2016
Tuuina Atu o Nisi Mea Nai lo Meaalofa
Tesema 2016

Tuuina Atu o Nisi Mea Nai lo Meaalofa

Saunia e Emmaline R. Wilson

E alala le tusitala i Iuta, ISA.

O le a le ituaiga o tagata foai e te manao e avea ai?

Ata
family at Christmastime

O le vaitau atoa o le Kerisimasi e faatatau i le Faaola, o Iesu Keriso, ma le agaga o le foai atu. Ao mafai ona avea le tuuina atu ma le mauaina mai o ni meaalofa o se mea matagofie, ia manatua e mafai ona sili atu mea e tatou tuuina atu nai lo na o meaalofa faaletino. O aso taitasi e mafai ona tatou tuuina atu o tatou taimi, taleni, ma le agalelei—ma ua na o le pau lena o nisi o auala anoa e mafai ai ona tatou auauna atu.

O lea, o le a le lelei o lou taulai atu i le foai atu ma le le manatu faapito? Ia faia lenei suega puupuu e iloa ai.

Suega puupuu

1O loo e sauni mo le aoga. O loo fai atu lou tina ia te oe e sau i le aiga o le taeao, ma sa ia faaaluina le taimi e sauni ai lau meaai e fiafia i ai. O le a lau mea e fai?

  1. Ee atu, “Ou te lei sauni a!” ona faatuai lea o lau sauni, faatuai na ai i le aiga o le taeao, ma misi ai le pasi ina ia aveina e ia oe i le aoga.

  2. Vave ona ai le aiga o le taeao ma faavave i fafo o le faitotoa; e na te faia lava faapena—o mea e fiafia tina e fai.

  3. Faafetai ia Tina, vave sauni, ma ai lemu ma lou aiga.

2Ua ta le 10:00 i le taeao, ma o le a tufa mai e lau faiaoga se suega. E te le masani lelei i le tagata o loo nofo i ou autafa, ae ua e matauina o loo ia sueina ma le naunautai lau ato faafafa. O le a lau mea e fai?

  1. Aua le amanaiaina o ia. O loo e popole foi ma manaomia e vave suesue mo le suega.

  2. Fai atu ia te ia ia manuia.

  3. Fesili atu ia te ia poo ia sueina se mea. A e faalogo o loo ia manaomia se penitala, e te avatu ia te ia se tasi o au penitala. “Tuu ma oe,” e te tau atu ia te ia ma se ataata.

3I le maea ai o le aoga, o se tasi o le tou au futipolo o loo feagai ma se taimi faigata i le pasiina sao o le polo—o lau taleni lea. E alu atu o ia ina ua maea le toleniga ma fai atu pe mafai ona e fesoasoani ia te ia. O le a sau tala?

  1. Fai atu ia te ia e te pisi tele. Atonu e i ai se isi aso.

  2. Taliaina ma le musua ma faia ni nai pasipasiga ma ia, vave tuu atu ia te se auala e manuia ai a o lei faatopetope atu e eva ma au uo.

  3. Faaalu ni nai minute e tuu atu ia te ia ni auala e manuia ai ma faatulaga se isi taimi e toe toleni faatasi ai.

4I le 5:30 i le afiafi, e tuu oe e lou tina i le faleoloa e faatau ai se meaalofa o le Kerisimasi mo lou uso. O le a le mea e te aumaia?

  1. E faigofie. E te faavave atu i lena polo pasiketipolo sa e manao ai mo le tele o masina. … Atonu e fiafia ai foi o ia, e sao?

  2. Filifili le aitema pito sili ona taugofie i lana lisi—o le a le ita, ma e le taugata tele ia te oe.

  3. Sue le tusi sili ona fou na saunia e lana tusitala sili ona fiafia i ai. Ua tuai ona e vaai i le fiafia i foliga o lou uso pe a ia tatalaina le afifi!

5Ua oo i le taimi e moe ai ma ua e vaivai. Ae, e te lei faitauina lava au tusitusiga paia. O le a lau mea e fai?

  1. Faitau le faitauga sa e faia i le aso Sa.

  2. Ao saili mo au tusitusiga paia, e te mauaina lau tusi sili ona fiafia i ai. Tolu sefulu minute mulimuli ane e te manatua ia tusitusiga paia ma faitau faatopetope se fuaitau puupuu ao lei tapeina moli.

  3. Ua e vaai uma i au tusitusiga paia ma lau tusi sili ona fiafia i ai, ae filifili e tuu atu i le Tama Faalelagi le faamuamua ma faia se tatalo faatopetope ae e te lei amata ona faitau. E te tusia i lalo nisi o ou manatu a o e suesue, ma e te toe faatetai atu ia te Ia i le tatalo ae e te lei moe.

Taunuuga!

Afai na tele lou taliina o le (a), atonu e te manao ia faatele teisi le liliu atu o lou taulaiga i isi. Ia manatua, o le foai atu ma le auauna atu i isi o le a aumaia le olioli sili i tagata uma o e sa aofia ai (tagai Mataio 25:34–46).

Afai na tele lou taliina o le (e), mafaufau e faapea “ua maua fua e outou, ia outou foaifuaina atu” (Mataio 10:8). Mafaufau i le pe mafai faapefea e le naunau atili e tuuina atu ona fesoasoani ia te oe e saili le olioli silisili atu.

Afai na tele lou taliina o le (i), ia tumau ai! E faaali mai e au amio le agaga moni o le Kerisimasi.

Mafaufau i le auala e mafai ai ona e tuuina atu ni meaalofa ma le loto atoa ia i latou o siomia oe i lenei vaitau o le Kerisimasi. E ui i au taleni, e mafai ona e mauaina se auala e faaali atu ai le alofa ma le talisapaia mo isi e ala uma i meaalofa e te avatu ma le auala e te avatu ai na meaalofa i aso taitasi. O le foai atu e avea o se faamanuiaga ma e le o se galuega pe a tatou malamalama e ala i le auauna atu i isi, o loo tatou auauna moni lava i lo tatou Tama Faalelagi (tagai Mosaea 2:17).