើឲ្យថ្ងៃស្អែកបានប្រសើរឡើងយ៉ាងដូចម្ដេច ។ យើងទូលសូមការអភ័យទោសពីទ្រង់ ពេលយើងធ្វើអ្វីមួយខុស ហើយទ្រង់អត់ទោសដល់យើង ។ មនុស្សខ្លះគិតថាការប្រែចិត្តជារឿងគួរឲ្យភ័យខ្លាច ។ ប៉ុន្តែវាជារឿងដ៏រីករាយមួយ ! ការប្រែចិត្តគឺជាអំណោយដែលព្រះយេស៊ូវគ្រីស្ទប្រទានដល់យើង ដើម្បីយើងអាចរៀន លូតលាស់ ផ្លាស់ប្ដូរ ហើយក្លាយកាន់តែដូចទ្រង់ ។ ប្រធានណិលសុនមានប្រសាសន៍ថា យើងគួរតែប្រែចិត្តជារៀងរាល់ថ្ងៃ ។ ពេលបងប្អូនធ្វើដូច្នោះ បងប្អូននឹងមានអារម្មណ៍នៃភាពសុខសាន្ត និងអំណាចកាន់តែខ្លាំងនៅក្នុងជីវិតបងប្អូន ។
ដោយក្តីស្រឡាញ់
ទស្សនាវដ្តី ប្រិយមិត្ត
សាកល្បងវា !
បងប្អូននឹងត្រូវការនូវ ៖
អំបិល
ម្រេចខ្មៅ
ស្លាបព្រាផ្លាស្ទិច
កន្សែង
-
ចាក់អំបិលខ្លះចូលក្នុងចានមួយ ។ ការណ៍នេះតំណាងឲ្យរបៀបដែលយើងបរិសុទ្ធ ហើយស្អាតស្អំមុននឹងយើងធ្វើអំពើបាប ។
-
ចាក់ម្រេចចូលពីលើអំបិល ។ ការណ៍នេះតំណាងឲ្យជម្រើសខុសឆ្គងដែលយើងបានធ្វើ ។
-
ឥឡូវនេះ យកស្លាបព្រាផ្លាស្ទិច ហើយត្រដុសវានឹងកន្សែង ។
-
រំកិលស្លាបព្រាយឺតៗនៅខាងលើអំបិល និងម្រេច ។ ម្រេចនឹងតោងជាប់នឹងស្លាបព្រា ! វាដូចជាការអភ័យទោសដែរ នៅពេលយើងប្រែចិត្ត ។
ដូចជាស្លាបព្រាបានយកម្រេចចេញនៅក្នុងសកម្មភាពនេះ ការប្រែចិត្តអាចធ្វើឲ្យយើងស្អាតស្អំពីជម្រើសខុសឆ្គងដែលយើងបានធ្វើជារៀងរាល់ថ្ងៃ—ទោះតូច ឬធំ ។ ដោយសារព្រះយេស៊ូវគ្រីស្ទ និងដង្វាយធួនរបស់ទ្រង់ យើងទាំងអស់គ្នាមានឱកាសដើម្បីប្រែចិត្ត ។