Ipadan-ag ang Imong Kahayag

Usa ka Higala ug Misyonaryo

A Friend and a Missionary

Kumusta! Ang akong ngalan si Juan Bautista, ug taga Argentina ko. Akong gipadan-ag ang akong kahayag pinaagi sa pagpaambit sa ebanghelyo.

Suod nga Managhigala

Ang suod nakong higala nga si Facundo ug ako nagkaila sukad sa singko anyos pa mi. Pareho kaming ganahan og football! Gidapit nako siya sa daghang kalihokan sa Simbahan.

Unang Pangutana ni Facundo

Dihang si Facundo kauban namo sa pagpanihapon, nangutana siya, “Nganong mag-ampo kanunay ang inyong pamilya?” Miingon ko tungod kay ang Langitnong Amahan mipanalangin kanamo, ug mao kini ang among paagi sa pagpasalamat Kaniya. Natingala siya!

Family Home Evening

Miadto si Facundo sa usa ka family home evening dihang ang akong igsoon nga si Benjamin nangandam para sa bunyag. Gibati ni Facundo ang Espiritu, ug mihangyo kon pwede ba usab siyang magpabunyag! Nakig-istorya dayon ang akong Papa sa mga ginikanan ni Facundo.

Gitudloan sa mga misyonaryo ang pamilya ni Facundo. Dayon si Facundo ug ang iyang igsoong babaye nga si Augustine nabunyagan! “Misimba ang iyang mga ginikanan, apan wala pa sila mabunyagi.

Ikaduhang Pangutana ni Facundo

Nangutana si Facundo sa akong mama kon makahibalo ba unya siya og daghan sama sa akong nahibaloan mahitungod sa Dios. Mipahiyum siya ug miingon nga kon magtuon siya sa mga kasulatan ug mag-ampo, makakat-on ra siya og daghan pa!

Unsaon Nimo sa Pagdan-ag?

• Pagdapit og higala sa kalihokan sa Simbahan o sa family home evening.

• Pagpakita og maayong ehemplo sa kamabination ug gugma.

• Pag-ampo alang sa tabang ug inspirasyon.

Padad-i Kami og Bitoon!

Mihangyo si Jesus kanato nga “[atong] pasigaon ang [atong] kahayag sa atubangan sa mga tawo” (Mateo 5:16). Unsaon nimo sa pagpadan-ag ang imong kahayag? Paggunting og bitoon ug isulat ang imong istorya diha niini. Hangyoa ang usa ka ginikanan sa pag-email og litrato sa imong bitoon, kauban ang ilang pagtugot, ngadto sa [e-mail].