Tietie ia latou Uila

Saunia e Elder Carl Maurer

O nisi taimi tatou te mananao ai e fesoasoani atu i isi peitai e le lava se malamalama i mea o tutupu i o latou olaga e faia ai se eseesega. Pe a tatou tausia, alofa ma malamalama i se tasi, ma ua taitaia e le agaga, e mafai ona tatou aapa atu ma le manuia i o latou manaoga taitoatasi.

O a nisi auala e mafai ona tatou auauna atu ai ma le lelei atili i tagata tatou te alolofa i ai?

Ua aoao mai i tatou e Peresitene Russell M. Nelson (Sauniga Faaleautaitai o le Konafesi Aoao ia Mati 2018) ao tatou auauna atu i le ala a le Faaola “. . . o le a tatala faitotoa, ma o le a faamanuiaina tagata. O le a faamaloloina loto ma faamamaina avega”.

Ou te manatua se aafiaga na faasoa mai e se faifeautalai tamaitai i se tusi sa ia tusiina mai ia te a’u. Na i ai se aafiaga ia te a’u talu mai lena taimi.

Ua fa ma le afa masina o auauna atu lenei faifeautalai tamaitai ma lana soa. Sa avea Sister Madsen ma se faifeautalai tamaitai tuuto, usiusitai ma naunautai. Sa ia galue ma le malosi
ma fiafia e tietie saoasaoa i lana uila e agai atu i taimi ua faatulagaina.

O le soa a Sister Madsen o se tagata agalelei, faifaimalie ma e sau mai se tamai motu i le Pasefika.

Ao lei alu i lana misiona, sa filemu ma sili ona sologa lelei le olaga. O le avea la ma soa ia Sister Madsen, ma o la olaga pisi i le taeao ma tietie solo ia la’ua uila na tau faamasani i ai.

I se tasi aso ao tietie atu i se feiloaiga sa faatulagaina, sa amata ona faifaiaga teisi lana soa nai lo le tulaga masani ai ma amata ona le lava le onosai o Sister Madsen. Ao atili ai ona ia le fiafia sa amata ona ia pesepese ao ia vilivili atu—ma faatalitali mo lana soa. “O loo ou taumafai e avea e faapei o Iesu, alofa e pei o Ia, i a’u mea uma e fai, o loo ou taumafai e alofa i la’u soa i a’u mea uma e fai”.

I le faalogo atu ai i nisi tomumu e uiga i le tietie i le uila, sa mafaufau Sister Madsen ia te ia lava, e le fia manao o ia [lana soa] e fai le galuega i la’u auala. Ina ua toeitiiti atoa le kilomita o la o, na iu lava ina tu lana soa ma valaau mai, “Sister Madsen . . . UA OU OTI!”

Sa faliu atu Sister Madsen ma ua matua le fiafia lava, “Ua lelei, aumai ia te a’u lau uila, ae tietie i la’u uila mo se taimi!” I le taimi lava lena sa ia matuai faamaualalo lava. Na loka e le taofi pito i tua le pa’u ma le mafai ai ona matala. “E le mafai ona ou tietie mo se 100 mita i lana uila!”, na ia fai mai ai, “ao lea ua ou tosoina o ia e toeitiiti lava atoa le kilomita. Ou te ofo i lona mafai ona oo mai i le mamao lea ua ia oo mai i ai”.

Sa tomanatu talu ai nei Sister Madsen “Ou te lei atoatoa i le 10 tausaga ua tuanai (talu ona ou toe foi mai le misiona) ae talu mai lava lena taimi sa ou taumafai e avea ma se vaega o lo’u tagata le ‘tietie i le uila a le isi tagata’ pe a ou fia iloa manaoga o isi”.

O le a se mea o faamamafa mai e lenei aafiaga mo i tatou ma le auala e mafai ona tatou auauna atu ai i le ala a le Faaola?

Tagai mo ni auala e faatele ai lo tatou tausiga faaKeriso o isi. O le uiga o lenei mea o le iloaina ma le malamalama i o latou manaoga i le faaleagaga ma le faaletino. Ao tatou tatalo mo uiga faaKeriso ma atiina ae le faatuatua, filiga, onosai ma le talitiga (Alema 32:41–43), o le a mafai atili ona tatou auauna atu e pei ona faia e le Faaola.
E mafai ona tatou tatalo mo le uunaiga. Tauivi ia malamalama ma vaai atu i manaoga o i latou e te auauna atu i ai. Tatalo mo ni auala e faamanuia ai Lana fanau ina ia fesoasoani ia i latou ia ola ai i le talalelei ma ia atili ona ola tutoatasi. Atonu e le oo uma mai i le taimi e tasi nei musumusuga ae o le a oo mai ao faaauau pea ona tatou tatalo atu, mafaufau loloto ma mulimuli i mafaufauga ma manatu lea e oo mai ia i tatou.
E mafai ona tatou fesili atu, matau ma faalogo. Ia lava le popole e tuuina atu ai ni fesili musuia, fesili atu pe o a mai latou ma tu e tilotilo, matau ma faalogo e ono mafai ai ona tatou fetaiai vave ma ni manaoga moni. E tatau ona tatou “. . . loto e faanoanoa faatasi ma e e faanoanoa; ioe, ma faamafanafana atu ia te i latou o e e manaomia le faamafanafanaga” (Mosaea 18:9).
Galue e taulimaina manaoga. Ao tatou auauna atu, tatou te “fuafua e ala atu i fesootaiga ma uunaiga le faisoo ma le ituaiga o faafesootaiga ua [tatou] faia ma i latou [tatou] te tuuina atu i ai le tausiga” (“Auaunaga, Fesili e Fesiligia Soo”).

Ao faaauau pea ona tatou taumafai ia avea e faapei o lo tatou Faaola o Iesu Keriso i le tausiga o le tasi ma le isi o le a Ia fesoasoani mai ia i tatou. Na te valaaulia mai i tatou ia avea e faapei o Ia (Mataio 5:48). Na te saunia le tausiga faifaipea i Ana fanau o le feagaiga, e masani lava e ala mai ia i tatou. O le togiola a Iesu Keriso e tuuina mai ai le mana tatou te manaomia e faamanuia ai i tatou ao tatou aapa atu e faamanuia isi. E finagalo le Faaola ia tatou iloa le auala ia alofa moni ai lava i le tasi ma le isi.

Ou te tatalo ina ia tatou faia nisi mea ia malamalama atili ai i fanau uma a le Atua, ia tietie i a latou Uila ao tatou auauna atu e faafetaiaia manaoga. Ao tatou faia lenei mea o le a tatou vaaia le faateleina o le faatuatua i le Tama Faalelagi ma Iesu Keriso ma Lana Togiola, lea e faamalosia ai tagata ma aiga e ala i sauniga ma feagaiga. (MF&F 20:47,53; Tusitaulima 2, 9.1.1).