Matua Pele

Dear Parents

O se tausaga manaia lenei mo malumalu i le lalolagi atoa! Ua faapa’iaina malumalu i Italia, Democratic Republic of the Congo, Brazil, Haiti, ma Potukale. E iai nisi malumalu o lo o toe faapaiaina. O lenei mekasini o loo iai ni nai tusiga o loo talanoa mai e uiga i malumalu. E mafai e lau fanau ona:

• Toe iloilo fesili mo le pepa faataga o le malumalu i le (itulau U11).

• Mulimuli ia Mei a o ia aoao e uiga i se tagata o lona aiga o loo manaomia le faia o sauniga o le malumalu (itulau U12–U13).

• Faitau se tala e uiga i se malaga muamua a se tamaitiiti i le malumalu (itulau U14–U15).

E mafai ona maua e lau fanau taimi uma lava o loo faaaogaina ai le upu malumalu i totonu o le mekasini? E mafai ona latou faataitai le tusiina o le fuaiupu “Ou te fia vaai i le malumalu” ma tusi se ata o lo outou aiga i le malumalu. Ma te fiafia lava e vaai i au ata!

Ua faapefea ona faamanuiaina lou olaga e malumalu?

O Le Uo

Auala e Auina Atu ai Galuega Tusiata po o Aafiaga a Lou Alo i le Liahona

Alu i le liahona.ChurchofJesusChrist.org ma kiliki i le “Auina Mai se Tusiga po o ni Manatu Faaalia.” Pe imeli atu i le [e-mail] faatasi ai ma le igoa o lou alo, tausaga, aai e nofo ai, ma lenei faamatalaga o le faatagana: “O a’u, [tuu i totonu lou suafa], ua tuuina atu le faatagana i le Ekalesia a Iesu Keriso o le Au Paia o Aso e Gata Ai e lolomiina le ata poo le tala a la’u tama i totonu o le mekasini a le Ekalesia, uepisaite, ma tekinolosi faaleagafesootai.”