Taian Uaatiman iaon te Taua
Taian Uaatiman
Uaatiman bon taan tantani aika a ana taratara mai iaon te o ke inanon te taua bwa aonga ni kona n atai ao n anga te kauring n taian kangaanga man taabo aika raroa. A kamwakuraki bwa ana kamanoi taian kaawa n raonaki ma nnen kureebe, marae n ununiki, ke uteute.
Aekakin nako Taua
A kateaki n tainako taua inanon oon te kaawa n taian mataroa ke n taian koona (taraa 2 Rongorongo 26:9). Mataroan ao koonan taian taua e karekea te tabo ae rietata are ko kona n noori iai kangaanga ao ni kaitarai aia buaka ai iaia (taraa 2 Rongorongo 26:15).
Taua aika tauraoi ma bwai ni buaka n taainako bon kateitei aika akea kamatoakiia aika kateaki iaon taabo aika rietaata ke n taabo aika a tia ni baireaki. N tabetai a bon tau buburaia n riki bwa te tabo ni katantan ibukiia kaain te kaawa ni kabane ngkana a buakanaki (taraa Tani Motikitaeka 9:46–52).
Taian n taua ni n nen taian kureebe, nne n aroka, ke te uteute bon kateitei aika uarereke aika kateaki bwa ana buoka kawakinakiia maan ao nanai mai irouia taan ira ao mairouia maan (taraa 2 Rongrongo 26:10; Itaia 5:2; 27:3). N tainako, te tabo are inano bon te ruu are a kawakinaki iai bwaai ni mwakuri.
Taian Uaatiman iaon te Taua
Kam kona ni mataku ni katobibia te tabo man te tabo ae rietata. Ngkai ana toro te Atua ae e a tia ni weteia ao n anganiia te kariakaki, burabeti a kaokoroaki man te aonaaba, ni kaan riki nako Ina, ao a kariakaki bwa ana noori bwaai man te taratara riki mai i karawa.
N noori bwaai aika aki kona n nooraki irouia aomata. “Ma e kona te tia mamata n atai kanoan bwaai aika a tia n riki, ao bwaai naba aika a na riki, ao mairouia are a na kaotiotaki iai bwaai, ke are a na kaotaki iai bwaai aika a raba, ao a na atai bwaai aika a karabaki, ao a na kaotaki bwaai ake a ataaki irouia, ao a na kaotaki bwaai riki tabeua irouia are a na bon aki ataaki ngke akea ngaia” (Motiaea 8:17).
A tatauraoi n tainako. Iai tabeia ae kakawaki burabeti ni kauringiira ni bwaai aika ana riki, ao ana teimatoa ni karaoia n aki tabe ma aia iango aomata ke mwaingingiia aomata.
Kauring ni bwaai ngkai a teimatoa n raroa nako. “Te burabeti e aki kukurei n te bure ao e a kaman taekina rekenikaia. Bon te tia tataekina te raoiroi. N taai aikai, ao a kona burabeti ni kairaki mai ieta n tataekin kanoan taai aika ana roko ibukin kabwaiaia aomata” (Guide to the Scriptures, “Prophet,” lds.org/scriptures/gs).
A anga te kamanoaki ao te kawakinaki. Man te ongotaeka nakon aia taeka ni kauring burabeti, ti kona ni kunea te kamanoaki ao n totokoi kangaanga aika ti na kaitara ma ngaai, n tatabemanira ke n te kurubu ngkana ti aki ongo.