Ipadan-ag ang Imong Kahayag
Pag-amuma ug Pagpaambit
Malo e lelei!Ako si Lui, ug mapadan-ag nako ang akong kahayag pinaagi sa pagpaambit ngadto sa uban sa unsay anaa nako.
Usa ka Dakong Isla ug usa ka Dakong Pamilya
Nagpuyo ko sa usa ka dakong isla sa Tonga. Ako dunay unom ka mga igsoong babaye ug upat ka mga igsoong lalaki, ug nagpuyo ko duol sa Nuku’alofa Tonga Temple.
Ganahan og Science
Duna kami daghang nindot nga mga tanom ug mga hayop sa among isla. Grade four ko sa Ocean of Light Primary School, ug ang science mao ang akong paboritong subject.
Pagpaambit sa Among Pagkaon
Nagtanom ang akong papa og mga lagutmon, mao nga daghan kami og makaon. Pero daghang biyuda (mga babaye kansang mga bana nangamatay na) ug ubang mga pamilya walay kaugalingon nilang mga lagutmon. Mao nga ang akong mga ginikanan magdala kanila og pipila sa unsay anaa namo. Ganahan kong mokuyog aron motabang!
Motabang pinaagi sa mga Bunot
Ang mga biyuda nga among bisitahan naggamit og mga bunot sa lubi aron isugnod sa pagluto sa ilang pagkaon. Kon magdala na kami og pagkaon ngadto nila, kanunay nakong pahinumduman ang akong mga ginikanan nga magdala usab og mga bunot sa lubi. Motabang ko sa pagkarga sa mga bunot diha sa van ug sa pagdiskarga niini kon moabut na kami sa mga balay sa mga biyuda.
Mga Panalangin sa Pagtabang
Gihatagan ko og dagkong mga panalangin sa Langitnong Amahan sa dihang mitabang ko sa uban—dili mga panalangin sa kwarta pero mga panalangin sa kaalam ug kahibalo. Kanunay kong ganahan nga motabang ug mopaambit ngadto sa uban sa unsay anaa nako.