Ngaahi Fakakaukau Maʻá e Efiafi Fakafāmili ʻi ʻApí
ʻOku ʻi he makasini ko ʻení ha ngaahi fakamatala mo e ngaahi ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. Ko ha sīpinga ʻeni ʻe taha.
“Tatau ai pē, Kapau ʻOkú ke Mā,” peesi 60: Te mou lava ʻo fakaʻaongaʻi hoʻomou efiafi fakafāmili ʻi ʻapí ke vahevahe ai ʻa e ongoongoleleí! Aleaʻi fakafāmili ʻa e ngaahi manavasiʻi ʻokú ne fakafaingataʻaʻiaʻi koe ke vahevahe ʻa e ongoongoleleí. Te mou ala lotu fakafāmili ke tokoniʻi kimoutolu ʻe he ʻEikí ke mou ongoʻi loto lahi ʻi hono vahevahe ʻo e ongoongoleleí pea lotua leva pe ko hai te ke lava ʻo fakaafeʻi ki he efiafi fakafāmili ʻi ʻapí. Fakakaukau ke fakaafeʻi ʻa e mēmipa takitaha ʻo e fāmilí ke nau fai ha fakamoʻoni he lolotonga e lēsoní. Mahalo te ke fili ke akoʻi ha lēsoni fekauʻaki mo e Fakafoki mai ʻo e Ongoongoleleí pe ko e palani ʻo e fakamoʻuí. Fakakaukau ke ke hiki hoʻo aʻusiá mo e ngaahi ongó ʻi hoʻo tohinoá.