Kabatan-onan
Ganahan ko sa Family History! Dili ko kanunay ganahan sa buhat sa family history. Nausab kana sa dihang nabunyagan ko alang sa usa sa akong katigulangan sa Chile Santiago Temple.
Usa ko ka deacon sa unang higayon nga miadto ko sa templo. Sa dihang mosulod na ko sa bunyaganan, gibati nako ang presensya sa usa ka tawo nga misulod sa kwarto. Mitan-aw ko ug nakita ang usa ka tigulang nga tawo nga nagsul-ob og daan nga sinina. Gibati nako ang iyang gugma ug pasalamat kanako tungod kay nagbuhat ko sa iyang puli [vicarious] nga buhat. Human ako mabunyagi alang kaniya ug mihaw-as gikan sa tubig, nangita ko kaniya, pero wala na siya.
Nagtuo ko nga ang templo mao ang mohatag sa mga ngalan alang sa buhat sa templo, mao nga wala ko mainteresado sa pagsiksik sa family history. Apan kini nga kasinatian nakapadasig nako mahitungod sa pagpangita sa akong kaugalingong mga ngalan sa pamilya.
Usa ka adlaw migamit ko sa akong computer ug nakakita nga duna koy email gikan sa Simbahan nga dunay ngalan sa pamilya. Gibati nako nga kinahanglan ko nga magsiksik og dugang nga mga ngalan, mao nga akong gipangutana ang akong inahan unsaon nako nga epektibong makapangita sa mga ngalan ug makakolekta og dugang nga impormasyon mahitungod sa akong mga katigulangan.
Sa pagkakaron, nakakita ko og 11 ka ngalan sa pamilya, ug nasayud ko nga makakita pa og dugang. Kining mga tawhana wala gayuy oportunidad nga mabunyagan samtang dinhi pa sila sa yuta, ug naghulat sila og taas nga panahon nga mahimo ang ilang buhat sa templo. Nalipay ko nga makatabang kanila pinaagi sa buhat sa templo ug family history.
Lucas,16, Santiago, Chile