Mubo ug Direkta
Ang pagpamatuod sobra pa ba kay sa mga pagbati lang?
Ang pagpamatuod maoy gihisgutan sa Manluluwas sa dihang miingon Siya kang Pedro, “Kay wala kini ipadayag kanimog tawo, kondili gipadayag kini kanimo sa akong Amahan nga anaa sa langit” (Mateo 16:17). Kahibalo kini gikan sa Dios nga gipadayag pinaagi sa Espiritu Santo.
Ang Espiritu Santo mamulong sa usa ka tingog nga mas bation nato kay sa madunggan nato, apan kini moabut “diha sa imong hunahuna ug sa imong kasingkasing” (D&P 8:2)—sa atong mga hunahuna ingon man sa atong mga pagbati.
Si Propeta Joseph Smith mihulagway sa espiritu sa pagpadayag isip usa ka pagbati sa “lunsay nga salabutan [nga] nagdagayday diha kanimo, [naghatag] kanimo og hinanaling pagsantup sa mga ideya” (Mga Pagtulun-an sa mga Presidente sa Simbahan: Joseph Smith [2007], 154).
Kon atong itumong ang atong mga hunahuna ug kasingkasing—atong mga hunahuna, mga pagbati, ug mga tinguha—sa Dios, mahimo Siyang mamulong sa atong mga hunahuna ug kasingkasing uban sa ligdong, hinagawhaw nga tingog sa Espiritu Santo. Samtang makigsulti Siya sa atong mga espiritu, ang piho nga mga pagbati ug mga hunahuna daw moabut ngari kanato. Mao kini ang pagpamatuod nga Iyang gihatag kanato.