Mga Apostoles sa tibuok Kalibutan
Si Elder Christofferson Mibisita sa Pilipinas
Ang mga Apostoles mobiyahe sa tibuok kalibutan aron sa pagpangalagad sa katawhan ug sa pagtudlo kanila mahitungod ni Jesukristo.
Si Elder D. Todd Christofferson ug Sister Kathy Christofferson mibisita sa mga miyembro sa Simbahan sa Pilipinas. Usa kini ka nasud nga gilangkuban og sobra sa 7,000 ka mga isla. Ug kini adunay sobra sa 770,000 ka mga miyembro sa Simbahan!
Mitudlo si Elder Christofferson:
Pagmabination ug atimana ang uban. Mao kini ang gitawag og pagpangalagad.
Sunda ang mga baruganan sa ebanghelyo—ang tanan niini!
Ipaambit ang ebanghelyo sa uban.
Daghang mga miyembro sa Simbahan nga gikan sa Pilipinas—ilabi na sa batan-on nga mga babaye—miserbisyo og misyon. Miingon si Elder Christofferson nga naila sila nga maayo sa pagkat-on og mga pinulongan.
Miingon si Elder Christofferson nga kon mobisita ka sa Pilipinas, mopauli ka nga malipayon!
“Ang gagmay nga mga butang ang adunay dakong impluwensiya sa mga kinabuhi sa mga indibidwal ug mga pamilya.” —Elder D. Todd Christofferson