Hello gikan sa Cambodia!
Hi, ako si Paolo. Ug kini si Margo.
Mibisita kami sa Cambodia. Mao kini ang among nakat-unan!
Ang Cambodia usa ka nasud sa Habagatang Silangang Asia [Southeast Asia]. Mga 15 ka milyon ka tawo ang nagpuyo didto, nga adunay mga 14,000 ka mga miyembro sa Simbahan.
Mao kini ang Cambodian nga Basahon ni Mormon. Ang pinulongan sa Cambodia gitawag og Khmer (kuh-MY). Ang alpabeto niini adunay 74 ka mga titik—ang labing daghan sa bisan unsang alpabeto sa kalibutan!
Kini nga mga miyembro sa Simbahan mitimbaya sa usag usa sa naandang paagi sa taga-Cambodia, nga gitawag og sampeah. Kon mas taas ang inyong mga kamot, mas taas nga pagtahud ang inyong gipakita.
Kadaghanan sa mga bata sa Cambodia moadto sa eskwelahan ug sa simbahan pinaagi sa motorsiklo uban sa usa ka ginikanan. O mosakay sila og tuk tuk—usa ka karwahe nga gibitad og motorsiklo.
Daghan nga mga pagkaon sa Cambodia ang gigamitan og prahok, usa ka aslom ug parat nga pangsakot gikan sa isda. Kini nga mga miyembro sa Simbahan mihimo og dakong kaldero sa sabaw aron dungan nga mangaon diha sa stake center sa sal-ang nga oras sa mga sesyon sa kinatibuk-ang komperensya.
Daghang mga bata sa Primary sa Cambodia mao lamang ang mga Kristiyano sa ilang eskwelahan. Tungod kana kay kadaghanan sa mga tawo sa Cambodia nagsunod sa relihiyon nga gitawag og Buddhism. Ang ilang relihiyon nagtudlo kanila nga magmatinuoron, malinawon, ug maalamon. Ania ang usa ka inila nga Buddhist nga monumento sa Cambodia nga bisitahon sa mga tawo gikan sa tibuok kalibutan.
Si Presidente Nelson mipahibalo sa miaging tuig nga ang unang templo sa Cambodia pagatukuron sa Phnom Penh, ang ulohan nga siyudad! Ang templo makatabang sa mga pamilya nga sama niini nga mahiusa pagsilyo sa kahangturan.
Salamat sa pagsuroy sa Cambodia uban kanamo. Magkita-kita ta sa sunod higayon!