Reading Club sa Basahon ni Mormon
Apil pinaagi sa pagbasa sa Basahon ni Mormon! Pwede ra nga magbasa ka sa imong kaugalingon, sa imong pamilya, o uban sa higala. Dayon padad-i kami og imong litrato nga nagbasa sa Basahon ni Mormon ug sultihi kami mahitungod sa butang nga imong nakat-unan o sa paborito nimong istorya gikan sa Basahon ni Mormon. Ipadala kini sa liahona.lds.org (i-klik ang “Submit an Article”).
Kasulatan niining bulana: Moroni 10:4
“… Kon kamo mangutana sa kinasingkasing, uban sa tinuod nga katuyoan, nga may hugot nga pagtuo kang Kristo, siya mopakita sa kamatuoran niini nganha kaninyo, pinaagi sa gahum sa Espiritu Santo.”
Ang akong paborito nga istorya gikan sa Basahon ni Mormon makita diha sa 3 Nephi 17, ug mahitungod kini ni Jesus nga mipanalangin sa mga bata. Ganahan ko sa istorya tungod kay nagsulti kini kanato kon unsa kita kamahal ni Jesus ug sa Langitnong Amahan. Gibati nako nga sama sa mga bata, ug mahunahuna nako ang akong kaugalingon nga nagbarug didto.
Barbora J., edad 11, Czech Republic
Ganahan ko sa Basahon ni Mormon tungod kay tinuod kini nga basahon. Gisulat kini sa mga propeta. Nagtabang kini kanako sa pagpili sa matarung, ug kon aduna akoy mga problema, nagtabang kini kanako. Nagtuo ako niini.
Jason S., edad 10, Maharashtra, India