Mga Istorya sa Kasulatan
Si Ester nga Rayna
Gikan sa Ester 2–8.
Si Ester usa ka rayna. Naminyo siya sa hari sa Persia.
Ang hari adunay higala kinsa usa ka dautan nga tawo. Gilingla niya ang hari sa paghimo og balaod nga kinahanglang patyon ang tanan nga mga Judeo! Wala masayud ang hari nga ang iyang asawa, si Ester, usa ka Judeo.
Nakahukom si Ester nga hangyoon ang iyang bana, ang hari, sa pagluwas sa iyang katawhan. Apan nabalaka siya nga basin masuko ang hari. Gihangyo ni Ester ang tanang Judeo sa pagpuasa ug pag-ampo alang kaniya. Dayon miadto si Ester sa hari. Wala siya masuko!
Gidapit ni Ester ngadto sa usa ka panihapon ang hari ug ang higala sa hari. Diha sa panihapon, si Ester misulti sa hari nga siya usa ka Judeo. Nasuko ang hari nga gilingla siya sa iyang higala. Iyang sultihan ang mga Judeo nga makapanalipod sila sa ilang kaugalingon. Nakatabang si Ester sa pagluwas sa iyang katawhan!
Mahimo kitang mag-ampo aron mangayo og tabang sa Langitnong Amahan. Mahimo kitang magmaisugon ug dili mahadlok, sama ni Ester.