Mga Istorya sa Kasulatan
Ana ug Samuel
Gikan sa 1 Samuel 1–3.
Mibati og Hilabihang Kaguol si Ana nga siya wala makaanak. Nag-ampo siya sulod sa templo. Misaad siya nga kon manganak siya og lalaki padakuon niya kini nga magserbisyo sa Dios.
Si Ana ug ang iyang bana nakaanak gayud! Ginganlan siya ni Ana og Samuel. Nasayud siya nga ang Dios mitubag sa iyang mga pag-ampo.
Dihang mitubo na si Samuel, gituman ni Ana ang iyang saad. Gihangyo niya si Eli, ang pari sa templo, nga tudloan si Samuel unsaon sa pagserbisyo sa Dios. Mitabang si Eli sa pag-atiman ni Samuel.
Usa ka gabii samtang naa sa higdaanan si Samuel, nakadungog siya og tingog. Nangutana siya kon si Eli ba ang mitawag kaniya. Miingon si Eli nga ang Dios misulay sa pagpakigsulti kang Samuel. Sa pagkasunod nga nadungog na usab ni Samuel ang tingog, naminaw siya. Dayon ang Dios namulong kang Samuel. Naminaw si Samuel sa Dios ug misunod Kaniya.
Makahimo ra ko sa pagkat-on mahitungod sa Dios ug mosunod sa Iyang mga sugo!