Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ehemplo.
“Sila Nakakita Kaniya,” pahina 58: Human mabasa ang artikulo sa tibuok pamilya, mahimo nimong hisgutan ang mga paagi nga kamo mahimong mga saksi ni Kristo bisan sa pisikal wala Siya makita. Kamo tingali maghunahuna og mga ideya aron mas maduol sa Manluluwas sama sa pagpangita og mga oportunidad sa pagserbisyo sa mga refugee sa inyong komunidad, pagkat-on mahitungod sa kinabuhi sa Manluluwas atol sa pagtuon sa kasulatan, pagbantay og anak sa usa ka magtiayon aron makatambong sila sa templo, o pagtabang sa usa ka higala nga nanginahanglan. Mahimo usab kang motan-aw og video nga naa sa mormon.org/easter.
“Mangandam alang sa Templo Matag Adlaw,” pahina 69: Mahimo ninyong ikonsiderar ang paghimo og “family history ug temple night” para sa family home evening. Makakat-on kamo unsaon sa pag-index og mga ngalan ug pag-search og mga rekord sa pamilya o paghisgot sa kaimportante sa mga ordinansa sa templo ug pagtan-aw sa mga litrato sa templo sa tibuok kalibutan. Kon duol ra sa templo ang inyong gipuy-an, mahimo kamong mobisita sa mga nataran sa templo ug hisgutan kon sa unsang paagi ang mga templo maghimo natong mas duol sa Langitnong Amahan ug matabangan kitang mobati sa Iyang gugma.