Reirei ni Katanga te Kuna inanon 10 te miniti!
Ngkana ko tuai man katanga te biano mai imwaina ma ko rang n tangiria ni katangnga, aio am tai. Te bwai ae ko kainnanoia bon tii te kiiboote nikatangitang. E aoria ngkana bon akea ni mweengam, ko kona n uota te bwai aei nakon te tabo are iai te biano iai ke te kiiboote ni moana reiakinana.
Te reirei aei e rang beebete ao e aki kanganga n te aro are ko na kona ni katanga te kuna ngkana e bane. Te koaua, ko kona ni katanga te kuna n eena n te reirei aei inanon 10 te miniti!
Tauraoi ? Tia waaki!
Tauraoi ni Katanga te Biano
-
Ngkai ko tekateka n te biano ao ko katokai tabonibaim iaon te kiiboote, kakerikaaka te kaintekateka ni kataua raroana bwa aonga bubuan baim ni kona ni baoua teutana.
-
Tekateka i nukan raoi te kaintekateka, ni kainetiko ma nuukana raoi te kiiboote.
-
Tekateka i mangeen te kaintekateka ni kaeta nuukam ao rawatam nako mooa.
-
Katikui waem iaon tano.
-
Kamwengaraoiko tekateka, ni kateimatoa teim ae tamaroa.
-
Taraia raoi bwa e tau te ota nakoim bwa ko aonga n noora te kuna iaon te kiiboote.
-
Teei. Katinei baim irarikim ao kamarauii. Tara raoi teinbaim bwa ae e na tibu, ae kaanga aron tauan te booro. Ngkai ko manga tekateka, katokai tabonibaim iaon te kiiboote, ni kateimatoa aroia n tibu.
-
Taua nen baim i etan te kiiboote, taona tabonibaim n riinga nuukan te bwatin are e mainaina iaon te kiiboote. Mwemweka nanon baim i etan te kiiboote, ma tai katokai iaon taian bwatin ke te kai are i nano iaan taian bwatin akanne.
-
Taona te bwatin ni kaina ma tabonibaim. Kateimatoa mwanuun tabonibaim, n tabetabekia man toman nako tabonibaim. Ngkai ko taoni bwatin, kateimatoai tabonibaim bwa a na mwanuu.
Katangitang man Nambwa: (katanga te biano) ma Tabonibaim
Ni buokam ni katokai tabonibaim iaon bwatin aika eti, tabonibaim a nambwanaki n aron ae oti ikai. Tabonibaim a nambwanaki nakon te nooti iaon te iteraniba.
Tabeki baim i etan kurubu ni bwatin ake nimaua, n taui tabonibaim i etan te bwatin teuana. Kataneiai tabonibaim ma nambwa ni katangi bwatin ma tabonibai aika eti n aron ae kaotaki. Nootin te rain aika eti ake a waerake bon ibukin baim te angatai. Nooti rain aika eti ake a ruorikaaki bon ibukin baim te angamaing.
Katanga “Te Tabuki E Raroa”
Katokai baim iaon te kiiboote n aron ae kaotaki inano.
Kabonganai kurubu ni bwatin aika roro uoua ao teniua bwa ana buokiko ni kaea nnem ae eti.
Katanga te kuna aei, n iriiri tabonibaim man nambwa aika kaotaki. Nooti ma rain ake a waerake ibukin baim te angatai, ao nooti ma rain ake a ruorikaaki ibukin te maing. Kataneiai ma te kuna ni karokoa ko mweengaraoi iai ma ngaia. Kabongana taian tekiniki n reirei iai tabonibwai aika raraoi are e koreaki inanon ruaiwa n te riiti.
Ngkai e a tia ni kaotaki nakoim aron katangan te biano ae beebete aron reiakinan katangan te kuna. Ni katangan taian kuna, ko riai n reiakina reirei tabeua aika beebete n taekan biribirina, riitem, ao nooti.
Aio te mwakoro ae rang tikiraoi: te reirei are ko a tibwa reiakinna bon te reirei n te Kooti iaon te Kiiboote n te Ekaretia, tauraoi n taetae aika onoua man ana tabo n tibwatibwa te Ekaretia.1 Te kaetieti ae beebete iriirakina e na buokiiko n reiakinna i bon iroum ao n te kurubu. Ko na kona naba ni kairiia am utu ni kabane bwa a na reiakina katangan te biano n ikotaki bwa e na riki bwa te waaki ni kakukurei n tain te kainutu n te tairiki. E na tauraoi te kooti inanon tii onoua te wiiki.
Mwaitin kamatebwai ake a kaotaki bwa reiakinan te katangitang iroun temanna e buoka katamaroan ana iango ataein te reirei ngkana ananona, tamaroan ana waaki n te wanawana, ao n iango.2
Man reiakinan te rabakau aikai, ti kona ni karikirakea te tarena are e anganiira te Uea, karikirakea te ataibwai, ao reiakin kawai aika kakaokoro ake ti kona ni kabongana wanawanara ao ara tarena ni katean Abanueana.