O le a Se Mea o i Lou Mafaufau?
Ua lata mai le taimi o le a ou alu ai i le malumalu mo le taimi muamua, ma ua ou popole teisi e uiga i le faatalanoaga mo le malumalu. O a ituaiga o fesili o le a fesili mai ai le epikopo? —Anxious i Akapuko
Le Pele Anxious,
O le lisi o loo i lalo e faaali atu ai ituaiga o mea o le a talanoa atu ai lou epikopo po o le peresitene o le paranesi ia te oe. E mafai ona e fesili ia te ia pe afai e te le malamalama po o le a le uiga o se mea. E mafai foi ona lua iai ma sou matua pe afai e te manao ai.
Matou te alolofa ia te oe!
O Le Uo
-
E te faatuatua le Tamā Faalelagi, Iesu Keriso, ma le Agaga Paia?
-
E te lagolagoina ou taitai o le Ekalesia (e pei o le perofeta, o aposetolo, ma lou epikopo)?
-
E te tausia lou mafaufau ma lou tino ia mama ma lē ponā?
-
E te taumafai malosi e tausia feagaiga sa e faia ina ua e papatiso?
-
E te mulimuli i poloaiga?
-
E te faamaoni?
-
E te totogiina atoa se 10-pasene o lau sefuluai?
-
E te tausia le Upu o le Poto?
-
Pe e te talitonu ua e agavaa e te ulu atu i le maota o le Alii?
E tusa lava pe e te le o alu i le malumalu i le taimi lava lenei, e mafai lava ona maua sou pepa faataga o le malumalu pe afai o loo e i Tamaitai Talavou pe umia le Perisitua Arona. E fesoasoani ai ia te oe e manatua ia e tumau i le agavaa e te alu ai i le malumalu!