Modula ko og volleyball, modagan sa track and field, ug daghan og basahon. Kon makagahin ko og usa ka adlaw sa pagbuhat og bisan unsa, tingali moadto ko sa baybayon.
Natawo ko sa Chicago, Illinois, apan miabut sa Nauvoo sa dihang gisagop ko. Dili kaayo ko makahinumdom mahitungod sa akong kinabuhi sa wala pa mabutang sa foster care, apan makahinumdom ko nga wala mobati og kasiguroan. Sa dihang misulod ko sa foster care, mibati ko nga luwas. Ganahan ko nga makabaton sa ebanghelyo. Ang pipila sa akong mga higala nabutang sa pipila ka makahahadlok nga mga sitwasyon tungod kay wala sila mosunod sa among mga sumbanan. Nasayud ko nga ang pagsunod sa mga sugo nakahimo kanako nga luwas.
Nindot kaayo kadto nga kasinatian nga makakita sa akong pamilya. Ang akong mama miadto sa preschool nga akong gitambongan tungod kay mitabang siya pagpuli sa pagtudlo. Nakigdula siya kanako, ug gisultihan niya ang usa sa mga magtutudlo nga gusto niyang dad-on ko sa ilang panimalay tungod kay makalingaw kaayo ko nga bata. Ang magtutudlo miingon, “Ipasagop na siya, busa mahimo tingali!” Gisusi sa akong mama ang proseso ug gisagop ko ug ang akong duha ka mga igsoon nga lalaki. Nindot kaayo kadto tungod kay nasayud ko kon sama sa unsa ang walay pamilya, ug nahimo niining mas espesyal ang pagkaangkon og pamilya.