Tuusao i le Mataupu
Pe o se molimau e sili atu nai lo na o ni lagona?
O se molimau o le mea lea na fetalai atu ai le Faaola ina ua Ia ta’u atu ia Peteru; “E le se tagata na ia faaali atu ai ia te oe, a o lo’u Tama o i le lagi” (Mataio 16:17). O se mlamalama mai le Atua e faaalia e ala mai i le Agaga Paia.
O le Agaga Paia e fetalai mai i se leo tatou te lagonaina tele nai lo le faalogo ai; ae e oo mai i “lou mafaufau ma i lou loto” (MF&F 8:2; faamamafa ua faaopoopo)—o o tatou mafaufauga faapea foi o tatou lagona.
Na faamatalaina e le Perofeta o Iosefa Samita, “o le agaga o faaaliga o se “lagona o le atamai mama a’ia’i e tafe atu ia te oe, [ma avatu ai] faafuasei ai ia te oe manatu” (Aoaoga a Peresitene o le Ekalesia: Iosefa Samita [2007], 132).
Pe a tatou liliu atu o tatou mafaufau ma loto—o tatou manatu, lagona, ma naunauga—i le Atua, e mafai e Ia ona fetalai i o tatou mafaufau ma loto i se siufofoga itiiti, toafilemu o le Agaga Paia. A o Ia fesootai ma o tatou agaga, e foliga mai e i ai lagona ma mafaufauga patino e tafe mai ia i tatou. O le molimau lena Na te tuuina ai ia i tatou.